Home Blog Page 585

શેરબજારમાં સેન્સેક્સ-નિફ્ટીમાં ફરી મોટો કડાકો, રોકાણકારોને નુકસાન

News Editor
-
0

આજે શેરબજારમાં જોરદાર ઘટાડો જોવા મળી રહ્યો છે. ગુરુવારે બપોર બાદ શેરબજારમાં કડાકો જોવા મળ્યો હતો. BSE સેન્સેક્સ 1190 પોઈન્ટથી વધુ અને નિફ્ટી 360 પોઈન્ટથી વધુ તૂટ્યો હતો. સેન્સેક્સ 79,043 અને નિફ્ટી 23,914.15 પર ટ્રેડ થઈ રહ્યો હતો. નિફ્ટી બેંકની વાત કરીએ તો તે 370 પોઈન્ટ ઘટીને 51930 પર ટ્રેડ કરી રહ્યો હતો.

જો કે 11 દિવસમાં કંપનીના શેરમાં રૂ. 102,334.65નો ઘટાડો નોંધાયો છે. કંપનીનો શેર એક જ દિવસમાં રૂ. 3.53 થી વધીને રૂ. 2,36,250 થયો હતો. એક જ દિવસમાં કંપનીના શેરમાં 66,92,535 ટકાનો જંગી ઉછાળો જોવા મળ્યો હતો. BSE દ્વારા આયોજિત સ્પેશિયલ કોલ ઓક્શન સેશન બાદ એલ્સિડ ઇન્વેસ્ટમેન્ટ્સના શેરમાં આ વધારો થયો છે.

આ વધારા સાથે એલ્સિડ ઇન્વેસ્ટમેન્ટ્સનો શેર દેશનો સૌથી મોંઘો સ્ટોક બની ગયો. કંપનીના શેરોએ એમઆરએફને પાછળ છોડી દીધું હતું. ચાલુ નાણાકીય વર્ષના સપ્ટેમ્બર ક્વાર્ટરમાં સ્ટેન્ડઅલોન બેસિસ પર એલ્સિડ ઇન્વેસ્ટમેન્ટ્સની નેટ સેલ્સ 35.68 કરોડ રૂપિયા રહી છે. ગયા વર્ષના સપ્ટેમ્બર ક્વાર્ટરની સરખામણીમાં કંપનીના ચોખ્ખા વેચાણમાં 131.28 ટકાનો વધારો થયો છે. ગયા વર્ષના સપ્ટેમ્બર ક્વાર્ટરમાં સ્ટેન્ડઅલોન ધોરણે કંપનીનું ચોખ્ખું વેચાણ રૂ. 15.43 કરોડ હતું.

સપ્ટેમ્બર 2024 ક્વાર્ટરમાં સ્ટેન્ડઅલોન ધોરણે કંપનીનો ચોખ્ખો નફો 147.36 ટકા વધીને રૂ. 28.07 કરોડ થયો છે, જે ગયા વર્ષના સપ્ટેમ્બર ક્વાર્ટરમાં રૂ. 11.35 કરોડ હતો. કંપની એશિયન પેઇન્ટ્સના 2,83,13,860 શેર ધરાવે છે. એલસીડ ઇન્વેસ્ટમેન્ટ્સની એશિયન પેઇન્ટ્સમાં 2.95% હિસ્સો ધરાવે છે. એલસીડ ઇન્વેસ્ટમેન્ટ્સનું માર્કેટ કેપ 4610 કરોડ રૂપિયા પર પહોંચી ગયું છે.

આ પણ વાંચો :-

સેલવાસ અકસ્માતમાં સુરતના 4 યુવકોના મોત

News Editor
-
0

સુરત પાસિંગની કારનો દાદરા નગર હવેલી પાસે ભયાનક અકસ્માત થયો હતો. આ અકસ્માત એટલો ભયાનક હતો કે કારનો ખુરદો બોલી ગયો હતો અને અકસ્માતમાં 4 લોકોના મોત નિપજ્યા હતા. સેલવાસના દુધની ગામ નજીકના ઘાટ ઉતરતી વખતે અચાનક કાર ચાલકે સ્ટેયરિંગ પરથી કાબુ ગુમાવતા રોડ નજીક પડેલા મોટા પથ્થર સાથે કાર અથડાયા બાદ ત્રણથી ચાર પલટી ખાઈ ગઈ હતી.

