back to top
Home Blog Page 674

અમદાવાદ ફાયરબ્રિગેડના 9 અધિકારીને નોકરીમાંથી કાઢી મૂકવામાં આવ્યા

News Editor
-
0

રાજકોટ અગ્નિકાંડની ઘટના બાદ ફાયર વિભાગમાં મોટા ફેરફારો અને ભરતી પ્રક્રિયાની વચ્ચે અમદાવાદ મ્યુનિસિપલ કોર્પોરેશનમાં ફરજ બજાવતા 3 ડિવિઝનલ ફાયર ઓફિસર સહિત 9 ફાયર બ્રિગેડના અધિકારીઓને નોકરીમાંથી કાઢી મૂકવાનો ઓર્ડર મ્યુનિસિપલ કમિશનર દ્વારા કરવામાં આવ્યો છે. મોટાભાગના અધિકારીને કાઢી મૂકવા પાછળનું કારણ બોગસ સ્પોન્સરશીપથી નોકરી મેળવી હોવાનું બહાર આવ્યું છે.

Fire department of Ahmedabad received 462 fire calls in the year 2023 | Ahmedabad: અમદાવાદ ફાયર વિભાગની પ્રશંસનીય કામગીરી, માત્ર ૫૪ દિવસમાં 200થી વધુ લોકોની જિંદગી બચાવી

અમદાવાદ મ્યુનિસિપલ કોર્પોરેશનના ફાયરબ્રિગેડ વિભાગમાં બોગસ સ્પોન્સરશિપ લઈ નાગપુરની નેશનલ ફાયર સર્વિસ કોલેજમાં પ્રવેશ મેળવી અને તેના પ્રમાણપત્રના આધારે નોકરી મેળવનાર ત્રણ ડેપ્યુટી ફાયર ઓફિસરો સહિત કુલ 9 જેટલા અધિકારીઓને મ્યુનિસિપલ કમિશનરે આજે શુક્રવારે બપોરે તમામ 9 અધિકારીઓને નોકરીમાંથી કાઢી મૂકવા માટેનો ઓર્ડર કર્યો હતો. ફાયર અધિકારીઓને બોગસ સ્પોન્સરશીપથી પ્રમાણપત્ર મેળવી ભરતી મામલે મ્યુનિસિપલ કોર્પોરેશનના IR વિભાગ દ્વારા ફાઈનલ શો-કોઝ નોટિસ આપવામાં આવી હતી. 10 દિવસમાં બોગસ સ્પોન્સરશીપ મામલે જવાબ રજૂ કરવાનો સમય આપવામાં આવ્યો હતો. જેમાં ફાયર વિભાગના તમામ અધિકારીઓ દ્વારા આપવામાં આવેલો જવાબ મ્યુનિસિપલ કમિશનર દ્વારા ગ્રાહ્ય રાખવામાં આવ્યો નહોતો. સંતોષકારક જવાબ આપવામાં ન આવતા નોકરીમાંથી કાઢી મૂકવામાં આવ્યા છે.

અમદાવાદ ફાયરબ્રિગેડમાં ફરજ બજાવતા ડિવિઝનલ ફાયર ઓફિસર ઇનાયત શેખ અને ઓમ જાડેજાએ ગુજરાત સ્ટેટ સિવિલ ડિફેન્સ અમદાવાદની બોગસ સ્પોન્સરશીપ દ્વારા નાગપુરની નેશનલ ફાયર સર્વિસ કોલેજમાં પ્રવેશ મેળવી સબ ઓફિસરનું પ્રમાણપત્ર મેળવી અન્ય સંસ્થાઓમાં નિમણૂક મેળવી ફરજ બજાવી અને તેના અનુભવના આધારે અમદાવાદ મ્યુનિસિપલ કોર્પોરેશનના ફાયર વિભાગમાં નોકરી મેળવી હતી. ગાંધીનગર અને અમદાવાદનો હવાલો સંભાળતા ડિવિઝનલ ફાયર ઓફિસર કૈઝાદ દસ્તુરે પણ નાગપુરની નેશનલ ફાયર સર્વિસ કોલેજમાં સબ ઓફિસર્સ કોર્ષ, સ્ટેશન ઓફિસર અને ઈન્સ્ટ્રકટર્સ કોર્ષ તથા ડિવિઝનલ ઓફિસર્સ કોર્ષમાં પ્રવેશ મેળવવા માટેનો નિયત કરાયેલ અનુભવ મેળવ્યા સિવાય અયોગ્ય રીતે પ્રવેશ મેળવી અમદાવાદ મ્યુનિસિપલ કોર્પોરેશનના ફાયર વિભાગમાં નોકરી મેળવી હતી.

