Home Blog Page 1115

બચ્ચન પરિવારની લાડલી આરાધ્ય બચ્ચને હાઈકોર્ટના દરવાજા ખખડાવ્યા ! જાણો શું કે સમગ્ર મામલો

News Editor
-
0

Aaradhya Bachchan

  • આરાધ્યા માઈનર હોવાના કારણે પરિવાર આ મામલાને સીરિયસલી લઈ રહ્યો છે. આ પહેલા પણ અભિષેક બચ્ચન સ્પષ્ટ કહી ચુક્યા છે કે તેઓ આરાધ્યા વિશે કોઈ પ્રકારના ખોટા સમાચાર સહન નહીં કરે.

બચ્ચન પરિવારની લાડલી આરાધ્ય બચ્ચને (Aaradhya Bachchan) હાઈકોર્ટના દરવાજા ખખડાવ્યા છે. ઐશ્વર્યા રાય બચ્ચન (Aishwarya Rai Bachchan) અને અભિષેક બચ્ચનની 11 વર્ષની દીકરી આરાધ્યાને લઈને કેટલાક ફેક ન્યૂઝ ચાલી રહ્યા હતા. જેનો મામલો હવે હાઈકોર્ટ (High Court) પહોંચ્યો છે. સતત ચાલતા ખોટા સમાચારોથી લઈને અભિષેક બચ્ચન અને ઐશ્વર્યા તંગ આવી ગયા હતા. જેથી તેઓ ન્યાયતંત્રના શરણે ગયા છે.

અભિષેક અને ઐશ્વર્યાએ ફેક ન્યૂઝ પબ્લિશ કરનાર સામે કડક પગલાં લેવાનો નિર્ણય લીધો છે. કેટલાક સમય પહેલા આરાધ્યાના સ્વાસ્થ્ય મામલે યૂટ્યૂબલ ટેબ્લોઈડે કેટલીક અફવાઓ ચલાવી હતી. જે બાદ બચ્ચન પરિવાર ખફા છે અને અફવાઓ ફેલાવનારાઓ સામે પગલાં લેવા માંગે છે. હવે સૌની નજર એ વાત પર છે કે, કોર્ટ કેવું વલણ અપનાવે છે.

બોલીવુડ સેલેબ્સ અને ફેક ન્યૂઝનો સંબંધ જૂનો છે. છેલ્લા કેટલાય વર્ષોથી સેલેબ્સ વિશે અનેક પ્રકારના સમાચારો છપાતા રહે છે. જેને કેટલાય લોકો સાચા માની લે છે. પરંતુ બચ્ચન પરિવારે તેની સામે લડવાનો નિર્ણય લીધો છે અને દિલ્લી હાઈકોર્ટમાં અરજી કરે છે. આરાધ્યા માઈનર હોવાના કારણે પરિવાર આ મામલાને સીરિયસલી લઈ રહ્યો છે. આ પહેલા પણ અભિષેક બચ્ચન સ્પષ્ટ કહી ચુક્યા છે કે તેઓ આરાધ્યા વિશે કોઈ પ્રકારના ખોટા સમાચાર સહન નહીં કરે.

આ પણ વાંચો :-

સમયસર IT રિટર્ન ફાઈલ કરી દેજો, ફટાફટ મળી જશે રિફન્ડ, નહીં તો ભરવો પડશે મસમોટો દંડ

News Editor
-
0

IT Return

  • સમયસર ઈન્કમ ટેક્સ રિટર્ન (ITR) ભરવાના ઘણા ફાયદા છે. દંડ અને વ્યાજથી બચવા માટે સમયસર આવકવેરા રિટર્ન ફાઈલ કરવું જરૂરી છે.

Income Tax : કરદાતાઓને (taxpayer) હંમેશા સલાહ આપવામાં આવે છે કે તેઓ સમયસર ITR ફાઈલ કરે. કારણ કે તમે જેટલી જલ્દી રિટર્ન ફાઈલ (Return file) કરશો તેટલું જલ્દી તમને રિફંડ મળશે. આ સિવાય તે દંડથી પણ બચી જશે. આવકવેરા વિભાગ (Income Tax Department) દ્વારા નિર્ધારિત સમયમર્યાદા 31 જુલાઈ છે. જો કોઈ વ્યક્તિ આપેલી સમયમર્યાદા સુધી ITR ફાઈલ નહીં કરે તો તેને 5000 રૂપિયાનો દંડ ભરવો પડશે.

મોટાભાગના લોકો વિચારે છે કે ITR ફાઈલિંગએ (ITR Filing) એક કાયદાકીય પ્રક્રિયા છે જેના દ્વારા આવકવેરા વિભાગ તમારી કરપાત્ર આવકની વિગતો જાળવી રાખે છે. ઉલ્લેખનીય છે કે તેનું કામ માત્ર આવક અને ખર્ચની માહિતી આપવાનું નથી. પરંતુ ITRના બીજા ઘણા ફાયદા છે. આવો જાણીએ તેના વિશે…

10,000 સુધી લાગી શકે છે દંડ :

જો તમે ફાઈલિંગને મોકૂફ રાખજો તો દંડ 10,000 રૂપિયા સુધી જઈ શકે છે. ઉપરાંત, જો તમારી પાસે કોઈ ટેક્સ બાકી હોય અને તે સમયમર્યાદા સુધીમાં ચૂકવશો નહીં તો પણ તમારે બાકી રકમ પર વ્યાજ ચૂકવવું પડશે. તમારા આવકવેરા રિટર્ન સમયસર ફાઈલ કરીને આ દંડ અને વ્યાજ ચાર્જ ટાળી શકાય છે.