સુરતના કાર સવાર પાંચ પૈકી ચાર વ્યકિતઓના ઘટના સ્થળે મોત થયા હતા. એક શખ્સને ઇજા પહોંચી હતી. અકસ્માતને પગલે ગામના આગેવાનો સહિત લોકો દોડી ગયા હતા. બાદમાં લોકોએ કારમાં ફસાયેલા પાંચ વ્યકિતઓને બહાર કાઢવા કવાયત આદરી હતી. જોકે આ અકસ્માતમાં કમનસીબે ચાર લોકોના મોત થયા હતા અને એક યુવાન ગંભીર રીતે ઈજાગ્રસ્ત થતા તેને સારવાર અર્થે હોસ્પિટલ ખાતે ખસેડાયો છે.

બીજો અકસ્માત આણંદના પેટલાદ નજીક તારાપુર-ધર્મજ હાઈવે પર સર્જાયો હતો. જેમાં લક્ઝરી બસનું કચ્ચરઘાણ વળી ગયું હતું. આ અકસ્માત એટલો ભયાનક હતો કે 3 લોકોના ઘટના સ્થળે જ મોત થયા હતા.પ્રાપ્ત માહિતી અનુસાર તારાપુર-ધર્મજ હાઈવે પર ટ્રક અને લક્ઝરી બસ વચ્ચે આ ભયંકર અકસ્માત સર્જાયો હતો. જેમાં રાજકોટથી સુરત તરફ જતી આ બસની ઓવરટેકના ચક્કરમાં ટ્રક સાથે અથડાઈ હતી.

આ પણ વાંચો :-

આણંદ-તારાપુર હાઇવે પર ભયંકર અકસ્માત, 3 લોકોનાં મોત, 15થી વધુ ઘાયલ

News Editor
-
0

આણંદના પેટલાદ નજીક તારાપુર-ધર્મજ હાઈવે પરથી એક ગમખ્વાર અકસ્માતની ખબર સામે આવી. ટ્રક અને લક્ઝરી બસ વચ્ચે અકસ્માત થતા 3 લોકોના મોત નિપજ્યા, જ્યારે 15થી વધુ લોકો ઇજાગ્રસ્ત થતા તેમને સારવાર માટે ખસેડવામાં આવ્યા છે. ઓવરટેક કરવા જતાં સમયે આ અકસ્માત થયો હોવાનું સામે આવ્યુ છે.

રાજ્યમાં સતત ગોઝારા અકસ્માતોની ઘટનાઓ બની રહી છે ત્યારે સુરત પાસિંગની કારનો દાદરા નગર હવેલી પાસે ભયાનક અકસ્માત થયો હતો. આ અકસ્માત એટલો ભયાનક હતો કે કારનો ખુરદો બોલી ગયો હતો અને અકસ્માતમાં 4 લોકોના મોત નિપજ્યા હતા. જ્યારે બીજો અકસ્માત આણંદ જિલ્લાના પેટલાદ નજીક સર્જાયો હતો. અહીં ટ્રક અને લક્ઝરી બસ વચ્ચે અકસ્માત સર્જાતા 3 લોકોના મોત થયા છે ત્યાં જ 15થી વધુ લોકો ઈજાગ્રસ્ત થયા છે.

આ અકસ્માત એટલો ભયાનક હતો કે લક્ઝરી બસનો કચ્ચરઘાણ નીકળી ગયો હતો. ઘટનાને પગલે એમ્બ્યુલન્સ અને હાઈવે પેટ્રોલીંગ તેમજ પેટલાદ રૂરલ પોલીસની ટીમ દોડી ગઇ હતી અને ઘાયલોને હોસ્પિટલ ખસેડ્યા હતા. જ્યારે મૃતદેહોને પી.એમ માટે પેટલાદ સિવિલ હોસ્પિટલમાં ખસેડવામાં આવ્યા હતા. અકસ્માતના પગલે ટ્રાફિક જામ સર્જાતા પોલીસે ટ્રાફિક પૂર્વવત કરવાની કાર્યવાહી હાથ ધરી હતી.

