Home Blog Page 805

ભાજપે પુડુચેરી અને તમિલનાડુના લોકસભા ઉમેદવારોની ચોથી યાદી જાહેર

News Editor
-
0

લોકસભા ચૂંટણીને લઈ આજે ભાજપે તેના ઉમેદવારોની ચોથી યાદી જાહેર કરી છે. ચોથી યાદીમાં પુડુચેરી અને તમિલનાડુના લોકસભા ઉમેદવારોના નામ જાહેર કરવામાં આવ્યા છે. તમને જણાવી દઈએ કે ૭ તબક્કામાં યોજાનારી લોકસભા ચૂંટણી ૨૦૨૪નો પ્રથમ રાઉન્ડ ૧૯ એપ્રિલે છે. પાર્ટીએ કુલ ૧૫ ઉમેદવારોની યાદી જાહેર કરી છે. આ યાદીમાં પુડુચેરીના એક અને તમિલનાડુના ૧૪ ઉમેદવારોના નામ છે. ગુજરાત ભાજપે ૪ બેઠકો જેવી કે, મહેસાણા, સુરેન્દ્રનગર, અમરેલી અને જુનાગઢના બેઠકો પર ઉમેદવાર જાહેર કર્યા નથી. આ તરફ રાજ્યની ૨૨ બેઠકોના ઉમેદવાર જાહેર કરી દીધા છે.

ભાજપની ત્રીજી યાદીમાં તામિલનાડુથી ૯ ઉમેદવારની જાહેરાત કરવામાં આવી હતી. એમાં તેલંગાણાના રાજ્યપાલ રહી ચૂકેલા તમિલિસાઈ સૌંદરારાજનને ચેન્નઈ સાઉથથી ટિકિટ આપવામાં આવી છે. રાજ્ય ભાજપના અધ્યક્ષ કે. અન્નામલાઈને કોઈમ્બતોરથી અને કેન્દ્રીય મંત્રી એલ. મુરુગનને નીલગિરિથી મેદાનમાં ઉતારવામાં આવ્યા છે. તામિલનાડુમાં લોકસભાની કુલ ૩૯ બેઠક છે, જેમાંથી ભાજપે ૧૦​​પીએમકેને આપી છે. પાર્ટીએ અત્યારસુધી ૨૭૬ સીટ માટે ઉમેદવારોની જાહેરાત કરી હતી.

લોકસભા ચૂંટણી માટે બીજેપીની બીજી યાદીમાં ૭૨ નામ જાહેર કરાયા હતા. પૂર્વ મુખ્યમંત્રી મનોહર લાલ ખટ્ટર કરનાલથી ચૂંટણી લડશે. આ સિવાય હર્ષ મલ્હોત્રાને પૂર્વ દિલ્હીથી અને યોગેન્દ્ર ચંદોલિયાને ઉત્તર પશ્ચિમ દિલ્હીથી ટિકિટ મળી છે. બીજી યાદીમાં બીજેપીએ કેન્દ્રશાસિત પ્રદેશ દાદરા અને નગર હવેલીમાંથી ૧, દિલ્હીથી ૨, ગુજરાતના ૭, હરિયાણામાંથી ૬, હિમાચલ પ્રદેશમાંથી ૨, કર્ણાટકના ૨૦, મધ્યપ્રદેશમાંથી ૫, મહારાષ્ટ્રમાંથી ૨૦, તેલંગાણામાંથી ૬, ત્રિપુરામાંથી ૧, ઉત્તરાખંડમાંથી ૨ ઉમેદવારોની જાહેરાત કરી હતી.

લોકસભા ચૂંટણી માટે ભાજપની પ્રથમ યાદીમાં ૧૯૫ ઉમેદવારોનાં નામ જાહેર કરાયાં હતાં. વડાપ્રધાન મોદી વારાણસીથી ચૂંટણી લડશે. બે પૂર્વ મુખ્યમંત્રીને ટિકિટ આપવામાં આવી છે. જેમાં ૨૮ મહિલાઓ, ૪૭ યુવાનો, ૨૭ એસસી, ૧૮ એસટી અને ૫૭ ઓબીસી ઉમેદવારો સામેલ છે.

