Home Blog Page 1116

શેર માર્કેટમાં ગાબડું ! સેન્સેક્સ 600 પોઈન્ટથી વધુ તૂટ્યો, નિફ્ટી 17700ની નીચે

News Editor
-
0

A gap in the share market 

  • શેરબજારમાં આજે જોરદાર ઘટાડો જોવા મળ્યો. ખૂલતાની પાંચ મિનિટ બાદ BSE સેન્સેક્સ 677.86 પોઈન્ટ અથવા 1.01 ટકાના ઘટાડા સાથે 59,753.14 પર ટ્રેડ કરી રહ્યો હતો.

શેરબજારમાં (Stock Market) આજે જોરદાર ઘટાડો જોવા મળી રહ્યો છે અને આ ઘટાડા પાછળ સૌથી મોટો હાથ IT શેરોનો (IT Stocks) છે. શેરબજાર ખુલ્યાની પાંચ મિનિટ બાદ BSE સેન્સેક્સ 677.86 પોઈન્ટ અથવા 1.01 ટકાના ઘટાડા સાથે 59,753.14 પર ટ્રેડ કરી રહ્યો હતો. તેમાં 677 પોઈન્ટનો મોટો ઘટાડો જોવા મળી રહ્યો છે. આ સિવાય NSEનો નિફ્ટી 200 પોઈન્ટ અથવા 0.86 ટકાના ઘટાડા સાથે 17,628 પર ટ્રેડ થઈ રહ્યો હતો.

આઈટી શેરોમાં જોરદાર ઘટાડો :

આ સાથે જ આજે આઈટી ઈન્ડેક્સમાં 6 ટકાથી વધુનો ઘટાડો જોવા મળી રહ્યો છે. જણાવી દઈએ કે ઈન્ફોસિસના શેરમાં 10 ટકાથી વધુનો ભારે ઘટાડો જોવા મળી રહ્યો છે અને  ટેક મહિન્દ્રાનો શેર 7 ટકાથી વધુ ઘટ્યો તો વિપ્રો, HCL ટેકમાં 4 ટકાથી વધુનો ઘટાડો જોવા મળી રહ્યો છે. સાથે જ TCSના શેરમાં 3 ટકાથી વધુનો ઘટાડો જોવા મળ્યો હતો.

નોંધનીય છે કે સેન્સેક્સના 30 શેરોમાંથી 17 શેરોમાં તેજી જોવા મળી રહી છે અને 13 શેરોમાં ઘટાડા સાથે કારોબાર થઈ રહ્યો છે. બીજી તરફ NSE નિફ્ટીના 50માંથી 28 શેરોમાં તેજી જોવા મળી રહી છે.

આ પણ વાંચો :-

પહેલી જ મેચમાં કેપ્ટનશિપ કરતી વખતે સૂર્યકુમાર યાદવે કરી આ ભૂલ, BCCIએ ફટકારી મોટી સજા

News Editor
-
0

Suryakumar Yadav made 

  • સૂર્યાની કપ્તાનીમાં મુંબઈએ KKR સામે જીત મેળવી હતી પણ તેને કેપ્ટનશીપ કરતી વખતે આ ભૂલને કારણે પહેલી જ મેચમાં લાખોનો દંડ ફટકારવામાં આવ્યો છે.

IPL 2023ની ગઈકાલની 22મી મેચમાં કોલકાતા નાઈટ રાઈડર્સને (Kolkata Knight Riders) 5 વખતની ચેમ્પિયન ટીમ મુંબઈ ઈન્ડિયન્સ (Mumbai Indians) સામે 5 વિકેટથી હારનો સામનો કરવો પડ્યો હતો પણ ગઈ હાલની આ મેચમાં મોટા ઊલટફેર જોવા મળ્યા હતા.

જણાવી દઈએ કે મુંબઈનો નિયમિત કેપ્ટન રોહિત શર્મા આ મેચમાં ઈમ્પેક્ટ પ્લેયર તરીકે બીજી ઈનિંગમાં બેટિંગ કરવા આવ્યો હતો અને તેની સામે મુંબઈની ફિલ્ડિંગ દરમિયાન સૂર્યકુમાર યાદવ ટીમની કમાન સંભાળી હતી. જો કે કેપ્ટન તરીકેની પહેલી જ મેચમાં કેપ્ટનશીપ કરતી વખતે સૂર્યકુમાર યાદવથી મોટી ભૂલ થઈ હતી.

જણાવી દઈએ કે સૂર્યાની કપ્તાનીમાં મુંબઈએ KKR સામે જીત મેળવી હતી પણ તેને કેપ્ટનશીપ કરતી વખતે પહેલી જ મેચમાં લાખોનો દંડ ફટકારવામાં આવ્યો છે. વાત એમ છે કે મેચમાં સ્લો ઓવર રેટના કારણે સૂર્યા પર આ પેનલ્ટી લગાવવામાં આવી છે અને આ ગુના માટે સૂર્યાને 12 લાખ રૂપિયાનો દંડ ફટકારવામાં આવ્યો છે.