રિફંડનો કરી શકો છો દાવો  :

જો તમે આવકવેરાના દાયરામાં આવો છો. તો સમયસર આવકવેરા રિટર્ન ફાઈલ કરવાનો એક ફાયદો એ છે કે તમે રિફંડનો દાવો કરી શકો છો. જો તમે PPF અથવા કિસાન વિકાસ પત્ર જેવી યોજનાઓમાં રોકાણ કર્યું છે તો તમે 80C હેઠળ મુક્તિનો દાવો કરી શકો છો. પરંતુ તમે રિટર્નનો દાવો ત્યારે જ કરી શકો છો જ્યારે ITR સમયસર ફાઈલ કરવામાં આવે. જો તમે સમયમર્યાદા પછી ITR ફાઈલ કરો છો. તો તમને રિફંડ નહીં મળે.

મજબૂત નાણાંકીય સ્થિતિ

તમારા આવકવેરા રિટર્ન સમયસર ફાઈલ કરવાનો સૌથી મહત્વનો ફાયદો એ છે કે, તમારો નાણાકીય ઇતિહાસ મજબૂત છે. જેના કારણે ક્રેડિટ સ્કોર પણ સુધરે છે. નોંધનીય છે કે, કોઈપણ બેંકમાં લોન અરજી કરવા માટે સારો ક્રેડિટ સ્કોર હોવો જરૂરી છે. તે માત્ર સરળ લોન જ નહીં પરંતુ તેના દ્વારા ઓછા વ્યાજ દરની સુવિધા પણ પૂરી પાડે છે.

ઓડિટથી બચી શકે છે  :

તમે સમયસર તમારું ટેક્સ રિટર્ન ફાઈલ કરીને આવકવેરા વિભાગના ઓડિટથી પણ બચી શકો છો. જો તમે અંતિમ તારીખ પછી તમારું રિટર્ન ફાઈલ કરો છો. તો આવકવેરા વિભાગ તમારા દ્વારા આપવામાં આવેલી માહિતીની સમીક્ષા કરી શકે છે.

આ પણ વાંચો :-

સ્પા સેન્ટરમાં સેક્સ રેકેટ : 6 હજારમાં 40 મિનિટનું પેકેજ, નામચીન ડોક્ટર્સ અને બિઝનેસમેનના નામ ખૂલતાં હડકંપ 

News Editor
-
0

Sex racket in spa center

  • સેક્સ રેકેટનાં પર્દાફાશ બાદ બાલાઘાટ, આસામ, નાગાલેન્ડ અને પશ્ચિમ બંગાળથી લાવવામાં આવેલી છોકરીઓને સ્પા સેન્ટરમાંથી મુક્ત કરવામાં આવી.

છત્તીસગઢના (Chhattisgarh) દુર્ગ જિલ્લાના ભિલાઈ શહેરમાં પોલીસે દરોડા પાડીને સેક્સ રેકેટનો પર્દાફાશ કર્યો છે. વાત જાણે એમ છે કે, શહેરના સૂર્યા મોલમાં આવેલા સ્પા સેન્ટરમાં (Spa Center) દરોડો પાડીને પોલીસે સોમવારે રાત્રે દેહવ્યાપારના (Body Trade) ધંધાનો પર્દાફાશ કર્યો હતો. મંગળવારે આ મામલાની માહિતી આપતા પોલીસે કહ્યું કે આ સ્પા સેન્ટરમાંથી જે લોકોની ધરપકડ કરવામાં આવી છે તેમાં શહેરના મોટા બિઝનેસમેનથી લઈને ડોક્ટર્સ સામેલ છે.

પોલીસે જણાવ્યું કે બાલાઘાટ, આસામ, નાગાલેન્ડ અને પશ્ચિમ બંગાળથી લાવવામાં આવેલી છોકરીઓને આ સ્પા સેન્ટરમાંથી મુક્ત કરવામાં આવી છે. દુર્ગ એસપી અભિષેક પલ્લવે જણાવ્યું કે, આ સ્પા સેન્ટરમાં નિયમિત ગ્રાહકનું આઈડી બનાવવામાં આવ્યું છે. તેમણે કહ્યું કે, સ્પા સેન્ટરમાંથી વાઉચર અને રજિસ્ટર જપ્ત કરવામાં આવ્યા છે. આ રજિસ્ટરમાં નિયમિત ગ્રાહક માટે એક ID બનાવવામાં આવ્યું છે. રજિસ્ટરમાં ગ્રાહકોના મોબાઈલ નંબર પણ દાખલ કરવામાં આવે છે.

