Home Blog Page 663

Netflix સીરિઝ ‘IC814’ ધ કંદહાર હાઈજેકમાં બદલાશે આતંકીઓના નામ ?

News Editor
-
0

Netflix સીરિઝ ‘IC814’ પર વિવાદ વધી રહ્યો છે. વધતા વિવાદ વચ્ચે નેટફ્લિક્સ કન્ટેન્ટ હેડને સરકાર દ્વારા બોલાવવામાં આવ્યા હતા. પ્રાપ્ત માહિતી અનુસાર, સરકારે કહ્યું કે આ દેશના લોકોની ભાવનાઓ સાથે રમવાનો કોઈને અધિકાર નથી. ભારતીય સંસ્કૃતિ અને સભ્યતાનું હંમેશા સન્માન કરવું જોઈએ. તમારે કંઈપણ ખોટી રીતે રજૂ કરતા પહેલા વિચારવું જોઈએ. સરકાર આ બાબતને ખૂબ જ ગંભીરતાથી લઈ રહી છે.

ભારે હોબાળા બાદ અંતે Netflix ઝુક્યું: ‘IC 814: ધ કંદહાર હાઈજેક’ સીરિઝમાં ફેરફાર માટે તૈયાર 1 - image

મંત્રાલયના વરિષ્ઠ અધિકારીઓ અને નેટફ્લિક્સ ઈન્ડિયાના વડા મોનિકાની બેઠકમાં આ વિવાદ પર ચર્ચા થઈ હતી. અંતે Netflixએ કેન્દ્ર સરકારને કહ્યું કે તેઓ વેબ સીરિઝ ‘IC 814: The Kandahar Hijack’ના વાંધાજનક ભાગમાં ફેરફાર કરવા માટે તૈયાર છે. આ સિવાય એ પણ ખાતરી આપવામાં આવી કે ભવિષ્યમાં નેટફ્લિક્સ પર જે પણ ફિલ્મો કે વેબ સીરિઝ રિલીઝ થશે, તે દેશના લોકોની ભાવનાઓને ધ્યાનમાં રાખીને તૈયાર કરવામાં આવશે.

29 ઓગસ્ટના રોજ રીલિઝ થયેલ ‘IC 814: ધ કંદહાર હાઇજેક’ અનુભવ સિન્હા દ્વારા ડિરેક્ટ કરવામાં આવી છે. 1999માં નેપાળથી ભારત આવી રહેલા પ્લેનના અપહરણ પ્રકરણ કંદહાર પ્લેન હાઇજેકની ઘટના પર આધારિત સીરિઝમાં કુલ 6 એપિસોડ છે. આ સીરિઝના બે હાઇજેકર્સના નામને લઇને વિવાદ ઉભો રહ્યો છે. આ પ્લેનને પાંચ હાઈજેકર્સ દ્વારા હાઈજેક કરવામાં આવ્યું હતું. આ આતંકવાદીઓએ હાઇજેક દરમિયાન પોતાના જે કોડ નેમ રાખ્યા હતા તે જ ભોલા, શંકર, ડોક્ટર, બર્ગર અને ચીફ સીરિઝમાં બતાવાયા છે. લોકો જાતે કરીને લાગણી દુભાવવાના પ્રયાસો બદલ નેટફ્લિકસની ઝાટકણી કાઢી રહ્યાં છે અને આ આતંકીઓના સાચા નામ જ રજૂ કરવા વિરોધ કરી રહ્યાં છે.

આતંકવાદીઓ મુસ્લિમ હતા અને તેમના સાચા નામ ઈબ્રાહિમ અખ્તર, શાહિદ અખ્તર સૈયદ, સની અહમદ કાઝી, મિસ્ત્રી ઝહૂર ઈબ્રાહિમ અને શાકિર હતા. વિવાદ પછી, સરકારે Netflix હેડને બોલાવ્યા અને હવે OTT પ્લેટફોર્મ ફેરફારો માટે તૈયાર છે.

આ પણ વાંચો :-

ગુજરાતમાં ભાજપનું સદસ્યતા અભિયાન, CM ભૂપેન્દ્ર પટેલને પ્રથમ પ્રાથમિક સભ્ય બનાવ્યા

News Editor
-
0

લોકસભાની ચૂંટણી બાદ ગુજરાતમાં સ્થાનિક સ્વરાજ્યની ચૂંટણીની તૈયારીઓ શરૂ થઈ ગઈ છે. ગુજરાત સહિત સમગ્ર દેશમાં ભાજપના સદસ્યતા અભિયાનની શરૂઆત થઈ છે. ત્યારે ગુજરાતમાં પણ મુખ્યમંત્રી ભૂપેન્દ્ર પટેલને પણ તેમની સદસ્યતા રિન્યૂ કરીને સી.આર. પાટીલે તેમને ભાજપના પ્રાથમિક સભ્ય બનાવવામાં આવ્યાં છે. ભાજપમાં દર 6 વર્ષે સદસ્યતા રિન્યૂ કરવામાં આવે છે. આગામી સમયમાં દોઢ કરોડથી વધુ લોકોને ભાજપના સભ્ય બનાવવાનો ટાર્ગેટ નક્કી કરવામાં આવ્યો છે. ગઈકાલે સાંજે દિલ્હી ખાતે વડાપ્રધાન મોદીને ભાજપના રાષ્ટ્રીય અધ્યક્ષ જે.પી નડ્ડાએ પ્રથમ પ્રાથમિક સભ્ય બનાવી નોંધણી કરાવી હતી.

