Home Blog Page 1109

ઘરમાં પંખા સાથે લટકીને આપઘાત કર્યો પોપ્યુલર એક્ટરે, 35 વર્ષની ઉંમરે છોડી દીધી દુનિયા

News Editor
-
0

Popular actor committed

  • કન્નડ ટીવી એક્ટર સંપત જે રામેં આત્મહત્યાનું અંતિમ પગલું ભરી લેતા અરેરાટી ફેલાઈ છે. જે મામલે તપાસ માટે પોલીસ કાર્યવાહી કરી રહી છે.

કન્નડ ટીવી ઈન્ડસ્ટ્રી (Kannada TV Industry) માટે દુઃખદ સમાચાર સામે આવી રહ્યા છે. જેમાં ખ્યાતનામ કન્નડ ટીવી એક્ટર સંપત જે રામેં (Sampat J Ram) અકળ કારણોસર આત્મહત્યા કરી જીવતરનો અંત આણી લીધો છે. 35 વર્ષની વયે સંપત જે રામેં આ અંતિમ પગલું ભરી લેતા પરિવારજનો અને ચાહકોમાં અરેરાટી મચી ગઈ છે. બીજી તરફ સંપત જે રામના નિધનના સમાચારથી ફિલ્મ ઈન્ડસ્ટ્રીમાં શોકની લહેર જોવા મળી રહી છે.

ઘણા સમયથી ડિપ્રેશનમાં ગરકાવ હતા :

આ મામલે જાણવા મળતી પ્રાથમિક વિગત અનુસાર 22 એપ્રિલે કન્નડ ટીવી ઈન્ડસ્ટ્રીના મોટા ગજાના કલાકાર સંપત જે રામનું નિધન થયાનું સામે આવ્યું છે. સંપત જે રામે કર્ણાટકના નેલમંગલા ખાતે આવેલ પોતાના નિવાસસ્થાને જીવતરનો અંત આણી લીધો છે.ઘરમાં પંખા સાથે લટકીને પોપ્યુલર એક્ટરે આપઘાત કર્યો છે. જેમને 35 વર્ષની ઉંમરે દુનિયા છોડી દીધી છે. સંપત જે રામ તેમના અંગત જીવનમાં સમસ્યાઓથી ઘેરાયા હતા.

જેમાં કંટાળી જઈ ઘણા સમયથી ડિપ્રેશનમાં ગરકાવ થયા હતા. એક વાત એવી પણ આવે છે કે એક્ટર સંપત જે રામ પોતાની કારકિર્દીમાં ઉતાર-ચઢાવ અને સતત કામ ન મળવાને કારણે ચિંતામાં હતા જો કે હજુ સુધી આ મામલે સંપત જે રામના પરિવાર તરફથી કોઈ સત્તાવાર નિવેદન સામે આવ્યું નથી. તો હજુ સુધી સંપતના મૃત્યુ અંગે કોઈ સત્તાવાર પુષ્ટિ પણ ન થઈ હોવાનું જાણવા મળી રહ્યું છે.

સંપત જે રામે આત્મહત્યા કેમ કરી?

સંપત જે રામના નિધનને લઈને કન્નડ સિનેમા જગત હચમચી ગયું છે. કન્નડ ટીવી સીરિયલ ‘અગ્નિસાક્ષી’માં સંપત જે રામે પોતાના અદભૂત અંશ યશવસી અભિગમ જોવા મળ્યો હતો. બીજી તરફ કામની અછતને કારણે કન્નડ અભિનેતા આર્થિક તંગીના કારણે ઘણો પરેશાન હતો. જેના કારણે સંપત જે રામે આપઘાત કરી લીધાની આશંકા વ્યાકત કરાઈ છે.

આ પણ વાંચો :-

શું તમે પણ તાંબાની બોટલ ફ્રીજમાં રાખો છો ? આ વાત જાણી લેજો, નહીંતર વધી શકે છે આરોગ્યનું જોખમ

News Editor
-
0

Do you also keep a copper

  • તાંબાના વાસણમાં પાણી પીવું સ્વાસ્થ્ય માટે ખુબ જ સારું માનવામાં આવે છે. પરંતુ શું તાંબાની બોટલમાં પાણી ફ્રીજમાં આખી રાત રાખવું યોગ્ય છે ? ચાલો જાણીએ કે સ્વાસ્થ્ય પર તેની શું અસર થશે.

ઘરોમાં મોટાભાગે વડીલોના મોઢેથી સાંભળવા મળે છે કે તાંબાની બોટલમાં પાણી પીવાથી સ્વાસ્થ્ય અને પેટ બંને સારું રહે છે. આયુર્વેદ અનુસાર તાંબાના વાસણમાં (Copper Vessel) પાણી પીવાથી શરીરને ઘણા ફાયદા થાય છે. દરરોજ પાણી પીવાથી શરીર ખૂબ જ ઉર્જાવાન બને છે. આ સાથે તે શરીરમાંથી ઝેરી તત્વોને પણ દૂર કરે છે. તાંબાના વાસણમાં સંગ્રહિત પાણી એ નેચરલ ડિટોક્સ ડ્રીન્ક (Natural Detox Drink) છે.

તાંબાનું પાણી ઉનાળામાં નહીં પણ શિયાળામાં પીવું જોઈએ :

જો તમે આખી રાત તાંબાના વાસણમાં પાણી રાખો તો તેમાં રહેલા બેક્ટેરિયા નાશ પામે છે અને આ પાણી શુદ્ધ બને છે. પછી તમે આ પાણીને સવારે ખાલી પેટ અથવા જમ્યા પછી પી શકો છો. પરંતુ તાંબાના વાસણમાં રાખેલ પાણી પીતા પહેલા એક વાતનું ધ્યાન રાખો કે આખા દિવસમાં માત્ર 2-3 ગ્લાસ જ પીવો.

નહિંતર, વધુ પડતુ તાંબાનું પાણી પીવું તમારા શરીર માટે નુકસાનકારક બની શકે છે. કારણ કે અત્યારે ઉનાળાની ઋતુ છે, ઘણી વખત તમે વિચારતા હશો કે શું ફ્રીજમાં તાંબાની બોટલમાં પાણી રાખવું યોગ્ય છે?

તાંબાના વાસણમાં રાખેલ પાણી ગરમ થઈ જાય છે :

તાંબાનું પાણી ગરમ હોય છે અને તેમાં પુષ્કળ એન્ટિસેપ્ટિક ગુણ હોય છે. એટલા માટે તાંબાનું પાણી ઉનાળામાં નહીં પણ શિયાળામાં પીવું જોઈએ. જરા કલ્પના કરો કે જો તમે તાંબાની બોટલને ફ્રીજમાં રાખો છો તો તે વધુ ગરમ થવાને બદલે ઠંડી પડે છે. જે તમારા માટે ખૂબ જ નુકસાનકારક થઈ શકે છે.

