Home Blog Page 1318

તમે તમારી ગાડી ભાડે આપી હોય તો ખાસ જોજો, સામે આવ્યું રાજ્ય વ્યાપી છેતરપીંડીનું કૌભાંડ

News Editor
-
0

Watch out if you’ve rented your car

  • અમદાવાદના ગોતા વિસ્તારમાંથી પણ આરોપીઓએ ગાડી હર્ષદ પરમાર અને પાર્થ શાહને ભાડ લીધી હતી. પરંતુ આરોપીઓએ આ ગાડી અન્ય વ્યક્તિને ગીરવે આપી અને ઉંચી કિંમત મેળવી હતી.

અમદાવાદમાં (Ahmedabad) ફોરવ્હીલ ગાડી ભાડે રાખીને તેને ગીરવે મૂકવાના કૌભાંડનો પર્દાફાશ થયો છે. અમદાવાદ ક્રાઈમ બ્રાન્ચે (Ahmedabad Crime Branch) રૂપિયા 1.54 કરોડના કૌભાંડ કેસમાં બે આરોપીની ધરપકડ કરી છે.

ક્રાઈમ બ્રાન્ચે ધરપકડ કરેલ બન્ને આરોપીઓના નામ હર્ષદ પરમાર અને પાર્થ ઉર્ફે જય શાહ છે. જેમની પર 1.54 કરોડનું કૌભાંડ આચરવાનો આરોપ છે. આ રાજ્ય વ્યાપી કૌભાંડમાં આરોપીઓએ ફોરવ્હીલ ગાડીઓ ભાડે લઈ બારોબાર અન્ય વ્યક્તિઓને મોટી રકમ મેળવી ગીરવે મૂકી દીધી.

અમદાવાદના ગોતા વિસ્તારમાંથી પણ આરોપીઓએ ગાડી હર્ષદ પરમાર અને પાર્થ શાહને ભાડ લીધી હતી. પરંતુ આરોપીઓએ આ ગાડી અન્ય વ્યક્તિને ગીરવે આપી અને ઉંચી કિંમત મેળવી હતી. જેની જાણ ફરિયાદી વિપુલભાઈને થતા તેમણે ક્રાઈમ બ્રાન્ચને જાણ કરી હતી. તપાસ કરતા ફોરવહીલ ગાડીનું કૌભાંડ સામે આવતા પોલીસે બન્ને આરોપીની ધરપકડ કરી લીધી છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

પકડાયેલા આરોપીઓ છેલ્લા એક વર્ષથી ગાડીઓ ભાડે લઈને ગીરવે આપીને ઠગાઈ કરતા હતા. બંને આરોપીઓને ટૂંક સમયમાં વધુ પૈસા કમાવાની લાલચ હતી. જેથી તેમને છેતરપીંડીનો ધંધો શરૂ કર્યો. આ આરોપીઓ સૌ પ્રથમ ગાડીઓના માલિકનો સંપર્ક કરતા હતા. તેમની સાથે પરિચય કેળવીને વિશ્વાસમાં લઈને તેઓને ટાર્ગેટ કરતા હતા. જેમાં ગાડી માલિકોને ઊંચું ભાડું ચૂકવવાની લાલચ આપીને ગાડીના માલિકને વિશ્વાસમાં લેતા હતા.

No description available.

થોડા સમય માટે તેઓ નિયમિત ભાડું ચૂકવતા હતા અને ત્યારબાદ ગાડી બારોબાર અન્ય વ્યક્તિને ગિરવે આપીને ઊંચી કિંમત મેળવી લઈ ફરાર થઈ જતા હતા. આ પ્રકારે અસંખ્ય ગાડીઓના માલિકને ટાર્ગેટ કરીને રૂપિયા 1.54 કરોડનું કૌભાંડ આચર્યું હતું.

ગાડીઓને ગીરવે આપવાના કૌભાંડ મામલે ક્રાઈમ બ્રાન્ચ બંને આરોપી હર્ષદ પરમાર અને પાર્થ શાહની ધરપકડ બાદ કોર્ટમાં રજૂ કરી રિમાન્ડની કાર્યવાહી હાથ ધરી છે. આ આરોપીઓ સાથે અન્ય કોઈ વ્યક્તિની સંડોવણી હતી કે નહીં તે મુદ્દે પણ તપાસ શરૂ કરી છે.

આ પણ વાંચો :-

ગુજરાતમાં AAP મોટો દાવ રમવાની તૈયારીમાં, આ લોકપ્રિય નેતાને આપશે મોટી જવાબદારી

News Editor
-
0

As AAP prepares to make a big bet in Gujarat

  • ગુજરાતના લોકો આવા ભરોસાપાત્ર ચહેરા પર વિશ્વાસ જીતવા માંગે છે, જે ખુદ સક્ષમ હોય. તેમજ બાકીની પાર્ટીના રિમોટ કન્ટ્રોલ્ડ નેતાઓની જેમ ઈશારા પર ચાલનારો ન હોય. તેથી આમ આદમી પાર્ટી એવા નેતાને લાવી રહી છે જે યુવાઓમા લોકપ્રિય છે.

આમ આદમી પાર્ટી (Aam Aadmi Party) ગુજરાતના પંજાબની તર્જ પર ચૂંટણી જીતવા માંગે છે. તે માટે હવે તે ગુજરાતમાં મોટો દાવ ખેલવા જઈ રહી છે. પંજાબમાં આમ આદમી પાર્ટીના મોટા ગજાના નેતાની ગુજરાતમા નિમણૂંક થવા જઈ રહી છે. પંજાબમાં આમ આદમી પાર્ટીની જીત જે નેતાને કારણે થઈ અને પંજાબમાં સહપ્રભારી રહેલા રાજ્યસભા સાંસદ રાઘવ ચઢ્ઢાને (Rajya Sabha MP Raghav Chadha) ગુજરાતમાં મોટી જવાબદારી મળવા જઈ રહી છે.