ગુજરાત ભાજપના પ્રદેશ પ્રમુખ સી.આર.પાટીલે આ અભિયાનની શરૂઆત કરાવી છે. આ અભિયાન અંતર્ગત આજે એક કાર્યક્રમનું આયોજન કરવામા આવ્યું હતું. જેમાં મંત્રીઓ, સાંસદો, ધારાસભ્યો, પદાધિકારીઓ સહિત અનેક કાર્યકરો ઉપસ્થિત રહ્યાં હતાં. આ કાર્યક્રમમાં પ્રદેશ પ્રમુખ પાટીલે જણાવ્યું હતું કે, સંગઠનની તાકાતને નબળી ગણ્યા વિના પૂરી તાકાત સાથે આ ટાર્ગેટને પુરો કરવાનો પ્રયાસ કરજો. લોકસભાની ચૂંટણી બાદ સંગઠનમાં નિરાશા જોવા મળી છે અને ગુજરાતમાં એક સીટ ઓછી આવી છે તેની જવાબદારી મેં લીધી છે.લોકસભાની ચૂંટણીમાં ત્રીજી વખત વડાપ્રધાન બન્યા બાદ નરેન્દ્રભાઈ પ્રથમ વખત 16 સપ્ટેમ્બરે ગુજરાત આવી રહ્યાં છે.

તેમણે વધુમાં કહ્યું હતું કે, GMDC ગ્રાઉન્ડ ખાતે અલગ અલગ કાર્યક્રમો થવાના છે. એક લાખથી વધુ કાર્યકરોએ એકઠા થઈને વડાપ્રધાનનું અભિવાદન કરવાનું છે.ઘણી પાર્ટીઓમાં આજીવન સદસ્યતા મળી જતી હોય છે પણ ભાજપમાં 6 વર્ષે સદસ્યતા પુરી થાય છે. દિલ્હીમાં ગઈકાલે વડાપ્રધાનને પ્રથમ સભ્ય બનાવી નોંધણી કરાવી છે. તાલુકા, જિલ્લા પંચાયત, શહેર સહીતના તમામ મેમ્બરોને 2 કરોડ સદસ્યો બનાવવાના છે. સંગઠિત થઇને પડકાર ઝીલવાનો છે જે પડકાર નથી આપણે નક્કી કરેલો લક્ષ્ય છે. સંગઠન મજબૂત હશે તો જ ઈલેકશન જીતી શકાશે. 74 લાખ પેજ સમિતીના સદસ્ય તો કાયમી જ છે પણ પ્રાથમિક સદસ્ય એટલે 18 વર્ષથી ઉપર કોઇ પણ બની શકે છે. 66 લાખ જેટલી બહેનો આપણી સદસ્યતા સાથે જોડાયેલી છે.

આ પણ વાંચો :-

PM મોદી બ્રુનેઈ અને સિંગાપોર જવા થયા રવાના, વિદેશી મુદ્દાઓ પર થશે ચર્ચા

News Editor
-
0

પ્રધાનમંત્રી નરેન્દ્ર મોદી આજે બ્રુનેઈ અને સિંગાપુરની ત્રણ દિવસની યાત્રા પર રવાના થયા છે. વિદેશ મંત્રાલયે જણાવ્યું હતું કે પ્રધાનમંત્રી બ્રુનેઈના સુલ્તાન હાજી હસનલ બોલ્કિયાના નિમંત્રણ પર 3 અને 4 સપ્ટેમ્બરના રોજ બ્રુનેઈની મુલાકાત લેશે. ભારતીય વડાપ્રધાનની બ્રુનેઈની પ્રથમ દ્વીપક્ષીય યાત્રા રહેશે. પીએમ મોદીએ વિદેશ યાત્રા પર જતા પહેલા ટ્વિટ પણ કર્યું હતું.

બ્રુનેઈ અને સિંગાપોરના પ્રવાસ પહેલા પીએમ મોદીએ ટ્વિટ કર્યું હતું કે, ‘આગામી બે દિવસમાં હું બ્રુનેઈ દારુસલામ અને સિંગાપોરની મુલાકાત લઈશ. આ દેશોમાં તમામ કાર્યક્રમો દરમિયાન ભારત સાથેના સંબંધોને વધુ મજબૂત કરવા પર ધ્યાન કેન્દ્રિત કરવામાં આવશે. ભારત-બ્રુનેઈ દારુસલામના રાજદ્વારી સંબંધોએ 40 ગૌરવપૂર્ણ વર્ષ પૂર્ણ કર્યા છે. હું મહામહિમ સુલતાન હાજી હસનલ બોલ્કિયાને મળવા માટે ઉત્સુક છું.

