Home Blog Page 1008

રિલાયન્સ જિયોએ લોન્ચ કર્યું ફોન કરતા સસ્તુ લેપટોપ JioBook 2, જાણો કિંમત અને ફીચર્સ

News Editor
-
0
  • રિલાયન્સ જિયોએ ભારતમાં JioBookની બીજી જનરેશન લોન્ચ કરી છે. લેટેસ્ટ Jiobook 2ને કંપનીએ પાછલા વર્ઝનના મુકાબલે વધુ સારા પ્રોસેસર સાથે લોન્ચ કર્યું છે.

Reliance Jioનું આ લેટેસ્ટ લેપટોપ ઓનલાઈન શોપિંગ પ્લેટફોર્મ એમેઝોન પરથી ખરીદી શકાય છે. ઈ-કોમર્સ જાયન્ટે તેની સાઈટ પર બજેટ-ફ્રેંડલી લેપટોપના લોન્ચિંગને ટીઝ કર્યું. JioBook લેપટોપનું પ્રથમ વર્ઝન ગયા વર્ષે ઓક્ટોબર મહિનામાં લોન્ચ કરવામાં આવ્યું હતું.

Jioનું આ બજેટ ફ્રેન્ડલી લેપટોપ 4G સક્ષમ છે. અગાઉ કંપનીએ ગયા મહિને ભારતમાં સસ્તો 4G ફીચર ફોન JioBharat V2 લોન્ચ કર્યો હતો.

Reliance JioBook 2023 Launch: રિલાયન્સ જિયોએ લોન્ચ કર્યું ફોન કરતા સસ્તુ લેપટોપ JioBook 2, જાણો કિંમત અને ફીચર્સ

Reliance Jiobook 2023 ના ફીચર્સ વિશે વાત કરીએ તો તે પાછલા વર્ઝનની સરખામણીમાં ઘણું હળવું છે. આ સાથે જિયોનો લોગો પણ બેક પેનલમાં આપવામાં આવ્યો છે. લેપટોપ ઓક્ટા-કોર પ્રોસેસર દ્વારા સંચાલિત કરવામાં આવશે.

2023માં લોન્ચ થયેલા આ લેપટોપનું વજન માત્ર 990 ગ્રામ છે. ગયા વર્ષની જિયો બુકની વાત કરીએ તો તેનું વજન 1.2 કિલો હતું.

લેટેસ્ટ JioBookમાં કનેક્ટિવિટી માટે ઘણા વિકલ્પો આપવામાં આવ્યા છે. તેમાં 4G LTE, Wi-Fi, Bluetooth 5.0, HDMI પોર્ટ, 3.5mm ઓડિયો જેક અને SIM સપોર્ટનો સમાવેશ થાય છે.

રિલાયન્સના જિયો બુક લેપટોપની બેટરી વિશે વાત કરીએ તો તે 8 કલાકનું બેકઅપ આપે છે. આ સાથે આ સસ્તું લેપટોપમાં એન્ટી-ગ્લેયર એચડી ડિસ્પ્લે અને સ્ટીરિયો સ્પીકર્સ સપોર્ટ કરવામાં આવ્યા છે. લેપટોપમાં ઈન્ફિનિટી કીબોર્ડ અને લાર્ચ ટચપેડને સપોર્ટ આપવામાં આવ્યો છે.

Reliance JioBook 2023 Launch: રિલાયન્સ જિયોએ લોન્ચ કર્યું ફોન કરતા સસ્તુ લેપટોપ JioBook 2, જાણો કિંમત અને ફીચર્સ

રિલાયન્સનું લેટેસ્ટ JioBook કંપનીએ રૂ. 16,499ની પ્રારંભિક કિંમતે લોન્ચ કર્યું છે. આ લેપટોપ રિલાયન્સ ડિજિટલ સ્ટોર અને એમેઝોન ઈન્ડિયા પરથી ઓનલાઈન ખરીદી શકાય છે. એમેઝોન પર HDFC બેંક કાર્ડ પર 1250ની છૂટ આપવામાં આવી રહી છે.

આ પણ વાંચો :-

બોલિવૂડની હીરોઈન બનશે સીમા હૈદર ! પ્રોડયુસરે આર્થિક મદદની ઓફર કરી

News Editor
-
0
  • સીમા હૈદર અને સચિનની (Seema and Sachin) લવ સ્ટોરી વિશે કોણ નથી જાણતું. પાકિસ્તાનથી પોતાનો પ્રેમ મેળવવા ભારત આવેલી સીમા ઘણા સમયથી ચર્ચાનો વિષય છે.