આ પણ વાંચો :-

પીએમ મોદી યુક્રેન પહોંચ્યા, રશિયા-યુક્રેન જંગ વચ્ચે હવે પ્રમુખ સાથે વિશેષ ચર્ચા

News Editor
-
0

વડાપ્રધાન નરેન્દ્ર મોદી શુક્રવારે યુદ્ધગ્રસ્ત દેશ યુક્રેનની ઐતિહાસિક મુલાકાતે રાજધાની કિવ પહોંચ્યા હતા. મુલાકાત દરમિયાન, મોદી અને યુક્રેનના પ્રમુખ વોલોદિમિર ઝેલેન્સ્કી વચ્ચે સંઘર્ષના શાંતિપૂર્ણ ઉકેલ પર ચર્ચા થવાની અપેક્ષા છે. પીએમ મોદી યુક્રેનના પ્રમુખ ઝેલેન્સકીના આમંત્રણ પર યુક્રેન પહોંચ્યા છે. મોદી કિવની મુલાકાતના લગભગ છ અઠવાડિયા પહેલા રશિયા ગયા હતા. 1991માં યુક્રેનને આઝાદી મળ્યા બાદ ભારતીય વડાપ્રધાનની યુક્રેનની આ પ્રથમ મુલાકાત છે.

pm-modi-ukraine-visit-reach-kyiv-meets-volodymyr-zelenskyy-385048

પીએમ મોદી 10 કલાકની ટ્રેનની મુસાફરી બાદ કિવ પહોંચ્યા છે. અહીં તેઓ ઘણી સભાઓ અને કાર્યક્રમોમાં હાજરી આપશે. તે ભારતીય સમુદાયના લોકો સાથે પણ મુલાકાત કરશે.

વડાપ્રધાન મોદીએ ‘રેલ ફોર્સ વન’ ટ્રેન દ્વારા પોલેન્ડથી કિવ સુધીની મુસાફરી કરી, જેમાં લગભગ 10 કલાકનો સમય લાગ્યો. પરત ફરવાની યાત્રા પણ એટલી જ લાંબી હશે. ભારતે અત્યાર સુધી યુક્રેન પર રશિયન આક્રમણની નિંદા કરી નથી અને વારંવાર વાતચીત અને મુત્સદ્દીગીરી દ્વારા સંઘર્ષનો ઉકેલ લાવવાનું આહ્વાન કર્યું છે.

આ પણ વાંચો :-

પોલીસ વર્દીમાં દબંગ અંદાજ સાથે રાની મુખર્જીની ફિલ્મના ત્રીજા હપ્તાની જાહેરાત

News Editor
-
0

રાની મુખરજીનો ‘મર્દાની’માં આક્રમક અંદાજ આપણે સૌએ જોયો હતો. 2014માં રિલીઝ થયેલી એ ફિલ્મને ગઈ કાલે ૧૦ વર્ષ થયાં હતાં. ૨૦૧૯માં એની સીક્વલ ‘મર્દાની 2’ રિલીઝ થઈ હતી. હવે એના ત્રીજા પાર્ટની પણ તૈયારીઓ શરૂ થઈ ગઈ છે. એ ફિલ્મમાં પોલીસ શિવાની શિવાજી રૉય બનીને જે રીતે રાની મુખરજીએ અપરાધીઓને પાઠ ભણાવ્યા હતા એ જ અંદાજ ત્રીજા ભાગમાં પણ કાયમ રહેશે. યશરાજ ફિલ્મ્સે એના ત્રીજા પાર્ટ તરફ ઇશારો કર્યો છે.