વડાપ્રધાન મોદીએ વધુમાં કહ્યું કે, ‘સિંગાપોરમાં હું રાષ્ટ્રપતિ થર્મન શનમુગરત્નમ, વડા પ્રધાન લોરેન્સ વોંગ, વરિષ્ઠ પ્રધાન લી સિએન લૂંગ અને એમેરિટસ વરિષ્ઠ પ્રધાન ગોહ ચોક ટોંગ સાથે વાતચીત કરીશ. અમે મુખ્ય ક્ષેત્રોમાં સંબંધોને વધુ મજબૂત બનાવવાની આશા રાખીએ છીએ.’ બ્રુનેઈ ભારતની ‘એક્ટ ઈસ્ટ’ નીતિ અને ઈન્ડો-પેસિફિક વિઝનમાં મહત્વપૂર્ણ ભાગીદાર છે. પીએમ મોદીની આ મુલાકાત સંરક્ષણ સહયોગ, વેપાર અને રોકાણ, ઉર્જા, અવકાશ ટેકનોલોજી, આરોગ્ય સહયોગ, ક્ષમતા નિર્માણ, સંસ્કૃતિનું આદાનપ્રદાનને મજબૂત કરશે.

PM મોદીની બ્રુનેઈની મુલાકાત પર, વિદેશ મંત્રાલયના સચિવ (પૂર્વ) જયદીપ મજુમદારે કહ્યું, ‘PM બ્રુનેઈ સાથેના સંબંધો અને સહયોગના તમામ પાસાઓ પર દ્વિપક્ષીય રીતે ચર્ચા કરશે. બ્રુનેઈ સાથે અમારા ખૂબ જ ઉષ્માભર્યા અને મૈત્રીપૂર્ણ સંબંધો છે. બ્રુનેઈમાં ભારતીયોની સંખ્યા લગભગ 14,000 છે અને તેમાં બ્રુનેઈના ડોકટરો અને શિક્ષકોનો સમાવેશ થાય છે, જેમણે બ્રુનેઈના અર્થતંત્ર અને સમાજમાં તેમના યોગદાન માટે સદ્ભાવના અને સન્માન મેળવ્યા છે. “બ્રુનેઇ 2012 થી 2015 સુધી ASEAN માં અમારું દેશ સંયોજક હતું અને ASEAN સાથેના અમારા આગળના જોડાણમાં મહત્વપૂર્ણ ભૂમિકા ભજવી છે અને નિભાવવાનું ચાલુ રાખશે.”

આ પણ વાંચો :-

ગુજરાતના વિસ્તારોમાં ભારેથી અતિભારે વરસાદની આગાહી: હવામાન વિભાગ

News Editor
-
0

રાજ્યમાં ઓગસ્ટ મહિનામાં મેધરાજાની ધમાકેદારી બેટિંગ બાદ, હવે સપ્ટેમ્બર મહિનામાં પણ મેઘરાજાની ધમાકેદારી બેટિંગની હવામાન વિભાગે આગાહી વ્યક્ત કરી છે. જેમાં હવામાન વિભાગ દ્વારા આગામી 7 સપ્ટેમ્બર સુધી રાજ્યના દક્ષિણ ગુજરાત, સૌરાષ્ટ્ર અને મધ્ય-ઉત્તર ગુજરાતના વિસ્તારોમાં ભારેથી અતિભારે વરસાદની આગાહી કરવામાં આવી છે. આજે સુરત, નર્મદા, છોટા ઉદેપુર જિલ્લામાં રેડ એલર્ટ જાહેર કરવામાં આવ્યું છે, ત્યારે 2 વાગ્યા સુધીમાં રાજ્યના 99 તાલુકામાં વરસાદ ખાબક્યો છે. જેમાં સોનગઢમાં 8 ઈંચથી વધુ વરસાદ ખાબક્યો છે. જ્યારે ડાંગના વઘઈમાં 6 ઇંચ વરસાદ વરસી ચૂક્યો છે.

IMD predicts heavy rainfall in these states till July 8; yellow alert issued for Delhi - BusinessToday

મળતી માહિતી અનુસાર હવામાન વિભાગની આગાહી પ્રમાણે દક્ષિણ ગુજરાતના વિસ્તારમાં ધોધમાર વરસાદ નોંધાય રહ્યો છે. તાપીમાં ભારેથી અતિભારે વરસાદને પગલે ઓલણ નદીના પાણી તાપીના પંચોલ ગામમાં ઘૂસ્યા હોવાથી ગામની આશ્રમ શાળામાં ફસાયેલા બાળકોનું NDRFની ટીમ દ્વારા રેસ્ક્યુ કરીને સુરક્ષિત સ્થળે ખસેડવામાં આવ્યાં છે. આ ઉપરાંત દક્ષિણ ગુજરાતના સુરત, નવસારી, તાપી, નર્મદા સહિતના જિલ્લામાં ધોધમાર વરસાદને પગલે અનેક વિસ્તારોમાં પાણી ભરાયા છે. જેમાં સોનગઢમાં 8 ઈંચથી વધુ વરસાદ ખાબક્યો હોવાથી સોનગઢથી વ્યારાને જોડતો માર્ગ પાણીમાં ગરકાવ થયો છે. આ સાથે સોનગઢ સુરત હાઈવેમાં પાણી ભરાયા છે. જ્યારે બીજી બાજુ ડાંગના વઘઈમાં 6 ઇંચ વરસાદ વરસી ચૂક્યો છે. ભારે વરસાદના કારણે રોડ-રસ્તા પર નદીની જેમ પાણી વહેતાં થયા હતા. બીજી તરફ ઉચ્છલમાં 3.18 ઇંચ, ડાંગ-આહવામાં 3.14 ઇંચ, ડોલવણમાં 2 ઇંચ, લુણાવાડામાં 2 ઇંચ, વાંસદામાં 1.8 ઇંચ વરસાદ વરસ્યો છે. દાહોદની માછણ નદીના કોઝવે ઉપર પાણી ફરી વળ્યું હોવાથી પોલીસ બંદોબસ્ત ગોઠવી દેવામાં આવ્યો છે.

