Home Blog Page 880

૦૬ ડિસેમ્બર, ૨૦૨૩/ શત્રુપક્ષથી રાખવી સાવધાન, ખોટા ખર્ચા ઉપર રાખવો કાબૂ, આ જાતકોને બુધવારે થશે ધનપ્રાપ્તિ, જુઓ આજનું રાશિ ભવિષ્ય

admin
-
0

મેષઃ ‌

દિવસની શરૂઆત આનંદથી થતી જણાય. બપોર સુધી આવક પણ જળવાય. બપોર પછી આવક ઓછી થતી જણાય અને ત‌બિયતમાં પણ અસ્વસ્થતા જણાય. શરદી ખાંસી થાક લાગવાની તકલીફ જણાય. ધંધામાં પ્રગ‌તિ.

વૃષભઃ

સ્વભાવમાં થોડી ઉગ્રતા જણાય. ‌સિદ્ધાંતવાદી વલણ વધે. આ‌‌ર્થિક મોરચે ફાયદો થતો જણાય. પ‌રિવારમાં આનંદ. પ્રમેદનું વાતાવરણ પેદા થાય. માતૃસુખ સારૂ નોકરી-ધંધામાં પ્રગ‌તિ સ્વાસ્થય. જળવાય. ‌

મિથુનઃ

કોઈ બનાવી ન જાય એનું ધ્યાન રાખવું. સરકારી કામકાજ, લખાણ બરોબર વાંચીને કરવું. નાણાંકીય લાભ મેળવી શકાશે. પ‌રિવારમાં આનંદ. સંતાનની પ્રગ‌તિ થતી મન હરખાય. વાહન સુખ મળે. નવા રોકાણો યોગ્ય રીતે કરી શકાય.

કર્કઃ

આજનો ‌દિવસ તમામ રીતે આનંદ ઉત્સાહ લઈને આવ્યો છે. આવકમાં વધારો થાય. પ‌રિવારના તમામ સભ્યો વચ્ચે એકરાગીત જળવાશે. નોકરી-ધંધામાં ‌મિશ્ર ફળ મળે. આરોગ્ય સારૂં રહેશે. માત્ર જમણી છાતીનું કાળજી રાખવી.

‌સિંહઃ

મનમાં ચંચળતા રહે. આપનું મ કોઈ કળી શકે નહીં. નવા ‌‌મિત્રો બનશે. જુના ‌મિત્રોને મળવાનું થાય. ‌પ્રિય પાત્ર સાથે પ્રેમ જળવાશે. જીવનસાથીની પ્રગ‌તિથી આનંદ. ધંધામાં પ્રગ‌તિ, સત્તા, હોદ્દો, માનમાં વધારો થાય.

કન્યાઃ ‌

દિવસ દરમ્યાન આનંદ ઉત્સાહમાં વધારો થતો જણાય. માન‌સિક શાં‌તિ અનુભવાય. નાણાંની આવક અંગે મધ્યમ ‌દિવસ છે. પ‌રિવારના સભ્યોની પ્રગ‌તિ થતી જણાય. નોકરી-ધંધામાં ફાયદો થતો જણાય. માથાનો દુઃખાવો રહે.

તુલાઃ ‌

વિદેશના સંબંધો તરફથી લાભ મળતો જણાય. ‌વિદેશ જવાની વ્યવસ્થાનું આયોજન થથું જણાય. માન‌સિક સંતોષ રહેતો જણાય. પ‌રિવારના સભ્યોના આરોગ્યની ‌ચિંતા રહે. નોકરીમાં બઢતી અને ધંધામાં પ્રગ‌તિ શક્ય બને.

વૃ‌શ્ચિકઃ

સ્વભાવમાં થોડી ઉગ્રતા જણાય. ‌સિધ્ધાંવાદી વલણ રહે. આ‌‌ર્થિક દૃ‌ષ્ટિએ સારો ‌દિવસ. માત-‌પિતા સાથે મનમેળ રહે. નવા રોકાણો ફાયદા કાર નીવડે. વાહન સુખ ‌મિલકત સુખમાં વધારો થાય. સ્વાસ્થય જળવાય.