Mardaani-3 Officially Announced! - TrackTollywood

‘મર્દાની’ની નાનકડી ઝલક અને ધારદાર ડાયલૉગ્સ ઇન્સ્ટાગ્રામ પર શૅર કરીને યશરાજ ફિલ્મ્સે કૅપ્શન આપી, ‘‘મર્દાની’ને 10 વર્ષ થયાં છે અને હવે એના આગામી ચૅપ્ટરની તૈયારીઓ શરૂ થઈ ગઈ છે. જોશથી ભરપૂર, નીડર પોલીસ શિવાની શિવાજી રૉયને અને ‘મર્દાની’ના ઉત્સાહને સેલિબ્રેટ કરી રહ્યા છીએ. અમારી ફ્રૅન્ચાઇઝી પર એક દાયકાથી આપેલા પ્રેમ અને પ્રશંસા માટે આભાર. અમને ખૂબ પ્રેરણા મળે છે. ફરીથી સૌનો આભાર.

સૂત્રાના જણાવ્યા અનુસાર રાની મુખર્જી 2025ના પહેલા ક્વાર્ટરથી મર્દાનીનું શૂટિંગ કરવા માટે તૈયાર છે. રાની મુખર્જી અને આદિત્ય ચોપરાને મર્દાની ફ્રેન્ચાઇઝી પસંદ છે. બંને છેલ્લા કેટલાક સમયથી લેખકોની એક ઈનહાઉસ ટીમ સાથે સ્ક્રિપ્ટ પર કામ કરી રહ્યા છે અને આખરે તેમને એક સ્ક્રિપ્ટ મળી છે, જે ફિલ્મના પાર્ટ વન અને પાર્ટ ટુ સાથે ન્યાય કરશે. રાઈટર્સની ટીમ હાલમાં સ્ક્રીનપ્લેને ફાઈનલ ટચ આપી રહી છે. ત્યારબાદ ફિલ્મ પ્રી-પ્રોડક્શન સ્ટેજ પર પહોંચી જશે.

આ પણ વાંચો :-

કેદારનાથમાં ભૂસ્ખલનના કારણે 4 લોકોના મોત, બચાવ કામગીરી જારી

News Editor
-
0

ઉત્તરાખંડમાં ભારે વરસાદ પછી, રુદ્રપ્રયાગ જિલ્લામાં ફાટામાં ખાટ ગડેરેના વહેણની અસરમાં મજૂરો આવ્યા હતા. આ અકસ્માતમાં ચાર લોકોના મોત નિપજ્યા છે. આ ઘટના ગુરુવારે મોડી રાત્રે બની હતી. SDRF દ્વારા સર્ચ ઓપરેશન હાથ ધરવામાં આવ્યું છે. તમામના મૃતદેડોને કાટમાળમાંથી બહાર કાઢવામાં આવ્યા છે.

કેદારનાથમાં ફસાયેલા અરવલ્લીના 17 યાત્રિકોનું ગણતરીના કલાકોમાં રેસ્ક્યુ કરાયુ

જિલ્લા આપત્તિ વ્યવસ્થાપન અધિકારી નંદન સિંહ રાજવારે માહિતી આપી છે કે, ગુરુવારે રાત્રે 1:20 વાગ્યે અત્તિભારે વરસાદને કારણે ફાટા ડેલિપેડ નજીક ખાટ ગડેરે પાસે કાટમાળ નીચે ચાર લોકો દટાયા હોવાની માહિતી મળી હતી. માહિતી મળતાની સાથે જ રાહત અને બચાવ કાર્ય માટે રેસ્ક્યુ ટીમને ઘટના સ્થળે મોકલવામાં આવી હતી અને ચારેયના મૃતદેહોને કાટમાળમાંથી બહાર કાઢવામાં આવ્યા હતા. ચારેય મજૂરો નેપાળના વતની છે. DDRF ટીમ દ્વારા મૃતદેહને પોસ્ટમોર્ટમ માટે રૂદ્રપ્રયાગ જિલ્લા હોસ્પિટલમાં લાવવામાં આવ્યા છે. રેસ્કયુ ટીમમાં એસડીઆરએફ પોલીસ અને ડીડીઆરએફના જવાનો સામેલ હતા.