બચાવ કામગીરી માટે એસડીઆરએફ અને એનડીઆરએફની 40 ટીમ તૈનાત કરવામાં આવી છે. અનેક વિસ્તારોમાં વીજ સેવા ખોટવાઈ ગઈ છે. જન-જીવન અસ્તવ્યસ્ત બન્યું છે. મુખ્યમંત્રી ચંદ્રબાબુ નાયડૂએ સેનાની ત્રણ પાંખોને હેલિકોપ્ટર, ડ્રોન, બોટ અને ટ્રેક્ટર્સ મારફત રાહત સેવાઓ પહોંચાડવા નિર્દેશ કર્યો છે. પુરના લીધે તેલંગાણાને ત્રણ દિવસમાં 5438 કરોડનું નુકસાન થયુ છે.

અતિભારે વરસાદને કારણે ગુજરાતમાં પણ પૂર આવ્યું હતું. 200થી વધુ તાલુકાઓ પૂરના પાણીમાં ડૂબી ગયા હતા. હવામાન વિભાગે આગામી 3 દિવસ ફરીથી ભારે વરસાદનું રેડ એલર્ટ જાહેર કર્યું છે. રાજ્યની 10 નદીઓ અને 100થી વધુ તળાવો છલકાઈ ગયા છે. 100થી વધુ રસ્તાઓ બ્લોક છે. માત્ર વડોદરામાંથી જ 20 હજાર લોકોને બચાવીને રાહત શિબિરોમાં લઈ જવામાં આવ્યા છે.

રાજ્યમાં આગામી પાંચ દિવસ ભારેથી અતિભારે વરસાદની હવામાન વિભાગે આગાહી કરી છે, ત્યારે 3 સપ્ટેમ્બરે અતિભારે વરસાદને પગલે ભરૂચ અને સુરત જિલ્લામાં રેડ એલર્ટ જાહેર કરવામાં આવ્યું છે. જ્યારે સૌરાષ્ટ્રના બોટાદ અને ભાવનગર સહિત આણંદ, વડોદરા, નર્મદા, તાપી, ડાંગ, નવસારી અને વલસાડ જિલ્લામાં ભારેથી અતિભારે વરસાદને પગલે ઓરેન્જ એલર્ટ જાહેર કરવામાં આવ્યું છે. તેવામાં મધ્ય ગુજરાતના અમદાવાદ, ખેડા, પંચમહાલ, છોટા ઉદેપુર સહિત સૌરાષ્ટ્રના અમરેલી, રાજકોટ, સુરેન્દ્રનગર જિલ્લામાં ભારે વરસાદને લઈને યલો એલર્ટ જાહેર કરવામાં આવ્યું છે.

આ પણ વાંચો :-

છત્તીસગઢમાં નક્સલીઓ સાથે અથડામણ, 9 નક્સલવાદી ઠાર

News Editor
-
0

છત્તીસગઢના દંતેવાડા અને બીજાપુરના સરહદી વિસ્તારોમાં સુરક્ષાદળો અને નક્સલવાદીઓ વચ્ચે ભારે અથડામણ જોવા મળી છે. આ અથડામણમાં અત્યાર સુધીમાં જવાનોએ 9 નક્સલીઓને ઠાર કર્યા છે. નક્સલીઓના મૃતદેહની સાથે ઘટનાસ્થળેથી SLR, 303 અને 12 બોરના હથિયારો પણ મળી આવ્યા છે.

Clashes with Naxalites in Chhattisgarh, 5 martyred, 15 missing. છત્તીસગઢમાં નક્સલવાદીઓ સાથે અથડામણ, 5 જવાન શહીદ, 15 લાપતા - Gujarati Oneindia

ઉલ્લેખનીય છે કે, છત્તીસગઢમાં ફરી એકવાર નક્સલવાદીઓ અને સુરક્ષા દળો વચ્ચે અથડામણ થઈ છે. પોલીસ અધિકારીઓએ જણાવ્યું કે, મંગળવાર 3 સપ્ટેમ્બરના રોજ જ્યારે સુરક્ષા દળો પેટ્રોલિંગ પર નીકળી રહ્યા હતા ત્યારે તેમને પશ્ચિમ બસ્તર ડિવીઝનમાં માઓવાદીઓની હિલચાલ હોવાની માહિતી મળી હતી. ત્યાર બાદ મંગળવારે સવારે 10.30 વાગ્યે એન્કાઉન્ટર શરૂ થયું.