ધનઃ

માન‌સિક રીતે અસંતોષની ભાવના પેદા થાય. નાના ભાઈ બહેનો સાથે સારૂં કાર્યક્ષેત્રે સફળતા મળતી જણા. પ‌રિવાર પ્રત્યે ઉદાસીના વર્તાય. ભાગ્ય બળવાન છે. નોકરીમાં બઢતી અને ધંધામાં પ્રગ‌તિ અનુભવાય.

મકરઃ

માન-સન્માનમાં વધારો થતો જણાય. નાણાંકીય બાબતો અંગે સંતોષ. પ‌રિવામાં આનંદ, સ્થાવર જંગમ ‌મિલકતના રોકાણોમાં સાનુકુળતા જણાય. સંતાનના પ્રશ્નો ઉકેલાય. સંતાન તરફતી પ્રેમ મળતો જણાય. આરોગ્ય સારૂં.

કુંભઃ

આ‌‌ર્થિક બાબતો અંગે શુભ ‌દિવસ છતાં આજે કોઈને ઉધાર આપવું નહીં, નાણાં ઉછીના આપા નહીં. પૈસા ફસાઈ ન જાય એનું ધ્યાન રાખવું. શરદી-ખાસી તાવનો ઉપદ્રવ રહે. ‌દિવસનાં પૂર્વાર્ધમાં ધંધા બાબતે સારૂં.

મીનઃ

આનંદ-ઉત્સાહ સભર ‌દિવસ જણાય. આ‌‌ર્થિક પાસુ મજબુત બને. પ‌રિવારના સ્ત્રીવર્ગને સફળતા મળતી જણાય. પ‌ત્નિ સાથે ઉત્તમ પ્રેમ જળવાશે. ધંધાકીય બાબતોમાં સાચવવું. ‌વિચારીને ‌નિર્ણયો લેવાની સલાહ છે.

આ પણ વાંચો :-

• CIDમાં ઇન્સપેટર ‘ફ્રેડરિક’નો રોલ નિભાવનાર એક્ટરનું નિધન

• સુરતમાં ઓછા કેરેટના દાગીના પધરાવતી ગેંગ ઝડપાયું

કરણી સેના પ્રમુખ સુખદેવસિંહ ગોગામેડીની હત્યા, લોરેન્સ બિશ્નોઇ ગેંગે લીધી હત્યાની જવાબદારી

admin
-
0

રાજસ્થાનની રાજધાની જયપુરમાં શ્રી રાષ્ટ્રીય રાજપૂત કરણી સેનાના અધ્યક્ષ સુખદેવ સિંહ ગોગામેડીની તેમના ઘરમાં જ ગોળી મારીને હત્યા કરાઈ છે. ઘટનાના સીસીટીવી સામે આવ્યા છે, જેમાં હત્યારા ગોગામેડી સાથે સોફા પર બેઠેલા જોવા મળે છે અને તે અચાનક ગોગામેડી અને તેની સાથેના લોકો પર ધડાધડ ફાયરિંગ કરવા લાગે છે. ઘટનાને લઈને રાજસ્થાન અને સમગ્ર દેશમાં હડકંપ મચી ગયો છે. હુમલાખોરોની શોધખોળ ચાલી રહી છે. લોરેન્સ બિશ્નોઈ ગેંગના ગેંગસ્ટર રોહિત ગોદારા અને ગોલ્ડી બરારે સુખદેવ સિંહ ગોગામેડીની હત્યાની જવાબદારી લીધી છે.

ગેંગસ્ટર રોહિત ગોદારાએ ટ્વીટ કરીને કહ્યું કે, રામ રામ તમામ ભાઈઓને. હું રોહિત ગોદારા કપૂરીસર, ગોલ્ડી બરાર. ભાઈઓ આજે જે આ સુખદેવ સિંહ ગોગામેડીની હત્યા થઈ છે. તેની સંપૂર્ણ જવાબદારી અમે લઈએ છીએ. આ હત્યા અમે કરાવી છે. ભાઈઓ તમને જણાવવા માંગું છું કે, આ અમારા દુશ્મનો સાથે મળીને તેમને સહયોગ કરતો હતો. તેને પૂર્ણ રીતે મજબૂત કરવાનું કામ કરતો હતો અને રહી વાત અમારા દુશ્મનોની તો તેઓ પોતાના ઘરના અર્થી તૈયાર રાખે. જલ્દી જ તેમની સાથે પણ મુલાકાત થશે.