આ પણ વાંચો :-

પીએમ મોદી પ્લેન નહિ પણ ટ્રેનમાં પહોંચશે યુક્રેન, જાણો ટ્રેનની ખાસિયત

News Editor
-
0

વડાપ્રધાન નરેન્દ્ર મોદી અત્યારે પોલેન્ડની મુલાકાતે છે. પોલેન્ડમાં આજે (22 ઓગસ્ટ) પીએમનો બીજો દિવસ છે. પોલેન્ડ પછી તેઓ યુક્રેનની એક દિવસીય મુલાકાત લેશે. છેલ્લા 30 વર્ષોમાં પહેલીવાર કોઇ ભારતીય પીએમ યુક્રેનની મુલાકાત લેશે. વડાપ્રધાનની યુક્રેન મુલાકાતની એક ખાસ વાત એ છે કે, તેઓ પ્લેનના બદલે ‘રેલ ફોર્સ વન’ નામની ટ્રેનમાં ત્યાં જશે. આ પાછળનું કારણ રશિયા-યુક્રેન યુદ્ધ છે. યુદ્ધ દરમિયાન બંને દેશો વચ્ચે સતત ડ્રોન અને રોકેટ હુમલા પણ થતાં હોય છે. આ સ્થિતિમાં કોઇપણ વૈશ્વિક નેતા માટે પ્લેનમાં મુસાફરી કરવી ઘણી જોખમી છે, આ કારણસર પીએમ મોદી ટ્રેનથી યુક્રેન જશે.

PM Modi Highlights News Updates: PM Narendra Modi emplanes from Warsaw, to travel to Ukraine in second leg of his two-nation visit - The Economic Times

પીએમ મોદી જે ટ્રેનમાં મુસાફરી કરી યુક્રેન જવાના છે, તે કોઇ સામાન્ય ટ્રેન નથી. આ વિશેષ રૂપે ડિઝાઇન કરાયેલી એક લક્ઝુરિયસ ટ્રેન છે. પીએમ મોદી પહેલા વિશ્વના ઘણાં દિગ્ગજ નેતાઓ પણ આ ટ્રેનમાં મુસાફરી કરી ચુક્યા છે. જેમાં અમેરિકાના રાષ્ટ્રપતિ જો બાઇડેન, ફાંસના રાષ્ટ્રપતિ ઇમેન્યુઅલ મેક્રોન તથા જર્મનીના ચાન્સેલર ઓલ્ફ સ્કોલ્ઝ પણ સામેલ છે.

આ પણ વાંચો :-

અરવિંદ કેજરીવાલ હાલ જેલમાં જ રહેશે, સુપ્રીમ કોર્ટમાંથી નથી મળી રાહત

News Editor
-
0

CBI કેસમાં દિલ્હીના મુખ્યમંત્રી અરવિંદ કેજરીવાલની ધરપકડને પડકારતી અરજી પર આજે શુક્રવારે સુપ્રીમ કોર્ટમાં સુનાવણી ટળી ગઈ છે. CBI દ્વારા વધુ સમય માંગવામાં આવ્યો હતો, જેને કોર્ટે સ્વીકારી લીધો હતો અને 5 સપ્ટેમ્બરે કેસની યાદી આપવા જણાવ્યું હતું. મુખ્યમંત્રી અરવિંદ કેજરીવાલની 26 જૂનના રોજ કથિત દારૂ કૌભાંડ સંબંધિત ભ્રષ્ટાચારના કેસમાં ધરપકડ કરવામાં આવી હતી. મની લોન્ડરિંગ કેસમાં કેજરીવાલને સુપ્રીમ કોર્ટમાંથી જામીન મળી ગયા છે.

અરવિંદ કેજરીવાલ વિરુદ્ધ HCમાં દાખલ PIL પર 28 માર્ચે થશે સુનાવણી, CM પદેથી હટાવવાની કરી માંગ - Gujarati News | PIL filed in HC against Arvind Kejriwal to be heard tomorrow demanding

જસ્ટિસ સૂર્યકાંતે કહ્યું કે, એક કેસમાં એફિડેવિટ દાખલ કરવામાં આવ્યું છે અને બીજી અરજીનો જવાબ આપવા માટે CBIને વધુ એક સપ્તાહનો સમય આપવામાં આવે છે. જો કોઈ જવાબ હોય તો બે દિવસ પછી ફાઇલ કરે. આ બાબત 5 સપ્ટેમ્બર, 2024ના રોજ સૂચિબદ્ધ કરવામાં આવે. ધરપકડને પડકારવાની સાથે-સાથે કેજરીવાલે જામીન માટે પણ સુપ્રીમ કોર્ટમાં અરજી કરી છે.