પ્રેમની સાથે તેમની આર્થિક સ્થિતિ વિશે પણ ચર્ચાઓ ચાલી રહી છે. સચિન અને સીમાના પરિવાર વતી એવું કહેવામાં આવ્યું હતું કે કામ માટે બહાર ન જવાને કારણે તેઓ ભૂખ્યા હતા.

તેમના ઘરની આર્થિક સ્થિતિ કથળી ગઈ છે. આ સમાચાર વાયરલ થતાં જ ઉત્તર પ્રદેશ નવનિર્માણ સેનાના પ્રમુખ અમિત જાનીએ સીમા અને સચિનને ​​મદદ કરવા માટે હાથ લંબાવ્યો હતો. અમિતે આ કપલને તેમના ફિલ્મ પ્રોડક્શન હાઉસ ‘જાની ફાયર ફોક્સ’ હેઠળ બની રહેલી ફિલ્મમાં કામ કરવાની ઓફર કરી છે.

અમિત જાનીએ તાજેતરમાં મુંબઈમાં એક ફિલ્મ પ્રોડક્શન હાઉસ સ્થાપ્યું છે. તેનું નામ ‘જાની ફાયર ફોક્સ’ છે. અમિત ઉદયપુરમાં દરજી કન્હૈયા લાલ સાહુની હત્યા પર ફિલ્મ બનાવવા જઈ રહ્યો છે. આ ફિલ્મનું નામ ‘એ ટેલર મર્ડર સ્ટોરી’ રાખવામાં આવ્યું છે અને તે નવેમ્બરમાં રિલીઝ થવાની છે. અમિત જાનીએ સીમા અને સચિનને ​​ઓફર કરી કે જો તેઓ તેમના પ્રોડક્શનમાં કામ કરશે તો તેઓ કામના બદલામાં કપલને પૈસા પણ આપશે. અમિત જાનીએ તેમના વતી વીડિયો જાહેર કરતા કહ્યું કે સીમા હૈદર જે રીતે ભારતમાં પ્રવેશી છે તેના સમર્થનમાં તેઓ નથી.

તેણે તેનો વિરોધ પણ કર્યો હતો. પરંતુ, હવે જ્યારે મીડિયા દ્વારા સમાચાર આવી રહ્યા છે કે તેમના ઘરમાં અનાજ નથી, તેઓ દરેક અનાજ પર નિર્ભર છે. તો તેમની મદદ કરવી એ એક ભારતીય તરીકે આપણી ફરજ છે.

અમે હવે નક્કી કર્યું છે કે તે ‘જાની ફાયર ફોક્સ’ નામના અમારા પ્રોડક્શન હાઉસ હેઠળ બની રહેલી ફિલ્મમાં કામ કરી શકે છે. આ ફિલ્મનું ટીઝર પણ લોન્ચ કરવામાં આવ્યું છે અને અમે સીમાને તેના કામ માટે મહેનતાણું પણ આપીશું, જે તેને મદદ કરશે.

અમિત જાનીએ પણ આજતક સાથે આ વિશે વાત કરી છે. ફોન પર અમિતે જણાવ્યું કે ૨ દિવસ પહેલા તેણે સીમા હૈદરના ઘરે તેના એક સહકર્મી દ્વારા મેસેજ કર્યો હતો કે જો તે ઈચ્છે તો અમારી ફિલ્મમાં કામ કરી શકે છે. સીમાએ જવાબ આપ્યો હતો કે તે વિચારીને કહેશે. જો કે હજુ સુધી તેમના તરફથી કોઈ જવાબ મળ્યો નથી.

આ પણ વાંચો :-

સુરત પાંડેસરાના ASI દારૂની હેરાફેરી કરતા ઝડપાયા, વાપી પોલીસે કેટલી બોટલ સાથે પકડાયો?

News Editor
-
0
  • વલસાડ જિલ્લાના વાપીમાં નાની તંબાડી ચાર રસ્તા પાસે પોલીસની ટીમે સેલવાસ તરફથ સુરત જતી કારને અટકાવીને ચેકિંગ કરતા દારૂની ૬૨૪ બોટલ મળી આવી હતી.

કારમાં સુરતના પાંડેસરા પોલીસ સ્ટેશનમાં ASI તરીકે ફરજ બજાવતા પોલીસ જવાન અને અન્ય એક વ્યક્તિ પણ હાજર હતા. પોલીસની ટીમે દારૂના જથ્થા, કાર તેમજ મોબાઈલ સહિત ૬.૨૬ લાખનો મુદ્દામાલ જપ્ત કર્યો હતો અને ગુનો નોંધીને આગળની કાર્યવાહી હાથ ધરી છે.