નોંધનીય છે કે રવિવારના રોજ આઈપીએલ મીડિયા એડવાઈઝરીએ જણાવ્યું હતું કે સૂર્યકુમાર યાદવને 12 લાખ રૂપિયાનો દંડ ફટકારવામાં આવ્યો છે સ્લો ઓવર-રેટના અપરાધો સંબંધિત આઈપીએલની આચાર સંહિતા હેઠળ સીઝનનો તેની ટીમનો પ્રથમ ગુનો હતો.

KKR સામેની મુંબઈની ટીમ પોતાના નિયમિત કેપ્ટન રોહિત શર્મા વિના મેદાનમાં ઉતરી હતી અને એવું કહેવામાં આવી રહ્યું છે કે રોહિત શર્માના પેટમાં થોડી સમસ્યા હતી એ કારણે તે આ મેચમાંથી બહાર થયો હતો. એ બાદ મેચમાં તેની જગ્યાએ સૂર્યકુમાર યાદવને કેપ્ટન્સી સોંપવામાં આવી હતી પણ અંહિયા એક રસપ્રદ વાત એ હતી કે મુંબઈની ઈનિંગ્સ દરમિયાન રોહિત બેટિંગ કરવા આવ્યો હતો જેમાં તેને 13 બોલમાં 20 રન કર્યા હતા.

આ પણ વાંચો :-

 

પેટ્રોલ પંપ આ સુવિધાઓ મફતમાં ન મળે તો કરી શકો છો ફરિયાદ, રદ થઈ જશે પેટ્રોલ પંપનું લાયસન્સ

News Editor
-
0

If the petrol pump does 

  • Filling Pump : તમે પણ કાર કે બાઈકમાં પેટ્રોલ કે ડીઝલ ભરાવવા માટે પેટ્રોલ પંપ જતા હશો. પરંતુ શું તમે જાણો છે જ્યાં તમને કેટલીક સુવિધા ફ્રી મળે છે. દરેક પેટ્રોલ પંપ પર લોકો માટે કેટલીક સુવિધા ફ્રીમાં ઉપલબ્ધ કરાવવાની હોય છે. જેનાથી ત્યાં આવતા લોકોને સુવિધા મળી રહે.

જયારે પેટ્રોલિયમ મંત્રાલય (Ministry of Petroleum) અને ઓઈલ કંપનીઓ (Oil Company) સમય-સમય પર આ સુવિધાઓની જાણકારી આપતી આવી છે છતા પણ કેટલીક વાર લોકો આ ફ્રીની સુવિધાથી અજાણ રહેતા હોય છે તો આવો જાણીએ કે કઈ-કઈ સુવિધાઓ પેટ્રોલ પંપ (Petrol pump) પર ફ્રીમાં આપને મળતી હોય છે.

હવા ચેક કરવાની સુવિધા  :

તમે જોયું જ હશે કે પેટ્રોલ પંપ પર એક એર ફીલિંગ મશીન હોય છે. આ મશીન એ મફત સુવિધાનો એક ભાગ છે. પેટ્રોલ પંપ  માલિકે આ મશીન લગાવવું પડશે જેથી પેટ્રોલ કે ડીઝલ ભરાવવા આવતા લોકો ઈચ્છે તો વ્હીકલના ટાયરમાં હવા ભરાવી શકે છે. આ માટે પૈસા ચૂકવવા પડતા નથી. આ કામ માટે પંપ માલિક વતી એક વ્યક્તિને પણ રાખવામાં આવે છે. તમે હવાને મફતમાં ભરી શકો છો અને પંપ તેના માટે પૈસા માંગી શકે નહીં.

ઈમરજન્સી કોલની સુવિધા  :

જો ક્યારેય તમારો મોબાઈલ ફોન ખરાબ થયો હોય અથવા અન્ય કારણોસર તમારી પાસે કોમ્યુનીકેશનના સાધન ન હોય અને તમારે ઈમરજન્સી કોલ કરવો હોય તો તમે પેટ્રોલ પંપમાંથી એક ફ્રી કોલ કરી શકો છો.

ફસ્ટ એડ બોક્સની સુવિધા :

દરેક પેટ્રોલ પંપ પર ફસ્ટ એડ બોક્સની સુવિધા એ અનિવાર્ય છે અને જરુર પડ્યે એનો ફ્રીમાં ઉપયોગ કરી શકાય છે. તો હવે ક્યારેય પણ આ પ્રકારની સુવિધાની જરુર પડે અને પેટ્રોલ પં૫ નજીક હોય તો ફ્રીમાં સુવિધા લેવાનું ચૂકશો નહિં.

પીવાના પાણીની સુવિધા :

પેટ્રોલ પંપ પર પીવાના શુધ્ધ પાણી એટલે કે પીવાના પાણીની વ્યવસ્થા કરવી ફરજિયાત છે. જે લોકો પેટ્રોલ-ડીઝલ ભરાવવા આવ્યા છે તેઓ પીવાના પાણીની સુવિધાની માંગ કરી શકે છે અને આ સુવિધા પંપ દ્વારા વિના મૂલ્યે પ્રદાન કરવાની રહેશે. આ માટે પંપ માલિકો આરઓ અથવા પ્યુરિફાયર્સ ઈન્સ્ટોલ કરે છે. કેટલાક પંપ પાસે રેફ્રિજરેટર પણ હોય છે જ્યાં લોકો ઠંડુ પાણી પી શકે છે. આ મફત સુવિધાનો પણ એક ભાગ છે.