આ પણ વાંચો :-

ઈડીની ટીમે કેજરીવાલને રાઉઝ એવન્યુ કોર્ટમાં રજૂ કર્યા

News Editor
-
0

એન્ફોર્સમેન્ટ ડિરેક્ટોરેટએ ગુરુવારે સાંજે દિલ્હીના એક્સાઈઝ પોલિસી કેસ સાથે સંકળાયેલા મની લોન્ડરિંગ કેસમાં મુખ્યમંત્રી અરવિંદ કેજરીવાલની ધરપકડ કરી હતી. ઈડીની ટીમ ગઈકાલે સાંજે કેજરીવાલના ઘરે પહોંચી હતી. લગભગ બે કલાકની પૂછપરછ અને તેમના નિવાસસ્થાને સર્ચ કર્યા બાદ EDએ કેજરીવાલની ધરપકડ કરી હતી. ત્યારે હવે ઈડીની ટીમ દિલ્હીના મુખ્યમંત્રી અરવિંદ કેજરીવાલને લઈને પીએમએલએ કોર્ટમાં પહોંચી છે જ્યાં થોડીવારમાં સુનાવણી કરાશે.

કેજરીવાલની ૨૧ માર્ચે સીએમ હાઉસ માઠી ધરપકડ કરવામાં આવી હતી. તેમની રાત ઇડી લોકઅપમાં વિતાવી હતી. આ દરમિયાન દિલ્લીના મંત્રી આતિશીએ કહ્યું કે કેજરીવાલ દિલ્લીના સીએમ જ રહશે. જેલ માઠી સરકાર ચલાવશે. આ સિવાય સુપ્રીમ કોર્ટમાં પણ કેજરીવાલ ધરપકડ વિરુદ્ધ સંજીવ ખન્ના, જાસ્ટિસ બેલા એમ ત્રિવેદી અને જાસ્ટિસ એમએમ સુંદરેશનિ બેન્ચ બનાવવામાં આવી. જોકે, થોડીવાર પછી જ કેજરીવાલ સુપ્રીમ કોર્ટમાંથી આરજી પાછી ખેચી લીધી.

કેજરીવાલના વકીલ અભિષેક મનુ સિઘવીએ કોર્ટને કહ્યું કેજરીવાલના વકીલ જાસ્ટિસસંજીબ ખન્ના જણાવ્યુ કે ટ્રાયલ કોર્ટમાં રિમાન્ડની કાર્યવાહી સુપ્રીમ કોર્ટની સુનાવણી સાથે અથડાઇ રહી છે એટલે તેમણે અરજી પાછી ખેચવાની મંજૂરી આપવામાં આવે. ટ્રાયલ કોર્ટમાં અમે પહલે રિમાન્ડ પ્રોસીડિંગ પર લાડીશું અને પછી એક અન્ય અરજી સાથે સુપ્રીમ કોર્ટ આવીશું.

આ પણ વાંચો :-

કોંગ્રેસના રાષ્ટ્રીય પ્રવક્તા રોહન ગુપ્તાએ રાજીનામું આપ્યું, જાણો આ છે કારણ ?

News Editor
-
0

ગુજરાત કોંગ્રેસના નેતા રોહન ગુપ્તાએ આજે રાજીનામું આપી દીધું છે, પાર્ટીના વરિષ્ઠ નેતાઓ પર ગંભીર આરોપો લગાવ્યા છે. રોહન ગુપ્તાએ અંગત પારિવારીક કારણોને લઈને રાજીનામું આપ્યં છે. નેશનલ સોશલ મીડિયા કો-ઓર્ડિનેટર છે રોહન ગુપ્તા. પિતાની નાદુરસ્ત તબિયત બાદ કેટલાક નેતાઓએ કર્યા હતા રોહન ગુપ્તા પર આરોપ. પક્ષના જ પક્ષના નેતાઓના આરોપોથી વ્યથિત હતા રોહન ગુપ્તા.

કોંગ્રેસના સોશિયલ મીડિયા ઈન્ચાર્જ રોહન ગુપ્તા ભાજપના નેતાઓના બિઝનેસ પાર્ટનર | Congress social media in charge Rohan Gupta is a business partner of BJP leadersરાજીનામું આપતા રોહન ગુપ્તાએ જણાવ્યું હતું કે, છેલ્લા ત્રણ દિવસથી મારી અને મારા પરિવારની છબિ બગાડવાના પ્રયાસો થઇ રહ્યા હતા. સિનિયર નેતાઓ તરફથી બેફામ નિવેદનો કરવામાં આવી રહ્યા હતા જેનો મને આઘાત લાગ્યો. તેમણે મારા વ્યક્તિગત જીવન પર ટિપ્પણીઓ કરી હતી. આ મારા અને મારા પરિવાર માટે કપરો સમય છે. એક નેતાના અહંકારી અને અસંસ્કારી વર્તનથી પાર્ટીને નુકસાન થઇ રહ્યું છે. મારી સાથે દગો કરવાનું સુવ્યવસ્થિત ષડયંત્ર રચવામાં આવ્યું છે. મારે મારો અવાજ ઊઠાવવો જરૂરી છે.