વિગતો મુજબ, વાપી તાલુકાના ડુંગરા પોલીસની ટીમે સેલવાસથી એક કારમાં વિદેશી દારૂનો જથ્થો સુરત લઈ જવાતો હોવાની બાતમી મળી હતી. જેના આધારે ડુંગરા પોલીસની ટીમે વોચ ગોઠવી હતી. દરમિયાન એક કાર આવતા તેને અટકાવીને તપાસ કરતા ૧૫ પેટીમાંથી ૬૨૪ દારૂની બોટલ મળી આવી હતી. દારૂના જથ્થા સાથે સુરત પાંડેસરા પોલીસ સ્ટેશનના ASI રોનક હિરાણી અને દિગેન્દ્રસિંહ ઝાલાની અટકાયત કરવામાં આવી હતી.

આ પણ વાંચો :-

હિંસાની આગમાં ભભૂકી ઉઠયું હરિયાણા : સ્કૂલ-કોલેજો બંધ, અનેક શહેરોમાં કલમ ૧૪૪ લાગુ, કેન્દ્રીય દળોની ૧૫ કંપનીઓ તૈનાત

News Editor
-
0
  • મેવાત જિલ્લામાં બબાલ બાદ કલમ-૧૪૪ લાગુ કરી દેવામાં આવી છે તેમજ ડેપ્યુટી કમિશનરે સ્થાનિક લોકોને શાંતિ જાળવવા અપીલ કરી છે અને જિલ્લામાં વધારાની પોલીસ ફોર્સ પણ તૈનાત કરવામાં આવી છે.

હરિયાણાના મેવાત, ગુરુગ્રામ, ફરીદાબાદ અને રેવાડી આ ચાર જિલ્લા છે. જ્યાં કલમ ૧૪૪ લાગુ કરવામાં આવી છે. બંને પક્ષો વચ્ચેનો વિવાદ અને પથ્થરમારો બાદ તણાવનો માહોલ ઉભો થયો છે. આ તણાવ મેવાતના નૂહ વિસ્તારથી શરૂ થયો હતો.

જ્યાં હિન્દુ સંગઠનો દ્વારા કાઢવામાં આવી રહેલી બ્રજમંડળ યાત્રા દરમિયાન બે જૂથ વચ્ચે અથડામણ થઈ હતી. અથડામણ બાદ પથ્થરમારો થયાની વિગતો સામે આવી હતી ત્યારબાદ પચાસ વાહનોને આગ ચાંપી દેવામાં આવી હતી. આ હિંસામાં બે હોમગાર્ડ અને એક નાગરિક મોત થયા હતા અને ૧૦થી વધુ પોલીસકર્મીઓ ઘાયલ થયા છે.

શરૂઆતી માહોલમાં મેવાતની પોલીસ દળ હિંસા પર કાબૂ મેળવવા માટે ઓછું પડયું હતું અને આવી સ્થિતિમાં મેવાત ફોર્સને ગુરુગ્રામથી હિંસા પ્રભાવિત વિસ્તારમાં મોકલવામાં આવી હતી. આ દરમિયાન હુમલાખોરોએ મેવાતથી ગુરુગ્રામ જઈ રહેલા પોલીસ વાહનો પર પણ પથ્થરમારો કર્યો હતો. આ હુમલામાં કેટલાક પોલીસકર્મીઓ ઘાયલ થયા હતા. તો બીજી તરફ હોમગાર્ડ નીરજ (સ્ટેશન ખેરકી દૌલા) અને હોમગાર્ડ ગુરસેવક (સ્ટેશન ખેરકી દૌલા)નું મોત થયું હતું.

વિગતો મુજબ તમામ ઘાયલ પોલીસકર્મીઓને મેદાંતા હોસ્પિટલમાં સારવાર માટે ખસેડવામા આવ્યા છે. જણાવી દઈએ કે હરિયાણાનો મેવાત-નુહ વિસ્તાર પહેલાથી જ ગાય-તસ્કરી વિવાદમાં ખૂબ જ સંવેદનશીલ રહ્યો છે. આ વિસ્તાર દેશની રાજધાનીથી માત્ર દોઢ કલાકના અંતરે આવેલો છે.

મેવાત જેવા વિસ્તારોમાં ધાર્મિક યાત્રા પર પથ્થરમારો કરવામાં આવ્યો હતો. મંદિરને ઘેરીને હુમલાનો દાવો કરવામાં આવ્યો હતો. જેને લઈ અનેક લોકો મંદિરમાં ફસાયા હોવાનો દાવો કરવામાં આવ્યો હતો જે બાદમાં રેસ્ક્યુ પણ કરવામાં આવ્યો હતો.