CBIએ કેજરીવાલની અરજીનો વિરોધ કરીને સુપ્રીમ કોર્ટમાં પોતાનો જવાબ દાખલ કર્યો છે. વિવાદાસ્પદ આબકારી નીતિના ઘડતર અને અમલીકરણમાં અરવિંદ કેજરીવાલની ભૂમિકાને મહત્ત્વપૂર્ણ ગણાવતા CBIએ કહ્યું કે, તપાસ પૂર્ણ કરવા માટે કેજરીવાલની ધરપકડ જરૂરી હતી. ખાસ કરીને તેના કારણે કે પુરાવા હોવા છતાં તેઓ સહકાર આપી રહ્યો નહોતા. ગુરુવારે રાત્રે સુપ્રીમ કોર્ટમાં દાખલ કરવામાં આવેલા તેના જવાબમાં CBIએ કહ્યું કે, કેજરીવાલ ષડયંત્રનો ભાગ હતા.

આમ આદમી પાર્ટી દ્વારા અરવિંદ કેજરીવાલને લઈને એક કેમ્પેઈન લોન્ચ કર્યું હતું. પાર્ટીએ એક સુત્ર પણ આપ્યું હતું કે મનીષ સિસોદિયા આવ્યા, અરવિંદ કેજરીવાલ પણ આવશે. પાર્ટીએ જણાવ્યું કે તાનાશાકની જેલની દીવાલો તોડીને અરવિંદ કેજરીવાલ બહાર આવશે.

આ પણ વાંચો :-

40 ભારતીય મુસાફરોને કાઠમંડુ લઈ જતી બસ નદીમાં ખાબકી, 14ના મોત

News Editor
-
0

નેપાળના તનહૂં જિલ્લાના અબુખૈરેની વિસ્તારમાં એક ભારતીય મુસાફરોને લઇ જઇ રહેલી બસ માર્સ્યાંગદી નદીમાં ખાબકી ગઇ છે. નેપાળ પોલીસે આ ઘટનાની પુષ્ટિ કરી છે. ડીએસપી દીપુકમાર રાયે જાણકારી આપી હતી કે UP-FT-7623 નંબર પ્લેટવાળી બસ નદીમાં ખાબકી ગઇ છે અને હવે નદીના કિનારે પડી છે.

Image

દુર્ઘટના બાદ રાહત અને બચાવ કામગીરીમાં 14 મૃતદેહો બહાર કાઢવામાં આવ્યા છે અને 16 ઘાયલ મુસાફરોને સુરક્ષિત બહાર કાઢવામાં આવ્યા છે. સ્થાનિક પોલીસ અને બચાવ ટુકડીએ તાત્કાલિક ઘટનાસ્થળે પહોંચીને રાહત કાર્ય શરૂ કર્યું અને ઘાયલોને નજીકની હોસ્પિટલોમાં મોકલ્યા. પ્રાથમિક અહેવાલો અનુસાર બસ નદીમાં પડવા પાછળના કારણોની તપાસ કરવામાં આવી રહી છે. ઘટનાની ગંભીરતાને ધ્યાનમાં લઈને વહીવટી તંત્રએ તમામ જરૂરી પગલાં લીધા છે અને રાહત કાર્યને પ્રાથમિકતા આપી છે. આ દુ:ખદ ઘટનાથી સ્થાનિક સમુદાય અને મુસાફરોમાં ચિંતા અને શોકનું મોજુ ફરી વળ્યું છે. વહીવટીતંત્ર અને બચાવ ટુકડીઓ આ દુર્ઘટનાના તમામ સંજોગોની ઊંડાણપૂર્વક તપાસ કરી રહી છે અને અસરગ્રસ્ત પરિવારોને શક્ય તમામ સહાય પૂરી પાડવામાં આવી રહી છે.