ક્વોલિટી ચેક :

તમને પેટ્રોલ પંપ પર પણ અધિકાર મળે છે કે તમને મળતા પેટ્રોલને ચેક કરાવી શકો છો. આમાં તમે ક્વોલિટીની સાથે ક્વોન્ટિટીની તપાસ પણ કરી શકો છો. આ સિવાય પેટ્રોલ પંપ પર બીજી ઘણી સુવિધાઓ છે જે જાળવવી પડે છે. રેતી ભરેલી ડોલ અથવા ફાયર સેફ્ટી સ્પ્રે સહિતના અગ્નિશામક ઉપકરણો.

પેટ્રોલ અને ડીઝલનું બિલ લેવાનો અધિકાર :

પેટ્રોલ પંપ પર પેટ્રોલ કે ડીઝલ ભરાવ્યા બાદ તમને બિલ લેવાનો અધિકાર છે. જો કોઈ કારણ સર પેટ્રોલ પંપ માલિક કે તેના એજન્ટ તમને બિલ આપવાની મનાઈ કરે છે તો તમે તેની ફરિયાદ કરી શકો છો.

ફાયર સેફ્ટીના સાધનો  :

દરેક પેટ્રોલ પંપ પર ફાયર સેફ્ટી ડિવાઈસ હોવા જરૂરી છે અને સાથે જ રેતી ભરેલી ડોલ હોવી જરૂરી છે. જેથી આગ લાગવાની પરિસ્થિતમાં સાઘનોના ઉપયોગથી આગ પર કાબૂ મેળવીને કોઈ મોટી દૂર્ધટના ટાળી શકાય છે.

શૌચાલયની સુવિધા  :

પેટ્રોલ પંપ પર શૌચાલયની સુવિધા બીલકુલ ફ્રી હોય છે એના માટે તમારે કોઈ કિંમત ચુંકવવાની રહેતી નથી અને આ નિર્ણય સરકાર દ્વારા જ લેવામાં આવ્યો છે.

આ પણ વાંચો :-

ટ્રેનમાં પગ મૂકવાની પણ જગ્યા નથી, સુરતથી ઉપડતી ટ્રેનોમાં ભીડના દ્રશ્યો ડરાવના લાગશે

News Editor
-
0

There is no space to even step

  • Summer Vacation : સુરતમાં રિઝર્વેશન વિનાની અંત્યોદય ટ્રેન શરૂ થતાં ભારે ભીડ. બારીમાંથી મુસાફરો ટ્રેનના કોચમાં પ્રવેશતા હોવાના દ્રશ્યો જોવા મળ્યા. મુસાફરોનો ધસારો વધતાં ટ્રેનની અંદરથી ગેટ બંધ કરવામાં આવ્યા.

સુરતમાં રોજગારી અર્થે આવેલા યુપી-બિહારના (UP-Bihar) લોકોને ઉનાળાના વેકેશનમાં પોતાના રાજ્યોમાં જવા માટે ટ્રેનના અભાવે પશુઓની જેમ લડતા-લડતા ગામ જવું પડે છે. ઉત્તર પ્રદેશ (Uttar Pradesh) જતી અંત્યોદય ટ્રેનની (Antyodaya train) હાલત જોઈને તમને પણ પરસેવો છૂટી જશે. તમામ અનરિઝર્વ્ડ કોચમાં (Unreserved Coach) પગ મુકવાની પણ જગ્યા નથી.

અંત્યોદય ટ્રેનમાં તમામ 18 અનરિઝર્વ કોચ છે. અઠવાડિયામાં એકવાર આ ટ્રેન ઉત્તર પ્રદેશ જવા માટે ઉધના રેલવે સ્ટેશનથી ઉપડે છે. સીટ મેળવવા માટે લોકો કલાકો સુધી પ્લેટફોર્મ પર બેસી રહે છે અને ટ્રેન આવે તો તરત જ આંખના પલકારામાં ટ્રેન મુસાફરોથી ભરાઈ જાય છે.

ટ્રેનની સીટો ત્રણ ઘણા મુસાફરો જોવા મળે છે. કોચના દરવાજામાં પણ લોકો તેમના બાળકો સાથે ઉભા હોય છે. ટ્રેનની તસવીરો પરથી ખ્યાલ આવે છે કે ટ્રેનના દરવાજામાં ઉભેલા મુસાફરો માટે આ મુસાફરી કેટલી જોખમી છે. મુસાફરોથી ભરેલી ટ્રેનમાં દરવાજા સુધી મુસાફરીથી ભરેલી જોવા મળશે.