આ પણ વાંચો :-

આયરલેન્ડ સીરીઝ માટે ટીમ ઈન્ડિયાની જાહેરાત, જસપ્રીત બુમરાહ હશે કેપ્ટન, જાણો કોને કોને સમાવવામાં આવ્યા

News Editor
-
0
  • આયરલેન્ડની વિરુદ્ધ આવતા મહિને રમાઈ રહેલી ત્રણ મેચની ટી-૨૦ સીરીઝ માટે ભારતીય ટીમની જાહેરાત થઇ ચુકી છે. ટીમમાં જસપ્રીત બુમરાહ ટીમમાં પરત ફર્યો છે. એટલું જ નહી જસપ્રીત બુમરાહને ટીમના કેપ્ટન નિયુક્ત કરાયો છે.

આયરલેન્ડ વિરુદ્ધ આવતા મહિને રમાનારી ત્રણ મેચોની ટી20 સીરીઝ માટે ભારતીય ટીમની જાહેરાત થઈ ચુકી છે. ટીમમાં જસપ્રીત બુમરાહ પરત ફર્યો છે. એટલું જ નહી જસપ્રીત બુમરાહને ટીમના કેપ્ટન નિયુક્ત કરવામાં આવ્યા છે. બીસીસીઆઈએ આયરલેન્ડ મુલાકાત પર યુવાક ખેલાડીને પણ મોકલવાનો નિર્ણય લીધો છે. ઋતુરાજ ગાયકવાડને આયરલેન્ડ મુલાકાત માટે ટીમનો ઉપકપ્તાન બનાવવામાં આવ્યો છે.

આઈપીએલમાં શાનદાર પ્રદર્શન કરનારા રિંકૂ સિંહને આખરે ભારતીય ટીમમાં સ્થાન અપાયું છે. જિતેન શર્માને પણ આયરલેન્ડની વિરુદ્ધ ટી૨૦ સીરીઝ માટે ભારતીય ટીમમાં સ્થાન મળ્યું છે. બુમરાહ ઉપરાંત ઈજામાંથી ઉભરેલા ફાસ્ટ બોલર પ્રસિદ્ધ કૃષ્ણાને પણ ટીમમાં સ્થાન આપવામાં આવ્યું છે. લાંબા સમયથી શિવમ દુબેને પણ ભારતીય ટીમમાં સ્થાન મળ્યું છે.

ટીમ આ પ્રકારે છે : જસપ્રીત બુમરાહ (કેપ્ટન), ઋતુરાજ ગાયકવાડ, યશસ્વી જયસ્વાલ, તિલક વર્મા, રિંકુ સિંહ, સંજૂ સેમસન, જિતેન શર્મા, શિવમ દુબે, વોશિંગ્ટન સુંદર, શાહબાજ અહેમદ, રવિ બિશ્નોઇ, પ્રસિદ્ધ કૃષ્ણા, અર્શદીપ સિંહ, મુકેશ કુમાર, આવેશ ખાનનો સમાવેશ ટીમમાં કરવામાં આવ્યો છે.

લાઈવ મેચ વચ્ચે મેદાનમાં ઘૂસી આવ્યો કાળતરો સાપ, ખેલાડીઓ રહી ગયા દંગ

News Editor
-
0
  • મેચ દરમિયાન મેદાનમાં કાળા સાપે એન્ટ્રી મારી ! ચોથી ઓવર બાદ અચાનક મેચ રોકી દેવી પડી.

ક્રિકેટની મેચ ઘણીવખત વરસાદનાં કારણે સ્થગિત કરવામાં આવતી હોય છે. વાવાઝોડા કે વરસાદી માહોલમાં ક્યારેક કૂતરાં મેદાનમાં ઘૂસી જતાં જોવા મળ્યાં છે પરંતુ લંકા પ્રીમિયર લીગમાં એક ચોંકાવનારી ઘટના બની હતી. મેચ દરમિયાન મેદાનમાં કાળો સાપ પ્રવેશ્યો જેના કારણે મેચને તાત્કાલિક અટકાવવી પડી. ગોલ ટાઈટંસ અને દાંબુલા ઓરાની વચ્ચે ચાલતી મેચમાં આ ઘટના બની હતી.

જે સમયે કાળો સાપ મેદાનમાં ઘૂસ્યો ત્યારે દાંબુલાની ટીમ બેટિંગ કરી રહી હતી. ક્રીઝ પર ધનંજય ડિસિલ્વા અને કુસલ પરેરા હાજર હતાં. ત્યારે ચોથી ઓવર સમાપ્ત થતાંની સાથે અચાનક મેચ અટકાવી દેવામાં આવી હતી કારણકે મેદાનમાં કાળો સાપ ઘૂસી ગયો હતો. સાપને પકડવું અઘરું છે તેથી સાપ જ્યારે બાઉન્ડ્રીની બહાર નિકળ્યો ત્યારે મેચ ફરી શરૂ કરવામાં આવી.