યુવા નેતા રાઘવ ચઢ્ઢા યુવાઓની વચ્ચે ભારે લોકપ્રિય છે. આ પહેલા તેઓ દિલ્હી અને પંજાબમાં મહત્વની જવાબદારી નિભાવી ચૂક્યા છે. ત્યારે હવે આપ તેમને ગુજરાતમાં મોટી જવાબદારી સોંપવા જઈ રહ્યું છે.

ગુજરાતમાં AAP રમશે મોટો દાવ :

ઉલ્લેખનીય છે કે, રાઘવ ચઢ્ઢા કુશળ રાજકીય નેતા અને ચૂંટણી મેનેજમેન્ટમાં એક્સપર્ટ ગણાય છે. રાઘવ ચઢ્ઢાની એન્ટ્રી બાદ ગુજરાતના શહેરી અને ગ્રામીણ વિસ્તારો અને યુવાઓની વચ્ચે આમ આદમી પાર્ટી જોરશોરથી ઉતરવાની તૈયારી કરી રહી છે.

Gujarat Elections 2022: गुजरात में AAP खेलने जा रही बड़ा दांव, राघव चड्ढा को मिल सकती है अहम जिम्मेदारी

સૂત્રોનું કહેવુ છે કે, ગુજરાતને આમ આદમી પાર્ટીને સારો ફીડબેક મળી રહ્યો છે. ગુજરાતના લોકો આવા ભરોસાપાત્ર ચહેરા પર વિશ્વાસ જીતવા માંગે છે જે ખુદ સક્ષમ હોય. તેમજ બાકીની પાર્ટીના રિમોટ કન્ટ્રોલ્ડ નેતાઓની જેમ ઈશારા પર ચાલનારો ન હોય.

ગુજરાતમાં સક્રિય છે રાઘવ ચઢ્ઢા :

રાઘવ ચઢ્ઢા સતત ગુજરાતમા એક્ટિવ છે અને ટ્વિટર પર તેઓ સક્રિય રહે છે. આ વચ્ચે તેઓ ગુજરાતની મુલાકાત પણ કરતા રહે છે અને ઈલેક્શને લઈને ગુજરાતના નેતાઓ સાથે બેઠકો પણ યોજે છે.

રાજેન્દ્ર ત્રિવેદી બાસ્કેટબોલ રમ્યા પણ ગોલ ન કરી શક્યા, જુઓ વિડીયો | Gujarat Guardian

તેઓ પંદર દિવસ પહેલા પણ ગુજરાત આવ્યા હતા અને બીજેપીને આડે હાથ લીધા હતા. તેમણે કહ્યું હતું કે, વિધાનસભા ચૂંટણીની લડાઈ ભાજપ પાર્ટીના નકલી ગુજરાત મોડલ અને કેજરીવાલના અસલી શાસનની વચ્ચે હશે.

ગુજરાત ભાજપ પર વાર :

આ પહેલા ગુજરાત આપના મહાસચિવ મનોજ સોરઠિયા પર સુરતમાં અંદાજે 10 લોકોના ગ્રૂપે હુમલો કર્યો હતો. ત્યારે રાઘવ ચઢ્ઢાએ બીજેપીને આડે હાથ લીધા હતા. તેઓ સતત ગુજરાતની રાજકીય સ્થિતિ પર નજર બનાવી રહ્યાં છે અને ગુજરાતને લઈને ટ્વીટ પણ કરી રહ્યાં છે.

આ પણ વાંચો :-

ઝટકો ! આવતા મહિને આવા ફોનમાં બંધ થઈ જશે WhatsApp, જુઓ આખું લિસ્ટ

News Editor
-
0

Shake! Next month, WhatsApp will

  • વોટ્સએપ યુઝર્સને ઝટકો લાગ્યો છે. કંપની ટૂંક સમયમાં ઘણી ડિવાઈસ પરથી પોતાનો સપોર્ટ હટાવવાની છે. 

વોટ્સએપ (WhatsApp) સમય પ્રમાણે જૂની ડિવાઈસ માટે તેને બંધ કરતુ રહે છે. હવે એક વખત ફરીથી વોટ્સએપનો સપોર્ટ જૂની ડિવાઈસ માટે ખત્મ કરી શકાય છે. એટલે કે જૂની ડિવાઈસ (Old device) પર વોટ્સએપનો ઉપયોગ કરી શકાય નહીં. વોટ્સએપ (WhatsApp) ઘણા જૂના આઈફોન પર કામ નહીં કરે.

આ iOS 10 અને iOS 11 વર્ઝન પર કામ કરનારા આઈફોન પર 24 ઓક્ટોબર 2022થી કામ કરશે નહીં. એટલેકે એવા આઈફોન જે iOS 12 અથવા તેનાથી ઉપરના વર્ઝનને સપોર્ટ કરતા નથી તો તેની પર વોટ્સએપ કામ નહીં કરે.

આઈફોનને લેટેસ્ટ ઓપરેટીંગ સિસ્ટમ પર અપડેટ કરાવવાની જરૂર :

iPhone 5 અને iPhone 5cને લેટેસ્ટ સૉફ્ટવેર વર્ઝન પર અપડેટ કરી શકાય નહીં. જેના કારણે વોટ્સએપ આ ડિવાઈસ પર કામ નહીં કરે. જેને લઇને વોટ્સએપના લેટેસ્ટ ફીચર્સ પર નજર રાખનારી સાઈટ WABetaInfoએ રિપોર્ટ કર્યો છે.

એવામાં જો તમારો જૂનો આઈફોન જૂની ઓપરેટીંગ સિસ્ટમ પર કામ કરે છે તો તમારે તેને લેટેસ્ટ ઓપરેટીંગ સિસ્ટમ પર અપડેટ કરાવવાની જરૂર છે. જેના માટે તમારે મોબાઈલની સેટીંગમાં જઇને Generalના ઓપ્શનમાં જવુ પડશે. ત્યારબાદ સોફ્ટવેર અપડેટ પર ક્લિક કરીને તમે લેટેસ્ટ iOS વર્ઝનને ઈન્સ્ટોલ કરી શકો છો.