દરેક ગ્રાહક માટે 40 મિનિટની સમય મર્યાદા  :

એસપી અભિષેક પલ્લવે જણાવ્યું હતું કે, પસંદગીની છોકરીઓ નિયમિત કેસ્ટરને ઉપલબ્ધ કરાવવામાં આવી હતી. દરેક ગ્રાહક માટે 40 મિનિટની સમય મર્યાદા નક્કી કરવામાં આવી હતી. તેમણે કહ્યું કે, આ માટે અલગ-અલગ પેકેજ પણ બનાવવામાં આવ્યા છે. મસાજની સાથે આખા પેકેજ માટે ગ્રાહક પાસેથી 6 હજાર રૂપિયા લેવામાં આવ્યા હતા. નિયમિત ગ્રાહકોને અનેક પ્રકારની સુવિધાઓ પણ આપવામાં આવી હતી.

સેક્સ રેકેટમાં 8 લોકોની ધરપકડ :

પોલીસે સ્પા સેન્ટર પર દરોડો પાડીને 8 લોકોની ધરપકડ કરી છે. હાલ પોલીસ આ સમગ્ર મામલે તપાસ કરી રહી છે. મળતી માહિતી મુજબ સ્પા સેન્ટરમાંથી મુક્ત કરાયેલી યુવતીઓને સખી કેન્દ્ર મોકલી દેવામાં આવી છે. સ્પા સેન્ટરનો સંચાલક મહિલાઓને વધુ પૈસા આપવાની લાલચ આપીને બોલાવતો હતો.

આ પણ વાંચો :-

માં અંબાની કૃપા ! અંબાજી મંદિરમાં 15 દિવસની કરોડો રૂપિયાની આવક, દાનવીરોએ દિલ ખોલીને દીધું

News Editor
-
0

Amba’s grace

  • અંબાજી મંદિરમાં 15 દિવસમાં મુખ્ય ભંડારાની 1.60 કરોડની આવક અને મોહનથાળ પ્રસાદની આવક 4. 80 લાખ રૂપિયાની આવક થઈ છે.

અંબાજી મંદિર (Ambaji temple) લાખો લોકોની આસ્થાના અખૂટ સાગર સમાન છે. જ્યા ભક્તો દારા છુટ્ટા હાથે દાન દેવામાં આવતા દાનના ભંડાર ભરપૂર થયા છે. મંદિરમાં માત્ર 15 દિવસમાં કરોડો રૂપિયાની આવક થવા પામી હતી. જેને સમિતિના સભ્યો અને સીસીટીવીની (CCTV) દેખરેખ હેઠળ ગણતરી કરવામાં આવી હતી. માની કૃપા અપરંપાર હોય તેમ ભક્તોએ ઉદાર હાથે દાન આપ્યું હતું.

મંદિરના મુખ્ય ભંડારાની રૂ.1.60 કરોડની આવક :

વાત કરવામાં આવે તો મંદિરના મુખ્ય ભંડારામાં રૂપિયા 1.60 કરોડની આવક થવા પામી છે. જ્યારે ભટ્ટજીની ગાદીની રૂપિયા 37. 71 લાખની આવક થઈ છે. જ્યારે મંદિરના ભેટ કેન્દ્રની રૂપિયા 45. 85 લાખની આવક નોંધાઇ છે. તે જ રીતે સુવર્ણ શિખર માટે રૂપિયા 14.60લાખનું દાન મળ્યું હોવાનું જાણવા મળી રહ્યું છે. તેજ રીતે મોહનથાળ પ્રસાદ પેટે  4.80 લાખ અને ચિક્કી પ્રસાદની રૂપિયા 53 હજારની આવક થઈ હોવાનું પણ સામે આવ્યું છે.

5 કિલો 800 ગ્રામ ચાંદીના દાગીના મળ્યા :

વધુમાં VIP સ્વાગત કક્ષની રૂપિયા 3. 20 લાખ, તેમજ 5 કિલો 800 ગ્રામ ચાંદીના દાગીના મળ્યા અને 820 ગ્રામ સોનાના દાગીના અને લગડી મળ્યા છે. આમ દાનવીરો દિલ ખોલીને વરસી પડતા મંદિરમાં ધનના ઢગલા થયા હોય તેવા દ્રશ્યો સર્જાયા હતા.

આ પણ વાંચો :-

આ કંપનીના શેર એટલે રોકેટ, 5 દિવસમાં જ આપ્યું 70% વળતર ; સતત ઉપર જઈ રહ્યા છે ભાવ

News Editor
-
0

Shares of this company

  • મંગળવારે 18 એપ્રિલ, 2023ના રોજ શેરબજારમાં કારોબાર શરૂ થતાની સાથે જ ડીસીએમ ફાઈનાન્શિયલ સર્વિસિઝના શેરમાં જોરદાર તેજી જોવા મળી રહી છે. માર્કેટમાં કારોબાર શરૂ થતાની થોડી વાર પછી આ શેરમાં અપર સર્કિટ લાગ્યું અને તે 9.48 ટકાના ઉછાળા સાથે 6.35 રૂપિયાના સ્તર પર પહોંચી ગયા.