લંકા પ્રીમિયર લીગની મેચ દરમિયાન સાપની એન્ટ્રીનો વીડિયો સોશિયલ મીડિયા પર વાયરલ થઈ ગયો હતો. ટીમ ઈન્ડિયાનાં ખેલાડી દિનેશ કાર્તિકે આ ઘટના પર મજાક બનાવતાં લખ્યું કે, મને લાગ્યું કે નાગિનની એન્ટ્રી બાંગ્લાદેશમાં થઈ છે. તો સ્કોટ સ્ટાયરિસે પણ ટ્વીટ પર લખ્યું કે ક્રિકેટનાં મેદાન પર હવે તેમણે બધું જ જોઈ લીધું છે.

શ્રીલંકાનાં આ સ્ટેડિયમથી પહેલા ભારતમાં પણ સાપે મેદાનમાં એન્ટ્રી કરી છે. ગુવાહાટીનાં બરસપારા સ્ટેડિયમમાં ભારત-સાઉથ આફ્રીકાની મેચ દરમિયાન સાપ ઘૂસી ગયો હતો જેના લીધે મેચને સ્થગીત કરવી પડી હતી. જો કે હવે એ મેદાનમાં સાપની એન્ટ્રીને રોકવા માટે સ્પેશિયલ જંતુનાશકનો છંટકાવ કરવામાં આવે છે.

આ પણ વાંચો :-

Samsung જલ્દી લોન્ચ કરશે સ્માર્ટ ડિજિટલ Galaxy Ring, જાણો ફીચર્સ

News Editor
-
0
  • Samsung આવતા વર્ષે ‘ગેલેક્સી રિંગ’ નામની સ્માર્ટ રીંગ લોન્ચ કરે તેવી ઉમ્મીદ છે. સ્માર્ટ રિંગની મુખ્ય વિશેષતા એ બિલ્ડ-ઈન સેન્સર દ્વારા બોડી અને હેલ્થ ડેટા એકત્રિત કરવાની ક્ષમતા છે. જે પછી કનેક્ટેડ સ્માર્ટફોન પર જોઈ શકાય છે.

Samsung આવતા વર્ષે ‘ગેલેક્સી રિંગ‘ નામની સ્માર્ટ રીંગ લોન્ચ કરે તેવી ઉમ્મીદ છે. રિપોર્ટ અનુસાર આ સ્માર્ટ રીંગના ઉત્પાદન અંગે ઘરેલુ અને આંતરરાષ્ટ્રીય ઘટકોની મદદથી મોટા પાયે પ્રોડક્શન પહેલા તેની સફળતા સુનિશ્ચિત કરવાનો પ્રયાસ કરી રહ્યા છે. ગેલેક્સી રિંગ ટીમના સભ્યો તેના વિકાસને સમર્થન આપી રહ્યા છે, અને આવતા મહિને નિર્ણય લેવામાં આવી શકે છે.

Samsung Galaxy Ring :

સ્માર્ટ રિંગની મુખ્ય વિશેષતા એ બિલ્ડ-ઈન સેન્સર દ્વારા શરીર અને આરોગ્ય ડેટા એકત્રિત કરવાની ક્ષમતા છે, જે પછી કનેક્ટેડ સ્માર્ટફોન પર જોઈ શકાય છે. ચોકસાઈને સુધારવા માટે યુઝર્સની આંગળીના કદ પ્રમાણે રિંગને એડજસ્ટ કરી શકાય છે.

કમજોર બ્લડ ફ્લો અથવા વધુ પડતી ચુસ્ત ફિટિંગ ડેટાની ચોકસાઈને અસર કરી શકે છે. જો મોટા પાયે પ્રોડક્શન  મંજૂર કરવામાં આવે તો પણ મેડિકલ ડિવાઈસ સ્ટેટસ માટે સર્ટિફિકેશન પ્રક્રિયામાં 10 થી 12 મહિનાનો સમય લાગવાની અપેક્ષા છે/ જે ઉત્પાદનની ઉપલબ્ધતામાં વિલંબ કરી શકે છે.

રિપોર્ટ અનુસાર “સેમસંગ કેમેરા અને સેન્સર્સનો ઉપયોગ કરીને વપરાશકર્તાઓના માથા અને હાથની હિલચાલને ટ્રેક કરવા માટે તેના XR (મિશ્ર વાસ્તવિકતા) ઉપકરણનો લાભ લઈને XR ઉપકરણ સાથે ‘ગેલેક્સી રિંગ’ને એકીકૃત કરવા વિચારી રહી છે..” દરમિયાન, આ મહિનાની શરૂઆતમાં, એક Reddit વપરાશકર્તાએ શોધી કાઢ્યું હતું કે સેમસંગ હેલ્થ બીટા એપ, વર્ઝન 6.24.1.023માં “ફીચર લિસ્ટ” શામેલ છે જેમાં “રિંગ સપોર્ટ“ નો ઉલ્લેખ કરવામાં આવ્યો છે.