Apple આ વર્ષે iOS 16 રિલીઝ કરશે :

નવા અપડેટથી સિક્યોરીટી બગ્સને ફિક્સ કરી શકાય છે. આ અપડેટ નવા ફીચર્સની સાથે પણ આવે છે. Apple આ વર્ષે iOS 16 રિલીઝ કરવાનુ છે. અત્યારે iOS 15.6 અપડેટ આઈફોન યુઝર્સ માટે જાહેર કરવામાં આવ્યું છે. એક રિપોર્ટ મુજબ, લગભગ 72 ટકા iPhones લેટેસ્ટ iOS પર કામ કરી રહ્યાં છે.

આ પણ વાંચો :-

આજનું રાશિફળ 16 સપ્ટેમ્બર : મેષ-કર્ક રાશિના જાતકો માટે દિવસ શુભ રહેશે, જાણો તમારું દૈનિક રાશિફળ

News Editor
-
0

Today’s Horoscope 16 September :

મેષ
શારીરીક અને માનસિક સ્વાસ્થ્ય જળવાય. છતાં સ્વભાવમાં થોડી ઉગ્રતા વર્તાય. બહેનો એ પતિના ગુસ્સાનો સામનો કરવો પડે. માતાનું આરોગ્ય સાચવવું. જમીન મિલકતના વ્યવહારોમાં સાવધાની જરૂરી.

વૃષભ
આવકનું પ્રમાણ ઘટતું જણાય. પરિવારમાં ચિંતાનું વાતાવરણ રહે. કાર્ય સફળતા દૂર ભાગતી જણાય. સંતાનની પ્રગતિ સંભવે. માતા સાથે મતભેદની શક્યતા. માતાની તબિયત સાચવવી.

મિથુન
મનોબળ મજબૂત બને. થોડું અક્કડ વલણ રહેવા પામે. ધારેલી આવક આવવામાં મુશ્કેલી પડે. કાર્યક્ષેત્રે ધંધામાં સફળતા મળતી જણાય. દામ્પત્ય જીવનમાં વિખવાદ ટાળવો. સ્વાસ્થ્ય સારૂ રહેશે. સોબતનું ધ્યાન રાખવું.

કર્ક
મગજના રોગોથી સાચવવું. માથાના દુઃખાવાને નજર અંદાજ ન કરવો. વિશ્વાસઘાત થવાના યોગ છે. આવક વધતી જણાય. શેર બજાર ના રોકાણોમાં લાભ, દામ્પત્ય જીવનમાં ઉદાસીનતા વર્તાય. સંતાનો તરફથી આનંદ.

સિંહ
સફળતા માટે નકારાત્મક વિચારો ઉપર કાબુ જરૂરી. નાણાંકીય બાબતોમાં ફાયદો. પરિવારમાં આનંદ, મોજશોખમાં ખર્ચ વધે. શરદી-ખાંસી વધે. થાક લાગે. ભાગ્ય બળવાન. મિત્રોનો સહકાર મળે.

કન્યા
કરેલા કાર્ય સફળતા થતા જણાય. જીવનમાં સરળતા વર્તાય. આંખની કાળજી જરૂરી. પડવા વાગવા અકસ્માતથી સાચવવું. સંતાનો સંબંધી પ્રશ્નો ઉકેલાય. ભાગ્યનો સાથ મળે. નાના યાત્રા પ્રવાસનું આયોજન થાય.

તુલા
આવકનું પ્રમાણ જળવાય. પરિવારના સભ્યોની ચિંતા રહે. જીવનસાથીની તબિયતનું ધ્યાન રાખવું જરૂરી છે. દામ્પત્ય જીવનમાં માનસિક પરિતાપ વધતો જણાય. ધાર્મિક પ્રસંગનું આયોજન શકય બને. આરોગ્ય જળવાશે.

વૃશ્ચિક
માનસિક પરિતાપ ચિંતા રહે. આવકનું પ્રમાણ ઘટે. નાણાંકીય વ્યવહારોમાં સાવચેતી રાખવી જરૂરી. આરોગ્ય અંગે પણ સાવધાની જરૂરી. નસીબનો સાથ મળતો જણાતો નથી. મુસાફરી દરમ્યાન સાચવવાની સલાહ છે.

ધન
માનસિક અશાંતિ વધે. આવક જળવાય. સંતાન અંગેના પ્રશ્નો ઉદભવતા જણાય. સંતાનોનું આરોગ્ય કથળે. પત્નિના ગુસ્સાનો સામનો કરવો પડે. નોકરી ધંધામાં સારૂ. યશ પ્રતિષ્ઠામાં વધારો થાય.

મકર
વિચારોમાં સ્થિરતા વધે. માન સન્માન વધતા જણાય. આર્થિક બાબતો અંગે સાનુકુળતા જણાય. પરોપકાર કરવામાં ખોટો ખર્ચ ટાળવો. માતાની તબિયત સાચવવી. નવા રોકાણો મુલતવી રાખવા. ડાબી છાતીની કાળજી રાખવી જરૂરી છે.

કુંભ
આત્મવિશ્વાસમાં વધારો થાય. ઇચ્છા શક્તિ દૃઢ બનતી જણાય. પરિવારના સભ્યોની જવાબદારી ઉઠાવવી પડે. એમની તબિયતની કાળજી જરૂરી. જમણા હાથની કાળજી રાખવી. માતૃસુખ વાહન સુખમાં વધારો.

મીન
આવકમાં ઘટાડો થતો જણાય. નાના ભાઈ બહેનોની ચિંતા સતાવે છતાં પણ માનસિક સ્થિરતા બરકરાર રહે. સંતાનનું આરોગ્ય સાચવવું. ભાગ્યનો સાથ મળે. નોકરી ધંધામાં સામાન્ય.