વધુ પડતુ તાંબાનું પાણી ન પીવો :

ફ્રીજમાં તાંબાનું પાણી ક્યારેય ન રાખો. કારણ કે તાંબામાં પાણી સ્ટોર કરવા માટે રૂમનું સામાન્ય તાપમાન શ્રેષ્ઠ છે. સાથે જ એક વાતનું હંમેશા ધ્યાન રાખો કે દિવસમાં બેથી ત્રણ ગ્લાસથી વધુ પાણી ન પીવો. કારણ કે તે ખૂબ જ ગરમ હોય છે. તે વધુ પ્રમાણમાં પીવાથી ત્વચાની સમસ્યા થઈ શકે છે.

આ પણ વાંચો :-

એકાએક પલટાયું ગુજરાતનું વાતાવરણ, 3 દિવસ આ શહેરોમાં પડશે વરસાદ

News Editor
-
0

The weather of Gujarat

  • Gujarat Weather Today : કાળઝાળ ગરમી વચ્ચે આજથી 3 દિવસ ગુજરાતમાં કમોસમી વરસાદની હવામાનની આગાહી. દક્ષિણ ગુજરાત અને સૌરાષ્ટ્રના કેટલાક ભાગમાં પડશે માવઠું. આવતી કાલે અમદાવાદમાં વરસાદની આગાહી…

ગુજરાતમાં કાળઝાળ ગરમી વચ્ચે માવઠાની (Mawtha)  આગાહી કરવામાં આવી છે. હવામાન વિભાગના અપડેટ અનુસાર, આજથી 3 દિવસ સુધી કમોસમી વરસાદની (Unseasonal Rain) આગાહી છે. આવતી કાલે અમદાવાદમાં કમોસમી વરસાદ પડી શકે છે. તો દક્ષિણ ગુજરાત અને સૌરાષ્ટ્રના ભાગોમાં માવઠું પડી શકે છે. વેસ્ટર્ન ડિસ્ટર્બન્સના કારણે કમોસમી વરસાદની (Unseasonal Rain) શક્યતા છે. તો દક્ષિણ ગુજરાતમાં ગાજવીજ સાથે માવઠું પડી શકે છે.

હવામાન વિભાગની (Meteorological Department) આગાહી મુજબ ગુજરાતમાં આવતીકાલ બુધવારથી ત્રણ દિવસ વાતાવરણ પલટાશે. રાજ્યના વિવિધ વિભાગોમાં તોફાની પવન સાથે હળવા વરસાદની શક્યતા છે. ગુજરાતના કેટલાક વિસ્તારોમાં બુધવારથી ત્રણ દિવસ વરસાદ પડવાનો છે. તેથી હવે ધ્યાન રાખજો.

બુધવાર 

દાહોદ, તાપી, ડાંગ અને નર્મદા, સૌરાષ્ટ્ર-કચ્છ

ગુરુવાર

દાહોદ, તાપી, ડાંગ, નર્મદા, અમરેલી, રાજકોટ, કચ્છ

શુક્રવાર

પાટણ, બનાસકાંઠા, સાબરકાંઠા, દાહોદ, છોટાઉદેપુર, તાપી, ડાંગ, નર્મદા, દ્વારકા, જામનગર, સુરેન્દ્રનગર, અમરેલી, કચ્છ

કાળઝાળ ગરમીથી રાહત મળશે :

આગામી સાત દિવસમાં દેશમાં ક્યાંય હીટવેવની શક્યતા નથી. 26 એપ્રિલથી પશ્ચિમ હિમાલય વિસ્તારમાં હિમવર્ષાનો એક રાઉન્ડ થશે. દેશભરમાં આકરી ગરમીથી લોકોને રાહત મળશે. ફરી એકવાર કરા અને માવઠાની મોસમ આવી છે. ગરમીનો પારો ડાઉન થશે. તાપમાન ઘટીને 36 થી 39 ડિગ્રી રહેવાની શક્યતા છે. જ્યારે હિમાલયના રાજ્યોમાં મહત્તમ તાપમાન 15 થી 25 ડિગ્રી જવાનુ અનુમાન છે.

આજે નવસારી જિલ્લામાં સવારથી જ વાતાવરણ પલટાયું છે. નવસારી જિલ્લામાં બે ઋતુનો અનુભવ થઈ રહ્યો છે. નવસારીમાં વહેલી સવારથી ઘાઢ ધુમ્મસ છવાયું છે. ધુમ્મસને કારણે રસ્તા પર વિઝિબીલિટી ઓછી રહેતા વાહન ચાલકોને વાહન ચલાવવામાં મુશ્કેલી પડી રહી છે. વાહનની હેડલાઈટ ચાલુ રાખી લોકો વાહનો ચલાવી રહ્યા છે. ધુમ્મસ સાથે ઝાંકળ રહેતા વાતાવરણમાં ઠંડક પ્રસરી છે. જ્યારે ધુમ્મસે ખેડૂતોની ચિંતા વધારી છે.

આ પણ વાંચો :-

આ દ્રશ્યો તમને વિચલિત કરી દેશે, યુવકને ચાલતા ચાલતા આવ્યું મોત, જુઓ CCTV

News Editor
-
0

This scene will disturb you

  • Heart Attack Death : સુરતમાં ચાલતા ચાલતા હાર્ટ એટેક આવતા યુવકનું મોત, સમગ્ર ઘટના સીસીટીવી કેમેરામાં કેદ.

સુરતમાં રસ્તે ચાલતા ચાલતા એક વ્યક્તિને હાર્ટ એટેક (Heart Attack) આવી જવાથી મોત નિપજ્યું છે. સમગ્ર ઘટના નજીકમાં લાગેલા સીસીટીવી કેમેરામાં (CCTV Camera) કેદ થઈ છે. વ્યક્તિ ચાલતા ચાલતા અચાનક ઢળી પડયો હતો. હોસ્પિટલ લઈ જવાતા મૃત જાહેર કરાયો છે.

રાજ્યમાં છેલ્લા ઘણા દિવસોથી યુવાનોને જીમ કરતી વેળાએ, યોગા કરતી વેળાએ તેમજ ક્રિકેટ રમતી વેળાએ હાર્ટ એટેક આવવાથી મોત થતા હોવાના સમાચારો સામે આવી રહ્યાં છે. ત્યારે સુરતના ઉધના વિસ્તારમાં એક યુવકનું રસ્તે ચાલતા ચાલતા હાર્ટ એટેકથી મોત નીપજ્યું છે. ઘટનાના સીસીટીવી ફૂટેજ પણ સામે આવ્યા છે જેમાં દેખાય છે. યુવાન ચાલતા ચાલતા અચાનક ઢળી પડયો હતો. યુવાને બચાવવા માટે આજુબાજુના લોકો દોડી આવે છે. બીજી તરફ યુવકને સારવાર અર્થે હોસ્પિટલ ખસેડવામાં આવ્યો હતો. જ્યાં તેને મૃત જાહેર કરાયો હતો.