શક્ય છે કે હેલ્થ બીટા એપ્લિકેશનમાં “રિંગ સપોર્ટ“ ઉમેરવામાં આવ્યું હતું કારણ કે ટેક જાયન્ટ અન્ય કંપનીઓ દ્વારા બનાવેલ સ્માર્ટ રિંગ્સ માટે સપોર્ટ ઉમેરવાનું વિચારી રહી છે. અથવા કદાચ કંપની ગેલેક્સી રિંગને રિલીઝ કરવાની અને હેલ્થ પ્લેટફોર્મ પર થર્ડ પાર્ટી રિંગ્સ માટે સપોર્ટ લાવવાનું આયોજન કરી રહી છે.

આ પણ વાંચો :-

ગુજરાતના ૧૦ લાખ મુસાફરોના ખિસ્સા થશે ખાલી, બસના ભાડામાં તોતિંગ વધારો

News Editor
-
0
  • ગુજરાત રાજ્ય માર્ગ વાહન વ્યવહાર નિગમ દ્વારા ૧૦ વર્ષ બાદ બસના ભાડામાં તોતિંગ વધારો કરવામાં આવ્યો છે. જેને લઈને દરરોજ મુસાફરી કરતા ૧૦થી વધુ મુસાફરોના ખિસ્સા પર ભાર પડશે. આ વધારો રૂપિયા ૧થી માંડીને ૬ રૂપિયા સુધીનો વધારો ચૂકવવો પડશે.

ગુજરાતને ઝટકો લાગે એવા સમાચાર આવ્યા છે. સરકારે ૧૦ વર્ષ બાદ ભાડામાં વધારો કરતાં મુસાફરોના ખિસ્સાં ખાલી થાય તેવી પૂરી સંભાવના છે. સરકાર બચાવ કરી રહી છે કે વર્ષ  ૨૦૧૪ બાદ આજ દિન સુધી વિવિધ કારણોસર નિગમનું આર્થિક ભારણ ખુબ જ વધ્યું છે.

જેને પગલે ગુજરાતમાં પણ બસની ટિકિટના ભાવમાં વધારો કરાયો છે. સરકારે નવા દરો પણ જાહેર કર્યા છે. આગામી દિવસોમાં બસમાં મુસાફરી કરો તો વધારે ટિકિટના પૈસા ચૂકવવાની તૈયારી રાખજો. નિગમની લોકલ બસોમાં ૮૫ ટકા મુસાફરો એટલે રોજના ૧૦ લાખ લોકો ૪૮ કિલોમીટર સુધીની મુસાફરી કરે છે. જેઓને રૂપિયા ૧થી ૬ રૂપિયા સુધીનો વધારો ચૂકવવો પડશે.

ગુજરાત રાજ્ય માર્ગ વાહન વ્યવહાર નિગમે પોતાનો બચાવ કરતાં જણાવ્યું છે કે, તેઓ મુસાફરોની સવલત માટે સતત પ્રયત્નશીલ અને ચિંતિત છે. ગુજરાત સરકાર દ્વારા નિગમને મહત્તમ આર્થિક સહાય કરી સ્વનિર્ભર બનાવવા પ્રયત્નો કર્યો છે.

જેના ભાગરૂપે ભારતમાં પ્રથમ વખત B.S 6 ના ૨૩૨૦ જેટલા નવીન વાહનો સવલતમાં મુક્વામાં આવ્યા છે. નિગમ દ્વારા ભારતમાં પ્રથમ વખત એરપોર્ટ જેવા બસ પોર્ટ આપવામાં આવ્યા છે. અમદાવાદ, વડોદરા, રાજકોટ ,પાલનપુર, ભરુચ વગેરે જેવા અદ્યતન બસપોર્ટ કાર્યરત છે તથા નજીકના ભવિષ્યમાં વધુ બસ પોર્ટ મુસાફરોની સવલતમાં મુકવાની કામગીરી પ્રગતિ હેઠળ છે.

એસ.ટી નિગમ દ્વારા સને ૨૦૧૪ પછી ભાડામાં સુધારો કર્યો નથી. જ્યારે અન્ય રાજ્યો દ્વારા પગાર, ડીઝલ તથા સ્પેરપાર્ટના ભાવ વધારાના ખર્ચ ને પહોંચી વળવા માટે ભાડામાં લગભગ દર વર્ષે વધારો કરવામાં આવે છે. જ્યારે ગુજરાત એસ.ટી નિગમ દ્વારા છેલ્લા ૧૦ વર્ષથી મુસાફર ભાડામાં કોઈ જ વધારો કરાયો નથી. જ્યારે રાજસ્થાન, મહારાષ્ટ્ર, કર્ણાટક, ઉત્તરપ્રદેશ, આંધ્રપ્રદેશ જેવા અન્ય રાજ્યો દ્વારા દર વર્ષે ભાડામાં વધારો કરવામાં આવ્યો છે.