આ પણ વાંચો :-

પત્ની સાથે ઝગડો થતા સુરતની રેલવે લાઈનના થાંભલા પાર ચઢ્યો યુવક

News Editor
-
0

સુરત રેલવે સ્ટેશન પર અજીબો ગરીબ ઘટના બની હતી. ધવલ જાદવ નામનો યુવાન સુરત રેલવે લાઇનના થાંભલા પર ચઢી ગયો હતો. ત્યારબાદ ત્યાં ડાન્સ કરવા લાગ્યો હતો. નશાની હાલતમાં રહેલા યુવકને નીચે ઉતારવા માટે લોકોએ રાડા રાડ કરી મૂકી હતી. ત્યારબાદ તાત્કાલિક ફાયરબ્રિગેડને જાણ કરવામાં આવી હતી. જો કે, નશાની હાલતમાં રહેલો યુવક પથ્થરો લઈને ચડ્યો હોવાથી પથ્થરો ફેંકી રહ્યો હતો. જેથી ટ્રેનોને 3 કલાક માટે રોકવાની ફરજ પડી હતી.

પ્રાપ્ત વિગતો પ્રમાણે ગઈકાલે મોડી રાત્રે ફાયર વિભાગને કોલ મળ્યો હતો કે, સુરત રેલવે સ્ટેશન અને સહારા દરવાજા વચ્ચેના રેલવે ટ્રેકના હાઈટેન્શન લાઈનના થાંભલા પર કોઈ યુવક ચડી ગયો છે. આ કોલ મળતાંની સાથે જ ફાયર વિભાગની ટીમ ઘટના સ્થળે દોડી ગઈ હતી. તે ઉપરાંત સુરત રેલવે સ્ટેશનના અધિકારીઓ, પોલીસ અને RPFના જવાનો પણ દોડતા થઈ ગયા હતા. યુવકનું રેસ્ક્યૂ કરવા હાઈટેન્શન લાઈનના પાવરને બંધ કરી દેવામાં આવ્યો હતો. ફાયર અને પોલીસ દ્વારા યુવકને નીચે ઊતરી જવા સમજાવવામાં આવી રહ્યો હતો.તે નશામાં હોવાથી હાઈટેન્શન લાઈનના થાંભલા પર શર્ટ કાઢી ડાન્સ કરતો હતો.

ફાયર વિભાગની લેડર દ્વારા અને એક ટ્રેનને નીચે ઊભી રાખી થાંભલા સુધી પહોંચવાનો પ્રયાસ કર્યો હતો. એક ફાયર અધિકારી હાઈટેન્શન લાઈનના થાંભલા પર ચડ્યા અને આ યુવકને સમજાવવા પ્રયાસ કર્યો હતો. છતાં પણ તે નહીં સમજતાં તેને થાંભલા પરથી નીચે પાડી દેવામાં આવ્યો હતો અને નીચે ઊભેલા ફાયર કર્મચારીઓએ તેને પકડી પાડ્યો હતો. રૂપિયા અને મોબાઇલ નીચે ફેંકી દેનાર યુવક દારૂના નશામાં હતો. યુવકની પૂછપરછ કરતાં પોતે મહારાષ્ટ્રના જલગાંવથી સુરત ટ્રેનમાં જ આવ્યો હતો. યુવક કયા કારણોસર થાંભલા પર ચડ્યો અને તેની મેડિકલ પણ તપાસ કરવામાં આવી હતી.

ફાયર ઓફિસર મહેશ પટેલે કહ્યુ કે, ફાયરની ટીમ રાત્રે બે વાગ્યે પહોંચી હતી. ધવલ પાસે પથ્થર પણ હતો. જેથી મારી દેવાનો ડર હતો. 3 કલાક સુધી રેલ વ્યવહાર અટકતા ફાયર જવાન મુકેશ સૂર્યવંશી ઉપર ચઢ્યો હતો. 2 વાર યુવાને ફાયરના જવાનો પર પથ્થરમારો કર્યો હતો. રેલવે એન્જીન અને સીડીની મદદથી તેને નીચે ઉતરવામાં આવ્યો હતો. 3 કલાકની જહેમદ બાદ ફાયરની ટીમે ધવલને નીચે ઉતાર્યો હતો. પત્ની સાથે ઝઘડો થતા રેલવે લાઇનના થાંભલા પર ચઢ્યો હતો.