રોહન ગુપ્તાના પિતા રાજકુમાર ગુપ્તાએ કોંગ્રેસમાંથી રાજીનામું આપ્યું હતું. તેઓ ૪૦ વર્ષ કોંગ્રેસ પાર્ટીના સભ્ય રહી ચૂક્યા હતા. રાજકુમાર ગુપ્તા કોંગ્રેસમાં મહામંત્રી, ઉપપ્રમુખ અને ખજાનચી તરીકેની જવાબદારીઓ સંભાળી ચૂક્યા હતા. તેમણે નાદુરસ્ત તબિયતના કારણે રાજીનામું આપ્યું હોવાનું જાણવા મળ્યું હતું. નોંધનીય છે કે અગાઉ અમદાવાદ પૂર્વ બેઠક પરથી કોંગ્રેસના રોહન ગુપ્તા અને ભાજપના હસમુખ પટેલ વચ્ચે ટક્કર થવાની હતી.

આ પણ વાંચો :-

મોરબી બ્રિજ દુર્ઘટનાના મુખ્ય આરોપી જયસુખ પટેલને જામીન મળ્યાં

News Editor
-
0

મોરબી કેબલ બ્રિજ કાંડમાં આરોપી ઓરેવા ગ્રુપના માલિક જયુસખ પટેલના જામીન કોર્ટે મંજૂર કર્યા છે. ઉલ્લેખનીય છે કે ઓકટોબર ૨૦૨૨ મોરબીમાં કેબલ બ્રિજ તૂટવાથી ૧૩૫થી વધુ લોકોના જીવ ગયા હતા. સુપ્રિમ કોર્ટે શરતી જામીન મંજુર કર્યા છે. પાસપોર્ટ સહિતની શરતો પર આ જામીન મંજૂર કરવામાં આવ્યા છે. આરોપીઓમાં ઓરેવા કંપનીના બે મેનેજરોની પણ ધરપકડ કરવામાં આવી હતી.

મોરબી પુલ દુર્ઘટના: જયસુખ પટેલ સહિત 10 આરોપીઓ સામે ચાર્જશીટ દાખલમોરબી ઝૂલતા પુલ દુર્ઘટના કેસ મુદ્દે જયસુખ પટેલ છેલ્લા ૪૦૦ જેટલા દિવસથી જેલવાસ ભોગવી રહ્યા હતા. જેમાં હવે આજે આરોપી જયસુખ પટેલને અંતે જામીન મળ્યા છે. સુપ્રીમ કોર્ટે જયસુખ પટેલને શરતી જામીન આપ્યા છે. જયસુખ પટેલ અનેક કોર્ટમાં અરજી પણ કરી ચુક્યા હતા.

આ તરફ અગાઉ હતભાગીઓના પરિવારજનોએ જયસુખના જામીનનો વિરોધ  પણ કર્યો હતો. આ સાથે ગુજરાત સરકારે પણ હાઇકોર્ટમાં જયસુખ પટેલની જામીનનો વિરોધ કર્યો હતો. આ તરફ હોનારતનો ભોગ બનેલા પરિવારજનોના વકીલે પણ અગાઉ પોલીસ રક્ષણ માગ્યું હતું. આ બધાની વચ્ચે હવે છેક સુપ્રીમ કોર્ટથી ઓરેવા કંપનીના માલિક જયસુખ પટેલને જામીન મળ્યા છે. ત્યારબાદ નાયબ પોલીસ અધિક્ષક પી.એ. ઝાલાએ તપાસની સાથે-સાથે ધરપકડનો દોર શરૂ કર્યો હતો. પોલીસે સિક્યુરિટી ગાર્ડસ, ટિકિટ બુકિંગ કલાર્ક અને મેનેજર સહિત ૯ની ધરપકડ કરી હતી. ત્રણ મહિના બાદ જાન્યુઆરી-૨૦૨૩ના અંતમાં જયસુખ પટેલ અદાલત સમક્ષ હાજર થતાં ધરપકડનો આંક ૧૦ પર પહોંચ્યો હતો. હજાર કરોડના આસામી અને ઓરેવા ગ્રુપના માલિક જયસુખ પટેલ ૧૩ મહિનાથી જેલવાસ ભોગવી રહ્યાં હતા અને આજે જામીન મળ્યા છે.

આ પણ વાંચો :-

કેજરીવાલની ધરપકડના વિરોધ સુરતમાં દેખાવો

News Editor
-
0

લોકસભાની ચૂંટણી પહેલા સુરતમાં અરવિંદ કેજરીવાલની ધરપકડના પડઘાં જોવા મળ્યા હતાં. વરાછા વિસ્તારમાં માનગઢ ચોક ખાતે વિરોધ પ્રદર્શન કરવામાં આવ્યું હતું. જો કે, વિરોધ પ્રદર્શન થાય તે અગાઉ જ પોલીસે ૨૦થી વધુ કાર્યકરોની અટકાયત કરી હતી. અટકાયત ન કરવા દેવા માગતા કાર્યકરોની પોલીસ દ્વારા ટીંગાટોળી કરવામાં આવી હતી.આ ધરણા પ્રદર્શનના કારણે પાટીદાર બહુમતીવાળા વિસ્તારમાં ચુંટણીનો માહોલ શરુ થયો હોય તેવી ગણતરી થઈ રહી છે.