આણંદના પેટલાદ નજીક તારાપુર-ધર્મજ હાઈવે પર અકસ્માત સર્જાયો હતો. જેમાં લક્ઝરી બસનું કચ્ચરઘાણ વળી ગયું હતું. આ અકસ્માત એટલો ભયાનક હતો કે 3 લોકોના ઘટના સ્થળે જ મોત થયા હતા.પ્રાપ્ત માહિતી અનુસાર તારાપુર-ધર્મજ હાઈવે પર ટ્રક અને લક્ઝરી બસ વચ્ચે આ ભયંકર અકસ્માત સર્જાયો હતો. જેમાં રાજકોટથી સુરત તરફ જતી આ બસની ઓવરટેકના ચક્કરમાં ટ્રક સાથે અથડાઈ હતી.

આ પણ વાંચો :-

હેમંત સોરેને ઝારખંડના મુખ્યમંત્રી તરીકે શપથગ્રહણ કર્યા

News Editor
-
0

હેમંત સોરેન ઝારખંડના મુખ્યમંત્રી તરીકે શપથ ગ્રહણ કર્યા. હેમંત સોરેન ચોથી વખત ઝારખંડના મુખ્યમંત્રી બન્યા છે તેમને રાજ્યપાલ સંતોષ ગંગવારે પદ અને ગોપનીયતાના શપથ લેવડાવ્યા હતા. હેમંત સોરેનના શપથગ્રહણ સમારોહમાં તેમના પિતા અને ત્રણ વખતના ભૂતપૂર્વ મુખ્યમંત્રી શિબુ સોરેન પણ હાજર રહ્યા હત. આ સમારોહમાં કોંગ્રેસ અધ્યક્ષ મલ્લિકાર્જુન ખડગે, લોકસભામાં વિપક્ષના નેતા રાહુલ ગાંધી, પશ્ચિમ બંગાળના સીએમ મમતા બેનર્જી, અખિલેશ યાદવ, તેજસ્વી યાદવ હાજર રહ્યા હતા.

તેમના શપથ સમારોહમાં ઘણા દિગ્ગજ અને મોટા ચહેરાઓ પણહાજર રહ્યા હતા. I.N.D.I.A. ગઠબંધનના તમામ મોટા નેતાઓ તેમની હાજરી આપશે. જેમાં રાહુલ ગાંધી અને મલ્લિકાઅર્જુન ખડગે જેવા દિગ્ગજો પણ સામેલ છે. એટલું જ નહીં, આ સિવાય પીએમ મોદીને પણ આમંત્રણ આપવામાં આવ્યું છે.

હાલમાં શપથ ગ્રહણ પહેલા ભારે અસમંજસની સ્થિતિ દેખાઈ રહી છે. હેમંત જૂથ તરફથી એવું કહેવામાં આવી રહ્યું છે કે માત્ર JMM ચીફ જ સીએમ પદના શપથ લેશે, તો બીજી તરફ કોંગ્રેસ કેમ્પ દાવો કરી રહી છે કે અન્ય કેટલાક ધારાસભ્યો પણ મંત્રીપદના શપથ લેવાના છે. આ અંગે હજુ સુધી કોઈ સ્પષ્ટતા નથી તેથી અસમંજસની સ્થિતિ જોવા મળી રહી છે. એવી ચર્ચા છે કે કોંગ્રેસ ઘણા મંત્રાલયો પોતાની પાસે રાખવા માંગે છે. કોંગ્રેસના આ વખતે 16 ધારાસભ્યો જીતીને વિધાનસભા પહોંચ્યા છે એટલા માટે તે પોતાની પાસે ઘણાં મંત્રાલય રાખવા માગે છે.

આ પણ વાંચો :-

હાથમાં બંધારણની કોપી લઈને પ્રિયંકા ગાંધી લીધા સાંસદ પદના શપથ

News Editor
-
0

વાયનાડથી લોકસભા પેટા ચૂંટણીમાં જીત નોંધાવ્યા બાદ આજે કોંગ્રેસ નેતા પ્રિયંકા ગાંધી વાડ્રાએ સાંસદ પદના શપથ લીધા હતા. આ દરમિયાન તેમના પતિ રોબર્ટ વાડ્રાથી લઈને બાળકો પણ સંસદમાં હાજર હતા. લોકસભામાં પ્રિયંકા ગાંધીએ સાંસદ પદના શપથ લીધા અને બીજી તરફ એક વાર ફરીથી સંસદમાં હંગામો શરુ થયો હતો. જેના પગલે ઓમ બિરલાએ લોકસભાની કાર્યવાહી 12 વાગ્યા સુધી સ્થગિત કરવામાં આવી હતી.