સુરતના સચિન વિસ્તારમાં રહેતા પંકજભાઈ દૌલતભાઈ પટેલ પલસાણા સ્થિત મિલમાં એકાઉન્ટ તરીકે કામ કરતા હતા. આજે બપોરે ઉધના હરીનગર ખાતે પિતાને મળીને પરત કામે જઈ રહ્યા હતા. આ દરમ્યાન અચાનક તેઓ રસ્તા પર ઢળી પડયા હતા. બીજી તરફ આ ઘટનાને લઈને ત્યાં લોકોનું ટોળું પણ ત્યાં એકઠું થઇ ગયું હતું. લોકોએ 108 ને બોલાવી તેઓને હોસ્પિટલ ખસેડયા હતા.

જ્યાં ફરજ પરના તબીબે તેઓને મૃત જાહેર કર્યા હતા. બીજી તરફ પંકજભાઈના પરિવારજનો પણ બનાવની જાણ થતા હોસ્પિટલ પહોચ્યા હતા. જ્યાં તેઓના મોતના સમાચાર સાંભળી તેઓ પણ શોકમાં ગરકાવ થઈ ગયા હતા.

સુશીલભાઈએ જણાવ્યું હતું કે મૃતક પંકજભાઈ દૌલતભાઈ પટેલ મારો ફોઈનો દીકરો હતો. આજે સવારે સાડા ૧૧ વાગ્યાની આસપાસ રસ્તામાં ચાલતા ચાલતા ભાઈ રસ્તામાં પડી ગયો હતો અને ત્યાં લોકોએ ૧૦૮માં તેને સિવિલ હોસ્પિટલ ખસેડયો હતો. જ્યાં તેને મૃત જાહેર કરાયો છે. મને અહી એવું જણાવવામાં આવ્યું હતું કે હાર્ટ બંધ થઈ જવાના લીધે કે પછી હાર્ટ એટેકના લીધે મોત થયું હશે પરંતુ પીએમ રીપોર્ટ બાદ જ તેના મોતનું સાચુ કારણ સામે આવશે.

આ પણ વાંચો :-

દેશની વસ્તી ભલે વધીને ૧૪૨ કરોડ ઉપર પહોંચી ! ચાર કે પાંચ સંતાનો હોવાં જ જોઈએ ! ઈન્ડિયન મેડિકલ એસો.ના ડો. અનિલ નાયકની ચોંકાવનારી વાત

News Editor
-
0

population of the country

  • સ્વામિ વિવેકાનંદ આઠમું સંતાન હતા. ડો. બાબાસાહેબ  આંબેડકર ચૌદમું સંતાન હતા જ્યારે ડો. અબ્દુલ કલામ પાંચમું સંતાન હતા. આવા અનેક મહાનપુરૂષોએ દેશને નવી દિશા આપવા સાથે વિશ્વમાં ભારતનું નામ ઉજળું કર્યું હતું.
  • સુરત મેડિકલ કન્સલ્ટન્ટ એસો.ના નવા પ્રેસિડેન્ટ ડો.પારૂલ વડગામાનો ઈન્સ્ટોલેશન સમારોહ યાદગાર પ્રસંગ બની ગયો. ડો. અનિતા શાહે, ડો. પારૂલને અખત્યાર સુપ્રત કર્યો.
  • સી.આર.પાટીલે સ્ત્રી સશક્તિકરણની વડાપ્રધાન મોદીની ઝૂંબેશની વાતને ટાંકીને ડો.પારૂલ વડગામાની ખૂબીઓ અને ખામીઓ તરફ અંગુલી નિર્દેશ કરી ડો.પારૂલની મહત્વકાંક્ષા, કામ પ્રત્યેની પ્રતિબધ્ધતાની સરાહના કરી.

ગઈકાલે રવિવારની સાંજે શહેરની તબીબી આલમનો એક પ્રભાવક કાર્યક્રમ યોજાઈ ગયો. પ્રસંગ સુરત મેડિકલ કન્સલ્ટન્ટ એસોસીએશનના નવા વર્ષના પ્રેસિડેન્ટ ડો. પારૂલ વડગામાની વરણીનો હતો. પરંતુ આ સમારોહમાં ઉપ‌િસ્થ‌ત ભાજપ અધ્યક્ષ સી.આર.પાટીલ ઈન્ડિયન મેડિકલ એસો. ડો.અનિલ નાયક અને અન્ય વકતાઓએ આપેલા વકતવ્ય કરતા કરેલી વાતો વધુ અસરકારક અને મનને ખુશહાલ કરી દેનારી હતી.

નર્મદ યુનિવર્સિટીના કોન્વોકેશન હોલમાં સમારોહ યોજાયો હતો આ સમારોહમાં માત્ર ડોકટર્સ જ નહીં પરંતુ વિવિધ ક્ષેત્રના લોકોની ખીચોખીચ હાજરીએ ડો.પારૂલ વડગામાના સંપર્કો અને લોકપ્રિયતા પુરવાર કરી હતી.
સાંસદ સી.આર.પાટીલે સાહજીક અને હળવાશથી રમૂજભર્યુ વકતવ્ય આપીને ડો. પારૂલની ખૂબીઓ અને ખામીઓની નિખાલસતાથી વાતો કરી હતી. તેમના વકતવ્યમાં કોઈ રાજકીયભાવ વ્યકત થતો નહોતો બલ્કે વ્યક્તિગત સંબંધો તરી આવતા હતા તેમણે ડો.પારૂલને ખૂબ મહત્વકાંક્ષી કહીને પણ તેમની મહત્વકાંક્ષાની સરાહના કરી હતી અને સાથે ડો.પારૂલની રાજકીય સફર તરફના પ્રયાણનો પણ ઈશારો કર્યો હતો. તેમણે ડો.પારૂલને તોફાની કહી હતી તો સાથે સાથે જવાબદારી પ્રત્યેનો ડો.પારૂલનો લગાવ અને પ્રતિબધ્ધતાનો પણ ઉલ્લેખ કરવા સાથે સુરત મેડિકલ કન્સલટન્ટ એસો.ના પ્રેસિડેન્ટ તરીકે ચોક્કસ સફળ પુરવાર થશે એવી ખાતરી પણ આપી હતી.

