Father of four children abducted
- સુરતમાં લવ જેહાદના ષડયંત્રના કિસ્સા દિવસે દિવસે વધી રહ્યા છે. ત્યારે શહેરમાંથી વધુ એક લવ જેહાદનો કિસ્સો સામે આવ્યો છે. 17 વર્ષની તરૂણીને 48 વર્ષનો વિધર્મી ભગાડી જતા ખળભળાટ મચી ગયો છે.
સુરતમાં લવ જેહાદનો (Love Jihad) વધુ એક કિસ્સો સામે આવ્યો છે, જેમાં 17 વર્ષની સગીરાને ચાર સંતાનોનો પિતા ભગાવી જતાં મામલો તંગ બન્યો છે. હાલ સચિન પોલીસ (Sachin Police) રાઉન્ડ ધ ક્લોક પેટ્રોલિંગ કરીને પરિસ્થિતિ ઉપર નજર રાખી રહી છે.
ચાર સંતાનોનો પિતા 17 વર્ષની કિશોરીને ભગાડી ગયો :
પ્રાપ્ત વિગતો અનુસાર શહેરના સચિન વિસ્તારમાં રહેતી 17 વર્ષીય કિશોરી હોજીવાલા ઈન્ડસ્ટ્રીઅલ (Hojiwala Industrial) એસ્ટેટ ખાતે નોકરી કરીને પરિવારને આર્થિક રીતે મદદરૂપ થતી હતી. 17 વર્ષની કિશોરી લાજપોર ગામ ખાતે આવેલ જુમ્મા મસ્જિદ ફળીયામાં રહેતા 48 વર્ષીય અબ્દુલ હમીદ હાસીમ મઢીની રીક્ષામાં દરરોજ નોકરીએ આવતી જતી હતી. આ રીક્ષા ચાલક કિશોરીને પ્રેમજાળમાં (Love trap) ફસાવીને ભગાડી જતાં કિશોરીના ફોઈએ સચિન પોલીસ સ્ટેશન ખાતે ફરિયાદ નોંધાવી હતી.
લવ જેહાદના કિસ્સાથી હિન્દુ સંગઠનોમાં રોષ :
સચિન પોલીસ પાસેથી મળતી માહિતી મુજબ 48 વર્ષીય રીક્ષા ચાલકને ચાર સંતાનો છે. જેમાંથી 2 દીકરીના તો લગ્ન પણ થઈ ગયા છે. રીક્ષા ચાલક સામે અપહરણ અને એટ્રોસિટી એક્ટ હેઠળ ગુનો દાખલ કરવામાં આવ્યો છે. અબ્દુલ હમીદ હાસીમ મઢી અને તરૂણીના મોબાઇલ ફોનની કોલ ડીટેઇલને આધારે તપાસ કરવામાં આવી રહી છે.
ચાર સંતાનોનો વિધર્મી પિતા હિન્દુ તરૂણીને ભગાવી જતાં મામલો તંગ બન્યો છે. હિન્દુ સંગઠનોમાં પણ રોષ વ્યાપી ગયો છે. વાતાવરણ બગડે નહીં તેની પર પોલીસ નજર રાખી રહી છે.
આ પણ વાંચો :-