એક તરફ કાળઝાળ ગરમીમાં આ ભરચક ટ્રેનમાં મુસાફરોની હાલત કફોડી બની છે.જે ટ્રેનમાં એટલા બધા મુસાફરો હોય છે કે પગ મુકવાની પણ જગ્યા નથી. આવી ટ્રેનમાં લગભગ 24 કલાકની મુસાફરી મુસાફરો કેવી રીતે કરશે આ સૌથી મોટી સમસ્યા છે.

રવિવારે અનરિઝર્વ્ડ અંત્યોદય ટ્રેન ઉધના અને જયનગર વચ્ચે નીકળી હતી. જેને પકડવા માટે હજારો મુસાફરો એકઠા થયા હતા. ઉનાળાની રજાઓમાં તાપ્તી ગંગા સહિત અન્ય ટ્રેનોમાં ટિકિટ ઉપલબ્ધ ન હતી. જેના કારણે આ અનરિઝર્વ્ડ અંત્યોદય ટ્રેનમાં ભારે ભીડ જોવા મળી હતી.આ ટ્રેનની ક્ષમતા બે હજાર મુસાફરોને લઈ જવાની છે. આ માટે સવારના 5 વાગ્યાથી જ સ્ટેશન પર ભીડ એકઠી થવા લાગી હતી. લગભગ ત્રણ હજાર મુસાફરો ઉધના સ્ટેશને પહોંચ્યા હતા.

આ પણ વાંચો :-

જ્યાં સુધી રાહુલ ગાંધી પ્રધાનમંત્રી ન બને ત્યાં સુધી ‘ઉધાર બંધ’, દુકાનદારે લગાવ્યું ગજબનું બોર્ડ

News Editor
-
0

‘No Loans’ Till Rahul Gandhi

  • દુકાનદાર મોહમ્મદ હુસૈને જણાવ્યુ કે તેણે 1 જાન્યુઆરી 2023થી સંપૂર્ણ રીતે પોતાની દુકાનમાંથી લોકોને ઉધાર આપવાનું બંધ કરી દીધું છે. પરંતુ લોકો સતત તેની પાસે ઉધાર માંગતા હતા. ત્યારબાદ તેણે આ વસ્તુથી છુટકારો મેળવવા માટે દુકાનની બહાર બોર્ડ મારી દીધું.

orrowing stopped till Rahul Gandhi becomes PM: છિંદવાડા (Chindwara) શહેરની એક દુકાનની સોશિયલ મીડિયા પર અનેક ચર્ચાઓ થઈ રહી છે. છિંદવાડામાં હુસૈન પેલેસ (Hussain Palace) અને કરબલા ચોકની ડેલી નીડ્સની ચર્ચાનું કારણ તેમની દુકાનમાં લગાવવામાં આવેલા પોસ્ટર છે.

તમે દુકાનોમાં ઉધાર માંગનારા ગ્રાહકો માટે વિવિધ પ્રકારના ક્વોટેશન વાંચ્યા જ હશે જેમ કે આજે કેશ કાલે ઉધાર, ઉધાર એ પ્રેમની કાતર છે, ઉધાર માંગીને શરમમાં ના મુકશો.

એકદમ અલગ રીતે હુસૈન પેલેસના 30 વર્ષીય મોહમ્મદ હુસૈને તેમની દુકાનમાં એક પોસ્ટર લગાવ્યું, જેમાં લખ્યું છે કે 1 જાન્યુઆરી 2023થી ઉધાર બંધ છે. રાહુલ ગાંધી પ્રધાનમંત્રી ના બને ત્યાં સુધી ઉધાર બંધ છે. શહેરના કરબલા ચોકમાં રહેતા મોહમ્મદ હુસૈન છેલ્લા 5 વર્ષ કરતાં વધુ સમયથી પોતાની પૈતૃક દુકાન ચલાવે છે.

મોહમ્મદ હુસૈને જણાવ્યું કે, અગાઉ દુકાનમાં ઘણા લોકો ઉધાર માગતા હતા. રોજના સરેરાશ બે હજાર રૂપિયાનો ધંધો થતો હતો, જેમાંથી 500થી 700 રૂપિયાની ઉધારી થતી હતી. યોગ્ય સમયે ઉધારની વસૂલાત ના થવાના કારણે આર્થિક સમસ્યાનો સામનો કરવો પડયો હતો. આને ધ્યાનમાં રાખીને મેં એક પોસ્ટર લગાવ્યું છે, જેમાં લખ્યું છે કે 1 જાન્યુઆરી 2023થી ઉધાર બંધ છે. રાહુલ ગાંધી દેશના પ્રધાનમંત્રી ના બને ત્યાં સુધી ઉધાર લેવાનું બંધ છે. પોસ્ટર લગાવ્યા પછી દુકાનમાં ધિરાણ સંપૂર્ણપણે બંધ થઈ ગયું છે અને હવે 1000 રૂપિયાનો ધંધો રોકડમાં થઈ રહ્યો છે.