મળતી માહિતી મુજબ છત્તીસગઢના પશ્ચિમ બસ્તર ડિવિઝનમાં માઓવાદીઓની હાજરીની સૂચના મળતાં પોલીસની સંયુક્ત ટીમે સર્ચ ઓપરેશન શરૂ કર્યું હતું. 3 સપ્ટેમ્બર 2024ના રોજ સવારે 10:30 વાગ્યે સર્ચ ઓપરેશન દરમિયાન પોલીસનો PLGA કંપની નંબર 02 ના નક્સલવાદીઓ સાથે અથડામણ થઈ. બંને બાજુથી ગોળીબાર થવા લાગ્યા. જેમાં સૈનિકો બહાદુરીપૂર્વક નક્સલવાદીઓ સામે લડી રહ્યા છે. આ ઓપરેશનમાં સામેલ તમામ સૈનિકો સુરક્ષિત છે.

નકસલીઓ સાથેની અથડામણાં 9 નક્સલીઓ માર્યા ગયા છે. સૈનિકોનું હજુ પણ સર્ચ ઓપરેશન ચાલુ છે. ઓપરેશન પૂર્ણ થયા બાદ વિગતવાર માહિતી શેર કરવામાં આવશે.

આ પણ વાંચો :-

બંગાળ વિધાનસભામાં બળાત્કાર વિરોધી બિલ રજૂ

News Editor
-
0

કોલકાતા રેપ કેસને લઈને મમતા સરકારે મોટો નિર્ણય લીધો છે. રાજ્ય સરકાર બંગાળ વિધાનસભામાં એક બિલ લાવી છે જેના દ્વારા બળાત્કાર જેવા મામલામાં આરોપીઓને મૃત્યુદંડની જોગવાઈ કરવામાં આવી છે. વાસ્તવમાં, આ બિલ પર લાંબા સમયથી ચર્ચા થઈ રહી હતી, હવે તે જ સંદર્ભમાં તેને મંગળવારે પણ રજૂ કરવામાં આવ્યું હતું. આ બિલને અપરાજિતા મહિલા અને બાળ ધારાસભ્ય 2024 નામ આપવામાં આવ્યું છે.

Kolkata doctor rape-murder: Mamata Banerjee blames 'Bam, Ram' for RG Kar vandalism | Latest News India - Hindustan Times

મોટી વાત એ છે કે આ બિલ દ્વારા માત્ર મહિલાઓને જ નહીં પરંતુ બાળકોને પણ ઝડપી ન્યાય આપવાનો પ્રયાસ કરવામાં આવ્યો છે. આ બિલ મુજબ બળાત્કાર અને હત્યાના કેસમાં મૃત્યુદંડ હશે, તેવી જ રીતે ચાર્જશીટ દાખલ કર્યાના 36 દિવસની અંદર મૃત્યુદંડની જોગવાઈ કરવામાં આવી છે.

જણાવી દઈએ કે, કોલકાતાની આરજી કાર હોસ્પિટલના તાલીમાર્થી ડૉક્ટર પર બળાત્કાર અને હત્યાના કેસને લઈને હોબાળો ચાલુ છે. કોલકાતા પોલીસ હેડક્વાર્ટરની સામે જુનિયર ડોક્ટરો વિરોધ પ્રદર્શન કરી રહ્યા છે. પીડિત તબીબ માટે ન્યાયની માંગ કરવામાં આવી રહી છે. દરમિયાન આજે બંગાળ વિધાનસભાના બે દિવસીય વિશેષ સત્રના છેલ્લા દિવસે મમતા બેનર્જી સરકાર બળાત્કાર વિરોધી બિલ રજૂ કરીને દેશભરમાં સખત દાખલો બેસાડ્યો છે.

આ પણ વાંચો :-

તેલંગાણા અને આંધ્રપ્રદેશમાં અતિભારે વરસાદથી પૂરનો પ્રકોપ, 31 લોકોનાં મોત

News Editor
-
0

તેલંગાણા અને આંધ્રપ્રદેશમાં મુશળધાર વરસાદ ને કારણે અત્યાર સુધીમાં 31 લોકોના મોત થયા છે. આ ઉપરાંત રોડ અને રેલવે ટ્રેક જેવા વાહનવ્યવહારના સાધનોને પણ નુકસાન થયું છે. હજારો એકર ખેતીની જમીન પાણીમાં ડૂબી ગઈ છે અને બચાવ કામગીરી માટે એજન્સીઓને તૈનાત કરવામાં આવી છે. તેલુગુભાષી બંને રાજ્યો સોમવારે વરસાદથી પ્રભાવિત થયા હતા.

વરસાદ સંબંધિત ઘટનાઓમાં તેલંગાણામાં 16 અને પડોશી આંધ્ર પ્રદેશમાં 15 લોકોના મોત થયા છે. તેલંગાણામાં સમુદ્રમ પાસે રેલ્વે ટ્રેક નીચે કાંકરીનો એક ભાગ પૂરના પાણીને કારણે ધોવાઈ ગયો હતો. આંધ્રપ્રદેશમાં લગભગ 4.5 લાખ લોકો પ્રભાવિત થયા છે. વિજયવાડામાં લોકોને દૂધ સહિતની આવશ્યક ચીજવસ્તુઓ મેળવવા માટે ઘણી મુશ્કેલીનો સામનો કરવો પડી રહ્યો છે.