ઇન્ડિયા ગઠબંધન અને આપના કાર્યકરો અને પોલીસ વચ્ચે ઘર્ષણની સ્થિતિ સર્જાઈ હતી. વરાછા માનગઢ ચોક ખાતે વિરોધ પ્રદર્શનનો કાર્યક્રમ સફળ થાય તે પહેલા ૨૦થી વધુ આપ અને કોંગ્રેસના કાર્યકરોની અટકાયત કરવામાં આવી હતી. તમામ લોકોની ટીંગાટોળી કરી અટકાયત કરવામાં આવી હતી. અટકાયત કરતી વેળાએ પોલીસ અને આપ –કોંગ્રેસી કાર્યકર્તાઓ વચ્ચે ધક્કા મૂકી અને ઘર્ષણ સર્જાયું હતું.

આજે સવારે સુરતમાં કોંગ્રેસ અને આપ સાથે મળીને ભાજપ વિરુધ્ધ ધરણા પ્રદર્શન કર્યું હતું. પાટીદાર બહુમતીવાળા વરાછા વિસ્તારમાં સરદાર પટેલની પ્રતિમા સ્થળેથી આપ-કોંગ્રેસ દ્વારા વિરોધ પ્રદર્શન કરવામાં આવ્યું હતું. આ વિરોધ પ્રદર્શન દરમિયાન પોલીસે કોંગ્રેસ અને આપના કાર્યકરોની અટકાયત કરી હતી. આ અટકાયત દરમિયાન આપ-કોંગ્રેસના કાર્યકરોએ ભાજપ વિરોધી સૂત્રોચ્ચાર કર્યા હતા. ગત વિધાનસભાની ચૂંટણી પહેલા કોંગ્રેસ અને આપના ગટબંધન દ્વારા પાટીદાર બહુમતીવાળા વિસ્તારમાં ધરણા કાર્યક્રમ કરતાં આગામી દિવસોમાં સુરતી વિરુદ્ધ સૌરાષ્ટ્રીયન ઉમેદવાર વિરુધ્ધ માહોલ જામે તોવી શક્યતા વ્યક્ત થઈ રહી છે.

આ પણ વાંચો :-

બિહારના સુપૌલમાં નિર્માણાધીન પુલનો સ્લેબ તૂટી પડતાં, એક મજૂરનું મોત, નવ ઘાયલ

News Editor
-
0

બિહારના સુપૌલમાં એક મોટી દુર્ઘટના સામે આવી છે. કોસી નદી પર બની રહેલા પુલનો સ્લેબ પડી ગયો હતો. આ દુર્ઘટનામાં એક મજૂરનું મોત થયું છે NH ૧૮ પર બની રહેલા પુલની આ દુર્ઘટનામાં એક મજૂરનું મૃત્યુ થયું છે અને તો ઘણા મજૂરો દટાયા હોવાની આશંકા વ્યક્ત કરવામાં આવી રહી છે. એજન્સી મુજબ, સુપૌલ જિલ્લા અધિકારી કૌશલ કુમારે જણાવ્યું હતું કે, ભીજા-બકૌર વચ્ચે મરિચા નજીક એક નિર્માણાધીન પુલનો સ્લેબ તૂટી પડતાં એક વ્યક્તિનું મૃત્યુ થયું હતું અને નવ ઘાયલ થયા હતા.

આ મામલે જિલ્લા મેજિસ્ટ્રેટ કૌશલ કુમારે ઘટનાસ્થળની મુલાકાત લઈને આ ઘટનાની જાણકારી આપી હતી. ઘટનાની જાણ થતાં લોકોની ભીડ ઉમટી પડી હતી. બચાવ ટુકડીએ ઘટનાસ્થળે પહોંચી ત્વરિત બચાવ કામગીરી શરૂ કરી હતી. હાલમાં સૌથી પહેલાં કાટમાળ નીચે દટાયેલા મજૂરોને બચાવવાનો પ્રયાસ કરવામાં આવી રહ્યો છે. અમુક મજૂરોને તો હોસ્પિટલ ખસેડાયા છે. તેને ભારતનું સૌથી મોટું બ્રિજ કહેવામાં આવી રહ્યું હતું. તેની પાછળ ૧૨૦૦ કરોડનો ખર્ચ થવાનો હતો.