રાજસ્થાનના જયપુરમાં કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડી હત્યાથી રાજપૂત સમાજમાં રોષ છે. કેન્દ્રીય મંત્રી ગજેન્દ્ર સિંહ શેખાવતે ટ્વિટ કરીને કહ્યું કે, શ્રી રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ શ્રી સુખદેવ સિંહ ગોગામેડીજીની હત્યાના સમાચારથી સ્તબ્ધ છું. આ સંદર્ભમાં પોલીસ કમિશનર પાસેથી માહિતી લીધી છે અને આરોપીઓની જલ્દીથી ધરપકડ કરવા કહ્યું છે. સમાજના લોકોને શાંતિ અને ધીરજ રાખવી પડશે. ભાજપ સરકારે શપથ લેતા જ રાજ્યને ગુનામુક્ત કરવું અમારી પ્રાથમિકતામાં છે. ગોગામેડીજીની આત્માને પ્રભુ શાંતિ આપે. પરિવારજનો અને સમર્થકો-શુભચિંતકોને હિંમત મળે.

આ પણ વાંચો :-

ભારતના નવા નૌસેના ઉપ પ્રમુખ બનશે વાઇસ એડમીરલ દિનેશ ત્રિપાઠી

admin
-
0

ભારત સરકારે એડમિરલ દિનેશ.કે.ત્રિપાઠીને ભારતીય નૌકાદળના વાઈસ ચીફના પદ પર બઢતી આપી છે. તેઓ આવતા વર્ષે જાન્યુઆરીમાં ચાર્જ સંભાળશે. દિનેશ ત્રિપાઠી હાલમાં વેસ્ટર્ન નેવલ કમાન્ડના ફ્લેગ ઓફિસર કમાન્ડિંગ-ઈન-ચીફ તરીકે સેવા આપી રહ્યા છે. દિનેશ ત્રિપાઠી નેવલ ફિલ્ડમાં ઘણા અનુભવો ધરાવે છે, તેઓ અગાઉ ચીફ ઑફ પર્સનલ, ફ્લીટ કમાન્ડર અને ભારતીય નૌકાદળના ફ્રન્ટ લાઈન ડિસ્ટ્રોયર્સના કમાન્ડના હોદ્દા સંભાળી ચૂક્યા છે.

જ્યારે નૌકાદળના ડેપ્યુટી ચીફ વાઈસ એડમિરલ એસ.જે. સિંહને પશ્ચિમી નેવલ કમાન્ડના ફ્લેગ ઓફિસર કમાન્ડિંગ-ઈન-ચીફ તરીકે નિયુક્ત કરવામાં આવ્યા છે. આ બંને નિમણૂકો નવા વર્ષની શરૂઆતમાં અમલમાં આવશે. અન્ય નોંધપાત્ર ફેરફારમાં વાઈસ એડમિરલ શ્રીનિવાસ વેન્નમનો સમાવેશ થાય છે, જેઓ હાલમાં ન્યુક્લિયર સેફ્ટી ઈન્સ્પેક્ટર જનરલ તરીકે સેવા આપે છે. તેમને સધર્ન નેવલ કમાન્ડના ફ્લેગ ઓફિસર કમાન્ડિંગ-ઈન-ચીફ તરીકે નિયુક્ત કરવામાં આવ્યા છે.