આ પણ વાંચો :-

TMKOC ના જેઠાલાલ કેમ પહોંચ્યા કેલિફોર્નિયા ? શું હંમેશા માટે USA માં સેટ થવાનો છે પ્લાન ?

News Editor
-
0

Why did TMKOC’s Jethalal reach California

  • તારક મહેતા કા ઉલ્ટા ચશ્મા સિરિયલ ઘણા દિવસોથી મોટા ઉતાર-ચઢાવની સાક્ષી બની રહી છે. શોમાં થઈ રહેલા બદલાવથી ફેન્સ નારાજ થઈ ગયા છે. જો કે ઘણા કલાકારોએ શોમાંથી અલવિદા કહી દીધું છે.

તારક મહેતા કા ઉલ્ટા ચશ્મા (Tarak Mehta Ka Oolta Chashma) સિરીયલ ઘરેઘરે ફેમસ છે. ખાસ કરીને તેમનાં દર્શાવવામાં આવેલાં ગુજરાતી કેરેક્ટર્સ (Gujarati characters) ખુબ જ લોકપ્રિય બન્યા છે. જેઠાલાલા હોય કે દયાભાભી (Dayabhabhi) તારક મહેતાના બધા જ કેરેક્ટર્સ એક અલગ છાપ ધરાવે છે. ચાહકોને ડર લાગવા લાગ્યો છે કે નિર્માતાઓ દિલીપ જોશીને (Dilip Joshi) પણ બદલવાના મૂડમાં તો નથીને?.

શોના પ્રશંસકોએ નિર્માતાઓને ધમકી પણ આપી દીધી છે કે જેઠાલાલ બદલાવા ન જોઈએ. આપને જણાવી દઈએ કે દિલીપ જોશી શો છોડી રહ્યા નથી. તેઓ હરવા ફરવા માટે કેલિફોર્નિયા ગયા છે.

તારક મહેતા કા ઉલ્ટા ચશ્મા સિરિયલ ઘણા દિવસોથી મોટા ઉતાર-ચઢાવની સાક્ષી બની રહી છે. શોમાં થઈ રહેલા બદલાવથી ફેન્સ નારાજ થઈ ગયા છે. જો કે ઘણા કલાકારોએ શોમાંથી અલવિદા કહી દીધું છે, પરંતુ તાજેતરમાં શૈલેષ લોઢાની વિદાયથી ચાહકોને આઘાત લાગ્યો છે. તે જ સમયે, દિલીપ જોશી એટલે કે જેઠાલાલ પણ થોડા દિવસોથી ગુમ છે.

ચાહકોને ડર લાગવા લાગ્યો છે કે નિર્માતાઓ દિલીપ જોશીને પણ બદલવાના મૂડમાં તો નથીને?. શોના પ્રશંસકોએ નિર્માતાઓને ધમકી પણ આપી હતી કે જેઠાલાલની બદલી ન થવી જોઈએ. જો કે આપને જણાવી દઈએ કે દિલીપ જોશી શો છોડી રહ્યા નથી. તેઓ હરવા ફરવા માટે હાલ કેલિફોર્નિયાના પ્રવાસે છે.

જેઠાલાલ ચાલ્યા અમેરિકા-

શોના તાજેતરના એપિસોડમાં બતાવવામાં આવ્યું હતું કે જેઠાલાલ અમેરિકા ગયા છે. જેઠાલાલને બેસ્ટ ડીલર તરીકે પસંદ કરવામાં આવ્યા છે, તેથી તેમને આ તક મળી છે. ઘણા એપિસોડમાં જેઠાલાલને ન જોઈને ચાહકો ગભરાઈ ગયા હતા. પણ જેઠાલાલ એટલે કે દિલીપ જોશી ખરેખર કેલિફોર્નિયામાં ફરે છે.

તેમણે ખુદ તેના ઈન્સ્ટાગ્રામ પર તેનો ફોટો શેર કર્યો છે. સેક્વોઇયા નેશનલ પાર્કની આસપાસ ફરતા દિલીપ જોશીએ ફોટો શેર કર્યો અને કેપ્શન લખ્યું – “મૂળથી શીખવાનો પ્રયાસ કરી રહ્યો છું. સેક્વોઇયાએ ઘણું શીખવ્યું છે.

દિલીપ કંઈક નવું કરી રહ્યો છે તે જોવું ચાહકોને ગમે છે. શોમાંથી બ્રેક લઈને તે ફરવા ગયો છે. યુઝર્સે કોમેન્ટ કરીને દિલીપ જોશીના બ્રેકની જોરદાર પ્રશંસા કરી. સાથે જ કેટલાક લોકોએ પરત આવવાની પણ માંગ કરી હતી. એક યુઝરે લખ્યું કે – ‘જેઠાલાલને પણ બ્રેકની જરૂર છે’.

તે જ સમયે, એક ચાહકે લખ્યું – ‘સર પાછા આવો તમારા વિના શોમાં કોઈ મજા નથી’. તે જ સમયે એકે લખ્યું- ‘તમારી ફાયર બ્રિગેડ હવે પાછી આવી ગઈ છે…’

ચાહકો શૈલેષને પરત લાવવાની માંગ કરી રહ્યા છે-

કેટલાક લોકો દિલીપ પાસે શૈલેષ લોઢાની વાપસીની માંગ કરી રહ્યા છે. શૈલેષ લોઢાની જગ્યાએ સચિન શ્રોફને શોમાં લેવામાં આવ્યા છે. શોના ચાહકો પણ આ વાતથી ખૂબ નારાજ છે. લોકો કોમેન્ટ કરી રહ્યા છે અને શૈલેષને પાછા લાવવાની માંગ કરી રહ્યા છે.

એક યુઝરે લખ્યું- ‘દિલીપ સર, તમે શૈલેષ સરને પાછા બોલાવો, તમે કંઈક કરો.’ તે જ સમયે, અન્ય યુઝરે લખ્યું – ‘નવી પાસે તે વસ્તુ નથી, શું જૂની પાછી મળી શકે છે?’

