પાકિસ્તાનના ડેરા ગાઝી ખાનમાં જોરદાર વિસ્ફોટ થયો છે. આ વિસ્ફોટ પાકિસ્તાનના સૌથી મોટા પરમાણુ પ્લાન્ટ પાસે થયો હતો. કહેવામાં આવી રહ્યું છે કે બ્લાસ્ટ પાછળ ડ્રોન હુમલાની આશંકા છે. મોટી સંખ્યામાં સુરક્ષા દળો, એમ્બ્યુલન્સ અને અગ્નિશામક વાહનોને ઘટના સ્થળ તરફ મોકલવામાં આવ્યા છે. આ બધું ત્યારે થયું છે જ્યારે તાલિબાને આ પરમાણુ એકમ પર હુમલાની અનેક ધમકીઓ આપી છે. જ્યાં વિસ્ફોટ થયો હતો ત્યાં યુરેનિયમ પ્લાન્ટ પણ આવેલો છે. આ જ કારણ છે કે પાકિસ્તાન સેનાએ સમગ્ર વિસ્તારમાં કડક સુરક્ષા જાળવી રાખી છે.
જોકે પાકિસ્તાનના પંજાબ પ્રાંતના દક્ષિણી વિસ્તારમાં સ્થિત ડેરા ગાજી ખાન જિલ્લામાં બ્લાસ્ટ થયો છે. અહીંયા પાકિસ્તાનના પરમાણું પ્લાન્ટ છે. વિસ્ફોટનો પ્રભાવ ઘટનાસ્થળથી ઘણા કિલોમીટર દૂર સુધી અનુભવાયો હતો. હાલ આ વિસ્ફોટના કારણો જાણી શકાયા નથી. પરંતુ તહરીક-એ-તાલિબાનના આતંકવાદીઓએ સતત આ પરમાણું અડ્ડાઓને ઉડાવી દેવાની ધમકી આપી હતી. ત્યારથી આ પરમાણું અડ્ડાઓ અત્યંત સુરક્ષાના ઘેરામાં છે.
પાકિસ્તાની લોકોનું કહેવું છે કે આ વિસ્ફોટ ન્યુક્લિયર બેઝની અંદર થયો હતો, જ્યારે પાકિસ્તાની મીડિયાએ આ વાતને નકારી કાઢી છે. વિશ્લેષકોનું કહેવું છે કે આ વિસ્ફોટને છુપાવવાનો પાકિસ્તાનનો પ્રયાસ હોઈ શકે છે. પાકિસ્તાન પર નજર રાખનારા વિશ્લેષક એફજેએ ટ્વિટર પર એક વીડિયો શેર કર્યો છે જેમાં બ્લાસ્ટ બાદ વાહનો ભાગતા જોવા મળે છે. ઘણા લોકોએ ટ્વીટ કરીને ન્યુક્લિયર બેઝ પાસે વિસ્ફોટની પુષ્ટિ કરી છે. પાકિસ્તાનના ડેરા ગાઝી ખાન વિસ્તારને TTP આતંકવાદીઓનો ગઢ માનવામાં આવે છે.
આ પણ વાંચો :-
સુરતમાં GST વિભાગનો સપાટો, ચૌટા બજાર અને રીંગરોડ વિસ્તારમાં દરોડા
સુરતમાં લવ જેહાદની ઘટનામાં આરોપી સગીરા સાથે દુષ્કર્મ આચરી જબરદસ્તીથી ધર્મ પરિવર્તન કરાયું