અમેરિકામાં ભારતીય પરિવાર મૃત હાલતમાં મળી આવ્યો
અમેરિકાના ન્યુ જર્સીમાં ભારતીય મૂળના પતિ-પત્ની અને તેમના બે સગીર બાળકો તેમના જ ઘરમાં મૃત હાલતમાં મળી આવ્યા છે. ન્યુ જર્સી પોલીસ આ કેસની હત્યા તરીકે તપાસ કરી રહી છે.
પ્લેન્સબોરો પોલીસ વિભાગે જણાવ્યું કે મૃતકોની ઓળખ તેજ પ્રતાપ સિંહ (43) અને તેની પત્ની સોનલ પરિહાર (42) તરીકે કરવામાં આવી છે. દંપતીના 10 અને 6 વર્ષના બાળકો પણ મૃત હાલતમાં મળી આવ્યા હતા.
ગુના અંગે, મિડલસેક્સ કાઉન્ટી પ્રોસિક્યુટર યોલાન્ડા સિક્કોન અને પ્લેન્સબોરો પોલીસ વિભાગના વડા ઇમોન બ્લાન્ચાર્ડે જણાવ્યું હતું કે પોલીસ હત્યાના એંગલથી મૃત્યુના કારણની તપાસ કરી રહી છે. અહેવાલો અનુસાર, અધિકારીઓને 4 ઓક્ટોબરની સાંજે પ્લેન્સબરોમાં 911 પર કોલ આવ્યો હતો. તપાસ કરવા પહોંચેલી પોલીસને ઘરની અંદરથી ચાર મૃતદેહો મળી આવ્યા હતા. મૃતદેહોનું પોસ્ટમોર્ટમ કરવામાં આવી રહ્યું છે. પોલીસે એવી પણ અપીલ કરી છે કે જેને આ કેસ સંબંધિત માહિતી હોય તેઓ પ્લેન્સબોરો પોલીસ વિભાગનો સંપર્ક કરે.
મીડિયા રિપોર્ટ્સમાં કહેવામાં આવ્યું છે કે તેમની LinkedIn પ્રોફાઇલ અનુસાર, તેજ નેસ ડિજિટલ એન્જિનિયરિંગ માટે લીડ એપીઆઇએક્સ એન્જિનિયર તરીકે કામ કરતા હતા. સંબંધીઓના જણાવ્યા અનુસાર, તેજ આઈટી પ્રોફેશનલ હતો, જ્યારે તેની પત્ની સોનલ પરિહાર એચઆર પ્રોફેશનલ હતી. બાળકોમાંથી એક વિકોફ અને એક મિલસ્ટોન રિવર સ્કૂલમાં ભણતો હતો. અહેવાલો અનુસાર, તેજ સિંહ અને સોનલ પરિહારે ઓગસ્ટ 2018માં લગભગ રૂ. 5.28 કરોડમાં તેમનું ઘર ખરીદ્યું હતું.