સી.આર.પાટીલે ડો. પારૂલ વડગામાને તેમની સાંજની કેબિનેટના એક સભ્ય ગણાવ્યા હતા અને કહ્યું હતું કે અમારી ઓફિસમાં લગભગ દરરોજ સાંજના સમયે થોડા પરંતુ કાયમી મિત્રો વચ્ચે હળવી વાતો કરવા સાથે નાસ્તા, પાણી કરવામાં આવે છે આ અમારી સાંજની કેબિનેટમાં ડો.પારૂલની લગભગ હાજરી હોય છે. ડો. પારૂલ એક કમિટેડ વ્યક્તિત્વ હોવાનો ઉલ્લેખ કરીને સી.આર.પાટીલે સુરતની તબીબી આલમ સામે ડો. પારૂલના સામાજિક અને રાજકીય કદમાં વધારો કરી દીધો હતો. આ ઉપરાંત સી.આર.પાટીલ ઘણું ઘણું  મન મુકીને બોલ્યા હતા તેમણે સુરતનો ભૂતકાળ, કટોકટીના પ્રસંગો, કોરોનાકાળ સહિતની ઘણીઘણી વાતો કરી હતી.

PHOTO-2023-04-24-20-03-16

કોઈ પદગ્રહણ સમારોહમાં વકતવ્ય આપવાને બદલે મિત્રો સાથે બેસીને પોતીકાપણાની વાતો કરતા હોય એવું વકતવ્ય ભાગ્યે જ સાંભળવા મળતુ હોય છે. તેમણે ડો.પારૂલ વડગામાના હસબન્ડ ડો. મેહુલ ભાવસાર માટે હળવી કોમેન્ટ કરી હતી. જોકે સમગ્ર સમારોહ દરમિયાન ક્યાંકને ક્યાંક ડો. મેહુલ ભાવસાર માટે હળવી કોમેન્ટસનો મારો ચાલુ રહ્યો હતો અને ડો.પારૂલે પણ પોતાની સામાજિક, રાજકીય મોકળાશ માટે ડો. મેહુલ ભાવસાર માટે એક સજ્જન અને નિર્દોષ, નિર્લેપ હસબન્ડ તરીકેનો ભાવ પ્રગટ કર્યો હતો.

ખેર, સી.આર.પાટીલ જેવી લાગણી અને ઈન્ડિયન મેડિકલ એસોસીએશનના નેશનલ સેક્રેટરી ડો. અનિલ નાયકે વ્યક્ત કરી હતી. ડો.અનિલ નાયક મૂળભૂત રીતે ઉત્તર ગુજરાતના વતની છે. પોતે ડોકટર હોવાના તબીબી સ્વભાવને બાજુમાં રાખીને તેમણે કરેલી વાતો આશ્ચર્યજનક હોવા સાથે વાસ્તવિક પણ લાગતી હતી. પરંતુ વર્તમાન સમય, સંજોગોમાં સ્વીકારવી મુશ્કેલ કહી શકાય અલબત્ત તેમણે સામાજિક ગણિત ગણાવ્યું તે મન માને નહીં પરંતુ વ્યાજબી તો હતું જ.

ડો. નાયકે દેશમાંથી પલાયન થઈ રહેલા બુધ્ધિધન તરફ અંગુલીનિર્દેશ કરવા સાથે સ્વામી વિવેકાનંદ, ડો. બાબા સાહેબ આંબેડકર, પૂર્વ રાષ્ટ્રપતિ ડો. અબ્દુલ કલામ સહિત અન્ય મહાનુભાવોને યાદ કરીને કહ્યું હતું કે સ્વામી વિવેકાનંદ તેમના પરિવારનું આઠમું સંતાન હતા. ડો. આંબેડકર તેમના પરિવારમાં ચૌદમું સંતાન હતા જ્યારે ડો. અબ્દુલ કલામ તેમના પરિવારનું ૫મું સંતાન હતા.

ડો. નાયકનું કહેવું હતું કે દેશમાંથી ક્રમશઃ બુધ્ધિધન બહાર જઇ રહ્યું છે. ભલે લોકોની એવરેજ લાઈફમાં વધારો થઈ રહ્યો હોય પરંતુ ડોકટર્સની સરેરાશ લાઈફમાં ૧૦ વર્ષનો ઘટાડો થઇ રહ્યો છે !

ડો. નાયકની વાત આશ્ચર્યજનક હતી પરંતુ થોડું વિચારીને વાસ્તવિકતા તરફ જોવામાં આવે તો ડો. નાયકની વાતમાં જરૂર કંઇક તથ્ય હતું. ડો. નાયકે સીધી અને સટ વાત કરતા કહ્યું હતું કે, વર્તમાન સમયમાં મોટાભાગના બુધ્ધિજીવી પરિવારો એક સંતાનથી અટકી જાય છે. પૈસો, સંપત્તિ અને પ્રતિષ્‍ઠા બધુ જ હોવા છતા એક જ સંતાન શા માટે? આવો સવાલ કર્યા બાદ તેમણે સુખી સંપન્ન પરિવારોને ઓછામાં ઓછા ત્રણથી ચાર બાળકોને જન્મ આપવા અનુરોધ કર્યો હતો. તેમણે નરી વાસ્તવિક વાત કરતા કહ્યું હતું કે એક જ સંતાન હોય અને તેને કંઈ થઈ જાય અથવા તો નબળુ નીકળે તો શું? અને આવું થાય તો બીજું સંતાન વિકલ્પ બની શકે. તેમણે સ્વામી વિવેકાનંદ, ડો. આંબેડકર, ડો. અબ્દુલ કલામના પરિવારોનો ઉલ્લેખ કરીને દેશને મળેલી મહાન હસ્તીઓ તરફ અંગુલી નિર્દેશ કરીને પોતે કરેલી વાતને યથાર્થ ઠેરવવાની કોશીષ કરી હતી.

PHOTO-2023-04-24-20-03-16 (1)

ડો. અનિલ નાયકે બીજી પણ ઘણી સારી વાતો કરી હતી તેમણે અમેરિકાના વોરેન બફેટ, બિલગેટ્સ વગેરેના દાખલા ટાંકીને કહ્યું હતું કે ડોકટર્સે ગરીબ અને જરૂરિયાતમંદ લોકોને દાન કરવું જોઈએ. તેમણે કર્મ અને વ્યવસાય વચ્ચેની ભેદરેખા સમજાવતા કહ્યું હતું તમે ડોકટર્સ છો એટલે દરદીની સારવાર કરવી એ તમારુ કામ છે એટલે કે તમારાે વ્યવસાય છે પરંતુ ગરીબ, નિરાધાર લોકોની સેવા કરવી તેમને કોઇપણ પ્રકારે દાન આપવું ડોકટર્સનું કર્મ છે અને આ કર્મ ક્યારેય પણ એળે જતું નથી. કુદરત ક્યાંકને ક્યાંક વળતર ચૂકવી આપે છે.