આ નિમણૂકો મહારાષ્ટ્રના સિંધુદુર્ગમાં નૌકાદળ દિવસની ઉજવણી વચ્ચે થઈ છે, જેમાં વડાપ્રધાન નરેન્દ્ર મોદીએ સોમવારે ભાગ લીધો હતો. સિંધુદુર્ગ કિલ્લાના ઐતિહાસિક મહત્વને દર્શાવતા વડાપ્રધાન મોદીએ કહ્યું કે, “સિંધુદુર્ગની વિજયી ભૂમિ પરથી નેવી ડેની ઉજવણી ખરેખર અભૂતપૂર્વ ગર્વની ક્ષણ છે.  ભારતના ભાગ્યને ઘડવામાં નૌકાદળની મહત્વપૂર્ણ ભૂમિકા પર ભાર મૂકતા પીએમ મોદીએ વધુમાં કહ્યું કે, આ ભારતીય ઈતિહાસનો સમયગાળો છે જે માત્ર ૫-૧૦ વર્ષ જ નહીં પરંતુ આવનારી સદીઓ માટે દેશનું ભવિષ્ય લખશે.

આ પણ વાંચો :-

સુરતમાં ફરી એક વાર લાખોની MD ડ્રગ્સ સાથે બે પકડાયા

admin
-
0

ગુજરાતમાં ઠેક-ઠેકાણેથી ડ્રગ્સનો વેપલો કરતા લોકો ઝડપાઈ રહ્યા છે. પોતાના જીવનને સુખ-સાહેબીમાં વ્યતીત કરવા માટે થઈને અન્યોના જીવતર સાથે ચેડાં કરતા આવા લોકોને ડામવા સુરત પોલીસ પણ કમર કસી રહી છે. તેવામાં ફરી એક વાર સુરતના રાંદેરમાં ડ્રગ્સ વેચતા એક મિયાં-બીવી ઝડપાયા છે. અયુબખાન પઠાણ અને ફરઝાના પઠાણ પોતાના મોજ-શોખ પુરા કરવા માટે ડ્રગ્સનો વેપાર કરતા હતા. પોલીસે બાતમીના આધારે બંનેની ધરપકડ કરીને જેલના સળિયા ગણતા કરી દીધા છે.

ડ્રગ્સનો જથ્થો મળી આવ્યા બાદ રાંદેર પોલીસે અયુબખાન રશિદખાન પઠાણ અને તેની બીવી ફરઝાનાબીબી અયુબખાન પઠાણને ઝડપી લીધા હતા. બંને આરોપીઓ સુરતના અલગ અલગ વિસ્તારમાં અવાવરું જગ્યામાં મેફેડ્રોન ડ્રગ્સનો  વેપલો કરતા હોવાની બાતમી પોલીસને મળી હતી. મળેલી બાતમીના આધારે રાંદેર પોલીસે તાડવાડી ગોમતીનગર મકાન નંબર બી-૨૨માં રહેતા અયુબખાન પઠાણને ત્યાં દરોડા પડ્યા હતા. આ દરોડા દરમિયાન પોલીસને ડ્રગ્સનો જથ્થો પણ મળી આવ્યો હતો.

આ બંને પાસેથી પોલીસે ૧ લાખ કરતા વધુની કિંમતનું MD ડ્રગ્સ જપ્ત કર્યું હતું. બંને પેડલર્સની ધરપકડ બાદ પોલીસે તેમની પૂછપરછ આદરી હતી. મુંબઈ ખાતે રહેતી જુબેદા ખાતુન મેમણ નામની મહિલા તેમને ટકલા નામના વ્યક્તિ દ્વારા આ ડ્રગ્સનો જથ્થો પૂરો પાડતી હતી. આ બંને લોકો ડ્રગ્સ મેળવ્યા બાદ પોતાની ગાડીમાં તેનો વેપલો કરતા હતા.

પૂછપરછમાં બે નવા નામ સામે આવતા પોલીસે ટકલા તેમજ જુબેદા ખાતુનને ભાગેડુ જાહેર કરીને બંનેને ઝડપી લેવા કાર્યવાહી હાથ ધરી છે. આ દરમિયાન પોલીસે ઝડપાયેલા પેડલરોની ગાડી પણ જપ્ત કરી લીધી છે. પોલીસ તપાસમાં અન્ય એક તબસ્સુમ ઉર્ફે ઝોયા તાહિર દિવાન નામની મહિલાનું પણ નામ ખુલ્યું હતું, પોલીસે તેને પણ વોન્ટેડ જાહેર કરી છે.

