- રિલાયન્સ જિયોએ ભારતમાં JioBookની બીજી જનરેશન લોન્ચ કરી છે. લેટેસ્ટ Jiobook 2ને કંપનીએ પાછલા વર્ઝનના મુકાબલે વધુ સારા પ્રોસેસર સાથે લોન્ચ કર્યું છે.
Reliance Jioનું આ લેટેસ્ટ લેપટોપ ઓનલાઈન શોપિંગ પ્લેટફોર્મ એમેઝોન પરથી ખરીદી શકાય છે. ઈ-કોમર્સ જાયન્ટે તેની સાઈટ પર બજેટ-ફ્રેંડલી લેપટોપના લોન્ચિંગને ટીઝ કર્યું. JioBook લેપટોપનું પ્રથમ વર્ઝન ગયા વર્ષે ઓક્ટોબર મહિનામાં લોન્ચ કરવામાં આવ્યું હતું.
Jioનું આ બજેટ ફ્રેન્ડલી લેપટોપ 4G સક્ષમ છે. અગાઉ કંપનીએ ગયા મહિને ભારતમાં સસ્તો 4G ફીચર ફોન JioBharat V2 લોન્ચ કર્યો હતો.
Reliance Jiobook 2023 ના ફીચર્સ વિશે વાત કરીએ તો તે પાછલા વર્ઝનની સરખામણીમાં ઘણું હળવું છે. આ સાથે જિયોનો લોગો પણ બેક પેનલમાં આપવામાં આવ્યો છે. લેપટોપ ઓક્ટા-કોર પ્રોસેસર દ્વારા સંચાલિત કરવામાં આવશે.
2023માં લોન્ચ થયેલા આ લેપટોપનું વજન માત્ર 990 ગ્રામ છે. ગયા વર્ષની જિયો બુકની વાત કરીએ તો તેનું વજન 1.2 કિલો હતું.
લેટેસ્ટ JioBookમાં કનેક્ટિવિટી માટે ઘણા વિકલ્પો આપવામાં આવ્યા છે. તેમાં 4G LTE, Wi-Fi, Bluetooth 5.0, HDMI પોર્ટ, 3.5mm ઓડિયો જેક અને SIM સપોર્ટનો સમાવેશ થાય છે.
રિલાયન્સના જિયો બુક લેપટોપની બેટરી વિશે વાત કરીએ તો તે 8 કલાકનું બેકઅપ આપે છે. આ સાથે આ સસ્તું લેપટોપમાં એન્ટી-ગ્લેયર એચડી ડિસ્પ્લે અને સ્ટીરિયો સ્પીકર્સ સપોર્ટ કરવામાં આવ્યા છે. લેપટોપમાં ઈન્ફિનિટી કીબોર્ડ અને લાર્ચ ટચપેડને સપોર્ટ આપવામાં આવ્યો છે.
રિલાયન્સનું લેટેસ્ટ JioBook કંપનીએ રૂ. 16,499ની પ્રારંભિક કિંમતે લોન્ચ કર્યું છે. આ લેપટોપ રિલાયન્સ ડિજિટલ સ્ટોર અને એમેઝોન ઈન્ડિયા પરથી ઓનલાઈન ખરીદી શકાય છે. એમેઝોન પર HDFC બેંક કાર્ડ પર 1250ની છૂટ આપવામાં આવી રહી છે.
આ પણ વાંચો :-