GSRTC બસના ભાડામાં તોતિંગ વધારો :

  • આજથી મુસાફરોએ એસ ટી બસમાં મુસાફરી માટે વધુ ભાડું ચૂકવવું પડશે
  • ૨૦૧૪ બાદ ભાડામાં વધારો ન કરાતા હવે  હવે ભાડા વધારો લાગુ કરવામાં આવ્યો
  • એસટી બસના ભાડામાં ૨૫ ટકાનો વધારો કરાયો
  • ૧૦ વર્ષ બાદ ગુજરાત સરકારે એસટી બસનું ભાડું વધાર્યું
  • લોકલ બસમાં પ્રતિ કિ.મી. ૬૪ પૈસાની જગ્યાએ ૮૦ પૈસા કરાયા
  • એક્સપ્રેસ બસમાં ૬૮ પૈસાના ૮૫ પૈસા કરાયા
  • નોન એસી સ્વીપર કોચના ૬૨ પૈસાના ૭૭ પૈસા કરાયા

આ પણ વાંચો :-

૦૧ ઓગષ્ટ / ‘ધન’ રાશિના જાતકો શત્રુપક્ષથી સાવધાન તો ‘સિંહ’ રાશિવાળાઓને આજે પ્રેમસંબંધમાં જણાશે તકલીફ, જાણો આજનું રાશિ ભવિષ્ય

News Editor
-
0

મેષઃ
સ્વભાવમાં ગુસ્સાનું પ્રમાણ વધારે રહે. આવકમાં વધારો થાય. પરિવાર માં થોડો મતભેદ જણાય. મિલકત માં કરેલા રોકાણો થી ફાયદો થાય. નોકરી-ધંધા માં રાહતનો અનુભવ થાય. અગ્નિ થી સાચવવું.

વૃષભઃ
દિવસ ની શરૂઆત મોજ શોખ થી થાય. ભાગ્ય સાથ આપતું જણાય. આવકમાં વધારો થાય. માન-સન્માન વધે. વિશ્વાસઘાત નો ભોગ ન બનાય એનું ધ્યાન રાખવું. ચામડીના રોગથી સાચવવું.

મિથુનઃ
જક્કી અને જડ વલણનો ત્યાગ કરવો. આર્થિક પાસુ મજબુત બનતુ જણાય. સંતાન સાથે મતભેદ રહે. ફસાયેલા નાણાં છુટા થાય. અ‌શક્તિનો અનુભવ થાય. મિત્રો તરફથી લાભ મળે. નોકરી-ધંધામાં સામાન્ય.

કર્કઃ
દિવસની શરૂઆત આનંદથી થાય. આવક આવતી અનુભવી શકાય. પરિવાર માં મતભેદ ની શક્યતા છે. શેર બજાર થી લાભ મળે. જીવનસાથી સાથે આનંદ થી દિવસ વ્યતિત થાય. દગા-ફટકાનો ભોગ બની શકાય.

સિંહઃ
પ્રભાવમાં વધારો થાય. માન-સન્માન વધે. સફેદ વસ્તુની ખરીદી થાય. આર્થિક ઉપાર્જન સારૂં થાય. સ્થવાર-જંગમ મિલકતથી લાભ, સંતાનની ચિંતા રહે. શરદી, ખાંસી, કફનો ઉપદ્રવ રહે. ડાયાબીટીસ ના દર્દીઓએ સાચવવું.

કન્યાઃ
વાણી ઉપરનો પ્રભાવ વધે. આનંદ થી દિવસ વ્યતિત થાય. નાણાં ની વૃધ્ધિ થતી જણાય. પરિવારમાં શાંતિ મનમેળ રહે. સંતાન તરફ થી આનંદ ના સમાચાર મળે. ભાગ્ય માં વૃદ્ધિ થાય. આદ્યાત્મિક પ્રગતિ થાય.

તુલાઃ
દિવસની શરૂઆત આનંદથી થાય. ખોટું લાગે એવા પ્રસંગો બને. પ્રોપર્ટી થી લાભ મેળવી શકાય. કુટુંબ માં શાંતિ અને સંપ રહે. તંદુરસ્તી જળવાય. પત્નિના ગુસ્સાનો સામનો કરવો પડે.