આ પણ વાંચો :-

એક જ વ્યક્તિના ફોટોના દુરૂપયોગ કરી ગુજરાતભરમાં 29 હજારથી વધુ સીમકાર્ડ ઈસ્યૂ થયાનો ખુલાસો

News Editor
-
0

It is revealed that

  • એક જ વ્યક્તિના ફોટોના દુરૂપયોગ કરી રાજ્યભરમાં 29 હજારથી વધુ સીમ કાર્ડ ઈસ્યૂ થયાનો ખુલાસો થતાં ખળભળાટ મચી જવા પામ્યો છે. એક જ વ્યક્તિના ફોટોના દુરૂપયોગ કરી સીમ કાર્ડ એક્ટિવ કરાવ્યા હોવાનું જાણવા મળી રહ્યું છે.

મોબાઈલ સિમકાર્ડ (Mobile SIM card) ખરીદતાં ગ્રાહકોના ડોક્યુમેન્ટનો (Document) ઉપયોગ કરીને અન્ય ગ્રાહકોને સિમ કાર્ડ વેચવાના કૌભાંડનો અનેક વખત પર્દાફાશ થયો છે. પરંતુ હાલ એક અજીબોગરીબ કિસ્સો સામે આવ્યો છે. જેમાં એક જ વ્યક્તિના ફોટોના દરૂપયોગ કરીને સીમકાર્ડ એક્ટિવ કરાયા હોવાની માહિતી મળી છે. આવી રીતે રાજ્યભરમાં 29 હજારથી વધુ સીમકાર્ડ ઈસ્યૂ (SIM Card Issue) થયાનો સૌથી મોટો ખુલાસો થયો છે.

આ ઘટના વિશે મળતી માહિતી પ્રમાણે એક જ વ્યક્તિના ફોટોના દુરૂપયોગ (દુરૂપયોગ) કરી રાજ્યભરમાં 29 હજારથી વધુ સીમકાર્ડ (SIM card) ઈસ્યૂ થયાનો ખુલાસો થતાં ખળભળાટ મચી જવા પામ્યો છે. એક જ વ્યક્તિના ફોટોના દુરૂપયોગ કરી સીમકાર્ડ (SIM card) એક્ટિવ કરાવ્યા હોવાનું જાણવા મળી રહ્યું છે.

રાજ્યભરમાં આવા 29 હજારથી વધુ સીમકાર્ડ ઈસ્યૂ થયા છે. સામાન્ય વ્યક્તિના દસ્તાવેજ પર એક જ ફોટો લગાવી સીમ કાર્ડ વેચાયા હોવાનું જાણવા મળી રહ્યું છે. આવી રીતે 486 જેટલા ફોટોનો દુરૂપયોગ કરી સીમ કાર્ડ વેચાયા છે. આ કેસમાં રાજ્યભરમાં 15 ગુના દાખલ કરી 18ની ધરપકડ પણ કરવામાં આવી છે.

મહત્વનું છે કે આવા સીમકાર્ડનો ઉપયોગ છેતરપિંડી, ક્રિકેટ સટ્ટો, ગેમ્બલીંગ જેવી પ્રવૃત્તિઓમાં વપરાતા હોવાની શક્યતાને આધારે મોટી કાર્યવાહી કરાઈ છે. આ કૌભાંડનો પર્દાફાશ ડિપાર્ટમેન્ટ ઓફ ટેલિ કોમ્યુનિકેશન, સાયબર ક્રાઈમ, સીઆઈડી ક્રાઈમ અને ગુજરાત ATS એ સંયુક્ત કાર્યવાહી દ્વારા કર્યો છે.\

આ પણ વાંચો :-

 ગુજરાત કોંગ્રેસમાં મોટી હિલચાલ, અમિત ચાવડાએ ખાનગી હોટલમાં બોલાવી બેઠક

News Editor
-
0

Gujarat Congress

  • ગાંધીનગરની એક હોટલમાં મિટિંગ યોજવામાં આવી હતી. જેમાં ધારાસભ્ય ગેનિબેન ઠાકોર, કિરીટ પટેલ,પૂર્વ ધારાસભ્ય લલિત વસોયા હાજર છે. પ્રદેશ મહિલા મોરચાના પ્રમુખ જેનિબેન ઠુમ્મર, પ્રદેશના મહામંત્રીઓ સહિતના ગુજરાતના આગેવાનો હાજર હતાં.

ગુજરાત કોંગ્રેસમાં (Gujarat) કંઈક નવા જુનીનાં એંધાણ જોવા મળી રહ્યા છે. ગાંધીનગરની (Gandhinagar) ખાનગી હોટલમાં ગુજરાત કોંગ્રેસની એક મહત્વની બેઠક મળી હતાં. આ બેઠક વિધાનસભાના કોંગ્રેસ પક્ષના નેતા અમિત ચાવડાએ (Amit Chavda) બોલાવી હોવાનું જાણવા મળી રહ્યું છે. જેમાં કોંગ્રેસના ધારાસભ્યો અને હોદ્દેદારો સહિત નેતાઓને બોલાવવામાં આવ્યા હતાં.