મંગળવારના એપિસોડમાં, સચિન શ્રોફને નવા તારક મહેતા તરીકે રજૂ કરવામાં આવ્યા હતા. શોના નિર્માતા અસિત કુમાર મોદીએ કહ્યું હતું કે મને આશા છે કે લોકો સચિનને ​​એટલો જ પ્રેમ આપશે જેટલો તારક મહેતા તરીકે શૈલેષ લોઢાને મળ્યો હતો. સચિને શોનું શૂટિંગ શરૂ કરી દીધું છે.

શૈલેષ સાથે, અમે વચ્ચેનું મેદાન શોધવાનો ઘણો પ્રયાસ કર્યો, પરંતુ કોઈ ફાયદો થયો નહીં. જે બાદ અમે સચિનને ​​કાસ્ટ કર્યો. શોના દર્શકો કોઈના માટે રોકાશે નહીં. આપણે કોઈને લાવવો પડશે.

આ પણ વાંચો :-

શું જય શાહ બનશે બીસીસીઆઇના આગામી અધ્યક્ષ ?

News Editor
-
0

Will Jai Shah become the next president

  • ઘણા સભ્યોને લાગ્યું કે જય શાહના પ્રયત્નોને કારણે જ કોવિડ -19 મહામારી દરમિયાન ઇન્ડિયન પ્રીમિયર લીગ (IPL) શક્ય બની હતી. આ સાથે જ જય શાહ જ એકમાત્ર કારણ છે કે આઇપીએલને 48,390 કરોડ રૂપિયાના મીડિયા રાઇટ્સ મળી શક્યા છે.

સુપ્રીમ કોર્ટે (Supreme Court) બુધવારે એટલે કે 14 સપ્ટેમ્બરના રોજ ભારતીય ક્રિકેટ કંટ્રોલ બોર્ડ (BCCI)ના બંધારણમાં સુધારાને મંજૂરી આપી દીધી છે, જેના કારણે તેના અધ્યક્ષ સૌરવ ગાંગુલી (Saurav Ganguly) અને સચિવ જય શાહ (Jay Shah) માટે ફરજિયાત બ્રેક (કૂલિંગ-ઓફ પીરિયડ) પર ગયા વિના પદ પર બન્યા રહેવાનો માર્ગ મોકળો થયો છે.

બીસીસીઆઇએ તેના સૂચિત સુધારામાં તેના હોદ્દેદારો માટે ફરજિયાત બ્રેકમાં છૂટછાટ આપવાની માંગ કરી હતી. જેના કારણે ગાંગુલી અને શાહને આગામી 30મી સપ્ટેમ્બર, 2022 પછીની આગામી ત્રણ વર્ષની ટર્મ માટે પ્રમુખ અને સેક્રેટરી તરીકે જારી રહેવાની છૂટ આપવામાં આવી હતી.

ભારતના ભૂતપૂર્વ કેપ્ટન સૌરવ ગાંગુલી અને શાહ ઓક્ટોબર 2019થી બીસીસીઆઇમાં ટોચના હોદ્દા પર છે. પરંતુ જય શાહ બીસીસીઆઇના આગામી પ્રમુખ (Next BCCI President) બને તેવી અટકળો ચાલી રહી છે.

ઇન્ડિયન એક્સપ્રેસના એક અહેવાલ અનુસાર, 15 રાજ્ય સંઘોએ જય શાહને બીસીસીઆઇના અધ્યક્ષ તરીકે સમર્થન આપ્યું છે. ઘણા સભ્યોને લાગ્યું કે જય શાહના પ્રયત્નોને કારણે જ કોવિડ -19 મહામારી દરમિયાન ઇન્ડિયન પ્રીમિયર લીગ (IPL) શક્ય બની હતી.

આવ કાપવા તને ખબર પાડું, અધિકારીઓ વીજળી કાપવા આવ્યા તો મકાન માલિક ઘરમાંથી બંદુક લઈને નીકળ્યો | GujaratGuardian

આ સાથે જ જય શાહ જ એકમાત્ર કારણ છે કે આઇપીએલને 48,390 કરોડ રૂપિયાના મીડિયા રાઇટ્સ મળી શક્યા છે. જેના કારણે બોર્ડની તિજોરીમાં મોટો વધારો થયો છે. જો આમ થશે તો 33 વર્ષીય જય શાહ બીસીસીઆઇના સૌથી યુવા પ્રમુખ હશે.

એક પદાધિકારીનો કાર્યકાળ સતત 12 વર્ષ :

જસ્ટીસ ડી વાય ચંદ્રચૂડ અને હેમા કોહલીની બેન્ચે જણાવ્યું કે, કોઈ પદાધિકારીનો સતત 12 વર્ષનો કાર્યકાળ હોઈ શકે છે, જેમાં સ્ટેટ એસોસિએશનમાં છ વર્ષ અને બીસીસીઆઈમાં છ વર્ષનો કાર્યકાળ સામેલ છે, પરંતુ તે પછી તેને ત્રણ વર્ષના બ્રેક પર જવું પડશે. બેન્ચે કહ્યું કે, કોઈ પણ પદાધિકારી બીસીસીઆઇ અને સ્ટેટ એસોસિએશન એમ બંને સ્તરે સતત બે ટર્મ સુધી કોઈ ચોક્કસ હોદ્દા પર રહી શકે છે. જે બાદ તેણે ત્રણ વર્ષનો બ્રેક લેવો પડશે.

શા માટે રાખવામાં આવે છે બ્રેક ?