Weather News Sept 2: Heavy Rains Lash AP & Telangana; 31 Dead, Lakhs Affected

સૌથી વધુ અસરગ્રસ્ત જિલ્લાઓમાં NTR,ગુંટુર, કૃષ્ણા, એલુરુ, પલાનાડુ, બાપટલા અને પ્રકાશમનો સમાવેશ થાય છે. ત્યારે બચાવ કામગીરી માટે SDRFની 20 ટીમો અને NDRFની 19 ટીમો રાહત અને બચાવ કાર્યમાં લાગેલી છે. છેલ્લા ત્રણ દિવસથી મુશળધાર વરસાદ અને ઘણા ભાગોમાં 24 કલાકથી વધુ સમય માટે વીજ કાપને કારણે, વિજયવાડામાં જનજીવન સંપૂર્ણપણે ઠપ થઈ ગયું છે. પૂરના કારણે ઈન્ટરનેટ અને મોબાઈલ ટેલિફોન સેવાઓ ખોરવાઈ ગઈ છે. હૈદરાબાદની કનેક્ટિવિટી પ્રભાવિત થઈ હતી.

આ સિવાય તેલંગાણામાં વરસાદના કારણે મોતનો આંકડો 16 પહોંચી ગયો છે. રાજ્ય સરકારે સોમવારે શરૂઆતમાં 5,000 કરોડ રૂપિયાના નુકસાનનો અંદાજ મૂક્યો હતો. રાજ્ય સરકારે રૂ. 2,000 કરોડની તાત્કાલિક કેન્દ્રીય સહાયની માંગ કરી હતી. મુખ્યમંત્રી એ. રેવન્ત રેડ્ડીએ વડા પ્રધાન નરેન્દ્ર મોદીને અસરગ્રસ્ત વિસ્તારોની મુલાકાત લેવા અને પૂરને રાષ્ટ્રીય આફત જાહેર કરવાની અપીલ કરી. તેમણે વરસાદ સંબંધિત ઘટનાઓમાં માર્યા ગયેલા લોકોના પરિવારને 5 લાખ રૂપિયાની એક્સ-ગ્રેશિયા રકમની પણ જાહેરાત કરી હતી. મુખ્યમંત્રીએ વરસાદથી પ્રભાવિત વિસ્તારોના પ્રવાસના ભાગરૂપે સૂર્યપેટમાં મંત્રીઓ અને અધિકારીઓ સાથે બેઠક યોજી હતી.

આ પણ વાંચો :-

હરિયાણામાં કોંગ્રેસની ટિકિટ પર ચૂંટણી લડશે વિનેશ ફોગટ? પાર્ટી આજે લેશે નિર્ણય

News Editor
-
0

શું કોંગ્રેસ ઓલિમ્પિયન રેસલર વિનેશ ફોગાટને વિધાનસભા ચૂંટણીમાં ઉતારશે? આ અંગેની ચર્ચા છેલ્લા કેટલાક સમયથી ચાલી રહી છે. દરમિયાન કોંગ્રેસનું કહેવું છે કે, તે મંગળવારે સ્પષ્ટ કરશે કે વિનેશ ફોગાટને ચૂંટણીમાં ઉતારવામાં આવે કે નહીં. વધુ વજન હોવાના કારણે ઓલિમ્પિકમાં ફાઈનલ મેચ ચૂકીને પરત ફરેલી વિનેશ ફોગાટના સમર્થનમાં રેલી કાઢવામાં આવી હતી. આ દરમિયાન તેમની સાથે કોંગ્રેસ સાંસદ દીપેન્દ્ર હુડ્ડા જોવા મળ્યા હતા. આ સિવાય ભૂપિન્દર સિંહ હુડ્ડાએ તો ત્યાં સુધી કહ્યું હતું કે, અમે વિનેશ ફોગાટનું સન્માન કરવા માંગીએ છીએ. જો અમારી પાસે હરિયાણામાં રાજ્યસભાની એક પણ બેઠક હોત તો અમે વિનેશ ફોગાટને તક આપી હોત.

Alvida Kushti': Vinesh Phogat Announces Retirement After Olympics Disqualification | HerZindagi

હરિયાણા કોંગ્રેસના પ્રભારી દીપક બાબરિયાએ કોંગ્રેસ સીઈસીની બેઠક બાદ જણાવ્યું હતું કે 49 બેઠકો પર ચર્ચા કરવામાં આવી હતી, જેમાં 34 ઉમેદવારો નક્કી કરવામાં આવ્યા છે અને 15 બેઠકો સમીક્ષા માટે મોકલવામાં આવી છે. હરિયાણા કોંગ્રેસના પ્રભારીએ એમ પણ કહ્યું કે વિનેશ ફોગટ ચૂંટણી લડવા અંગેનું ચિત્ર મંગળવારે સ્પષ્ટ થઈ જશે. ઉપરાંત, કોંગ્રેસ નેતા ટીએસ સિંહદેવે સોમવારે રાત્રે કહ્યું હતું કે વિનેશ ફોગટ પોતે કહેશે કે તે ચૂંટણી લડવા માટે તૈયાર છે કે નહીં, તેના નામની ચર્ચા કરવામાં આવી નથી.