લોકસભા સ્પીકર ઓમ બિરલાએ પ્રિયંકા ગાંધીનું નામ બોલાવતા જ તેઓ પોતાના હાથમાં બંધારણની પુસ્તક લઈને પહોંચ્યા અને શપથ લીધા. રાહુલ ગાંધી દ્વારા ખાલી કરાયેલી સીટ પર યોજાયેલી વાયનાડ પેટાચૂંટણીમાં પ્રિયંકાએ 4 લાખથી વધુ મતોથી જીત મેળવી છે. આ રીતે ગાંધી પરિવારના ત્રણ લોકો આજથી સંસદમાં જોવા મળશે.

આ પહેલા બુધવારે કેરળ કોંગ્રેસના નેતાઓએ પ્રિયંકા ગાંધીને જીતનું પ્રમાણપત્ર આપ્યું હતું. પ્રિયંકા ગાંધીને વાયનાડ પેટાચૂંટણીમાં 6 લાખ 22 હજાર 338 મત મળ્યા હતા. જ્યારે સીપીઆઈના ઉમેદવાર સત્યમ મોકેરી બીજા ક્રમે રહ્યા હતા. તેમને 2 લાખ 11407 મત મળ્યા હતા. આ પેટાચૂંટણીમાં ભાજપ ત્રીજા ક્રમે રહી હતી. ભાજપના ઉમેદવાર નવ્યા હરિદાસને તેમના ખાતામાં 1 લાખ 99939 મત મળ્યા હતા.

આ પણ વાંચો :-

PM મોદીને જાનથી મારી નાખવાની ધમકી! મુંબઈ પોલીસ એલર્ટ

News Editor
-
0

ભારતના વડાપ્રધાન નરેન્દ્ર મોદીને જાનથી મારી નાખવાની ધમકીનો મામલો સામે આવ્યો છે. આ ધમકી ફોન પર આપવામાં આવી છે. મળતી માહિતી મુજબ, મુંબઈ પોલીસના ટ્રાફિક કંટ્રોલ રૂમમાં ધમકીભર્યો કોલ આવ્યો હતો. ફોન કરનાર વ્યક્તિએ વડાપ્રધાન નરેન્દ્ર મોદીને મારી નાખવાની ધમકી આપી છે. ધમકીભર્યા કોલ બાદ પોલીસ એલર્ટ મોડ પર છે અને મામલાની તપાસ કરી રહી છે.

પ્રાપ્ત માહિતી અનુસાર, ફોન કરનારે વડાપ્રધાન નરેન્દ્ર મોદીને મારી નાખવાની ધમકી આપી હતી અને કહ્યું હતું કે આખો પ્લાન બની ગયો છે. હાલ મુંબઈ પોલીસે આ મામલે તપાસ શરૂ કરી છે અને આરોપીની શોધ કરવામાં આવી રહી છે અને તમામ પ્રોટોકોલનું પાલન કરવામાં આવી રહ્યું છે. પોલીસ સુત્રો પાસેથી મળતી માહિતી મુજબ આરોપીની ઓળખ કરી લેવામાં આવી છે. આ મામલે મુંબઈના અંબોલી પોલીસ સ્ટેશનમાં કેસ નોંધીને એક મહિલાની ઓળખ કરવામાં આવી છે. પોલીસે કહ્યું છે કે, ધરપકડની પ્રક્રિયા ટૂંક સમયમાં પૂરી કરવામાં આવશે. પોલીસ પાસેથી મળતી માહિતી મુજબ, મહિલા માનસિક રીતે અસ્વસ્થ છે. જો કે હાલ આ મામલે તમામ પ્રોટોકોલ મુજબ પ્રક્રિયા પૂર્ણ કરવામાં આવશે.

