If you want coffee as soon as you wake up
- ઘણા લોકો એવા હોય છે જેમને સવારે ઉઠતાની સાથે જ કોફીની તલબ લાગે છે. જો તમને પણ સવારે ઉઠતા જ કોફી જોઈએ છે તો તમને જણાવી દઈએ કે આ સ્વાસ્થ્ય માટે ખૂબ જ નુકસાનકારક સાબિત થઈ શકે છે.
એવા ઘણા લોકો છે જે સવારે ઉઠ્યા બાદ પણ થાકેલા અને આળસ મહેસુસ કરે છે. ફરી ઉંઘને ભગાવવા માટે અને એક્ટિવ ફીલ કરવા માટે ઘણા લોકો સવારે કોફીનું સેવન (Coffee consumptionCoffee consumption) કરે છે. કોફીનો એક ધૂંટ પીતા જ લોકોને ખૂબ જ ફ્રેશ ફીલ થાય છે. ઘણા લોકો તો એવા છે જેમની કોફી વગર સવાર પણ નથી થતી.
જો તમે પણ તેમાંથી એક છો અને રોજ સવારે ઉઠતા જ સૌથી પહેલા કોફી પીવો છો તો તમને જણાવી દઈએ કે આમ કરીને તમે પોતાના સ્વાસ્થ્યને બગાડી રહ્યા છો. સવારે ખાલી પેટે કોફી પીવી તમારા માટે ખૂબ જ નુકસાનકારક સાબિત થઈ શકે છે. જાણો કઈ રીતે…
કેમ ખાલી પેટ ન પીવી જોઈએ કોફી ?
એવા ઘણા કારણ છે જેના કારણે સવારના સમયે ખાલી પેટે કોફીનું સેવન ન કરવું જોઈએ. ખાસ કરીને મહિલાઓએ ખાલી પેટ કોફીનું સેવન ન કરવું જોઈએ. તેનું સૌથી પહેલુ કારણ છે કે સવારે ખાલી પેટે કોફીનું સેવન કરવાથી શરીરમાં કોર્ટિસોલ હોર્મોનનું લેવલ વધવા લાગે છે જે ઓવ્યૂલેશન, વજન અને હોર્મેન્સ પર ખરાબ અસર કરે છે.
સવારે સ્ટ્રેસ હોર્મોનનું લેવલ ખૂબ વધારે હોય છે અને સાંજના સમયે ખૂબ જ ઓછુ. એવામાં હવે તમે સવારે સૌથી પહેલા કૈફીનનું સેવન કરો છો તો કોર્ટિસોલનું લેવલ ઓછુ થવાની જગ્યા પર વધી જાય છે.
કોર્ટિસોલ હોર્મોન આપણા શરીર માટે ખૂબ જ ફાયદાકારક માનવામાં આવે છે પરંતુ જ્યારે તમે સ્ટ્રેસમાં હોવ છો તો કોર્ટિસોલ હોર્મોનનું ઉત્પાદન ખૂબ વધારે થઈ જાય છે. તેના કારણે બ્લડ શુગર લેવલ વધી શકે છે જે ઈંસુલિન હોર્મોનને વધારી શકે છે. કોર્ટિસોલનું લેવલ વધારે થવા પર વજન વધવા અને ઉંધ સાથે સંબંધિત મુશ્કેલીઓનો પણ સામનો કરવો પડી શકે છે.
આ પણ વાંચો :-
- પહેલાં AIIMS હવે ભારતીય રેલવેની વેબસાઈટ પર સાયબર એટેક ! 3 કરોડ યુઝર્સનો ડેટા લીક, સામે આવ્યો ચોંકાવનારો રિપોર્ટ
- રાજકોટમાં પત્નીની ફરિયાદ બાદ ફેમસ ‘સની પાજી દા ઢાબા’નાં માલિક અને પિતા ફરાર