આ પણ વાંચો :-

ગોરખપુર મેડિકલ કોલેજના પૂર્વ ડૉક્ટર કફીલ ખાનના વિરુદ્ધ નોંધાઈ FIR

admin
-
0

ગોરખપુર મેડિકલ કોલેજના પૂર્વ ડૉક્ટર કફીલ ખાન ફરી એકવાર મુશ્કેલીમાં આવી શકે છે. લખનૌના કૃષ્ણનગર પોલીસ સ્ટેશનમાં તેની વિરુદ્ધ FIR દાખલ કરવામાં આવી છે. જેમાં કફીલ ખાન પર આરોપ લગાવવામાં આવ્યો હતો કે તે અને તેના સહયોગીઓ સરકાર વિરુદ્ધ ષડયંત્ર રચી રહ્યા છે અને રમખાણો ફેલાવી શકે છે. એવો પણ આરોપ છે કે, કફીલ ખાને પોતાના પુસ્તકમાં સરકાર વિરોધી અને ભડકાઉ વાતો લખી છે. હાલ પોલીસે સમગ્ર મામલાની તપાસ શરૂ કરી છે.

ડૉ. કફીલ ખાન વિરુદ્ધ કલમ ૧૫૩-B, ૧૪૩, ૪૬૫, ૪૬૭, ૪૭૧, ૫૦૪, ૫૦૫, ૨૯૮, ૨૯૫, ૨૯૫-A હેઠળ FIR નોંધવામાં આવી છે. કફીલ ખાન પર યોગી સરકારને ઉથલાવવા માટે રમખાણો ભડકાવવાનો પ્રયાસ કરવાનો આરોપ છે. ફરિયાદી મનીષ શુક્લાએ પોતાની ફરિયાદમાં દાવો કર્યો છે કે ગોરખપુર દુર્ઘટના પર ‘ગુપ્ત પુસ્તક’ આ જ હેતુથી ગુપ્ત રીતે ફેલાવવામાં આવી રહ્યું છે. ફરિયાદીએ આરોપ લગાવ્યો છે કે ‘ચાર-પાંચ લોકો ડૉ. કફીલ ખાન અને તેમના દ્વારા લખાયેલા પુસ્તકના નામે તોફાન કરવાની વાત કરી રહ્યા હતા. મનીષની ફરિયાદના આધારે ૧ ડિસેમ્બરે કૃષ્ણનગર પોલીસ સ્ટેશનમાં કફીલ ખાન અને ચાર-પાંચ અજાણ્યા લોકો વિરુદ્ધ FIR નોંધવામાં આવી હતી.

આ પણ વાંચો :-

પાકિસ્તાનના ખૈબર પખ્તુનખ્વામાં IED બ્લાસ્ટ, ત્રણ બાળકો ઘાયલ

admin
-
0

પાકિસ્તાનના ખૈબર પખ્તુનખ્વા પ્રાંતમાં IED વિસ્ફોટમાં ત્રણ બાળકો સહિત ચાર લોકો ઘાયલ થયા હતા. પ્રાંતીય રાજધાની પેશાવરમાં એક શાળા પાસે સવારે ૦૯.૧૦ વાગ્યે વિસ્ફોટ થયો હતો. વિસ્ફોટ માટે રોડ કિનારે ‘સિમેન્ટ બ્લોક્સ’માં રાખવામાં આવેલા ઓછામાં ઓછા ૪ કિલો વિસ્ફોટકોનો ઉપયોગ કરવામાં આવ્યો હતો. વિસ્ફોટની માહિતી મળતા જ પોલીસ અને બચાવ ટીમને ઘટનાસ્થળે મોકલવામાં આવી હતી. સાતથી ૧૦ વર્ષની ઉંમરના ઘાયલ બાળકોને ખાનગી હોસ્પિટલમાં દાખલ કરવામાં આવ્યા છે.