દેશના વડાપ્રધાનની સુરક્ષાની જવાબદારી સ્પેશ્યલ પ્રોટેક્શન ગ્રુપ (SPG) પાસે હોય છે. વડાપ્રધાનની ચારે તરફ સુરક્ષા ઘેરો SPG જવાનોનો જ હોય છે.PMની સુરક્ષામાં રહેલા જવાનોને અમેરિકાની સીક્રેટ સર્વિસની ગાઇડલાઇન્સ અનુસાર ટ્રેનિંગ આપવામાં આવે છે, તેમની પાસે MNF-2000 અસોલ્ટ રાઇફલ, ઓટોમેટિક ગન અને 17 એમ રિવોલ્વર જેવા મોર્ડન હથિયાર હોય છે.

આ પણ વાંચો :-

ઈન્ડિયન નેવીએ સબમરીનથી સમુદ્રમાં પરમાણુ બેલેસ્ટિક મિસાઈલનું સફળ પરીક્ષણ કર્યું

News Editor
-
0

ઈન્ડિયન નેવીએ પોતાની ન્યુક્લિયર પાવર્ડ સબમરીન INS Arighaat પહેલીવાર K-4 SLBMનું સફળ પરીક્ષણ કર્યું છે. એટોમિક હથિયાર લઈ જનારી આ મિસાઈલની રેન્જ 3500 કિલોમીટર છે. આ મિસાઈલની ખાસિયત એ છે કે તે દેશને સેકેન્ડ સ્ટ્રાઈકની ક્ષમતા પ્રદાન કરે છે. એટલે કે દેશના ન્યુક્લિયર ટ્રાયડને એ તાકાત મળી જાય છે કે, જો જમીન પર સ્થિતિ સારી ન હોય તો પાણીની અંદરથી સબમરીન હુમલો કરી શકે છે.

INS અરિહંત અને અરિઘાટ સબમરીનોમાં ચાર વર્ટિકલ લોન્ચિંગ સિસ્ટમ છે. જેના કારણે તે લોન્ચ થાય છે. આ મિસાઈલનું વજન 17 ટન છે અને તેની લંબાઈ 39 ફૂટ છે. તેનો વ્યાસ 4.3 મીટર છે. તે 2500 કિલો વજનના સ્ટ્રેટેજિક ન્યુક્લિયર હથિયાર લઈને ઉડાન ભરવામાં સક્ષમ છે.

બે સ્ટેજની આ મિસાઈલ સોલિડ રોકેટ મોટરથી ચાલે છે. આમાં પ્રોપેલેન્ટ પણ સોલિડ જ પડે છે. તેની ઓપરેશનલ રેન્જ 4000 કિલોમીટર છે. ભારતનો નિયમ છે કે તે પહેલા કોઈ પર પરમાણુ હુમલો નહીં કરશે. પરંતુ જો તેના પર આ હુમલો કરવામાં આવે તો તે છોડશે નહી. તેથી નૌકાદળમાં આવી મિસાઈલો હોવી ખૂબ જ જરૂરી છે.

તેનું સફળ વિકાસલક્ષી પ્રક્ષેપણ 15 જાન્યુઆરી, 2010ના રોજ વિશાખાપટ્ટનમના દરિયાકાંઠે પાણીની નીચે 160 ફૂટનું પોન્ટૂન બનાવીને કરવામાં આવ્યું હતું. 24 માર્ચ, 2014 ના રોજ, પ્રથમ સફળ પરીક્ષણ પ્રક્ષેપણ ફરીથી તે જ સ્થાને અને તે જ તકનીક સાથે પોન્ટૂનથી હાથ ધરવામાં આવ્યું હતું. આ પછી, બીજું સફળ પરીક્ષણ 7 માર્ચ 2016 ના રોજ શરૂ કરવામાં આવ્યું હતું. 2016 માં, INS અરિહંતથી 700 કિમીની રેન્જ માટે સફળ અજમાયશ શરૂ કરવામાં આવી હતી.

17 ડિસેમ્બર, 2017 ના રોજ, પાણીની અંદર પોન્ટૂન લોન્ચ પણ કરવામાં આવ્યું હતું પરંતુ તે નિષ્ફળ રહ્યું હતું. આ પછી, 19 જાન્યુઆરી, 2020 ના રોજ, પોન્ટૂનથી 3500 કિમીની રેન્જ માટે પાંચમી વખત સફળ પરીક્ષણ પ્રક્ષેપણ કરવામાં આવ્યું. 2020 માં છઠ્ઠી વખત સફળ પરીક્ષણ શરૂ કરવામાં આવ્યું હતું. આ પછી હવે આ ટેસ્ટ કરવામાં આવ્યો છે.