ડો. અનિલ નાયકે ઘણીબધી વાતોને તેમના વકતવ્યમાં આવરી લીધી હતી અને હોલમાં બેઠેલા પ્રત્યેક ડોકટર્સ અને આમંત્રિત લોકોના માનસપટમાં છવાઈ ગયા હતા. તેમની પ્રત્યેક વાતમાં દમ હતો, બોલ્ડ હતી તેમણે રાજકીય જીવનની વાતો પણ કરી હતી. પપ્પુનો ઉલ્લેખ કર્યા વગર ‘રાહુલ’ ને પણ યાદ કરી લીધા હતા.  તેમણે એક કરતા વધુ સંતાનોનો ઉલ્લેખ કરતી વખતે તેમણે ‘રાહુલ’નો સંદર્ભ ટાંકીને હાસ્ય રેલવ્યું હતું.

એકંદરે ડો. પારૂલ વડગામાનો સુરત મેડિકલ કન્સલટન્ટસ એસોસીએશનના પ્રેસિડેન્ટ તરીકેનો પદગ્રહણ સમારોહ એક સંભારણું બની ગયો હતો.

ડો. પ્રશાંત નાયકે (આભા લેબ) પણ તેમના એન્કરીંગ દરમિયાન કરેલી હળવી કોમેન્ટસને કારણે પણ સમારંભ આનંદસભર રહ્યો હતો.

ભાવનગરના ડો. નિમિત ઓઝાએ ‘‘ભરપૂર જીવી લઈએ, ખાલી થઈને મરીએ!’’ વિષયને કેન્દ્રમાં રાખીને હળવાશની વાતો કરી હતી.

આ પણ વાંચો :-

 

iPhone On EMI : ભારતમાં Apple Store આવ્યા બાદ EMI પર આ રીતે ખરીદો iPhone

News Editor
-
0

iPhone On EMI

  • Apple ના ઉત્પાદનો જેમ કે iPhone, iMac, iPad, Earpods વગેરે ભારતમાં ઓનલાઈન અને ઓફલાઈન બંને ચેનલો દ્વારા વેચાય છે. ભારતમાં iPhone ની લોકપ્રિયતાને ઘણા કારણો માટે જવાબદાર ગણાવી શકાય છે. સૌપ્રથમ, તેને સ્ટેટસ સિમ્બોલ ગણવામાં આવે છે. જેમાં iPhone ની માલિકી સંપન્નતા અને સામાજિક દરજ્જા સાથે સંકળાયેલી છે.

એપલના સીઈઓ ટિમ કુકે (Tim Cook) ભારતમાં તેમના બે એપલ સ્ટોર્સ લોન્ચ કર્યા છે. એક મુંબઈમાં અને બીજી દિલ્હીમાં ખોલવામાં આવ્યા છે. ભારતમાં એપલ પ્રોડક્ટ્સનો (Apple products) ઘણો ક્રેઝ છે અને લોકો એપલના દિવાના છે. જો કે તેના ઉત્પાદનો ખૂબ જ મોંઘા છે. તેથી કોઈ તેને સરળતાથી ખરીદી શકતું નથી. તે જ સમયે ઘણા લોકો તેમને EMI પર ખરીદે છે. આવી સ્થિતિમાં આજે અમે તમને જણાવવા જઈ રહ્યા છીએ કે તમે EMI પર એપલ પ્રોડક્ટ્સ (Apple products) કેવી રીતે ખરીદી શકો છો.

આઈફોન :

Apple ના ઉત્પાદનો જેમ કે iPhone, iMac, iPad, Earpods વગેરે ભારતમાં ઓનલાઈન અને ઓફલાઈન બંને ચેનલો દ્વારા વેચાય છે. ભારતમાં iPhone ની લોકપ્રિયતાને ઘણા કારણો માટે જવાબદાર ગણાવી શકાય છે. સૌપ્રથમ તેને સ્ટેટસ સિમ્બોલ ગણવામાં આવે છે. જેમાં iPhone ની માલિકી સંપન્નતા અને સામાજિક દરજ્જા સાથે સંકળાયેલી છે.

EMI :

અને iPhone ખરીદવાની લોકપ્રિય રીતોમાંની એક સમાન માસિક હપ્તા (EMI) વિકલ્પ છે. EMI એ નિશ્ચિત ચુકવણીની રકમને સંદર્ભિત કરે છે જે એક લોન લેનાર દ્વારા દર મહિને એક લોન લેનારને દર મહિને નક્કી તારીખ પર ત્યાં સુધી નક્કી કરવામાં આવે છે. જ્યાં સુધી લોન સંપૂર્ણ રીતે ચૂકવવામાં ન આવે. EMIમાં મૂળ રકમ અને બાકી લોનની રકમ પર વ્યાજ બંનેનો સમાવેશ થાય છે. EMI નો ઉપયોગ સામાન્ય રીતે ગ્રાહક લોનમાં થાય છે. જેમ કે હોમ લોન, કાર લોન અને પર્સનલ લોન.

EMI યોજના
તો બીજી તરફ પ્રોડક્ટ માટે કોઈપણ EMI પ્લાન પસંદ કરતા પહેલા, તમારે પ્રોસેસિંગ ફી, વ્યાજ દર જેવા શુલ્ક તપાસવા જોઈએ કારણ કે તે અન્ય પ્રકારની ગ્રાહક લોન છે. આવી સ્થિતિમાં જો iPhoneને EMI પર લેવો હોય, તો કેટલીક બાબતોનું ધ્યાન રાખવું પડશે, ચાલો જાણીએ…

આ રીતે EMI પર iPhone ખરીદો :

– તમે ખરીદવા માંગો છો તે iPhone મોડલ પસંદ કરો અને તેની કિંમત તપાસો.

– તપાસો કે તે iPhone મોડલ EMI પર ઉપલબ્ધ છે કે નહીં.

– તમારા બજેટ અને ચુકવણીની ક્ષમતાને અનુરૂપ યોગ્ય EMI પ્લાન પસંદ કરો.

– EMI સ્કીમનો વ્યાજ દર, પ્રોસેસિંગ ફી અને કાર્યકાળ તપાસો.

– ખાતરી કરો કે તમારી પાસે EMI ચૂકવવા માટે પૂરતી ક્રેડિટ મર્યાદા સાથેનું ક્રેડિટ કાર્ડ અથવા ડેબિટ કાર્ડ છે.