બિહારના ભાગલપુરમાં નિર્માણાધીન એક પુલ તૂટી પડ્યો હતો. ખાગરિયા-અગુવાની-સુલતાનગંજ વચ્ચે બની રહેલા પુલના તુટી જવાનો વીડિયો સામે આવ્યો, સીએમ નીતિશ કુમારે ૨૦૧૪માં આ પુલનો શિલાન્યાસ કર્યો હતો. આ બ્રિજનો કુલ ખર્ચ ૧૭૧૭ કરોડ રૂપિયા હતો. એપ્રિલમાં આવેલા તોફાનના કારણે આ નિર્માણાધીન પુલનો કેટલોક ભાગ પણ ક્ષતિગ્રસ્ત થયો હતો. ડિસેમ્બર ૨૦૨૨માં પણ બેગુસરાઈમાં ગંડક નદી પરનો પુલ તેના ઉદ્ઘાટન પહેલા જ આવી જ રીતે તૂટી પડ્યો હતો. ગંડક નદીનો આ પુલ ૧૪ કરોડના ખર્ચે બની રહ્યો હતો.

આ પણ વાંચો :-

ISROએ લોન્ચ કર્યું ૨૧મી સદીનું પુષ્પક વિમાન, જાણો તેની વિશેષતા

News Editor
-
0

ભારતીય અવકાશ સંશોધન સંસ્થાએ ૨૨ માર્ચના દિવશે વહેલી સવારે કર્ણાટકના ચિત્રદુર્ગમાં ‘પુષ્પક’ વિમાન સફળતાપૂર્વક લેન્ડ કર્યું. ISROનું પુનઃઉપયોગ કરી શકાય તેવું પ્રક્ષેપણ વ્હીકલ ‘પુષ્પક’ શુક્રવારે સવારે લગભગ ૭:૧૦ વાગ્યે કર્ણાટકના ચિત્રદુર્ગમાં એરોનોટિકલ ટેસ્ટ રેન્જમાં સફળતાપૂર્વક રનવે પર આપમેળે ઉતર્યું હતું. પુનઃઉપયોગ કરી શકાય તેવા આ પ્રક્ષેપણ વ્હીકલના સફળ ઉતરાણ પર, ISROએ એક નિવેદન જારી કરીને જણાવ્યું હતું કે, ISROએ પુનઃઉપયોગ કરી શકાય તેવા લોન્ચ વ્હીકલ ટેક્નોલોજીના મામલે મોટી સફળતા હાંસલ કરી છે.

ISROએ કહ્યું કે, RLV LEX-૦૨ લેન્ડિંગ પ્રયોગ દ્વારા રિયુઝેબલ લોન્ચ વ્હીકલ (RLV) ટેક્નોલોજીના ક્ષેત્રમાં એક માઈલસ્ટોન હાંસલ કરવામાં આવ્યો છે. આ પરીક્ષણ કર્ણાટકના ચિત્રદુર્ગમાં એરોનોટિકલ ટેસ્ટ રેન્જ (ATR)માં સવારે ૦૭:૧૦ વાગ્યે કરવામાં આવ્યું હતું. વિન્ગ્ડ પુષ્પક (RLV-TD) નજીવી ઉંચાઈથી પ્રક્ષેપિત થયા બાદ સફળતાપૂર્વક ચોકસાઈ સાથે રનવે પર ઉતર્યું. એરફોર્સના હેલિકોપ્ટર દ્વારા આ રોકેટને આકાશમાંથી છોડવામાં આવ્યું હતું.

ઈસરોના ચીફ એસ. સોમનાથે કહ્યું કે,  ભારતના અવકાશ મિશનને આર્થિક રીતે સસ્તું બનાવવા માટે પ્રક્ષેપણ વ્હીકલ પુષ્પકને ભારતમાં બનાવવું એ એક મોટું અને પડકારજનક પગલું હતું. સૌથી મોંઘા ઇલેક્ટ્રોનિક્સ પાર્ટ્સ લોન્ચ વ્હીકલમાં જ હોય ​​છે. આવી સ્થિતિમાં, ફરીથી વાપરી શકાય તેવું પ્રક્ષેપણ વાહન બનાવીને, આ વ્હીકલ મિશનની સફળતા પછી પૃથ્વી પર સુરક્ષિત રીતે પાછું ઉતરાણ કરી શકાશે અને તે જ પ્રક્ષેપણ વ્હીકલને આગામી મિશનમાં ફરીથી ઉપયોગમાં લઈ શકાશે. અંતરીક્ષમાં કચરો ઘટાડવાની દિશામાં પણ આ એક મહત્વપૂર્ણ પગલું છે.