આ પણ વાંચો :-

દિલ્હીમાં મીઠાઈની દુકાન પાસે સ્કૂટરમાં જોરદાર વિસ્ફોટ

News Editor
-
0

દિલ્હીના પ્રશાંત વિહારમાં પીવીઆર નજીક એક જોરદાર વિસ્ફોટ થયાની માહિતી સામે આવી રહી છે. દિલ્હી પોલીસને આ ઘટના વિશે જાણકારી મળી હતી. જેના બાદ પોલીસ ટુકડી ઘટનાસ્થળે ત્વરિત દોડી આવી હતી અને તાત્કાલિક ધોરણે તપાસ હાથ ધરવામાં આવી હતી.

ફાયર વિભાગના જણાવ્યા અનુસાર, સવારે 11.48 વાગ્યે પ્રશાંત વિહારના બંસી સ્વીટ્સમાં શંકાસ્પદ વિસ્ફોટની માહિતી પીસીઆર કોલ પર મળી હતી. ફાયર બ્રિગેડની ચાર ગાડીઓ ઘટનાસ્થળે હાજર છે. આ વિસ્ફોટ પાર્કની બાઉન્ડ્રી વોલ પાસે થયો હતો. એવું કહેવામાં આવી રહ્યું છે કે સ્થળ પર સફેદ પાવડર જેવી વસ્તુ વેરવિખેર મળી આવી છે.

આ પહેલા રવિવારે દિલ્હીના રોહિણીના પ્રશાંત વિહાર વિસ્તારમાં CRPF સ્કૂલની દિવાલમાં એક ઉચ્ચ તીવ્રતાનો બોમ્બ વિસ્ફોટ થયો હતો. તે એટલો જોરદાર હતો કે કેટલાય કિલોમીટર સુધી દુકાનો અને મકાનોની ટાઈલ્સ અને કાચ તૂટી ગયા હતા. જો કે, સદ્ભાગ્યની વાત એ હતી કે આ બ્લાસ્ટ સવારે ત્યારે થયો જ્યારે ત્યાં લોકો હાજર ન હતા. જે બાદ NIA સહિતની ટોચની તપાસ એજન્સીઓ આ બ્લાસ્ટની કડીઓ શોધવામાં વ્યસ્ત છે.

આ પણ વાંચો :-

રાજ્યમાં સૌથી મોટું સ્કેમ કરનાર BZ GROUP દ્વારા 6000 કરોડનું કૌભાંડ..!

News Editor
-
0

સાબરકાંઠા જિલ્લાના તલોદ તાલુકાના વાવડીમાં રહેતા BZ GROUPના CEO ભુપેન્દ્રસિંહ ઝાલાએ રોકાણની સામે ત્રણ વર્ષમાં બમણા અને સામાન્ય રોકાણની સામે ઉંચા વળતરની લાલચ આપીને રૂપિયા છ હજાર કરોડનું કૌભાંડ આચર્યું હોવાનો આક્ષેપ થતાં ગાંધીનગર સીઆઈડી ક્રાઈમની અલગ અલગ ટીમ દ્વારા સાબરકાંઠા, વડોદરા, ગાંધીનગર અને રાજસ્થાન સહિત કુલ સાત સ્થળો પર દરોડા પાડીને અનેક મહત્વના દસ્તાવેજ તેમજ કેસને લગતા પુરાવા એકઠા કરીને કાર્યવાહી કરી છે. શંકાસ્પદ વ્યવહારો અને કૌભાંડ મામલે ગાંધીનગર CID ક્રાઈમ દ્વારા BZ GROUP વિરુદ્ધ ફરિયાદ દાખલ કરવામાં આવી છે.