– જો તમે ઓનલાઈન સ્ટોરમાંથી iPhone ખરીદી રહ્યા છો. તો EMI ચુકવણીનો વિકલ્પ પસંદ કરો અને EMI ચુકવણી સાથે આગળ વધવા માટે તમારી પસંદગીની બેંક પસંદ કરો.
જો તમે ઑફલાઇન સ્ટોરમાંથી iPhone ખરીદી રહ્યાં છો, તો સેલ્સમેન તમને EMI ચુકવણી પ્રક્રિયામાં મદદ કરશે.

– જરૂરી વિગતો પ્રદાન કરો અને EMI યોજના માટે જરૂરી દસ્તાવેજીકરણ પ્રક્રિયા પૂર્ણ કરો.

– EMI પ્લાન મંજૂર થયા પછી તમે ડાઉન પેમેન્ટ ચૂકવી શકો છો અને બાકીની રકમ માસિક હપ્તામાં વહેંચવામાં આવશે.

– EMI ચુકવણીની મુદત પૂર્ણ કર્યા પછી તમે iPhone ના માલિક બનશો.

Apple ની અધિકૃત વેબસાઈટ (www.apple.com/) પર ઉપલબ્ધ માહિતી મુજબ, ગ્રાહકો પાત્ર HDFC બેંક કાર્ડ સાથે પસંદગીના ઉત્પાદનો પર લાભ મેળવી શકે છે. આ સાથે, મોટાભાગની બેંકો તરફથી નો કોસ્ટ EMI વિકલ્પ પણ ઉપલબ્ધ છે. આ સિવાય, વ્યક્તિ એપલ સ્ટોર પર યોગ્ય મેક, આઈપેડ અથવા એપલ વોચ એક્સચેન્જ કરી શકે છે અને સારું ડિસ્કાઉન્ટ મેળવી શકે છે.

આ પણ વાંચો :-

 

 

Nitin Gadkari એ બદલી દીધા ટોલ ટેક્સના નિયમ, હાઈવે પર ચાલનાર હવે મજા પડી જશે !

News Editor
-
0

Nitin Gadkari

  • Toll Tax New Rules : જો તમે પણ હાઈવે પર મુસાફરી કરો છો તો તમારા માટે સારા સમાચાર છે. કેન્દ્રીય મંત્રી નીતિન ગડકરી તરફથી હાઈવે પર ચાલતા લોકોને અનેક પ્રકારની સુવિધાઓ આપવામાં આવી રહી છે. આ સાથે સરકાર હવે ટોલ ટેક્સના નિયમોમાં મોટો ફેરફાર કરવા જઈ રહી છે. જેનો સીધો ફાયદો કરોડો રોડ યુઝર્સને થશે.

જો તમે પણ હાઈવે (Highway) પર મુસાફરી કરો છો તો તમારા માટે સારા સમાચાર છે. કેન્દ્રીય મંત્રી નીતિન ગડકરી (Nitin Gadkari) તરફથી હાઈવે પર ચાલનારાઓને અનેક પ્રકારની સુવિધાઓ આપવામાં આવી રહી છે. આ સાથે સરકાર હવે ટોલ ટેક્સ નિયમો (Toll Tax Rules) માં મોટો ફેરફાર કરવા જઈ રહી છે. જેનો સીધો ફાયદો કરોડો રોડ યુઝર્સને થશે. આ સાથે નીતિન ગડકરીએ કહ્યું છે કે આ વર્ષના અંત સુધીમાં દેશભરમાં 26 ગ્રીન એક્સપ્રેસ વે બનાવવામાં આવશે અને નવા ટોલ નિયમો પણ જાહેર કરવામાં આવશે.

ટોલ ટેક્સની ટેક્નોલોજીમાં બદલાવ આવશે :

તમને જણાવી દઈએ કે ગ્રીન એક્સપ્રેસ વેના નિર્માણ બાદ ભારત રસ્તાના મામલે અમેરિકાની બરાબરી થઈ જશે. આ સાથે કેન્દ્રીય મંત્રીએ કહ્યું કે ટોલ ટેક્સ વસૂલવા માટે નિયમો અને ટેક્નોલોજીમાં મોટો ફેરફાર કરવામાં આવશે.

ટોલ ટેક્સની વસૂલાત માટે 2 પદ્ધતિઓ બનાવી શકે છે સરકાર :

સરકાર આગામી દિવસોમાં ટોલ વસૂલાત માટે 2 વિકલ્પો આપવાનું વિચારી રહી છે. આમાં પહેલો વિકલ્પ કારમાં જીપીએસ સિસ્ટમ લગાવવાનો છે. જ્યારે બીજી પદ્ધતિ આધુનિક નંબર પ્લેટ સાથે સંબંધિત છે. હાલ આ માટે આયોજન ચાલી રહ્યું છે.

અત્યારે સજા માટે નથી કોઈ જોગવાઈ  :

માહિતી આપતાં રોડ ટ્રાન્સપોર્ટ અને હાઈવે મિનિસ્ટર નીતિન ગડકરીએ કહ્યું છે કે ટોલ ટેક્સ ન ભરવા પર કોઈપણ પ્રકારની સજાની જોગવાઈ નથી. આ સાથે કેન્દ્રીય મંત્રીએ કહ્યું કે આગામી દિવસોમાં ટોલ ટેક્સ વસૂલવા માટે ટેક્નોલોજીના ઉપયોગ પર પણ ભાર મૂકવામાં આવશે.

સીધા ખાતામાંથી કપાશે પૈસા  :

નીતિન ગડકરીએ વધુમાં કહ્યું છે કે અત્યાર સુધી ટોલ ન ભરવા પર સજાની જોગવાઈ નથી, પરંતુ ટોલ અંગે બિલ લાવવાની તૈયારી ચાલી રહી છે. હવે ટોલ ટેક્સ સીધો તમારા બેંક ખાતામાંથી કપાશે. આ માટે અલગથી કોઈ કાર્યવાહી કરવામાં આવશે નહીં. નીતિન ગડકરીએ કહ્યું છે કે હવે ટોલ ટેક્સ નહીં ભરવો પડશે.

રકમ સીધી તમારા ખાતામાંથી કપાશે. આ સિવાય કેન્દ્રીય મંત્રીએ કહ્યું, ‘2019માં અમે એક નિયમ બનાવ્યો હતો કે કાર કંપની ફીટેડ નંબર પ્લેટ સાથે આવશે. એટલા માટે છેલ્લા ચાર વર્ષમાં જે વાહનો આવ્યા છે તેમાં અલગ-અલગ નંબર પ્લેટ છે.