પુષ્પકને સંપૂર્ણ રીતે કાર્યરત થવામાં ઘણા વર્ષો લાગશે. રોકેટને રામાયણમાં ઉલ્લેખિત પુષ્પક વિમાન પરથી પુષ્પક નામ મળ્યું. પુષ્પક વિમાન ધનના દેવતા કુબેરનું વાહન હતું. ઈસરોના ચીફ એસ સોમનાથે કહ્યું હતું કે, પુષ્પક પ્રક્ષેપણ વાહન એ ભારતના અવકાશ મિશનને આર્થિક બનાવવાની દિશામાં એક મોટું પગલું છે. આ સ્પેસ શટલને તૈયાર કરવાનું કામ ૧૦ વર્ષ પહેલા શરૂ થયું હતું. એન્જિનિયરો અને વૈજ્ઞાનિકોની ટીમે આના પર રાત-દિવસ કામ કર્યું છે.

આ પણ વાંચો :-

૨૨ માર્ચ, ૨૦૨૪/ શત્રુપક્ષથી રાખવી સાવધાન, ખોટા ખર્ચા ઉપર રાખવો કાબૂ, આ જાતકોને શુક્રવાર થશે ધનપ્રાપ્તિ, જુઓ આજનું રાશિ ભવિષ્ય

News Editor
-
0

મેષ

સ્વભાવમાં ચિડિયાપણું વધતું જણાય. પરિવારના સભ્યોની પ્રગતિ થતી જણાય. કાર્યમાં સફળતા મળતી જણાય. માતાની તબિયત નરમ-ગરમ રહે. નાણાંકીય રોકાણોમાં સાવધાની રાખવી જરૂરી. આરોગ્ય જળવાય.

વૃષભ

દિવસની શરૂઆતમાં થોડી ચિંતા રહે. ત્યારબાદ મોજ-શોખ-આનંદનો અનુભવ થાય. પરિવારના સભ્યોની ચિંતા સતાવશે. અગત્યના કાર્યો સાવધાની પૂર્વક કરવા. દામ્પત્ય સુખ અંગે મિશ્ર ફળ મળતુ જણાય.

મિથુન

હાજર જવાબી, ટીખળી, નીખાલસ તથા આનંદી સ્વભાવ રહે. કંઇક નવું જાણવાનો યોગ બને છે. વિશ્વાસઘાતનો ભોગ ન બનાય એનું ધ્યાન રાખવું. પડવા-વાગવાથી તથા વાહન અકસ્માતથી સાચવવું. નોકરી-ધંધા માટે સામાન્ય ‌િદવસ.

કર્ક

આનંદ-ઉત્સાહમાં વધારો થતો જણાય. સ્વભાવમાં સરળતા વધે. દામ્પત્ય જીવનમાં ઉદાસીનતા અનુભવાય. મિત્રોથી લાભ. મિત્ર વર્તુળમાં વધારો થાય. આવક જાવકનું પાસુ સરભર થતું જણાય. સ્નાયુનો દુઃખાવો રહે.

‌સિંહ

માનસિક ટેન્શન રહે. સ્વભાવમાં ઉગ્રતા રહે. કાર્ય સફળતા માટે મહેનત વધારે કરવી પડે. દિવસની શરૂઆત પિતૃને યાદ કરીને કરવાથી પરિસ્થિતિ હળવી થતી જણાય. દામ્પત્ય સુખમાં વધારો થતો જણાય.

કન્યા

આવકનું પ્રમાણ ઘટે. વાણીમાં ઉગ્રતા ટાળવી. આંખનું ધ્યાન રાખવું. માથાનો દુઃખાવો તથા તાવ રહે. ભાગ્ય સાથ આપતું જણાય. માતાની સાથે વાદ-વિવાદ સંભવે. ધંધા નોકરીમાં શાંત મગજ રાખવું. જીવનસાથી સાથે પ્રેમ જળવાય.

તુલા

દિવસ દરમ્યાન ખોટું લાગે એવા પ્રસંગો ઉપસ્થિત થતા જણાય. આવકનું પ્રમાણ જળવાય. અગત્યના કાર્યો મુલતવી રાખવા. પિતા સાથે મતભેદ થાય અથવા પિતાની ‌તબિયત બગડતી જણાય. આરોગ્ય સારૂં રહે. નોકરી-ધંધામાં સંતોષ.

વૃ‌‌શ્ચિક

નાના-ભાઇ બહેનોની ચિંતા સતાવે. કાર્યમાં સફળતા મળતી જણાય. વિદેશ અંગેના કાર્યોમાં સફળતા મળે. પ્રવાસનું આયોજન શક્ય બને. સાસરા પક્ષ તરફથી લાભ મળતો જણાય. જ્ઞાનતંતુઓ સંબંધિત રોગથી સાચવવું.