મહિલા કુસ્તીબાજ વિનેશ ફોગટના રાજકારણમાં પ્રવેશની વાત તે દિવસથી થઈ રહી છે જ્યારે તેણીએ જંતર-મંતર ખાતે વિરોધ પ્રદર્શન કર્યું હતું અને તે સમયના WFI વડા અને ભાજપના નેતા બ્રિજ ભૂષણ શરણ સિંહ પર મહિલા કુસ્તીબાજોની જાતીય સતામણીનો આરોપ લગાવ્યો હતો. કોંગ્રેસના નેતાઓ ખુલ્લેઆમ વિનેશ ફોગટ, ખાસ કરીને પાર્ટીના સાંસદ દીપેન્દ્ર હુડ્ડા સાથે ઉભા હતા. આ પછી વિનેશ ફોગટનું ઓલિમ્પિકમાંથી પરત ફરતા એરપોર્ટ પર દીપેન્દ્ર હુડ્ડા દ્વારા સ્વાગત કરવામાં આવ્યું હતું અને સાથે મળીને રોડ શો પણ કર્યો હતો. જે રીતે કોંગ્રેસ વિનેશ ફોગાટની તરફેણમાં ઉભી હતી. જેના કારણે તેમની રાજનીતિમાં એન્ટ્રીની અટકળો લગાવવામાં આવી રહી છે.

અહેવાલ મુજબ, બેઠક દરમિયાન રાહુલ ગાંધીએ પાર્ટી નેતાઓને પણ કહ્યું કે, જો ચૂંટણી આમ આદમી પાર્ટી સાથે લડવામાં આવે તો કેવું રહેશે. રાહુલ ગાંધીએ નેતાઓને આ મામલે વિચાર કરવા કહ્યું છે. આજે કુમારી સેલજા અને રણદીપ સુરજેવાલાને પણ ચૂંટણીમાં ઉતારવા કે નહીં તે અંગે ચર્ચા થશે. સેલજા CM પદ માટે દાવો કરી રહી છે અને ચૂંટણી લડવાની ઈચ્છા વ્યક્ત કરી રહી છે. આ સિવાય સુરજેવાલા પણ આ માટે તૈયાર જણાય છે. આ દરમિયાન ભૂપિન્દર હુડ્ડા તરફથી કહેવું છે કે, સુરજેવાલાની જગ્યાએ તેમના પુત્રને ચૂંટણીમાં ઉતારવો જોઈએ. મળતી માહિતી મુજબ, હુડ્ડા તરફથી સુરજેવાલાને દૂર રાખવા માટે સૂચન આપવામાં આવ્યું છે. અત્યાર સુધી મળેલી માહિતી મુજબ, અજય માકનની સ્ક્રીનિંગ કમિટીએ 49 સીટોની યાદી તૈયાર કરી છે. જેમાંથી 30 પર નિર્ણય લેવામાં આવ્યો છે.

આ પણ વાંચો :-

RBIએ પ્રતિબંધ મુકેલી રૂ. 2000ની નોટને લઈને આવ્યા મોટા સમાચાર, જાણો શું

News Editor
-
0

દેશમાં 2000 રૂપિયાની ગુલાબી નોટો પર પ્રતિબંધ મૂક્યાને એક વર્ષથી વધુ સમય વીતી ગયો છે, પરંતુ 7000 કરોડ રૂપિયાથી વધુની આ ચલણી નોટો હજુ પણ બજારમાં હાજર છે. ભારતીય રિઝર્વ બેંક (RBI) એ સોમવારે ડેટા સાથે આ સંબંધિત એક મોટું અપડેટ જાહેર કર્યું છે. સેન્ટ્રલ બેંકે કહ્યું કે ચલણમાંથી બહાર કાઢવામાં આવ્યા બાદથી 2000 રૂપિયાની કુલ નોટોમાંથી 97 ટકાથી વધુ પરત આવી છે.

2000 રૂપિયાની નોટ બદલવાની અંતિમ તારીખ નીકળી ગઇ, જાણો હવે તમારી પાસે શું છે ઓપ્શન - last date for converting rs 2000 note is out know How to Exchange Notes

સોમવારે ચલણમાંથી બહાર કાઢવામાં આવેલી રૂ. 2000ની નોટ પરત કરવાના ડેટા શેર કરતી વખતે રિઝર્વ બેંક ઓફ ઈન્ડિયાએ કહ્યું કે આ મૂલ્યની 97.96 ટકા નોટો બેંકોમાં પાછી આવી ગઈ છે, પરંતુ લોકો હજુ પણ આ મૂલ્યની ગુલાબી નોટો પરત કરી રહ્યા છે. 7,261 કરોડ તમારી નજીક બેઠા છે. આ નોટોને ચલણમાંથી બહાર કાઢ્યા પછી શરૂઆતમાં તે ઝડપી ગતિએ પાછી આવી હતી, પરંતુ હવે તે ખૂબ જ ધીમી ગતિએ પાછી આવી રહી છે.