આ વિશે જાણવા મળી રહ્યું છે કે, વિધાનસભાના કોંગ્રેસ પક્ષના નેતા અમિત ચાવડાએ બોલાવેલી બેઠકમાં ધારાસભ્યો અને હોદ્દેદારો સહિત 50 જેટલા લોકોને મિટિંગમાં બોલાવ્યા હતાં. ગાંધીનગરની એક હોટલમાં મિટિંગ યોજવામાં આવી હતી. જેમાં ધારાસભ્ય ગેનિબેન ઠાકોર, કિરીટ પટેલ,પૂર્વ ધારાસભ્ય લલિત વસોયા હાજર હતાં. પ્રદેશ મહિલા મોરચાના પ્રમુખ જેનિબેન ઠુમ્મર, પ્રદેશના મહામંત્રીઓ સહિતના ગુજરાતના આગેવાનો હાજર હતાં.

આથી આગામી સમયમાં ગુજરાત કોંગ્રેસમાં નવાજુની થાય તેવું સૂત્રો પાસે ચર્ચાઈ રહ્યું છે. જો કે આ બેઠકમાં કઈ બાબતો પર ચર્ચા કરવામાં આવી કે ક્યા મુદ્દે રણનીતિ ઘડવામાં આવી તે મામલે હજુ સુધી સ્પષ્ટ થયું નથી. પરંતુ બેઠકને લઈને રાજકારણ ગરમાયું છે.

મહત્વનું છે કે ગુજરાત કોંગ્રેસની અંદરોઅંદર ખેંચતાણના કારણે ચૂંટણીમાં વળતા પાણી થયા હતા. આગાઉ એટલે કે 2017ની ચૂંટણીમાં 77 બેઠક પર જીત મેળવી લેનાર કોંગ્રેસ એટલી હદે નબળી પડી હતી કે તાજેતરની ચૂંટણીમાં માત્ર 17 બેઠક પર જ જીતી શકે છે.

આ પણ વાંચો :-

અતીક-અશરફની હ*ત્યાનો મામલો પહોંચ્યો સુપ્રીમ કોર્ટ, પૂર્વ જજ દેખરેખમાં તપાસની

News Editor
-
0

The case of Atiq-Ashraf’s

  • Atiq Ahmed Shot Dead:  શનિવારે અતીક અહેમદ અને તેના ભાઈ અશરફની પ્રયાગરાજમાં કોલવિન હોસ્પિટલની સામે ગોળી મારીને હત્યા કરવામાં આવી હતી. પોલીસ કસ્ટડીમાં થયેલી હત્યા પર સવાલો ઉઠી રહ્યા છે.

પ્રયાગરાજમાં (Prayagraj) માફિયા અતીક અહેમદ (Atiq Ahmed) અને તેના ભાઈ અશરફની (Ashraf) હત્યાનો મામલો સુપ્રીમ કોર્ટમાં પહોંચ્યો છે. પૂર્વ ન્યાયાધીશની દેખરેખ હેઠળ હત્યાની તપાસની માગણી કરતી અરજી સુપ્રીમ કોર્ટમાં (Supreme Court) દાખલ કરવામાં આવી છે. આ સાથે 2017 પછી ઉત્તર પ્રદેશમાં થયેલા તમામ 183 એન્કાઉન્ટરોની તપાસ કરવાની પણ માંગ કરવામાં આવી છે.

અત્રે ઉલ્લેખનીય છે કે પ્રયાગરાજમાં માર્યા ગયેલા ગેંગસ્ટર અને પૂર્વ બાહુબલી સાંસદ અતીક અહમદ (Atiq Ahmad Killed) અને તેના ભાઈ અશરફને કસારી મસારી કબ્રસ્તાનમાં સુપુર્દ એ ખાક કરવામાં આવ્યા હતા. બંનેના મૃતદેહ કસારી મસારી કબ્રસ્તાનમાં આકરી સુરક્ષા વચ્ચે પહોંચ્યા અને પછી પરિવારજનોની હાજરીમાં તેને દફનાવવામાં આવ્યા હતા.

આ કબ્રસ્તાનમાં બે દિવસ પહેલાં એનકાઉન્ટરમાં માર્યા ગયેલા અતીકના પુત્ર અસદને પણ દફનાવવામાં આવ્યો હતો. કબ્રસ્તાનની આસપાસ જડબેસલાક સુરક્ષાવ્યવસ્થા જોવા મળી હતી. આ પહેલાં અતીક અને અશરફનું પોસ્ટમોર્ટ કરવામાં આવ્યું હતું. આ પોસ્ટમોર્ટમ પાંચ ડોક્ટરોની પેનલે કર્યું હતું.

ક્રાઈમ બ્રાન્ચ આરોપીની પૂછપરછમાં વ્યસ્ત :

અતીક અને અશરફની સુરક્ષામાં તૈનાત 17 પોલીસકર્મીઓને સસ્પેન્ડ કરવામાં આવ્યા છે. યુપી પોલીસ એલર્ટ મોડ પર છે અને રાજ્યના તમામ જિલ્લાઓમાં કલમ 144 લાગુ કરવામાં આવી છે. પોલીસકર્મીઓની રજાઓ પણ રદ્દ કરવામાં આવી છે. તેની હત્યાના ત્રણેય આરોપીઓની ધરપકડ કરવામાં આવી છે અને ક્રાઈમ બ્રાન્ચ તેમની પૂછપરછ કરી રહી છે. પ્રયાગરાજના શાહગંજ પોલીસ સ્ટેશનમાં બંનેની હત્યા માટે એફઆઈઆર પણ નોંધવામાં આવી છે.