પેશાવર લેડી રીડિંગ હોસ્પિટલના પ્રવક્તાએ જણાવ્યું છે કે બે બાળકોની હાલત ગંભીર છે. ખરેખર કોને ટાર્ગેટ કરવામાં આવ્યા છે એ પણ પોલીસ દરેક એંગલથી તપાસ કરી રહી છે. પાકિસ્તાનમાં આતંકવાદી પ્રવૃત્તિઓ ફૂલીફાલી રહી છે અને ખૈબર પખ્તુનખ્વા પ્રાંત આતંકવાદી પ્રવૃત્તિઓથી ભારે પ્રભાવિત રહ્યો છે. એક અહેવાલ મુજબ, ખૈબર પખ્તુનખ્વા પ્રાંત નવેમ્બરમાં આતંકવાદી હુમલાઓથી સૌથી વધુ પ્રભાવિત થયો હતો, જેમાં ૫૪ મૃત્યુ અને ૮૧ ઇજાઓ સાથે ૫૧ હુમલા નોંધાયા હતા.

આ પણ વાંચો :-

રાજસ્થાનમાં રાષ્ટ્રીય રાજપૂત કરણી સેનાના પ્રમુખ સુખદેવ સિંહની હત્યા

admin
-
0

જયપુરમાં રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીની ગોળી મારીને હત્યા કરવામાં આવી હતી. અજાણ્યા બદમાશોએ રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડી પર ગોળીબાર કર્યો છે. બદમાશોએ શ્યામ નગર વિસ્તારમાં સુખદેવ સિંહ ગોગામેડીને ગોળી મારી. સુખદેવ સિંહ ગોગામેડીને ગંભીર હાલતમાં માનસરોવરની મેટ્રો માસ હોસ્પિટલમાં દાખલ કરવામાં આવ્યા છે. જ્યાં તબીબોએ તેને મૃત જાહેર કર્યો હતો. મંગળવારે, સ્કૂટી સવાર બદમાશોએ ગોગામેડી પર દિવસભર ગોળીબાર કર્યો હતો. પછી તેઓ ફરાર થઈ ગયા હતા.

મંગળવારે બપોરે લગભગ ૧:૪૫ વાગ્યે સુખદેવ સિંહ શ્યામ નગર જનપથ પર ગોગામેડી ઘરની બહાર ઊભા હતા. આ દરમિયાન એક સ્કૂટર પર બે બદમાશો આવ્યા હતા. બદમાશોએ ગોગામેડી પર બે રાઉન્ડ ફાયરિંગ કર્યું હતું. માહિતી મળતાં જ શ્યામનગર પોલીસ ઘટનાસ્થળે પહોંચી હતી. પોલીસે ઘટનાસ્થળે પહોંચીને મામલાની તપાસ હાથ ધરી છે.

સુખદેવ સિંહ ગોગામેડી લાંબા સમયથી રાષ્ટ્રીય કરણી સેના સાથે જોડાયેલા છે. ઘણા સમય પહેલા કરણી સેના સંગઠનમાં વિવાદ બાદ તેમણે રાષ્ટ્રીય રાજપૂત કરણી સેનાના નામથી અલગ સંગઠન બનાવ્યું હતું. ગોગામેડી તેના પ્રમુખ છે. તેઓ ફિલ્મ પદ્માવત અને ગેંગસ્ટર આનંદપાલ એન્કાઉન્ટર કેસ બાદ રાજસ્થાનમાં વિરોધ પ્રદર્શનને કારણે ચર્ચામાં આવ્યા હતા. આ મુદ્દાઓને લઈને તેમના ઘણા વીડિયો પણ વાયરલ થયા હતા.

આ પણ વાંચો :-

સુરતમાં ઓછા કેરેટના દાગીના પધરાવતી ગેંગ ઝડપાયું

admin
-
0

સુરત શહેરમાં જ્વેલર્સને છેતરતી ગેંગને પોલીસે પકડી પાડીને વધુ કાર્યવાહી હાથ ધરી છે. આ ગેંગે છેલ્લા પાંચ મહિનામાં સમગ્ર રાજ્યમાં ૨૦ જ્વેલર્સને બોગસ દાગીના આપી ૧૨ લાખથી વધુની છેતરપિંડી આચરી હોવાનું પોલીસને જાણવા મળ્યું છે. પોલીસે આ ગેંગના ૬ સાગરિતોને પકડી પાડીને ૧૦ લાખથી વધુની કિંમતના દાગીના કબજે કર્યાં છે. પોલીસે ૬ આરોપીઓની ધરપકડ કરીને વધુ કાર્યવાહી હાથ ધરી છે.