1 જુલાઈ, 2024 ના રોજ ભારતીય રિઝર્વ બેંક દ્વારા શેર કરવામાં આવેલા ડેટા અનુસાર, બજારમાં 7581 કરોડ રૂપિયાની કિંમતની 2000 રૂપિયાની નોટો બચી ગઈ હતી, જ્યારે 1 સપ્ટેમ્બર સુધીમાં પણ આ આંકડો 7000 કરોડ રૂપિયાથી નીચે ન આવી શકે. આ બે મહિનામાં માત્ર 320 કરોડ રૂપિયાની નોટ જ પરત આવી શકી છે. ગયા વર્ષે મે મહિનામાં જ્યારે આ નોટો બંધ કરવામાં આવી ત્યારે બજારમાં 3.56 લાખ કરોડ રૂપિયાની ગુલાબી નોટો હાજર હતી, 29 ડિસેમ્બર 2023 સુધીમાં તે ઘટીને 9,330 કરોડ રૂપિયા થઈ ગઈ હતી.

ઉલ્લેખનીય છે કે આ નોટો હજુ પણ બદલી શકાશે, જોકે સ્થાનિક બેંકોમાં આ કામ શક્ય નહીં બને. કેન્દ્રીય બેંકે સ્પષ્ટતા કરી છે કે ચલણમાંથી બહાર કાઢવામાં આવેલી આ ગુલાબી નોટો અમદાવાદ, બેંગલુરુ, બેલાપુર, ભોપાલ, ભુવનેશ્વર, ચંદીગઢ, ચેન્નાઈ, ગુવાહાટી, હૈદરાબાદ, જયપુર, જમ્મુ, કાનપુર, કોલકાતા, લખનઉ જેવી 19 RBI ઓફિસમાં જમા કરવામાં આવશે. મુંબઈ, નાગપુર, નવી દિલ્હી, પટના અને તિરુવનંતપુરમ જવા ઉપરાંત, લોકો આ નોટો તેમની નજીકની કોઈપણ પોસ્ટ ઓફિસ દ્વારા ઈન્ડિયા પોસ્ટ દ્વારા જમા કરાવી શકે છે.

આ પણ વાંચો :-

પોરબંદરના દરિયામાં કોસ્ટગાર્ડના હેલિકોપ્ટરનું ઈમરજન્સી લેન્ડિંગ, 3 જવાનો લાપતા

News Editor
-
0

ઇન્ડિયન કોસ્ટ ગાર્ડ (ICG)ના હેલિકોપ્ટરને પોરબંદરના દરિયાકાંઠે અરબી સમુદ્રમાં ઇમરજન્સી લેન્ડિંગ કરવું પડ્યું હતું, ત્યારબાદ ક્રૂના ત્રણ સભ્યો ગુમ થયા હતા. આ હેલિકોપ્ટરને ટેન્કરમાંથી ઘાયલ સભ્યને બચાવવા માટે અહીં તૈનાત કરવામાં આવ્યું હતું, પરંતુ તે પોતે જ અકસ્માતનો શિકાર બન્યો હતો. હવે તેના 3 સભ્યોની શોધ ચાલી રહી છે.

ભારતીય કોસ્ટ ગાર્ડે એક નિવેદન જારી કર્યું હતું કે તેનું એડવાન્સ લાઇટ હેલિકોપ્ટર (ALH) સોમવારે રાત્રે લગભગ 11 વાગ્યે ભારતીય ધ્વજવાળા મોટર ટેન્કર હરિ લીલામાં સવાર એક ગંભીર રીતે ઘાયલ ક્રૂ મેમ્બરને મદદ પૂરી પાડવા માટે દરિયામાં ઉતારવામાં આવ્યું હતું. આ કાર્યવાહી પોરબંદર દરિયાકાંઠાથી લગભગ 45 કિલોમીટર દૂર કરવામાં આવી હતી. કોસ્ટ ગાર્ડે જણાવ્યું કે મોટર ટેન્કરના માલિક હરિ લીલાની વિનંતી પર આ કાર્યવાહી કરવામાં આવી છે. કોસ્ટ ગાર્ડના ક્રૂમાં ચાર લોકો સવાર હતા. અહેવાલ મુજબ ઓપરેશન દરમિયાન હેલિકોપ્ટરને અરબી સમુદ્રમાં ઈમરજન્સી લેન્ડિંગ કરવું પડ્યું હતું.

હેલિકોપ્ટરનું દરિયામાં ઈમરજન્સી લેન્ડિંગનું કારણ હજુ સુધી જાણી શકાયું નથી. હેલિકોપ્ટર જ્યારે મોટર ટેન્કર સુધી પહોંચવાનું હતું ત્યારે કેટલાક કારણોસર હેલિકોપ્ટરને દરિયામાં લેન્ડ કરવું પડ્યું હતું. દુર્ઘટનાગ્રસ્ત હેલિકોપ્ટરના ગુમ થયેલા સૈનિકોની શોધ માટે કોસ્ટ ગાર્ડે ચાર જહાજો અને બે એરક્રાફ્ટને બચાવ કામગીરીમાં તૈનાત કર્યા છે.

આ પણ વાંચો :-

1...662663664...1,476Page 663 of 1,476