આ પણ વાંચો :-

Today’s Horoscope : 25 એપ્રિલ 2023 નું રાશિફળ : મહાદેવની કૃપાથી હીરાની જેમ ચમકી ઉઠશે આ રાશિની કિસ્મત

News Editor
-
0

Today’s Horoscope Gujarat Guardian

મેષઃ
આર્થિક દ્રષ્ટિએ સામાન્ય દિવસ. આવક-જાવકનું પાસુ સરભર થઇ જાય. પરિવારના સભ્યોના સ્વાસ્થ્યની કાળજી રાખવી. નવા રોકાણો કરવાનું મુલતવી રાખવું. વાહન ચલાવતાં સાવધાની જરૂરી. આદ્યાત્મિક પ્રવૃત્તિમાં સમય પસાર થાય.

વૃષભઃ
દિવસ દરમ્યાન ગુસ્સા ઉપર કાબુ રાખવાની સલાહ છે. નાણાંકીય બાબતો માટે સાનુકુળતા બનતી જણાશે. થોડી સ્વાર્થવૃત્તિ વધશે. બપોર પછી આવકમાં ઘટાડો અનુભવાય. ભાગ્યનો સાથ મળશે. ધંધામાં પ્રગતિના યોગ છે.

મિથુનઃ
વાણી કડવી થતી જણાય. અસહિષ્ણુતા વધતી જણાય. દગા ફટકાથી સાવધ રહેવું. વિજળીના સામાન, ટેલીફોન ટી.વી.તેમજ કોન્ટ્રાક્ટરના ધંધામાં લાભ. કાર્યમાં સફળતા મળતી જણાય. આકસ્મિક ધનલાભના યોગ છે.

કર્કઃ
શારિરીક અને માનસિક તંદુરસ્તીની કાળજી રાખવી જરૂરી. વાણી ઉપર સંયમ રાખવો હિતાવહ રહેશે. ચર્મરોગોનો ઉપદ્રવ રહે. આવકમાં વધારો શક્ય બને. કાર્યક્ષેત્રે મિશ્રફળ મળે. જીવનસાથીનો સહકાર મળે.

સિંહઃ
રાજકીય ક્ષેત્રે સફળતા મળતી જણાય. સત્તા, હોદ્દો, માન મળે. ધંધાકીય ક્ષેત્રે પ્ર‌ગતિ થાય. પરિવારમાં આનંદ સંતાન તરફથી અસંતોષ. આરોગ્યની કાળજી જરૂરી. શરદી-કફ રહે. જળાશયો થી દૂર રહેવું. મિત્રોથી લાભ મળે.

કન્યાઃ
કવિતા, સાહિત્યમાં રસ વધે. વાણી દ્વારા નવા સંબંધો વિકસે. સ્ત્રીવર્ગથી લાભ મળે. માતાપિતાની તબિયત સારી રહે. આવકનું પ્રમાણ વધે. નોકરી-ધંધામાં સફળતા મળે. માથાના દુઃખાવાની કાળજી રાખવી જરૂરી.

તુલાઃ
વારેવારે ખોટું લગાડવાની આદત છોડવી. લાગણી શીલતા વધે. આર્થિક પાસુ બળવાન બનતુ જણાય. પરિવારમાં આનંદનું પ્રમાણ ઘટે, ધાર્મિક આયોજન શક્ય બને. માતા-પિતાની તબિયત સાચવવી. પેટની તકલીફ રહે.

વૃશ્ચિકઃ
જાણીતી વ્ય‌િક્ત‌ દ્વારા વિશ્વાસઘાતના યોગ બને છે. સ્નાયુની કાળજી રાખવી. મન ઉપર ભાર રહે. નાણાંકીય બાબતોમાં અસંતોષની ભાવના પેદા થાય, પરિવારમાં આનંદ. નસીબનો સાથ છુટતો જણાય.

ધનઃ
ઉતાવળીયા, ઉત્સાહી, વિષયી, આનંદી, હાજર જવાબી, હોંશિયાર તથા છટાદાર વાણીનો અનુભવ થાય. ધનસ્થાન મજબૂત બની રહ્યું છે. કાર્ય સફળતાથી આનંદ મળશે. મુત્રાશયના રોગોથી સાચવવું જરૂરી.

મકરઃ
દિવસ દરમ્યાન તામસિકતા તથા આદ્યાત્મિકતાનું મિશ્ર ફળ અનુભવાશે. પૈસાનો બગાડ અટકાવવો. વાણી ઉપર કાબુ રાખવો. પરિવારમાં આનંદ આરોગ્ય જળવાશે. પડવા લાગવાથી સાચવવું.

કુંભઃ
પોતાનું બોલેલું જ સાચુ એવી ભાવના પ્રબળ બને. પરિણામે દામ્પત્ય સંબંધોમાં તથા પરિવારમાં કડવાશ પેદા થાય. બેંક બેલેન્સમાં વધારો થાય. નકારાત્મક વિચારો દૂર રાખવા. શરદી-કફ ન થાય એવા પ્રયત્નો કરવા.

મીનઃ
મિત્રો તરફથી લાભ.લક્ષ્મીની વખતસર હેરફેર થશે. સંતાનો તરફથી સારા સમાચાર મળે. લોકોને સલાહ આપવાના પ્રસંગો વધારે બને. સ્થાવર-જંગમ મિલકતના રોકાણોથી લાભ. દેવુ કરવાથી દૂર રહેવું.

આ પણ વાંચો :-

Bold Photo Shoot : મોનાલિસાની માદક અદાઓ જોઈને ચાહકો રહી ગયા દંગ, વાયરલ થયા ફોટા

News Editor
-
0
Bold Photo Shoot
  • Bhojpuri Actress Monalisa : ભોજપુરી એક્ટ્રેસ મોનાલિસાના લેટેસ્ટ ફોટોશૂટે સોશિયલ મીડિયા યુઝર્સને નિસાસો નાખવા મજબૂર કરી દીધા છે.

મોનાલિસાના (Monalisa) બોલ્ડ ફોટા ઘણીવાર ઈન્સ્ટાગ્રામનું (Instagram) તાપમાન વધારી દે છે. આ લેટેસ્ટ ફોટોશૂટ દરમિયાન પણ ભોજપુરી ઈન્ડસ્ટ્રીની આ બ્યુટી ઘણી હોટ અને બોલ્ડ લાગી રહી છે.

ભોજપુરી ઈન્ડસ્ટ્રીની (Bhojpuri Industry) કેટલીક અભિનેત્રીઓની ફેન ફોલોઈંગ બોલિવૂડની સુંદરીઓથી ઓછી નથી. આવી અભિનેત્રીઓની યાદીમાં મોનાલિસાનું (Monalisa) નામ પણ સામેલ છે. લોકોને મોનાલિસાની એક્ટિંગ અને ડાન્સ ખૂબ જ પસંદ છે. અભિનેત્રી પણ પોતાના ચાહકોનું મનોરંજન કરવાની કોઈ તક છોડતી નથી.