આ પણ વાંચો :-

૨૩ ઓગસ્ટ, ૨૦૨૪ / શુક્રવારના દિવશે આ રાશિના જાતકને મળશે શુભ સમાચાર, આજે વેપારમાં મોટા ધનલાભ થવાની સંભાવના, જાણો આજનું રાશિ ભવિષ્ય

News Editor
-
0

મેષઃ

નીતિ અનુસાર કામ કરવાની ઇરછા પ્રબ‍ળ બનશે. ઉદારતાની ભાવના રહેશે. નાણાંકીય બાબતોમાં લાભ મેળવી શકાશે. સરકારને લગતા તથા ન્યાયક્ષેત્રે સંબંધિત કાયોમાં સાવધાની રાખવી હિતાવહ.

વૃષભઃ

મોજ શોખમાં રસ વધે. ગુસ્સા પર કાબુ રાખવો જરૂરી. ખોટા રોકાણથી નાણાં ફસાઇ જવાની શકયતા છે. સંતાન સંબંધી ચિંતા રહે. સાસરા પક્ષથી લાભ. આરોગ્ય સારૂ. નોકરી ધંધામાં રાહત.

‌મિથુનઃ

દિવસ દરમ્યાન આનંદનો અનુભવ થાય. આધાત્મિક બાબતોમાં અભિરૂચિ વધે. નોકરી ધંધામાં પ્રગતિ થવાની આવકમાં વધારો આવતો જણાય. કરેલા રોકાણો નું સારૂફળ મળતું જણાય. ભાગ્યનો સાથ મળતો જણાય.

કર્ક‌ઃ

આનંદ-ઉત્સાહ ભયો દિવસ. જમીન-મકાનની દલાલી, રાજકીય કાયોમાં સફળતા મળતી જણાય. દામ્પત્ય સુખમાં વધારો. અપરિણિતને જીવનસાથી મળવાની શકયતા. સ્વાસ્થય સારૂં રહેશે.

‌સિંહઃ ‌

આત્મવિશ્વાસમાં વધારો થાય. નાણાંકીય વ્યવહારોમાં સફળતા મળે. પરિવારમાં આનંદ-ઉત્સાહ જળવાય. સંતાનો ની ચિંતા રહે. જળથી થતા રોગોની કાળજી રાખવી જરૂરી. નોકરીમાં બયતી ના યોગ બને છે.

કન્યાઃ

ભાગ્ય બળવાન બનતું જણાય. સાહિત્યના ક્ષેત્રમાં રસ વધે. આવકમાં વધારો થતો જણાય. હાડકા સંબંધી તકલીફો અનુભવાય. સંતાનથી પ્રેમ મળે. દામ્પત્ય જીવનમાં સ્નેહ વધે. ધંધામાં નવી તક મળતી જણાય.

તુલાઃ

સંધર્ષ પછી સફળતા મળતી જણાય. નાના ભાઇ બહેન સાથે વાદ-વિવાદ ટાળવા. પરિવારમાં અસંતોષની ભાવના વધે- અગત્યના કાર્ય મુલતવી રાખવા. ભાગ્યવૃધ્ધિ થતી જણાય.

‌વૃ‌શ્ચિકઃ

નાના ભાઇ બહેન તરફથી ચિંતા રહે. અેમની તબિયતની કાળજી રાખવી જરૂરી. કાર્યક્ષેત્રે સફળતા મળે. સ્થાવર જંગમ મિલકતો થી લાભ. સંતાન તરફથી આનંદ. આરોગ્ય બળવાન.

ધનઃ

હદયમાં અજંપો રહે. માનસિક ઉચાટ ઉપર કાબુ રાખવો. આવકમાં વધારો થતો જણાય. માતૃપક્ષ તરફથી સારા સમાચાર મળે. આરોગ્ય સારૂં રહે. સામાન્ય શરદી- કફ ની શકયતા છે.

મકરઃ

દિવસ દરમ્યાન ઉદાસીનતા અનુભવાય. આવક જાવક સરભર થતા જણાય. પરિવારમાં સ્નેહ વધે. સ્ત્રી વર્ગ તરફથી લાભ. માથાનો દુઃખાવો રહે. ભાગ્ય વૃધ્ધિ થતી જણાય. નોકરી-ધંધામાં પ્રગતિ.