સુરતમાં ઉત્રાણ પોલીસે ઝડપેલા આરોપીઓ સોનાની ઓછી ગુણવત્તાવાળી ચેઈન પોતે જ બનાવતા હતાં. તેઓ ૯૧૬ હોલમાર્ક વાળી ચેઈનમાં સોનું ઓછું અને અન્ય ધાતુનું પ્રમાણ વધારે રાખીને સોનાની ચેઈન બનાવતાં હતાં. આ ચેઈન તેઓ રાજ્યમાં સોના ચાંદીની દુકાન ધરાવતાં વેપારીઓને ઉંચા ભાવે આપતાં અને તેના બદલામાં ૨૨ કેરેટની ઓરિજિનલ ચેઈન લેતા હતાં.

ઉત્રાણ પોલીસે આરોપીઓ પાસેથી સોનાની ચેઇન, કડી, ગીની, ટુકડી, તારનું ફીડલ અને પેડલ એમ કુલ ૧૦.૧૮ લાખ રૂપિયાનો મુદ્દામાલ જપ્ત કર્યો છે. હાલ તો તમામ આરોપીઓની ધરપકડ કરી આગળની કાર્યવાહી હાથ ધરવામાં આવી છે. આરોપીઓ દ્વારા રાજ્યભરના ૨૦ જેટલા જ્વેલર્સ સાથે છેતરપિંડી કરી હતી. ભોગ બનનારાઓમાં સુરત, વલસાડ , અમદાવાદ, રાજકોટ, જુનાગઢ , મોરબી,જામનગર, ગોંડલ અને અમરેલીમાં જવેલર્સનો સમાવેશ થાય છે. અસલી સોનાના નામે આ ટોળકી ખોટું સોનુ પધરાવી પૈસા પડાવી લેતી હોવાનો પોલીસે પર્દાફાશ કર્યો છે.

આ પણ વાંચો :-

વધું એક ખાલિસ્તાની આતંકીનું મોત

admin
-
0

પાકિસ્તાનમાં છુપાયેલા ખાલિસ્તાની આતંકવાદી લખબીર સિંહ રોડેનું મૃત્યુ થયું છે. ૨ ડિસેમ્બરે પાકિસ્તાનમાં હાર્ટ એટેકના કારણે લખબીર સિંહ રોડેનું નિધન થયું હતું. સમાચાર લીક થવાથી બચવા માટે લખબીર સિંહ રોડેના પાકિસ્તાનમાં શીખ રિવાજો મુજબ ગુપ્ત રીતે અંતિમ સંસ્કાર કરવામાં આવ્યા હતા. લખબીર સિંહ રોડે જરનૈલ સિંહ ભિંડરાનવાલેના ભત્રીજા છે.

લખબીર સિંહ રોડે પાકિસ્તાનની ગુપ્તચર સંસ્થા ISIના ઈશારે પંજાબમાં ભારત વિરુદ્ધ આતંકવાદી ગતિવિધિઓમાં સામેલ હતો. લખબીર પાકિસ્તાનમાંથી ભારતમાં પ્રતિબંધિત આતંકવાદી સંગઠનો ખાલિસ્તાન લિબરેશન ફોર્સ અને ઈન્ટરનેશનલ શીખ યુથ ફેડરેશન ચલાવતો હતો.

આ વર્ષે ઑક્ટોબર મહિનામાં પંજાબમાં નેશનલ ઈન્વેસ્ટિગેશન એજન્સીએ મોગાના કોઠે ગુરુપારા ગામમાં દરોડા પાડ્યા હતા. આ સમય દરમિયાન, લખબીર સિંહ રોડેની સંપત્તિ જપ્ત કરવામાં આવી હતી. આ ઉપરાંત, લખબીર સિંહ પર ગેરકાયદેસર પ્રવૃત્તિઓ (નિવારણ) અધિનિયમ, ૧૯૬૭ની કલમ ૩૩ (૫) હેઠળ કેસ દાખલ કરવામાં આવ્યો હતો. મહત્ત્વનું છે કે, લખબીર સિંહ રોડે પાકિસ્તાનમાં છુપાયેલો હતો અને તેને ISIનું સમર્થન હતું.