ખંડપીઠે જણાવ્યું હતું કે, “બ્રેકના સમયગાળાનો હેતુ અનિચ્છનીય એકાધિકારને રચવા દેવાનો નથી.” અગાઉ જસ્ટીસ આરએમ લોઢાની આગેવાની હેઠળની સમિતિએ બીસીસીઆઇમાં સુધારાની ભલામણ કરી હતી. જેને સુપ્રીમ કોર્ટે સ્વીકારી લીધી હતી. આમાં સુપ્રીમ કોર્ટે મંજૂર કરેલા બીસીસીઆઇના બંધારણ અનુસાર કોઈ પણ વ્યક્તિ માટે સ્ટેટ ક્રિકેટ એસોસિએશન કે બીસીસીઆઇમાં સતત બે વર્ષની ત્રણ ટર્મ બાદ ત્રણ વર્ષના બ્રેક પર જવું ફરજીયાત હતું.

શું ગાંગુલી અધ્યક્ષ પદે યથાવત રહેશે ? 

જ્યાં ગાંગુલી ક્રિકેટ એસોસિએશન ઓફ બંગાળમાં પદાધિકારી હતા, તો શાહ ગુજરાત ક્રિકેટ એસોસિએશન સાથે સંકળાયેલા હતા. આ નિર્ણય બાદ બોર્ડની અંદર ઘણા મુદ્દાઓ પર ચર્ચા શરૂ થઇ ગઇ છે. સૌથી મહત્વની બાબત એ છે કે શું ગાંગુલી બીસીસીઆઈના અધ્યક્ષ તરીકે યથાવત રહેશે? કે પછી તે આંતરરાષ્ટ્રીય ક્રિકેટ પરિષદ (ICC)ના પ્રમુખ પદ માટે દાવો કરશે? તો શું જય શાહને બીસીસીઆઈના સભ્ય તરીકે પ્રમોશન અપાશે ?

બીસીસીઆઇની અંદર એવી પણ ચર્ચા ચાલી રહી છે કે, ટૂંક સમયમાં જ ચૂંટણી યોજાઈ શકે છે. “બોર્ડમાં એજીએમ (વાર્ષિક સામાન્ય સભા) પછી સ્થિતિ બદલાઈ શકે છે. જ્યાં સુધી ઉમેદવારી પત્ર ન ભરાય ત્યાં સુધી તમે કશું કહી શકતા નથી. એજીએમ પછી શું થશે તે કહેવું ખૂબ જ વહેલું છે. જોકે, કોર્ટનો નિર્ણય હાલના પદાધિકારીઓની તરફેણમાં છે.”

આ પણ વાંચો :-

આને પાક્કો ગુજરાતી કહેવાય ! બેન્કે ભૂલથી જમા કર્યા હજારો કરોડ રૂપિયા, યુવકે શેરબજારમાં….

News Editor
-
0

This is definitely called Gujarati !

  • કહેવાય છે ને કે ગુજરાતીઓને બિઝનેસમાં કોઇ ના પહોંચી વળે. એમાંય પાછું નસીબ સાથ આપે તો-તો પછી વાત જ શું કરવું. કંઇક જ આવી ઘટના અમદાવાદમાં ઘટી છે.

અમદાવાદના (Ahmedabad) બાપુનગરમાં રહેનાર રમેશભાઈ સગર નામની વ્યક્તિના ખાતામાં ભૂલથી 11677 કરોડ રૂપિયા જમા થઇ ગયા હતા. જોકે આ વેપારીએ પોતાની બુદ્ધિનો જોરદાર ઉપયોગ કરી શેરબજારમાં (Stock market) માત્ર અડધો કલાક રોકાણ કરીને આ વ્યક્તિ લખપતિ બની ગઇ.

ભૂલથી ખાતામાં આવેલા રૂપિયાથી વ્યક્તિએ કલાકમાં જ 5 લાખનો પ્રોફિટ મેળવી લીધો :

તમને જણાવી દઇએ કે, તારીખ 26 જુલાઈના રોજ સવારના 11:30 કલાકે રમેશભાઇ સગર નામની વ્યક્તિના એકાઉન્ટમાં ભૂલથી 11677 કરોડ રૂપિયા જમા થઇ ગયા હતા. પોતાના કોટક સિક્યુરિટી ડિમેટ એકાઉન્ટમાં આ રૂપિયા જમા થઇ ગયા હતા. ત્યારે આ વ્યક્તિના મનમાં એમ વિચાર આવ્યો કે મારા એકાઉન્ટમાં તો આ રૂપિયા થોડા ટાઈમ માટે જ આવ્યા છે.

તો બેંક આ રૂપિયા પરત લઈ લેશે. આથી તેને માત્ર અડધો કલાક માટે જ 11677 કરોડમાંથી 2 કરોડ જેટલી રકમ ઇન્વેસ્ટમેન્ટ કરી. નિફ્ટી અને બેંક નિફ્ટીમાં રૂ. 2 કરોડનું રોકાણ કર્યુ હતું. જેમાંથી 5.43 લાખ જેટલો પ્રોફિટ તેને 1 કલાકની અંદર મેળવી લીધો. કારણ કે તેને ખબર જ હતી કે પૈસા બેંકના છે તો બેંક પરત લઇ જ લેશે.

આ અંગે રમેશભાઈ સગરનું કહેવું છે કે, મે ખાતામાં જમા થયેલી કુલ રકમમાંથી લગભગ 2 કરોડ રૂપિયા બેન્ક નિફ્ટી કોલ-પુટમાં ટ્રેડિંગ કર્યું હતું. એ વખતે રૂપિયા શેરમાર્કેટમાં લગાવ્યા ત્યારે મે નુકસાનીનો વિચાર કર્યો હતો.

આવ કાપવા તને ખબર પાડું, અધિકારીઓ વીજળી કાપવા આવ્યા તો મકાન માલિક ઘરમાંથી બંદુક લઈને નીકળ્યો | GujaratGuardian

પરંતુ શેરમાર્કેટનું નોલેજ હતું એટલે વધુ પડતી બીક ના લાગી. મને આઇડિયા હતો જ કે માર્કેટ આ રીતે જ ચાલશે. મે સપને પણ વિચાર્યું નહોતું કે એકાએક મને 5.43 લાખ રૂપિયાનો પ્રોફિટ મળશે. બાદમાં નફો થતા મને સારું લાગ્યું. આ ઘટના હવે તો ઘણી જાહેર થઈ ગઈ છે.