મોનાલિસાના લેટેસ્ટ ફોટોશૂટે સોશિયલ મીડિયા પ્લેટફોર્મ ઈન્સ્ટાગ્રામ પર ખળભળાટ મચાવી દીધો છે. આ તસવીરોમાં અભિનેત્રીએ ક્રોપ ટોપ સાથે મેચિંગ મિની સ્કર્ટ પહેર્યું છે. ભોજપુરી ઈન્ડસ્ટ્રીની આ સુંદરીએ કેમેરાની સામે એક કરતા વધુ હોટ અને બોલ્ડ પોઝ આપ્યા અને ઘણા લોકોના દિલોદિમાગ છવાઈ ગયા.

અભિનેત્રીના બોલ્ડ ફોટા જોઈને ઘણી વખત લોકોની આંખોમાં આંસુ આવી જાય છે. મોનાલિસાની આ તસવીરો જોયા બાદ અભિનેત્રીના ચાહકોને પરસેવો છૂટવા લાગશે તે લગભગ નિશ્ચિત છે. સર્પાકાર હેરસ્ટાઈલ, સૂક્ષ્મ મેક-અપ અને અભિનેત્રીનો અદભૂત આત્મવિશ્વાસ તેના દેખાવમાં વશીકરણ ઉમેરી રહ્યા છે.

મોનાલિસાને સોશિયલ મીડિયા પ્લેટફોર્મ ઈન્સ્ટાગ્રામ પર 5.3 મિલિયન લોકો ફોલો કરે છે. કોમેન્ટ સેક્શનની એક ઝલક જોઈને તમને અભિનેત્રીની જબરદસ્ત ફેન ફોલોઈંગનો અંદાજ પણ આવી જશે. લોકો ઘણીવાર તેની સુંદરતા પર લોકગીતો વાંચતા જોવા મળે છે. અભિનેત્રીના ચાહકો ક્યારેક ફાયર ઈમોજીસ તો ક્યારેક હાર્ટ ઇમોજીસ પોસ્ટ કરતા જોવા મળે છે.

મોનાલિસા ટીવી શો ભોજપુરી ફિલ્મો અને સ્ટેજ શો દ્વારા તેના ચાહકોનું મનોરંજન કરતી રહે છે. એક્ટ્રેસ સ્ટેજ શોમાં પોતાના જબરદસ્ત ડાન્સથી લોકોને ડાન્સ કરવા મજબૂર કરે છે. એકંદરે ભોજપુરી અભિનેત્રી મોનાલિસાના ચાહકોને તેનો લુક દરેક રીતે પસંદ છે.

આ પણ વાંચો :-

IPL 2023 દરમિયાન આવ્યાં ખુબ ખરાબ સમાચાર ! રોહિત અને વિરાટને અધવચ્ચે જ છોડવી પડશે ટુર્નામેન્ટ

News Editor
-
0

 IPL 2023

  • IPL 2023  : શું ખરેખર અધવચ્ચે જ છોડી દેશે રોહિત અને વિરાટ આઈપીએલ? વાત કંઈક મોટી લાગે છે, જાણો શું છે સાચી હકીકત. વર્ષોથી રમે છે એકદમ અચાનક બન્નેને શું થયું. મોટું કારણ આવ્યું સામે ચાહકો પણ કહેશે કે સાવ આવું થોડી હોય.

IPL 2023 દરમિયાન એક ખૂબ જ ખરાબ સમાચાર સામે આવી રહ્યા છે. વાસ્તવમાં વિરાટ કોહલી (Virat Kholi) અને રોહિત શર્મા જેવા ક્રિકેટર IPL 2023 ટૂર્નામેન્ટને અધવચ્ચે જ છોડી દેશે. જેના કારણે તેમના ચાહકોને મોટો આંચકો લાગશે. તમને જણાવી દઈએ કે ભારત (India) અને ઓસ્ટ્રેલિયા (Australia) વચ્ચે વર્લ્ડ ટેસ્ટ ચેમ્પિયનશિપ (WTC)ની ફાઈનલ મેચ 7 જૂનથી 11 જૂન સુધી ઈંગ્લેન્ડના (England) કેનિંગ્ટન ઓવલ (લંડન) મેદાન પર રમાશે.

IPL 2023 દરમિયાન એક ખૂબ જ ખરાબ સમાચાર સામે આવી રહ્યા છે. વાસ્તવમાં વિરાટ કોહલી અને રોહિત શર્મા જેવા ક્રિકેટર IPL 2023 ટૂર્નામેન્ટને અધવચ્ચે જ છોડી દેશે. જેના કારણે તેમના ચાહકોને મોટો આંચકો લાગશે. તમને જણાવી દઈએ કે ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપ (WTC)ની ફાઈનલ મેચ 7 જૂનથી 11 જૂન સુધી ઈંગ્લેન્ડના કેનિંગ્ટન ઓવલ (લંડન) મેદાન પર રમાશે. શિવ સુંદર દાસની આગેવાની હેઠળની પસંદગી સમિતિ ટૂંક સમયમાં વર્લ્ડ ટેસ્ટ ચેમ્પિયનશિપ (WTC)ની ફાઈનલ માટે ટીમ ઈન્ડિયાની પસંદગી કરશે.

રોહિત અને વિરાટ ટૂર્નામેન્ટ અધવચ્ચે જ છોડી દેશે !

મુખ્ય કોચ રાહુલ દ્રવિડ ટીમ ઈન્ડિયાના કેટલાક ટેસ્ટ ક્રિકેટરો સાથે 23 અથવા 24 મેના રોજ લંડન જવા રવાના થઈ શકે છે. બીસીસીઆઈના એક અધિકારીએ ઈન્સાઈડસ્પોર્ટને જણાવ્યું, ‘રાહુલ દ્રવિડ મેના છેલ્લા સપ્તાહમાં એટલે કે 23 કે 24 મેની આસપાસ લંડન જવા રવાના થશે. કેટલાક ટેસ્ટ ક્રિકેટરો તેમની IPL ટીમની પ્રતિબદ્ધતાઓ પૂર્ણ કર્યા પછી છોડી દેશે.

કેટલાક ટેસ્ટ ક્રિકેટરો દ્રવિડ સાથે જશે કારણ કે તેમનું IPL અભિયાન સમાપ્ત થશે. જો મુંબઈ ઈન્ડિયન્સ અને રોયલ ચેલેન્જર્સ બેંગ્લોરની ટીમો આઈપીએલ 2023ના પ્લેઓફમાં નહીં પહોંચે તો આ યાદીમાં રોહિત શર્મા અને વિરાટ કોહલીનું નામ પણ જોડાઈ શકે છે.

આ પણ વાંચો :-

 

1...1,1081,1091,110...1,466Page 1,109 of 1,466