પંજાબની ગુપ્તચર એજન્સીઓએ માહિતી આપી હતી કે તેણે પંજાબમાં આતંક મચાવવા માટે ઘણા સ્લીપર સેલ તૈયાર કર્યા છે. દિલ્હીમાં લખબીર સિંહ રોડે વિરુદ્ધ કેસ નોંધવામાં આવ્યો હતો. જેના પર કોર્ટે તેની કુલ જમીનનો ૧/૪ ભાગ સીલ કરવાનો આદેશ આપ્યો હતો. કોર્ટના આદેશ પર કાર્યવાહી કરતા NIAની ટીમે તેની જમીન સીલ કરી અને તેના પર સરકારી બોર્ડ લગાવી દીધું. હાલ લખબીરનો પરિવાર કેનેડામાં રહે છે.

આ પણ વાંચો :-

CIDમાં ઇન્સપેટર ‘ફ્રેડરિક’નો રોલ નિભાવનાર એક્ટરનું નિધન

admin
-
0

લોકપ્રિય ટેલિવિઝન શો CIDમાં ફ્રેડરિક્સનું પાત્ર ભજવનાર અભિનેતાદિનેશ ફડનીસનું ૫૭ વર્ષની વયે અવસાન થયું છે. શોમાં દયાની ભૂમિકા ભજવનાર તેમના સહ અભિનેતા દયાનંદ શેટ્ટીએ તેના મૃત્યુના સમાચારની પુષ્ટિ કરી છે. દયાનંદ શેટ્ટીએ જણાવ્યું કે દિનેશે સોમવારે મધ્યરાતે અંતિમ શ્વાસ લીધા હતા. તેમને મુંબઈની તુંગા હોસ્પિટલમાં દાખલ કરવામાં આવ્યા હતા. તેઓ છેલ્લા કેટલાક દિવસોથી વેન્ટિલેટર પર હતા અને ઘણી સમસ્યાઓના કારણે ગઈકાલે જ તેમને વેન્ટિલેટર પરથી હટાવી દેવામાં આવ્યા હતા.

અગાઉ શનિવારે એમ જાણવા મળ્યું હતું કે, દિનેશને હાર્ટ એટેકઆવ્યો હતો, ત્યારબાદ તેમને હોસ્પિટલ દાખલ કરાયા હતા. પરંતુ બાદમાં દયાનંદ શેટ્ટીએ પુષ્ટિ કરી હતી કે તેમને હાર્ટ એટેક આવ્યો ન હતો, પરંતુ તેમનું લિવર ડેમેજ થયું હતું. દિનેશના અંતિમ સંસ્કાર દૌલતનગર સ્મશાનગૃહમાં કરવામાં આવશે.

દિનેશ ફડનીસની વાત કરીએ તો તેમને લોકપ્રિય ટીવી શો CIDથી મોટી ઓળખ મળી. આ શોમાં તે ઈન્સ્પેક્ટર ફ્રેડરિક્સના રોલમાં જોવા મળ્યા હતા. તેમના પાત્રને ખૂબ પસંદ કરવામાં આવ્યું હતું.આ શો પહેલીવાર વર્ષ ૧૯૯૮માં પ્રસારિત થયો હતો. તે માત્ર CIDમાં જ નહીં પરંતુ લોકપ્રિય સીરિયલ ‘તારક મહેતા કા ઉલ્ટા ચશ્મા’માં પણ જોવા મળ્યા હતા. તેણે રિતિક રોશનની ‘સુપર ૩૦’ અને ‘સરફરોશ’ જેવી ફિલ્મોમાં સપોર્ટિગ એક્ટર તરીકે કામ કર્યું હતું.

આ પણ વાંચો :-

1...879880881...1,480Page 880 of 1,480