કુંભઃ

આત્મવિશ્વાસમાં વધારો થતો જણાય. આવકમાં વૃધ્ધિ થાય. ફસાયેલા નાણાં છુટા થાય. રોકાણોથી લાભ મેળવવો શકય બને. સંતાન સંબંધી ચિંતા રહે. દેવું કરવાથી દૂર રહેવું. ખર્ચનું પ્રમાણ વધે.

મીનઃ

ધણો લાભ રહે. શુભતત્વનો અહેસાસ થાય. પ્રેમ સંબંઘો વધે. આવક વધે, ઝવેરાત- સોનું- ચાંદી ખરીદવાના પ્રસંગો ઉભા થાય. કાર્યમાં સફળતા મળતી જણાય. પગના તળિયામાં દુઃખાવો જણાય.

કોંગ્રેસની ન્યાયયાત્રા અમદાવાદ પહોંચી, સાબરમતી આશ્રમ ખાતે પ્રાર્થનાસભામાં જોડાશે

News Editor
-
0

કોંગ્રેસ દ્વારા ગુજરાતના વિવિધ શહેરોમાં બનેલ કરુણાંતિકાને લઈને મોરબીથી ન્યાય યાત્રાનું આયોજન કર્યું હતું. આ ન્યાય યાત્રા 280 કિલોમીટરનુ અંતર કાપીને આજે અમદાવાદ ખાતે પહોચી છે. અમદાવાદમાં ગુજરાત કોંગ્રેસના કાર્યાલયથી સાબરમતી ગાંધી આશ્રમ ખાતે યાત્રા પહોચશે. આ ન્યાયયાત્રામાં ગુજરાત કોંગ્રેસના સ્થાનિક નેતાઓ જોડાયા છે.

Congress Nyaya Yatra will end in Ahmedabad | Congress: કોંગ્રેસની ન્યાય યાત્રાનો થયો ફિયાસ્કો, હવે ગાંધીનગર નહીં અમદાવાદમાં જ થશે સમાપન

આજે બપોરે 3:00 વાગે રાજીવ ગાંધી ભવનથી સાબરમતી આશ્રમ સુધી પદયાત્રા કાઢવામાં આવશે. આ પદયાત્રામાં લોકો ભાજપ સરકારમાં થયેલા ભ્રષ્ટ્રાચાર, અને તાજેતરમાં સેબી અંગેના હિડનબર્ગ રિપોર્ટમાં ઉજાગર થયેલા કૌભાંડના પ્લે-કાર્ડ સાથે જોડાશે. ત્યારબાદ સાંજે 5:30 કલાકે સાબરમતી આશ્રમ ખાતે પ્રાર્થનાસભામાં જોડાશે. શક્તિસિંહ ગોહિલે જણાવ્યું હતું કે, કોંગ્રેસે રસ્તા પર જઇને લોકોની વચ્ચે જઇને મદદરૂપ થવાનો પ્રયાસ કર્યો છે.

અતિવૃષ્ટિથી નુકસાન, પાણી ભરાવવાની સમસ્યા જેવા મુદ્દાઓને ધ્યાનમાં રાખી ન્યાય યાત્રા શરૂ કરી હતી. જ્યાં સરકાર લોકોના પ્રશ્નોને સાંભળતી નથી, ત્યાં કોંગ્રેસની ન્યાય યાત્રાના કારણે સરકારે એક્શનમાં આવી લોક સંવાદ કરવો પડ્યો. તેમણે વધુમાં કહ્યું હતું કે ન્યાય યાત્રામાં એક ઘડો રાખવામાં આવ્યો હતો. જેમાં લોકોના પ્રશ્નો મેળવ્યા છે, આ પ્રશ્નોને કોંગ્રેસના નેતાઓ સરકાર સુધી પહોંચાડશે. અમને સંતોષ છે કે કોંગ્રેસ પાર્ટીએ અવાજ ઉઠાવ્યો, જેને લોકોનો અવાજ સંભળાતો ન હતો તેમને સામેથી લોકોનો સંપર્ક કરવો પડ્યો.

આ પણ વાંચો :-

1...673674675...1,477Page 674 of 1,477