શેરબજારમાં (Stock market) બહુ જ ઉતાર-ચઢાવ બનેલો છે. આમાં કયો શેર ક્યારે આસમાને પહોંચે અને કયો શેર કંગાલ બનાવી દે તે કહી ન શકાય. બજારમાં જોરદાર વળતર આપનારા ઘણા શેર ઉપલબ્ધ છે. જે તેમના રોકાણકારોને (Investors) જોરદાર ફાયદો કરાવી રહ્યા છે. આવો જ એક શેર છે DCM Financial Services જેમાં રૂપિયા લગાવનારા લોકોને ગત 5 દિવસોથી જલસાં પડી ગયા છે. આ દરમિયાન શેરનો ભાવ 70 ટકા વધ્યો છે.

મંગળવારે 18 એપ્રિલ, 2023ના રોજ શેરબજારમાં કારોબાર શરૂ થતાની સાથે જ ડીસીએમ ફાઈનાન્શિયલ સર્વિસિઝના શેરમાં જોરદાર તેજી જોવા મળી રહી છે. માર્કેટમાં કારોબાર શરૂ થતાની થોડી વાર પછી આ શેરમાં અપર સર્કિટ લાગ્યું અને તે 9.48 ટકાના ઉછાળા સાથે 6.35 રૂપિયાના સ્તર પર પહોંચી ગયા.

DCM Financial Servicesના આ શેરની કિંમતમાં ગત 5 કારોબારી દિવસોમાં જ 70 ટકાનો ઉછાળો આવ્યો છે. આ સમયમાં આ શેરની ચાલ પર નજર કરીએ, તો 11 એપ્રિલે તેની કિંમત 3.80 રૂપિયા હતી. જે આગામી દિવસ એટલે કે 12 એપ્રિલના રોજ 4.05 રૂપિયા પર પહોંચી ગઈ.

તેના આગામી દિવસે 13 એપ્રિલે તે 4.85 રૂપિયા પર પહોંચીને બંધ થયા. 17 એપ્રિલ સોમવારે પણ આ શેરમાં જોરદાર તેજી કાયમ રહી અને બજાર બંધ થવાના સમયે શેર 5.80 રૂપિયાના સ્તર પર બંધ થયો. જ્યારે મંગળવારે આ શેરનો ભાવ 6.35 રૂપિયા સુધી પહોંચ્યો હતો.

માત્ર પાંચ દિવસોમાં જ નહિ પણ DCM Financial Servicesના આ શેરે તેના રોકાણકારોને ગત 1 વર્ષમાં જોરદાર વળતર આપ્યું છે. આ શેરના ભાવામં 1 વર્ષમાં 126.79 ટકાનો વધારો થયો છે. 18 એપ્રિલ 2022ના રોજ તેની કિંમત 2.80 રૂપિયા હતી. આ વચ્ચે 22 સપ્ટેમ્બર 2022ના રોજ આ શેરે તેની 52 સપ્તાહની ઊંચાઈને સ્પર્શ કરી હતી અને તે ઉછળીને 11.20 રૂપિયા પર પહોંચી ગયો હતો. જ્યારે આ શેરની 52 સપ્તાહની નીચી સપાટી 2.50 રૂપિયા છે.

ગત 5 વર્ષોમાં પણ આ શેર તેના રોકાણકારો માટે ફાયદાનો સોદો સાબિત થયો છે. આ દરમિયાન શેરે લગભગ 225 ટકાનું વળતર આપ્યું છે. આ એક સ્મોલ કેપ કંપની છે અને ઈક્વિપમેન્ટ લીજિંગ, હાયર-પર્ચેજ, એન્ટર-કોર્પોરેટ ડિપોઝીટ, બિલ છૂટ વગેરે જેવી તમામ તેવાઓ આપવાનું કામ કરે છે.

કોંગ્રેસના આ નેતાએ માફિયા અતીકને ભારત રત્ન આપવાની કરી માંગણી, પાર્ટીએ જાણો શું કરી કાર્યવાહી

News Editor
-
0

This Congress leader

  • પ્રયાગરાજ શહેર કોંગ્રેસ કમિટીના નગર અધ્યક્ષ પ્રદીપ કુમાર મિશ્ર ‘અંશુમન’ નું કહેવું છે કે રાજકુમારનું માનસિક સંતુલન ઠીક નથી. એક વીડિયો પણ વાયરલ થઈ રહ્યો હતો જેમાં રાજકુમાર અતીક અહેમદને ભારત રત્ન અપાવવાની માંગણી કરી રહ્યા હતા.