બંનેની ગોળી મારીને હત્યા કરવામાં આવી :

જણાવી દઈએ કે શનિવારે રાત્રે અતીક અને અશરફની જ્યારે મેડિકલ તપાસ માટે હોસ્પિટલમાં લઈ જવામાં આવી રહ્યાં હતા ત્યારે બંનેની ગોળી મારી હત્યા કરી દેવામાં આવી હતી.  અતીકે જ્યારે મીડિયા સાથે વાત કરવાનું શરૂ કર્યું ત્યારે ત્રણ હુમલાખોરોએ તેમના પર ગોળીબાર શરૂ કરી દીધો હતો. જેમાં બંનેના ઘટનાસ્થળે જ મોત થયા હતા. ખુદ મુખ્યમંત્રી યોગી આદિત્યનાથે આ ઘટનાની નોંધ લીધી હતી.

આ પણ વાંચો :-

ઉનાળામાં આગનો ગોળો બની જશે Smartphone, આ 5 ભૂલો ટાળો અને રહો Safe

News Editor
-
0

Smartphone will become

  • Smartphone care tips : છેલ્લા કેટલાક વર્ષોમાં મોબાઈલની બેટરીમાં બ્લાસ્ટ થતા અથવા તો આગ લાગતા યુઝર ઘાયલ થયા હોય એવા ઘણા બનાવો બન્યા છે. આપના ફોનની બેટરીમાં આગ લાગવાના કેટલાક મુખ્ય કારણો છે એ જાણી લેશો એટલે આપના ફોનનું આયુષ્ય વધી જશે.

છેલ્લા કેટલાક વર્ષોમાં મોબાઈલની બેટરીમાં (Mobile battery) બ્લાસ્ટ થતા અથવા તો આગ લાગતા યુઝર ઘાયલ થયા હોય એવા ઘણા બનાવો બન્યા છે. આપના ફોનની (Mobile) બેટરીમાં આગ લાગવાના કેટલાક મુખ્ય કારણો છે એ જાણી લેશો એટલે આપના ફોનનું આયુષ્ય વધી જશે. સ્માર્ટ ફોનમાં (Smart phone) આગ લાગવાની ઘટનાઓ વધી રહી છે ત્યારે એ જાણી લેવું જરૂરી છે કે મોબાઈલની બેટરીમાં આગ કેમ લાગે છે શું છે તેના કારણો આવો જોઈએ.

પહેલું કારણ છે ઓવરહીટિંગ  :

સ્માર્ટ ફોનની બેટરીને એક નિશ્ચિત તાપમાનમાં કામ કરવા માટે ડિઝાઈન કરાઈ હોય છે. આપના સ્માર્ટ ફોનને નિયમિત રૂપે વધુ તાપમાનના સંપર્કમાં લાવતા બેટરીને લાંબા ગાળે નુકસાન થઈ શકે છે. તડકો કે બંધ કારમાં લાંબા સમય સુધી રહેવા પર પણ સ્માર્ટ ફોન ગરમ થઈ શકે છે.

વધુ ગરમી પકડી લેતા બેટરી સેલ્સ અનસ્ટેબલ થઈ જાય છે અને કાર્બન ડાયોક્સાઈડ તેમજ ઓક્સિજન જેવા ગેસ ઉત્પન્ન થાય છે. જેથી સ્માર્ટ ફોનમાં વિસ્ફોટ થઈ શકે કે આગ લાગી શકે છે.

બીજું કારણ છે ઓવર ચાર્જિંગ  :

ઘણાં સ્માર્ટફોન યૂઝર્સ પોતાના ફોનને આખી રાત ચાર્જિંગ પર મુકી રાખે છે જેના કારણે ઓવરહિટીંગ થઈ શકે છે. આવું કરવાથી લાંબા સમયે બેટરીને નુકસાન થતું હોવાનું તારણ છે અને ઘણી વખત શોર્ટ-સર્કિટના કારણે વિસ્ફોટ પણ થઈ શકે છે.

ત્રીજું કારણ થર્ડ પાર્ટી ચાર્જર :

હંમેશા પોતાના સ્માર્ટફોનને ઓરિજનલ કેબલ અને એડપ્ટરથી ચાર્જ કરવાની સલાહ આપવામાં આવે છે. કોઈ અન્ય બ્રાન્ડનો ઉપયોગ કરવાથી આપના સ્માર્ટ ફોનની બેટરી ખરાબ થઈ શકે છે. થર્ડ પાર્ટી ચાર્જિંગ કેબલ અને એડપ્ટર ડિવાઈસને વધુ ગરમ કરી શકે છે અને બેટરીમાં શોર્ટ-સર્કિટનું કારણ બની શકે છે.