કેવી રીતે આ ભાઇએ શેર માર્કેટમાં એન્ટ્રી મારી ?

રમેશભાઇનું કહેવું છે કે, ‘મારો એક જૂનો મિત્ર હતો કે જે શેરમાર્કેટનું કરતો હતો. તેણે મને કહ્યું હતું કે શેર માર્કેટમાં થોડું ઇન્વેસ્ટ કર તો સારું રહેશે. ત્યારથી હું 4-5 વર્ષથી થોડું-થોડું શેર માર્કેટનું કામકાજ કરું છું. જોકે એ મિત્રને હજુ સુધી જાણ થઈ છે કે નહીં એ મને નથી ખબર. કારણ કે એ હાલ બહારગામ છે અને કોઈ કોન્ટેક્ટમાં પણ નથી.

મિત્રોના પણ ફોન આવવા લાગ્યા કે પાર્ટી જોઇએ : રમેશભાઇ

મારી આ ઘટના અંગે જ્યારે આસપાસના મિત્રોને જાણ થઈ કે તુરંત પાર્ટી માંગવા માટે બધાના મને ફોન આવવા લાગ્યા કે ‘ભાઈ, પાર્ટી જોઈશે.’

રમેશભાઇ એમ્બ્રોઇડરીની દુકાન ચલાવે છે :

તમને જણાવી દઇએ કે રમેશભાઈ બાપુનગરમાં રહે છે અને તેઓની પોતાની એમ્બ્રોઇડરીની દુકાન પણ ઘરની નજીક જ આવેલી છે. તેમની દુકાન બિલકુલ સામાન્ય છે. તેમને મહિને લગભગ 50 હજારેક રૂપિયા જેવું તેમાંથી મળી રહે છે, પરંતુ એ આવક માત્ર 2-3 મહિના જ હોય છે, પછી પાછું તેઓએ બેસી રહેવાનો વારો આવે છે. એટલે વધારાની આવક માટે સાઈડમાં તેઓ શેરબજારનું કરે છે.

આ પણ વાંચો :-

જો તમારી પાસે પણ આવી એક રૂપિયાની નોટ હોય તો આનંદો….કરાવશે ખુબ આર્થિક ફાયદો !

News Editor
-
0

If you also have such a one rupee

  • જો તમને જૂની નોટ અને સિક્કા ભેગા કરવા ગમતા હોય તો તે તમારા માટે આવકનું મોટું સાધન બની શકે છે. કેટલાક લોકો એવા પણ જોવા મળે છે જેમને આવા જૂના સિક્કા અને નોટોનું કલેક્શન રાખવું ખુબ ગમતું હોય છે.

જો તમને જૂની નોટ અને સિક્કા (Old notes and coins) ભેગા કરવા ગમતા હોય તો તે તમારા માટે આવકનું મોટું સાધન બની શકે છે. કેટલાક લોકો એવા પણ જોવા મળે છે જેમને આવા જૂના સિક્કા અને નોટોનું (Coins and notes) કલેક્શન રાખવું ખુબ ગમતું હોય છે. જેટલા જૂના સિક્કા અને ચલણી નોટ તમારી પાસે હશે તેની કિંમત એટલી જ વધુ જોવા મળે છે. હાલ આવી કરન્સીના (Currency) ભાવ આકાશને આંબી રહ્યા છે.

આવી જ એક કરન્સી નોટ વિશે અમે તમને જણાવીશું. લોકો વિચારતા હશે કે એક રૂપિયાની નોટની વેલ્યૂ તો ફક્ત એક રૂપિયો જ હોઈ શકે. પરંતુ જો તમારી પાસે આ એક રૂપિયાની યૂનિક નોટ હશે તો તેના તમને હજારો-લાખો રૂપિયા મળી શકે છે. ઓનલાઈન એક વેબસાઈટ પર એક રૂપિયાની નોટ હજારોમાં વેચાઈ રહી છે.

એક રૂપિયાની નોટની કિંમત :

યુનિક નોટ્સની કિંમત વધુ હોય છે તે આપણે બધા જાણીએ છીએ. લોકો આવી નોટની ખરીદી કરવા માટે તલપાપડ રહેતા હોય છે. coinbazzar.com પર એક યૂનિક નોટ છે આ નોટની કિંમત 42 હજાર રૂપિયા હોવાનું કહેવાય છે. જો કે આ નોટ હાલ 13 હજાર રૂપિયાના ડિસ્કાઉન્ટ પર મળી રહી છે.

આવ કાપવા તને ખબર પાડું, અધિકારીઓ વીજળી કાપવા આવ્યા તો મકાન માલિક ઘરમાંથી બંદુક લઈને નીકળ્યો | GujaratGuardian

તેની વાસ્તવિક કિંમત 55 હજાર રૂપિયા રાખવામાં આવી હતી. કેટલાક લોકો એવા પણ જોવા મળે છે જે આવી નોટને ખરીદ્યા બાદ વધુ કિંમતમાં વેચે છે. આવો જાણીએ કે આખરે આ એક રૂપિયાની નોટની કિંમત આટલી વધુ કેમ છે અને તેની પાછળનું કારણ શું છે.

તમારી પાસે છે આ યુનિક નોટ ?

આ નોટ લગભગ 30 વર્ષ જૂની છે. આ એક રૂપિયાની નોટનો નંબર 786786 છે અને તેનો પ્રીફિક્સ 56S છે. તેના પર તે સમયના નાણા સચિવ એસ વેંકિટરમણના હસ્તાક્ષર પણ છે. આવી ફેન્સી નંબરની નોટ ખરીદવા માટે અનેક લોકો તૈયાર બેઠા હોય છે.

rs 1 old note buy

જો કે જેમની પાસે આવા યુનિક નંબરવાળી નોટ હોય તેઓ આ રીતે ઓનલાઈન વેબસાઈટ પર પોતાનું એકાઉન્ટ બનાવીને પોતાની પાસે રહેલી નોટની કિંમત લગાવીને વેચી શકે છે. અત્રે જણાવવાનું કે આ પ્રકારની નોટોની અનેક વેબસાઈટ પર હરાજી થઈ રહી છે અને સારી એવી રકમ પણ ઉપજી રહી છે.