ધન

આજે આરોગ્યમાં સુધારો થતો જણાય. પરંતુ થોડી માનસિક અશાંતિ રહે. મેડીટેશન કરવાથી ફાયદો જણાય. આવકનું પ્રમાણ વધે. ભાગ્યનો સાથ મળી રહે. નોકરી-ધંધા માટે મિશ્ર દિવસ પસાર થાય.

મકર

માનસિક શાંતિ, આનંદ-ઉત્સાહ વધે. આવકમાં વધારો થતો જણાય. પરિવારના સ્ત્રી સભ્યોની ચિંતા રહે. કરેલા રોકાણોમાંથી લાભ મળતો જણાય. ભાડાની આવક ઉભી કરી શકાય. સ્વાસ્થ્ય સારૂં રહેતું જણાય.

કુંભ

આત્મવિશ્વાસ જળવાય. આવકમાં વધારો થાય. સ્ત્રીવર્ગ તરફથી લાભ મળતો જણાય. સંતાનની પ્રગતિથી આનંદ થાય. આરોગ્ય સાચવવાની સલાહ છે. શરદી-ખાંસી રહે. આઇસ્ક્રીમ-ઠંડા પીણાથી દૂર રહેવું.

મીન

નાના ભાઇ બહેનોના વ્યવહારથી દુઃખ થાય. કાર્યમાં સફળતા મળતી જણાય. સ્થાવર-જંગમ મિલકતના વ્યવહારોમાં ધ્યાન રાખવું. સંતાન સાથે પ્રેમ જળવાય. વિદ્યાર્થીમિત્રોને સફળતા મળે. હાડકાની સંભાળ રાખવી.

દિલ્હીના મુખ્યમંત્રી અરવિંદ કેજરીવાલની ધરપકડ

News Editor
-
0

દિલ્હી હાઈકોર્ટે દિલ્હી લિકર પોલિસી સંબંધિત મની લોન્ડરિંગ કેસમાં કેસમાં મુખ્યમંત્રી અરવિંદ કેજરીવાલને ધરપકડથી રક્ષણ આપવાનો ઈન્કાર કરી દીધાના થોડા કલાકો બાદ એન્ફોર્સમેન્ટ ડિરેક્ટોરેટ (ED)ની ટીમે આજે કેજરીવાલની ધરપકડ કરી છે.

ધરપકડ પર સ્ટે આપવાનો ઈન્કાર કરતા દિલ્હી હાઈકોર્ટે ઈડી પાસે જવાબ માંગ્યો છે. હાઈકોર્ટ હવે આ અરજીની સાથે પહેલાથી પેન્ડિંગ પિટિશનની સુનાવણી 22 એપ્રિલે કરશે. EDએ કોર્ટને પુરાવા બતાવ્યા દિલ્હી હાઈકોર્ટમાં લંચ બ્રેક બાદ શરૂ થયેલી સુનાવણી દરમિયાન EDએ કોર્ટને કહ્યું કે કયા પુરાવાના આધારે સીએમ કેજરીવાલને પૂછપરછ માટે બોલાવી રહ્યા છે. આ સમય દરમિયાન, ન્યાયાધીશ તમામ હકીકતો સાથે તેમની ચેમ્બરમાં ગયા અને ફરીથી સુનાવણી શરૂ થઈ. EDએ કોર્ટને વિનંતી કરી હતી કે તે હકીકતો માત્ર કોર્ટ દ્વારા જ જોવામાં આવે અને તે અરવિંદ કેજરીવાલના વકીલને બતાવવામાં ન આવે. EDએ કોર્ટમાં દલીલ કરી હતી કે તે કોઈ ચૂંટણી લડી રહ્યા નથી. તેઓ ગમે ત્યારે વિપાસનામાં જાય છે પરંતુ એન્ફોર્સમેન્ટ ડિરેક્ટોરેટમાં આવતા નથી. 

ઇડીના તપાસ અધિકારી જોગેન્દ્ર સીએમ કેજરીવાલની પૂછપરછ કરી રહ્યા છે. સૂત્રોના જણાવ્યા અનુસાર તેમના ઘરની પણ તલાશી લેવામાં આવી રહી છે. આ દરમિયાન કેજરીવાલની લીગલ ટીમે સુપ્રીમ કોર્ટમાં એક અરજી દાખલ કરી છે, જ્યાં હાઇકોર્ટના આદેશને પડકારવામાં આવ્યો છે.

પંજાબના સીએમ ભગવંત માનએ એક્સ પર પોસ્ટ કરીને કહ્યું કે ભાજપની રાજકીય ટીમ (ઇડી) કેજરીવાલની વિચારસરણીને પકડી શકતી નથી. કારણ કે માત્ર આપ જ ભાજપને રોકી શકે છે.વિચારને ક્યારેય દબાવી શકાય નહીં.