આ પણ વાંચો :-

17 એપ્રિલ 2023 આજનું રાશિફળ : આ 4 રાશિના જાતકોએ આજે સાચવીને રહેવું, તો કોનું ખુલશે ભાગ્ય, જુઓ શું કહે છે ભવિષ્ય દર્શન

News Editor
-
0

17 April 2023 Today’s Horoscope Gujarat Guardian

મેષઃ
આખો દિવસ ઉત્સાહ સભર જણાય. આર્થિક બાબતોમાંથી લાભ. કૌટુંબિક ચિંતા મનમાં સતાવ્યા કરે. ધંધાકીય ક્ષેત્રે સફળતા મળે. સંતાન સાથે સ્નેહ રહે. આરોગ્ય સારૂ. કાર્યક્ષેત્રે પત્નિન પૂર્ણ સહકાર મળે. ખર્ચનું પ્રમાણ ઓછું રહે.

વૃષભઃ
ગુસ્સાનું પ્રમાણ વિશેષ રહે. આવક અવરોધાય. કાર્યક્ષેત્રે અનુકુળતા રહે. ધંધાકીય ક્ષેત્રે હરીફોને પરાસ્ત કરી શકશ. સંતાનોની પ્રગતિ થતી જણાય. જીનવસાથી સાથે મતભેદ અનુભવાય. પેટ બગડવાની સમસ્યા સર્જાય

મિથુનઃ
સાહસિક નિર્ણયો લાભદાયી નીવડે. ધાર્મિક કાર્યોના આયોજનોમાં મહત્વની તક મળે. નોકરી-ધંધામાં વિશ્વાસધાતથી સાચવું. સ્વાસ્થય સાનુકુળ રહે. વિદેશના કામકાજમાં સફળતા મળે. ખર્ચનું પ્રમાણ વધારે રહેશે.

કર્કઃ
મનમાં ચિંતા સતાવ્યા કરે. ખોટા વિચારોનું પ્રમાણ વધે. ખોટા વિચારોનું પ્રમાણ વધે. કાર્યક્ષેત્રે સફળતા મળે. રોકાણો થી આવક વધતી જણાય. સંતાનની ચિંતા રહે. આરોગ્ય સાચવવું. જીવનસાથીનો પ્રેમ મળતો રહે. ભાગ્ય સાથ આપતું જણાય. મિત્રોથી લાભ

સિંહઃ
આત્મબળમાં વધારો થાય. બેંક બેલેન્સ વધતું જણાય. પારિવારિક સભ્યો સંબંધી મધુરતા અનુભવાય. લોકોપયોગી કાર્ય કરવાથી માન-સન્માનમાં વૃદ્ધિ થાય. સામાન્ય શરદી-ખાંસીનો ઉપદ્દવ રહે. મિત્રોથી ચિંતા રહે.કન્યાઃ

તુલાઃ
દિવસ દમ્યાન સંધર્ષનો અનુભવ કરવો પડશે. આર્થિક પાસુ મજબુત બનશે. કૌટુંબિક ચિંતા મનમાં સતાવ્યા કરશે. સંતાનો તરફથી આનંદ જણાશે. સરકારી કામકાજમાં સાવચેત રહેવું. ભાગ્યનો સાથ મળશે.

વૃશ્ચિકઃ
નાણાંકી બાબતોમાં અસંતોષ રહે. પરિવારમાં સુખ શાંતિ સમૃદ્ધિ જળવાય. વિદેશી બાબતોથી લાભ મળતો જણાય. સંતાન સંબંધી ચિંતાનો અનુભવ થાય. માન-સન્માન મળશે.

ધનઃ
ધાર્મિક કાર્યોમાં મન પરોવાય, નાણાંકીય બાબતોમાં અનુકુળત રહે પરિવારમાં પરસ્પર પ્રેમ જળ‍ાય. સંતાન જીદ વધારે કરે. આરોગ્ય જળવાશે. જીવનસાથી ચિંતા રહે. ભાગ્ય હાથતાળી આપતું જણાય.

મકરઃ
પરોપકારની ભાવના પેદા થાય નાણાંકીય વ્યવહારોમાં સફળથા. લાંબા સમયથી વિખુટા પડેલા સ્વજનનો મિલાપ થાય પેટમાં એસીડીટી રહે. સંતાનનું આરોગ્ય સાચવવુ. ભાગીદારો, સહકાર્યકર્તાઓ સાથે સુમેળ જળવાશે.

કુંભઃ
ભુલથી ચીજ વસ્તુ ખોવાઈ જાય, ફુટપોઈઝનીંગ કે દાવાના રીએક્શનથી સાચવવું. ઝેરી, જંતુ, કુલરૂ કરડવાના બનાવ બને. વિદેશી બાબતોથી લાભ મળે. અકંદરે દિવસ દરમ્યાન મિશ્રફળનો અનુભવ થાય.

મીનઃ
સીધો-સરળ સ્વભાવ રહે. પરિવારના સભ્યો સાથે મોજ શોખમાં ખર્ચ થાય. રોકાણ કરવામાં વિશેષ કાળજી રાખવી. સંતાનની પ્રગતિ અનુભવાય. હાડકા, આંખની કાળજી જરૂરી. બહેનોએ ગર્ભાશયના રોગોથી સાચવવું.

1...1,1151,1161,117...1,462Page 1,116 of 1,462