HomeSurat Cityછઠ પૂજાને હજુ 2 મહિના બાકી, છતાં સુરતમાં ઘાટ પર ‘બુકિંગ’ શરૂ!...

છઠ પૂજાને હજુ 2 મહિના બાકી, છતાં સુરતમાં ઘાટ પર ‘બુકિંગ’ શરૂ! દાદર પર લખાયા નામ-મોબાઈલ નંબર

Date:

Related stories

PF ખાતાધારકોને મોટી રાહત : હવે 75% નહીં, 90% સુધીની રકમ ઉપાડી શકાશે

નોકરી કરતા કરોડો કર્મચારીઓ માટે પ્રોવિડન્ટ ફંડ (PF) અંગે...

મુંબઈના આ રેલવે સ્ટેશનનું નામ બદલાશે, હવે ‘ચૈત્યભૂમિ’ તરીકે ઓળખાશે; CM ફડણવીસે આપી મંજૂરી

મુંબઈ: મહારાષ્ટ્રની રાજધાની મુંબઈના ઐતિહાસિક દાદર રેલવે સ્ટેશનનું નામ...

આ રાજ્યમાંથી નકલી દવા બનાવતી ફેક્ટરી ઝડપાઈ, STF અને ડ્રગ્સ વિભાગની સંયુક્ત કાર્યવાહી

હિમાચલ પ્રદેશના સોલન જિલ્લાના નાલાગઢ વિસ્તારમાં નકલી દવાઓ બનાવતી...

પંજાબમાં ભાખડા નહેર પર લોખંડનો પુલ ધરાશાયી, બે ટ્રક નહેરમાં ખાબક્યા; એક ટ્રકમાં લાગી આગ

પટિયાલા: પંજાબના પટિયાલા-સંગરુર બાયપાસ પર પસિયાણા ગામ નજીક ભાખડા...
spot_img

કોઈ થિયેટર કે ટ્રેનની ટિકિટ માટે એડવાન્સ બુકિંગ થતું તમે સાંભળ્યું હશે, પરંતુ શું તમે ક્યારેય નદી કે તળાવના ઘાટ પર પૂજાની જગ્યા માટે મહિનાઓ અગાઉથી બુકિંગ થતું જોયું છે? સુરતના ડીંડોલી સ્થિત છઠ સરોવર ખાતે શ્રદ્ધાનો એક આવો જ અનોખો નજારો જોવા મળી રહ્યો છે. દિવાળીના છ દિવસ બાદ આવતા છઠ પર્વને હજુ દોઢ-બે મહિનાનો સમય બાકી છે, છતાં શ્રદ્ધાળુઓએ સરોવરના પગથિયાં પર પાકા રંગથી પોતાના નામ અને મોબાઈલ નંબર લખીને પૂજાની જગ્યા અત્યારથી જ રિઝર્વ કરી લીધી છે.

ઉત્તર ભારતીયો માટે છઠ પૂજા માત્ર એક તહેવાર નથી, પરંતુ આસ્થાનું સૌથી મોટું અને પવિત્ર પર્વ છે. સુરતમાં વસતા લાખો પરપ્રાંતીય પરિવારો માટે ડીંડોલીનું આ છઠ સરોવર પૂજાનું મુખ્ય કેન્દ્ર બની રહે છે. અહીં અંદાજિત 50 હજારથી વધુ શ્રદ્ધાળુઓ સૂર્યદેવને અર્ઘ્ય અર્પણ કરવા એકઠા થતા હોય છે. આવી વિશાળ ભીડમાં સંધ્યા અને સવારના અર્ઘ્ય સમયે પોતાના પરિવારના તમામ સભ્યો સાથે આરામથી ઊભા રહીને પૂજા કરી શકાય તેવી જગ્યા મેળવવી ખૂબ જ મુશ્કેલ બની જાય છે. આ સમસ્યાના ઉકેલ રૂપે જ શ્રદ્ધાળુઓએ જગ્યા રોકવાનો આ નવો કીમિયો અપનાવ્યો છે. ઘાટના દાદર પર ઠેર-ઠેર ‘Book 2026’, લોકોના નામ અને ફોન નંબરો પાકા કલરથી લખેલા સ્પષ્ટ જોઈ શકાય છે.

સામાન્ય રીતે કોઈપણ પ્રસંગમાં જગ્યા મેળવવા લોકો વહેલી સવારે પહોંચી જતા હોય છે, પરંતુ મહિનાઓ પહેલા જ ઘાટ પર આવી તૈયારી સૌના આશ્ચર્યનું કારણ બની છે. આ દૃશ્યો હાલ સોશિયલ મીડિયા અને સ્થાનિક લોકોમાં ભારે ચર્ચાનો વિષય બન્યા છે. એક તરફ આ આયોજન શ્રદ્ધાળુઓની અતૂટ આસ્થા અને પરિવાર સાથે પૂજા કરવાની તાલાવેલી દર્શાવે છે, તો બીજી તરફ જાહેર જગ્યાના દાદર પર આ રીતે કલરથી નામ લખવાની પદ્ધતિને કારણે કેટલાક સવાલો પણ ઉભા થઈ રહ્યા છે.

આગામી દિવસોમાં તંત્ર માટે આટલી વિશાળ ભીડનું સંચાલન, ઘાટની સ્વચ્છતા અને સુરક્ષા જાળવવી એક મોટો પડકાર બની રહેશે. જોકે, દાદર પર દેખાઈ રહેલા આ નામો એ વાતનો સ્પષ્ટ સંકેત આપે છે કે ભક્તોમાં છઠ પર્વનો ઉત્સાહ ચરમસીમા પર છે અને સુરતમાં આ મહાપર્વની ભક્તિમય તૈયારીઓ પૂરજોશમાં શરૂ થઈ ચૂકી છે.

Subscribe

Latest stories