અતીક અહેમદને (Atiq Ahmed) ભારત રત્ન (Bharat Ratna) આપવાની માંગણી કરનારા કોંગ્રેસના નેતા રજ્જુ ભૈયા ઉર્ફે રાજકુમારને પાર્ટીએ છ વર્ષ માટે કાઢી મૂક્યા છે. પ્રયાગરાજ શહેર કોંગ્રેસ કમિટીના નગર અધ્યક્ષ પ્રદીપ કુમાર મિશ્ર ‘અંશુમન’ નું કહેવું છે કે રાજરકુમારનું માનસિક સંતુલન ઠીક નથી. એક વીડિયો પણ વાયરલ (Viral Video) થઈ રહ્યો હતો જેમાં રાજકુમાર અતીક અહેમદને ભારત રત્ન અપાવવાની માંગણી કરી રહ્યા હતા. ત્યારબાદ એક વધુ વીડિયો વાયરલ થઈ રહ્યો હતો જેમાં તેઓ અતીક અને અશરફની કબર પર તિરંગો બીછાવી રહ્યા હતા. સાંજ સુધીમાં રાજકુમારને (RajKumar) અટકાયતમાં લેવામાં આવ્યા.

પ્રયાગરાજ શહેર કોંગ્રેસ કમિટીના નગર અધ્યક્ષ પ્રદીપ કુમાર મિશ્ર ‘અંશુમન’ નું કહેવું છે કે રાજરકુમારનું માનસિક સંતુલન ઠીક નથી. એક વીડિયો પણ વાયરલ થઈ રહ્યો હતો જેમાં રાજકુમાર અતીક અહેમદને ભારત રત્ન અપાવવાની માંગણી કરી રહ્યા હતા.

રાજકુમાર આઝાદ સ્કવેર વોર્ડ નંબર 43થી પાર્ટીના ઉમેદવાર બનાવવામાં આવ્યા હતા. તેમણે એક વીડિયોમાં કહ્યું હતું કે અતીક અહેમદનું યોગી સરકારે મર્ડર કરાવ્યું છે. અતીક અહેમદ સાંસદ હતા. તેમને રાજકીય સન્માન સાથે દફનાવવા જોઈતા હતા. જ્યારે મુલાયમ સિંહ યાદવને પદ્મ વિભૂષણ મળી શકે તો અતીક અહેમદને ભારત રત્ન કેમ નહીં.

ત્યારબાદ એક વધુ વીડિયો વાયરલ થયો જેમાં તેઓ બે કબરની સામે ઊભા છે. જેમાંથી એક પર તિરંગો બીછાવીને અતીક અહેમદ અમર રહેના નારા લગાવી રહ્યા છે. આ સમગ્ર મામલે શહેર કોંગ્રેસ કમિટીના અધ્યક્ષ અંશુમને જણાવ્યું કે રજ્જુએ માફિયા અતીક પર જે નિવેદન આપ્યું તેના પર કાર્યવાહી કરવામાં આવી છે. આ રજ્જુનું અંગત નિવેદન છે તેને પાર્ટી સાથે કોઈ લેવાદેવા નથી. પાર્ટીએ અનુશાસનાત્મક કાર્યવાહી કરતા રજ્જુની કોર્પોરેટરની ઉમેદવારી પણ પાછી લઈ લીધી છે.

આ પણ વાંચો :-

Yemen Stampede : યમનની રાજધાની સનામાં નાસભાગ, 78ના મોત, અનેક ઘાયલ

News Editor
-
0

Yemen Stampede

  • યમનની રાજધાની સનામાં ભાગદોડ મચી ગઈ છે. જેમાં 78 લોકોના મોતના સમાચાર સામે આવી રહ્યા છે. તે જ સમયે આ દરમિયાન અનેક લોકો ઘાયલ થયા છે.

યમનની (Yemen) રાજધાની સનાથી (Sana) ખરાબ સમાચાર સામે આવ્યા છે. અહીં નાસભાગમાં 78 લોકોના મોત થયા છે. તો બીજી તરફ નાસભાગ દરમિયાન અનેક લોકો લોકો ઘાયલ થયા હતા. સ્થાનિક મીડિયાના અહેવાલો અનુસાર નાસભાગમાં ઘાયલ 13 લોકોની હાલત ગંભીર છે. ઘાયલોને હોસ્પિટલમાં (Hospital) દાખલ કરવામાં આવ્યા છે. તેની સારવાર ચાલી રહી છે. રાહત સામગ્રીના વિતરણ દરમિયાન ભીડ બેકાબૂ બની ગઈ હતી અને નાસભાગ મચી ગઈ હતી.

બચાવ કામગીરીમાં સામેલ બે પ્રત્યક્ષદર્શીઓએ જણાવ્યું કે શાળામાં સેંકડો લોકો દાન એકત્રિત કરવા માટે એકઠા થયા હતા. દરેક વ્યક્તિને 5,000 યમની રિયાલ અથવા લગભગ $9 US મળવાના હતા. પરંતુ આ દરમિયાન નાસભાગ મચી ગઈ હતી.

તો બીજી તરફ યમનના ગૃહ મંત્રાલય દ્વારા કહેવામાં આવ્યું હતું કે દાનનો આ કાર્યક્રમ બે ઉદ્યોગપતિઓ દ્વારા આયોજિત કરવામાં આવ્યો હતો. બંનેને કસ્ટડીમાં લેવામાં આવ્યા છે. કેસની તપાસ ચાલી રહી છે. નાસભાગનું કારણ જાણવામાં આવી રહ્યું છે.