 

CEO ભૂપેન્દ્રસિંહ ઝાલા સહિત એજન્ટો ભૂગર્ભમાં પોલીસના દરોડાના પગલે BZ ગ્રુપના CEO ભૂપેન્દ્રસિંહ ઝાલા સહિત એજન્ટો ભૂગર્ભમાં ઊતરી ગયા હતા. જ્યારે 2 બેંક એકાઉન્ટમાંથી રૂ.175 કરોડનાં ટ્રાન્ઝેકશન મળ્યાં છે. સીઆઈડી ક્રાઈમના અધિકારીઓનું કહેવું છે કે થોડા સમય પહેલાં અમને એક નનામી અરજી મળી હતી,. જેમાં બીઝેડ ફાઇનાન્શિયલ સર્વિસીઝ અને બીઝેડ ગ્રુપના સીઇઓ ભૂપેન્દ્રસિંહ પરબતસિંહ ઝાલાએ ગુજરાત તેમજ રાજસ્થાનમાં ઓફિસો શરૂ કરી હતી, જ્યાં એજન્ટોની ચેઈન ગોઠવીને રોકાણકારોને ફિક્સ ડિપોઝિટ 3 વર્ષમાં ડબલ કરી આપવાનું કહીને તેમજ રોકાણ પર માસિક 7 ટકા વ્યાજ આપવાની લાલચ આપીને રોકાણ કરાવવામાં આવતું હતું.

સંચાલક ભૂપેન્દ્ર ઝાલા દરોડાની કાર્યવાહી બાદ ભૂગર્ભમાં ઊતરી ગયો છે. કરોડો રૂપિયાના રોકાણ મેળવી ભૂપેન્દ્ર ઝાલા એકાએક ભૂગર્ભમાં ઊતરતાં રોકાણકારોમાં ચિંતાનો માહોલ છવાયો છે. ગેરકાયદે રીતે લોભામણી લાલચો વડે રોકાણ કરાવતા હોવાને લઈ CID ટીમે દરોડો પાડી એજન્ટોની પૂછપરછ કરી હતી. બીઝેડ ગ્રુપના સંચાલક ભૂપેન્દ્ર ઝાલાએ લોકસભાની ચૂંટણીમાં અપક્ષ ઉમેદવારી નોંધાવી હતી.

આ અંગે સૂત્રોમાંથી મળતી માહિતી મુજબ, હિંમતનગર તાલુકાના એક ગામમાં રહેતા BZ દ્વારા પોન્ઝી સ્કીમના નામે ધંધો શરૂ કરાયો હતો. શરૂઆતમાં તેમણે હિંમતનગર, રણાસણ, ગાંભોઇ, રાયગઢ સહિતના ઉત્તર ગુજરાતમાં એજન્ટો રોકીને રોકાણકારોને આકર્ષવા માટે પોન્ઝી સ્કીમની સમજ આપવામાં આવતી હતી. રોકાણકારોને દર મહિને તગડું વ્યાજ આપવામાં આવતું હતું. એના લીધે BZ ગ્રુપ ઉત્તર ગુજરાતના અનેક વિસ્તારો સુધી પથરાઇ ગયો હતો.

મંગળવારે હિંમતનગર સહિત અરવલ્લી અને ઉત્તર ગુજરાતમાં આવેલી BZ ગ્રુપની શાખાઓમાં CID ક્રાઇમે એકીસાથે દરોડો પાડીને દસ્તાવેજી પુરાવા કબજે લઇ લીધા છે. હિંમતનગરમાં વ્યાપાર ભવન ખાતે આવેલી બીજે માળની BZની ઓફિસમાં CIDની રેડ સવારથી ચાલી રહી હતી, જેમાં કેટલાક એજન્ટો પણ હતા, જેમની તપાસણી બાદ અંદાજે રૂ. 20 લાખથી વધુ રકમ અને મોટા પ્રમાણમાં દસ્તાવેજો મળ્યા છે, એની કામગીરી મોડીરાત સુધી ચાલી રહી હતી.