આ દરમિયાન દિલ્હીના કેબિનેટ મંત્રી સૌરભ ભારદ્વાજ પણ કેજરીવાલના ઘરની બહાર પહોંચી ગયા છે. AAPના નેતા સૌરભ ભારદ્વાજે કહ્યું કે જે રીતે પોલીસ સીએમના ઘરની અંદર છે અને કોઈને અંદર જવાની પરવાનગી નથી, તે જોઈને લાગે છે કે સીએમના આવાસ પર દરોડા પાડવામાં આવ્યા છે. લાગે છે કે સીએમની ધરપકડ કરવાની તૈયારીઓ ચાલી રહી છે.

 

સોનાના ભાવમાં રેકોર્ડબ્રેક ઉછાળો, ૧૦ ગ્રામનો ભાવ ૭૦૦૦૦ની નજીક, ભાવમાં રૂ. ૫૦૦૦નો ઉછાળો

News Editor
-
0

સોનાની બજારમાં આજે ભારે તેજી જોવા મળી છે અને રેકોર્ડબ્રેક ઉછાળો થતા ઓલટાઈમ હાઈ પર પહોંચી ગયો છે.આ સાથે ચાંદીના ભાવમાં પણ ઉછાળો જોવા મળ્યો હતો. છેલ્લા થોડા સમયથી સોનાના ભાવમાં તોફાની તેજી જોવા મળી રહી છે એવામાં માર્ચ મહિનામાં સોનાના ભાવમાં રૂ. ૫૦૦૦નો વધારો છે. આજના ભાવ પર નજર કરવામાં આવે તો સર્વોચ્ચ સપાટી વટાવી દીધી છે. આંતરરાષ્ટ્રીય બજારમાં સોનાનો ભાવ ૨૨૦૦ ડોલર પ્રતિ ઔંસના આંકને પાર કરી ગયો છે.

Rs 70,000 Per 10 Grams! Gold Prices Likely To Surge In 2024: Industry Body - News18આજે ગુરુવારે સોનાની કિંમતમાં થયેલા વધારાને કારણે MCX પર સોનાની કિંમત ૬૬,૯૪૩ રૂપિયા પ્રતિ ૧૦ ગ્રામના સ્તરે પહોંચી ગઈ છે. કોમોડિટી માર્કેટ ખુલ્યાની થોડી જ મિનિટોમાં સોનું આ નવા રેકોર્ડ સ્તરને સ્પર્શી ગયું હતું. ઈન્ડિયન બુલિયન જ્વેલર્સ (IBJ)ની વેબસાઈટ અનુસાર, ૯૯૯ શુદ્ધતાના ૨૪ કેરેટ સોનાના ૧૦ ગ્રામની રાષ્ટ્રીય કિંમત છેલ્લા ટ્રેડિંગ દિવસે ૬૫૭૯૫ રૂપિયા હતી. એક રિપોર્ટ અનુસાર, આંતરરાષ્ટ્રીય બજારમાં સોનાની કિંમત ઔંસ દીઠ $૨૨૦૩.૩૫ આસપાસ હતી. નોંધનીય છે કે ફેબ્રુઆરીના મધ્યભાગથી સોનાના ભાવમાં વધારાનો ટ્રેન્ડ ચાલી રહ્યો છે.

મલ્ટી કોમોડિટી એક્સચેન્જ (MCX) પર એપ્રિલ ૨૦૨૪માં એક્સપાયરી માટેના સોનાના ફ્યુચર્સ કોન્ટ્રેક્ટ્સ રૂપિયા ૬૬,૧૦૦ પ્રતિ ૧૦ ગ્રામના ભાવે ખૂલ્યો હતો અને કોમોડિટી માર્કેટ ખુલ્યાની મિનિટોમાં જ ભાવ રૂપિયા ૬૬,૭૭૮ પ્રતિ ૧૦ ગ્રામની ઇન્ટ્રાડે હાઈ પર પહોંચી ગયો હતો. આ ઇન્ટ્રા-ડે હાઈને સ્પર્શતા, MCX સોનાના દર આજે સ્થાનિક બજારમાં ઓલટાઈમ હાઈ પર પહોંચ્યા હતા. આંતરરાષ્ટ્રીય બજારમાં સોનાની તાજેતરની કિંમત ૨૨૦૦ ડોલરની ઉપર છે. હાલમાં સ્પોટ માર્કેટમાં સોનું ૨૨૦૨ ડોલર પ્રતિ ઔંસની આસપાસ ટ્રેડ થતું જોવા મળી રહ્યું છે.

આ પણ વાંચો :-

1...804805806...1,479Page 805 of 1,479