આ પણ વાંચો :-

 Whatsapp યૂઝર્સ માટે સૌથી મજેદાર અપડેટ, એપમાં આવ્યું ફેસબુક બટન, આવી રીતે કરશે કામ

News Editor
-
0

The most fun update for Whatsapp users

  • લોકપ્રિય મેસેજિંગ પ્લેટફોર્મ Whatsappનું સ્ટેટસ હવે તમે Facebook પર એક ક્લિકથી શેર કરી શકશો. હવે વોટ્સએપ સ્ટેટસ આપમેળે ફેસબુક સ્ટોરીઝ સેક્શનમાં શેર થઈ શકશે.

લગભગ દર મહિને મેસેજિંગ એપ Whatsapp નવાં-નવાં ફિચર્સ લોન્ચ કરી રહ્યું છે. જેના કારણે યૂઝર્સને વધુ સારો અને સુરક્ષિત ચેટિંગ અનુભવ મળી શકે છે. લેટેસ્ટ અપડેટ એવો છે કે જેમાં એક બટન અથવા એક ક્લિકની મદદથી યૂઝર પોતાનું વોટ્સએપ સ્ટેટસ ફેસબુક પર પોસ્ટ કરી શકશે. આ અપડેટ તમારા વોટ્સએપ અને ફેસબુકને જોડે છે. હવે યૂઝર્સ માત્રે એક બટન પર ટેપ કરીને ફેસબુક (Facebook) પર સ્ટેટસ શેર કરી શકશે.

સેટિંગ ઈનેબલ કર્યાં બાદ મળશે સુવિધા

ઈંસ્ટાગ્રામ યૂઝર્સને પોતાની સ્ટોરી ફેસબુક પર શેર કરવાનો સરળ વિકલ્પ ઘણાં સમયથી મળી ગયો છે અને હવે આવો જ એક મોકો વોટ્સએપ સ્ટેટસને પણ મળવા જઈ રહ્યો છે. વોટ્સએપ સ્ટેટસની જેમ ફેસબુક અને ઈંસ્ટાગ્રામ સ્ટોરીઝ પણ 24 કલાક માટે શેર થઈ શકે છે અને ત્યારબાદ આપોઆપ ગાયબ થઈ જાય છે. વોટ્સએપે ઘોષણા કરી છે કે હવે વોટ્સએપ સ્ટેટસ આપમેળે ફેસબુક સ્ટોરીઝમાં એક ક્લિક માત્રથી શક્ય બની શકશે. આ સુવિધા મેળવવા માટે યૂઝરે આ વિકલ્પને ફેસબુક સેટિંગ પર ઈનેબલ કરવું પડશે.

એક ક્લિકથી થશે શેર :

હવે My Statusની સાથે Share આઈકન પણ દેખાશે. આ બટન પર ટેપ કર્યાં બાદ વોટ્સએપ સ્ટેટસને સરળતાથી ફેસબુક સ્ટોરીમાં શેર કરી શકાશે. એટલું જ નહીં, યૂઝર ઈચ્છે તો વોટ્સએપ સ્ટેટસને આપમેળે ફેસબુક સ્ટોરીમાં શેર થાય તેવો વિકલ્પ પણ પસંદ કરી શકે છે.

થોડા સમયમાં મળશે આ ફિચર :

પ્લેટફોર્મે જણાવ્યું કે ઓટોમેટિકલી શેર સ્ટેટસ ઓન ફેસબુક ફીચર તમામ યૂઝર્સ માટે મોબાઈલ એપમાં રોલઆઉટ કરવામાં આવશે. આ અપડેટ તમામ વોટ્સએપ યૂઝર્સને આવતા કેટલાક સપ્તાહમાં મળી શકે છે. આ નવો અપડેટ મળ્યાં બાદ  સ્ટેટસ શેરિંગ ઈનેબલ કરી શકાશે અને આ સ્ટેટસ અપડેટ્સ પણ એન્ડ-ટૂ-એન્ડ ઈનક્રિપ્ટેડ રહેશે. યૂઝર્સ નક્કી કરી શકશે કે તેમનો સ્ટેટસ કોણ જોઈ શકે અને કોણ નહીં.

આ પણ વાંચો :-

 

Ola Uber Booking : મોબાઈલમાં બેટરી ઓછી હશે તો ચૂકવવું પડશે વધુ ભાડું, આ ટ્રિકથી લોકોના ખિસ્સા થઈ રહ્યા છે ખાલી

News Editor
-
0

Ola Uber Booking

  • Ola Uber Booking Fraud with Mobile Battery : ઓનલાઈન કેબ બુક કરાવતી વખતે અલગ અલગ રીતે લોકોના ખિસ્સા પર કાતર મુકવામાં આવે છે. આજે આવી જ એક ટ્રીક વિશે તમને જણાવીએ. આ વાત જાણીને તમે પણ કેબ બુક કરાવતાં પહેલા ફોનને ફુલ ચાર્જ કરી લેશો.