આ પણ વાંચો :-

સંભલમાં બબાલ કરવાવાળાથી કરાશે નુકસાનની ભરપાઈ: યોગી આદિત્યનાથ

News Editor
-
0

ઉત્તર પ્રદેશમાં સંભલ રમખાણોમાં પથ્થરમારો કરનારા સોથી વધુ બદમાશોની ઓળખ કરવામાં આવી છે. યોગી સરકાર તેમની સામે કડક કાર્યવાહી કરવા જઈ રહી છે. સીએમ યોગી આદિત્યનાથે ઉચ્ચ સ્તરીય સમીક્ષા બેઠકમાં આ અંગે અધિકારીઓને સૂચનાઓ આપી છે. ટૂંક સમયમાં તેમના પોસ્ટર જાહેર સ્થળો પર લગાવવામાં આવશે. હંગામા દરમિયાન તોફાનીઓ દ્વારા જાહેર સંપત્તિને થયેલ નુકસાનની ભરપાઈ કરાવડાવામાં આવશે. તેમની પાસેથી ખોટ વસૂલ કરવામાં આવશે. યોગી સરકાર પહેલાથી જ બદમાશો અને ગુનેગારો સામે વળતર અંગે વટહુકમ બહાર પાડી ચૂકી છે. ફરાર બદમાશો પર ઈનામ પણ જાહેર થઈ શકે છે. સંભલ રમખાણોમાં અત્યાર સુધીમાં 27 બદમાશોની ધરપકડ કરવામાં આવી છે.

યોગી સરકાર હવે પથ્થરમારોમાં સામેલ તોફાનીઓના નામ અને તસવીરો જાહેર સ્થળોએ પોસ્ટર દ્વારા પ્રદર્શિત કરશે. આ કાર્યવાહીનો હેતુ એ છે કે પથ્થરમારાથી થયેલા નુકસાનની વાપસી માટે જવાબદાર લોકોને જવાબદાર ઠેરવવામાં આવે. સરકારના પ્રવક્તાએ જણાવ્યું કે, સંભલ હિંસાના કિસ્સામાં થયેલા નુકસાન માટે આ લોકો પાસેથી નાણાં વસૂલવા માટે કાર્યરત યોજનાઓ અપનાવવામાં આવશે.

ઉત્તર પ્રદેશ સરકાર અગાઉ પણ તોફાનીઓ અને ગુનેગારો સામે આ રીતની કાર્યવાહી કરી ચૂકી છે. તે સમયે સરકારે નુકસાની ભરપાઈ માટે વટહુકમ જાહેર કર્યો હતો. આ વખતે પણ એ જ મોડેલ અપનાવવામાં આવશે, જેમાં જેના કારણે સરકારે નુકસાન ભોગવ્યું છે, તેમની પાસેથી સીધી વસૂલાત કરવામાં આવશે. જાહેર સંપત્તિને નુકસાન પહોંચાડનારા તત્વોની ધરપકડ માટે સહકાર આપનાર લોકોને સરકાર ઈનામ આપશે. આ જાહેરાતથી રાજયમાં શાંતિ સ્થાપિત કરવાના પ્રયાસોને મજબૂતી મળશે અને હિંસામાં સંડોવાયેલા લોકો સામે કડક કાર્યવાહી શક્ય બનશે.

આ અથડામણ મામલે કુલ 12 FIR નોંધાઈ છે. તે અંતર્ગત 14 વર્ષથી માંડી 72 વર્ષના આરોપીઓની ધરપકડ થઈ છે. પોલીસે ગંભીર કલમો લગાવી આકરી કાર્યવાહી હાથ ધરી છે. FIRમાં પોલીસે સાંસદ જિયા ઉર્ર રહમાન બર્ક અને સ્થાનિક ધારાસભ્યના પુત્ર સુહેલ ઈકબાલ પર લોકોને ભડકાવવાનો આરોપ મૂક્યો છે.

કોર્ટે અહીંની જામા મસ્જિદનો બીજી વાર સર્વે કરવા આદેશ આપતાં રવિવારે એક ટીમ ત્યાં પહોંચી હતી. આ દરમિયાન અચાનક પથ્થરમારો શરૂ થઈ ગયો. દેખાવકારોએ પોલીસ વાહનોની પણ આગચંપી કરી, જેમાં એસપી, સીઓ સહિત અનેક પોલીસ કર્મચારીઓ ઘાયલ થયા હતા. આ સ્થિતિ કાબૂમાં લેવા માટે પોલીસે ટિયર ગેસના શેલ છોડ્યા અને લાઠીચાર્જ પણ કરવો પડ્યો હતો.

આ પણ વાંચો :-

1...584585586...1,472Page 585 of 1,472