મહારાષ્ટ્રમાં વિધાનસભા ચૂંટણી પહેલા કેન્દ્ર સરકારે મોટો નિર્ણય લીધો છે. કેન્દ્રએ રાષ્ટ્રવાદી કોંગ્રેસ પાર્ટી (NCP-SP)ના વડા શરદ પવારને Z પ્લસ સુરક્ષા પ્રદાન કરી છે. કેન્દ્રીય ગૃહ મંત્રાલયે સેન્ટ્રલ રિઝર્વ પોલીસ ફોર્સ (CRPF)ને 83 વર્ષીય મહારાષ્ટ્રના પૂર્વ મુખ્યમંત્રી શરદ પવારને આ સુરક્ષા આપવા માટે સૂચના આપી છે. આ કામ માટે CRPFના 55 સશસ્ત્ર જવાનોની ટીમ નિયુક્ત કરવામાં આવી છે.
કેન્દ્રીય એજન્સીઓ દ્વારા ધમકીના મૂલ્યાંકનની સમીક્ષા કર્યા પછી શરદ પવારને Z Plus સુરક્ષા પ્રદાન કરવાની ભલામણ કરવામાં આવી હતી. સૂત્રોએ જણાવ્યું કે કેન્દ્ર સરકારે તેમને VIP સુરક્ષા આપવાનો નિર્ણય કર્યો છે.
યલો બુક ઓફ સિક્યોરિટી મામલા અનુસાર, Z પ્લસ કેટેગરીની સુરક્ષામાં એક સમયે 10 સશસ્ત્ર સ્ટેટિક ગાર્ડ, 6 PSO રાઉન્ડ ધ ક્લોક, 2 એસ્કોર્ટ્સમાં 24 જવાન, 2 શિફ્ટમાં 5 વોચર્સનો સમાવેશ થાય છે. ઇન્સ્પેક્ટર અથવા સબ-ઇન્સ્પેક્ટરને ઇન્ચાર્જ તરીકે મૂકવામાં આવે છે. VIPના ઘરે આવતા અને જતા લોકો માટે છ ફ્રિસ્કિંગ અને સ્ક્રીનિંગ કર્મચારીઓ તૈનાત કરવામાં આવ્યા છે. તેમજ 6 ડ્રાઈવરો રાઉન્ડ ધ ક્લોક ટ્રેન્ડ છે.
Z શ્રેણીની સુરક્ષા માટે કુલ 33 સુરક્ષા ગાર્ડ તૈનાત હોય છે. સશસ્ત્ર દળોના 10 સશસ્ત્ર સ્ટેટિક ગાર્ડ VIPના ઘરે રોકાય છે. 6 રાઉન્ડ ધ ક્લોક PSO, 12 સશસ્ત્ર એસ્કોર્ટ કમાન્ડો ત્રણ શિફ્ટમાં, 2 પાળીમાં વોચર્સ અને 3 પ્રશિક્ષિત ડ્રાઇવરો ચોવીસ કલાક હાજર રહે છે.
આ પણ વાંચો :-