આ પણ વાંચો :-

કેનેડા : ખાલિસ્તાની ચરમપંથીઓએ સ્વામિનારાયણ મંદિરની દીવાલો પર કર્યું ભારત વિરોધી ચિત્રણ

News Editor
-
0

Canada: Khalistan extremists painted anti

  • બ્રૈમ્પટનના મેયર પૈટ્રિક બ્રાઉને આ અંગે નિરાશા વ્યક્ત કરતા લખ્યું હતું કે, આ પ્રકારની નફરતને કોઈ સ્થાન નથી.

કેનેડા (Canada) સ્થિત સ્વામિનારાયણ મંદિરની (Swaminarayan Temple) દીવાલ પર ભારત વિરોધી લખાણ લખવામાં આવ્યું હોવાની ઘટના સામે આવી છે. આ ઉપરાંત મંદિરની દીવાલને અમુક નુકસાન પહોંચાડાયું હોવાનું પણ સામે આવ્યું છે. ખાલિસ્તાની (Khalistani) અરાજક તત્વોએ મંદિરની દીવાલો પર ભારત વિરોધી લખાણો લખ્યા હતા.

ભારત સરકારે આ મામલે વિરોધ નોંધાવ્યો છે અને ભારતીય ઉચ્ચાયોગે આ ઘટનાની ટીકા કરીને કાર્યવાહીની માગણી કરી છે. આ ઘટના મંગળવારના રોજ બની હતી.

ઓટાવા સ્થિત ભારતીય ઉચ્ચાયોગે આ અંગેની ટ્વિટમાં લખ્યું હતું કે, ટોરંટો ખાતેના BAPS સ્વામિનારાયણ મંદિરને નુકસાન પહોંચાડીને ભારત વિરોધી લખાણ લખવાની ઘટનાની અમે આકરા શબ્દોમાં ટીકા કરીએ છીએ.

કેનેડાના અધિકારીઓને આ અંગે જાણ કરવામાં આવી છે અને આરોપીઓ સામે તાત્કાલિક આકરા પગલાં ભરવા આગ્રહ કરવામાં આવ્યો છે.

કેનેડાના સાંસદ સોનિયા સિદ્ધુએ આ અંગેની ટ્વિટમાં લખ્યું હતું કે, ટોરંટો સ્થિત સ્મામિનારાયણ મંદિરમાં બનેલી દુર્ઘટનાથી વ્યથિત છું. અમે એક બહુસાંસ્કૃતિક અને બહુધર્મી દેશમાં રહીએ છીએ જ્યાં સૌ કોઈ સુરક્ષિતતા અનુભવવા માટે હકદાર છે. જવાબદાર લોકો સામે કાર્યવાહી થવી જોઈએ.

બ્રૈમ્પટનના મેયર પૈટ્રિક બ્રાઉને આ અંગે નિરાશા વ્યક્ત કરતા લખ્યું હતું કે, આ પ્રકારની નફરતને કોઈ સ્થાન નથી. આશા રાખીએ કે, જવાબદાર ગુનેગારોને ઝડપથી ન્યાયના કઠેડામાં લાવવામાં આવે.

ભારતીય મૂળના કેનેડીયન સાંસદ ચંદ્ર આર્યે કેનેડામાં હિંદુ મંદિરોને આ પ્રકારે નિશાન કરવાની ઘટનાઓ વધી રહી હોવાનો પણ ઉલ્લેખ કર્યો હતો.

આ પણ વાંચો :-

Gold Silver Price Today : સોનું 50 હજારથી સસ્તું થયું, શું હજુ પણ તૂટશે ભાવ ?

News Editor
-
0

Gold Silver Price Today :

  • આજે આજે સવારે 10.45 વાગ્યે એમસીએક્સ પર સોનું 0.64 ટકા ઘટીને 49,700 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. 

સોના-ચાંદીની કિંમત (Gold Silver rate today)માં આજે શેરબજારથી વિપરિત ટ્રેન્ડ જોવા મળ્યો હતો. એક તરફ સોનાના ભાવ તૂટીને રુ. 50 હજારની અંદર પહોંચી ગયા છે, તો બીજી તરફ ચાંદીના (ચાંદી) ભાવમાં પણ ઘટાડો જોવા મળી રહ્યો છે.

સવારે 10.45 વાગ્યે મલ્ટી કોમોડિટી એક્સચેન્જ (MCX) પર સોનું 0.64 ટકા ઘટીને 49,700 રૂપિયા પ્રતિ 10 ગ્રામ અને ચાંદી 0.34 ટકા ઘટીને 56,794 રૂપિયા પ્રતિ કિલોગ્રામ પર ટ્રેડ થઈ રહ્યું છે. આજના ઘટાડા બાદ સોનું તેની રેકોર્ડ કિંમત (Gold record price)થી ઘણું જ સસ્તું મળી રહ્યું છે. આથી જો તમારે સોનાની ખરીદી કરવી હોય તો તમારા માટે સારો મોકો છે.

સોના-ચાંદીની કિંમત (Gold-Silver Rate) :

આજે સવારે 10.45 વાગ્યે એમસીએક્સ પર ઓક્ટોબરના વાયદાનું સોનું 0.64 ટકા ઘટીને 49,700 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ ડિસેમ્બરના વાયદાનું ચાંદી 0.34 ટકા વધીને 56,794 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price) :

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 56,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 49,700 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 6491 રૂપિયા સસ્તું મળી રહ્યું છે.

આ રીતે સોનાની શુદ્ધતા ચકાસો :

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. ‘BIS Care app’ મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે.

આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચો :-

1...1,3171,3181,319...1,441Page 1,318 of 1,441