જો તમે વિચારતા હોય કે આવું કેવી રીતે થઈ શકે તો ચાલો તમને જણાવીએ કે આવું કઈ રીતે કરવામાં આવે છે. આ પ્રકારની છેતરપિંડી ઓલા કે ઉબેર બુક (Uber Book) કરાવતા કોઈપણ વ્યક્તિ સાથે થઈ શકે છે.

માની લો કે તમારા ફોનની બેટરી લો છે અને તમને કેબ બુક (Cab Book) કરાવવાની ઉતાવળ છે તો તમારા ફોનમાં કેબ બુકિંગના ચાર્જિસ વધારે દેખાશે. તમે ઉતાવળમાં હશો તેથી કોઈ પણ પ્રકારની ચિંતા કર્યા વિના કેબ બુક કરી લેશો. આ વાત ઓલા અને ઉબેર જેવી કેબ બુકિંગ એપ્લિકેશન (Cab Booking App) સારી રીતે જાણે છે કે મુશ્કેલના સમયમાં લોકો વધારે ખર્ચ પણ કરી શકે છે.

આવી જ રીતે કેબ બુકિંગ એપ્લિકેશન તમારા ફોનના મોડલના આધારે પણ ભાડું વધારે કરી શકે છે. Iphone અને મોંઘા મોડલ્સ ના ફોન ઉપર ભાડું વધારે જોવા મળશે અને સસ્તા ફોન ઉપર ઓછું ભાડું. એટલે કે તમારી પ્રોફાઈલ ના આધારે ઓલા અને uber જેવી એપ્લિકેશન કેબ બુકિંગ નો રેટ નક્કી કરે છે.

ઓલા અને ઉબેર જેવી કેબ બુકિંગ એપ્લિકેશન fare વાળા fraud ને તમારા ફોનની બેટરી પર્સન્ટેજ ના આધારે અંજામ આપે છે. એપ્લિકેશન નક્કી કરે છે કે કયા વ્યક્તિ પાસેથી કેટલું ભાડું વસૂલ કરી શકાય. જોકે આ પ્રકારનું ફ્રોડ માત્ર ભારતમાં ચાલે છે એવું નથી દુનિયાભરની કેબ બુકિંગ એપ્લિકેશનમાં આ રીતે ભાડું વસૂલવામાં આવે છે. આ અંગે એક રિપોર્ટમાં દાવો પણ કરવામાં આવ્યો હતો કે ઓનલાઇન કેબ બુકિંગ એપ્લિકેશન તેનું ભાડું યુઝરને મોબાઇલની બેટરી લેવલના આધારે વધારે છે.

આ વાતની ચકાસણી કરવા માટે એક એક્સપેરિમેન્ટ પણ કરવામાં આવ્યો હતો. જેમાં બેલ્જિયમના એક અખબાર ડૈનિયર હ્યૂરના એક વ્યક્તિ બૃસેલ્સમાં આવેલી ઓફિસ સુધી જવા માટે બે સ્માર્ટ ફોનથી કેબ બુક કરાવી હતી. જેમાં એક ફોનની બેટરી 84% આસપાસ હતી. જેમાં ભાડું 16.6 યુરો દેખાડવામાં આવ્યું હતું. જ્યારે અન્ય એક સ્માર્ટફોનમાં બેટરી 12% હતી અને તેમાં ભાડું 17.56 યુરો દેખાડવામાં આવ્યું. બંને જગ્યાનું લોકેશન એક જ હતું છતાં પણ ભાડામાં ફેરફાર જોવા મળ્યો.

આવી જ રીતે પેરિસ શહેરમાં પણ એક એક્સપીરમેન્ટ કરવામાં આવ્યો હતો જેમાં બે સ્માર્ટફોનની મદદથી કેવુ બુક કરવામાં આવી. એક ફોનમાં 10 ટકા બેટરી હતી તો તેમાં ભાડું 20.47 જોવા મળ્યું અને જે ફોનમાં 80 ટકા બેટરી હતી તેમાં 17.56 યુરો ભાડુ જોવા મળ્યું.

ઉબેરના આર્થિક નીતિઓના પૂર્વ પ્રમુખ કીથ ચેન વર્ષ 2016માં તેના કાર્યકાળ દરમિયાન જણાવ્યું હતું કે જ્યારે કોઈ વ્યક્તિના મોબાઈલમાં બેટરી 5 ટકા કે તેનાથી ઓછી હોય તો તે વધારે પૈસા આપીને પણ કેબ બુક કરાવી લેવા તૈયાર હોય છે.

આ પણ વાંચો :-

20 એપ્રિલ 2023 આજનું રાશિફળ : આ રાશિના જાતકો કોર્ટ કેસ કે મગજમારીથી દૂર રહેજો નહીંતર બુધવાર બગડશે, જુઓ આજનું રાશિ ભવિષ્ય

News Editor
-
0

20 April 2023 Today’s Horoscope

મેષઃ
આપને માનસિક શાંતિ મળશે. કામકાજ અંગે યોગ્ય અને જરૂરી નિર્ણયો લઇ શકશો. પરિવારના સભ્યો સાથે આનંદ અનુભવી શકાશે. કરેલા રોકાણોના સારાફળ મળતા જણાશે. સુખ-શાંતિમાં વધારો થતો અનુભવાશે.