વૃશ્ચિકઃ
આત્મવિશ્વાસમાં વધારો થાય. નાણાંકીય બાબતો અંગે અસંતોષ રહે. પરિવાર માં સુખ-શાંતિ જળવાય. મિલકતમાંથી આવક મેળવી શકાય. દામ્પત્ય સુખમાં આનંદ અનુભવી શકાય. પડવા-વાગવા થી સાચવવું.

ધનઃ
માનસિક રીતે અજંપો રહે. આવક માટે દિવસ સામાન્ય છે. પરિવાર માં મનમેળ રહે. માતૃસુખ સારૂ મળે. ખોટા વિચારોથી દૂર રહેવું. શરદી-કફ ના રોગોથી સાવચેતી રાખવી. એકંદરે સામાન્ય દિવસ વ્યતિત થાય.

મકરઃ
ખુબજ સુંદર રીતે દિવસ વ્યતિત થાય. આવક આવતી જણાય. પરિવાર માં આનંદ. સંતાનોની પ્રગતિથી મન હરખાય. આરોગ્ય સારૂ રહે. જીવનસાથી સાથે આનંદનો અનુભવ થાય. નોકરી, ધંધા માં પ્રગતિ થાય.

કુંભઃ
મક્કમ મનોબળની અનુભૂતિ થાય. સ્થાવર જંગમ મિલકતથી લાભ. પરિવાર માં આનંદ. સંતાનોથી ચિંતા રહે. આંખના રોગોથી સાચવવું. ભાગ્યમાં વૃદ્ધિ થાય. ધાર્મિક કાર્ય કરી શકાય. નોકરી-ધંધામાં સારૂં.

મીનઃ
મિલનસાર સ્વભાવ રહે. નાણાંની આવક વધતી જણા. પરિવાર માં ખુશી. સ્થાવર-જંગમ મિલકત, શેરબજાર માં રોકાણ ટાળવું. માતાની તબિયતનું ધ્યાન રાખવું. સંતાનો તરફથી આનંદ. નોકરી-ધંધા બાબતે અસંતોષ રહે.

આ પણ વાંચો :-

અનોખા અંદાજમાં જોવા મળી Nora Fatehi, સોશિયલ મીડિયામાં વાયરલ થયા ફોટોઝ

News Editor
-
0
  • નોરા ફતેહી આજે રેમો ડિસોઝા સાથે જોવા મળી હતી. ટૂંક સમયમાં તે એક નવો રિયાલિટી શો લઈને આવી રહી છે. જેના પ્રમોશન દરમિયાન તે સ્ટાઈલિશ અંદાજમાં જોવા મળી.

નોરા ફતેહીની દરેક સ્ટાઈલ અનોખી હોય છે. પરંતુ આ વખતે તે જે સ્ટાઈલમાં જોવા મળી તેને ઓળખવું પણ તેના ચાહકો માટે મુશ્કેલ બની ગયું. બિલકુલ હટકે અદા અને સ્ટાઈલમાં તે ફરી છવાઈ ગઈ છે.

શોર્ટ સ્કર્ટ, સ્પોર્ટસ બ્રા અને ઓવરસાઈઝ જેકેટ પહેરેલી નોરા ફતેહીની હેરસ્ટાઈલ પણ અલગ હતી અને નોરા આ પહેલા ભાગ્યે જ આવા લુકમાં જોવા મળી છે.

નોરા ફતેહી આજે કોરિયોગ્રાફર અને ડિરેક્ટર રેમો ડિસોઝા સાથે જોવા મળી હતી જ્યાં તે તેના શોનું પ્રમોશન કરી રહી હતી. તે ટૂંક સમયમાં એમેઝોન મિની ટીવી પર આવનારા રિયાલિટી શો હિપ હોપ ઈન્ડિયાને જજ કરતી જોવા મળશે.

આ દરમિયાન નોરા ફતેહીનો અલગ અંદાજ જોવા મળ્યો હતો. જો કે, નોરા માત્ર આ શોને કારણે જ ચર્ચામાં નથી, પરંતુ તે તેની આગામી ફિલ્મને લઈને પણ ચર્ચામાં છે. નોરા હવે સાઉથ તરફ વળી ગઈ છે. તે વરુણ તેજ સાથે ફિલ્મ કરવા જઈ રહી છે.

ફિલ્મનું ટાઈટલ પણ એનાઉન્સ કરવામાં આવ્યું છે. નોરા અને વરુણની આગામી ફિલ્મનું નામ મટકા હશે. જેમાં નોરા એક્ટિંગની સાથે ડાન્સ કરતી પણ જોવા મળશે. આ ફિલ્મ હિન્દી, તમિલ, તેલુગુ, કન્નડ અને મલયાલમ ભાષામાં રિલીઝ થશે.

આ પણ વાંચો :-

1...1,0071,0081,009...1,463Page 1,008 of 1,463