વૃષભઃ
ધનથી સંકળાયેલ બાબતો માટે સાવચેતી જરૂરી છે. ખર્ચ ઓછો થાય એવા પ્રયત્નો કરવા અને નાણાંનું યોગ્ય આયોજન કરવું. વિદેશી કંપનીઓમાં કાર્ય કરતી વ્યક્તિ માટે શુભ. દામ્પત્ય જીવનમાં આનંદ અનુભવાશે.

મિથુનઃ
નાણાંની વખતસર હેરફેર થતી જણાશે. દરેક કાર્યમાં મિત્રોનો સાથ સહકાર મળતો જણાશે. સંતાનો તરફથી હર્ષ. સાંસારિક  સંબંધોમાં તણાવ વધતો જણાય. આરોગ્ય સારૂ જળવાશે. ભાગ્ય વૃધ્ધિ તથા આકસ્મિક ધનલાભ મળતો જણાય.

કર્કઃ
માનસિક સ્વાસ્થ્ય ખૂબ સારૂ રહેશે. નોકરી-ધંધામાંથી સારા સમાચાર, પ્રગતિ થતી જણાય. માતા-પિતાની તબિયત સારી રહેશે. તથા તેમની મદદ મળતી જણાશે. સ્નાયુના રોગો થવાની શક્યતા છે. દામ્પત્ય જીવનમાં આનંદનો અનુભવ થશે.

સિંહઃ
આકસ્મિક ધન પ્રાપ્તિના યોગ બની રહ્યા છે. ભાગ્યના બળે ફસાયેલા નાણાં છુટા થાય. પરિવારમાં આનંદ કરેલા રોકાણોમાંથી આવક આવતી જણાય. સંતાન તરફથી ચિંતા રહે. દામ્પત્ય સુખમાં ગુસ્સો ચિંતાનું કારણ બની શકે.

કન્યાઃ
દિવસ દરમ્યાન માનસિક પરિતાપ રહેશે. આવકનું પ્રમાણ ઘટતું જણાશે. નોકરી-ધંધામાં દિવસ શાંતિથી પસાર કરી દેવો. સંતાનોની પ્રગતિથી થોડો માનસિક સંતોષ મળશે. આરોગ્યની દ્રષ્ટિએ દિવસ સારો રહેશે.

તુલાઃ
જીવનસાથી સાથે આનંદની અનુભૂતિ કરવાનો દિવસ છે. ‌પ્રિય પાત્ર સાથે ઉત્તમ પ્રેમ જળવાશે. ભાગ્યમાં વૃધ્ધિ અનુભવી શકાશે.

વૃશ્ચિકઃ
આજે આરોગ્યની કાળજી રાખવી. શરદી, ખાંસીની સમસ્યા વધતી જણાય. પરિવાર માટે સામાન્ય દિવસ જણાય. નવા રોકાણો કરવાની શક્યતા વધતી જણાય. નોકરી-ધંધામાં પ્રગતિનો અનુભવ થાય.

ધનઃ
થોડી માનસિક અશાંતિ જણાય. પરંતુ સંતાનની પ્રગતિથી આનંદમાં વધારાની અનુભૂતિ કરી શકાય. વિદ્યાર્થીઓ માટે ઉત્તમ દિવસ. આદ્યાત્મિક પ્રગતિ શક્ય બને. માન-સન્માનમાં વધારો થતો અનુભવાય.

મકરઃ
માતૃપક્ષની સારા સમાચાર મળે. જમીન-મકાન-વાહન સુખમાં વધારો થાય. ધંધાકીય રીતે દિવસ સારો પસાર થાય. સાંધાના દુઃખાવાથી સાચવવું. આદ્યાત્મિક પ્રગતિથી આનંદ થાય. આવક વધતી જણાય.

કુંભઃ
પરિવારમાં વિખવાદને કારણે માનસિક અશાંતિ રહે. યાત્રા-પ્રવાસ ટાળવા. ભાગ્ય બે ડગલા પાછળ ચાલતું જણાય. મહેનત વધારે કરવી પડે. માન-સન્માન હણાતુ જણાય. અગત્યના રોકાણો ટાળવા. સરકારી કામકાજમાં સાવધાની રાખવી.

મીનઃ
દિવસ દરમ્યાન નાણાંની છુટ વર્તાય. ભાઈ-બહેનોની પ્રગતિથી આનંદ થાય. કાર્યમાં સફળતા મળતી જણાય. હૃદયમાં અકારણ અજંપો રહે. સંતાનો સાથે સ્નેહ જળવાય. વાયુના રોગોથી સાવચેતી રાખવી.

આ પણ વાંચો :-

1...1,1141,1151,116...1,466Page 1,115 of 1,466