- અમદાવાદના સિંધુ ભવન રોડ પર ગેલેક્સી સ્પાના સંચાલકે રોડ પર તેની મહિલા ફ્રેન્ડને સખત માર માર્યો હતો આ પ્રકરણમાં આરોપીની ધરપકડ કરી લેવામાં આવી છે.
અમદાવાદમાં બોડકદેવમાં ધ ગેલેક્સી સ્પા બહાર યુવતીને માર મારનાર મોહસીનને આખરે પોલીસે ઝડપી લીધો છે. આરોપી સિંધભવન પાસે ધ ગેલેક્સી સ્પા બહાર યુવતીને ઢોર માર માર્યો હતો અને ત્યારબાદ મોહસીન રંગરેજ ફરાર થઈ ગયો હતો. ૨૫ તારીખે રાત્રે ૩ થી ૩.૩૦ની આસપાસ બનાવ બન્યો છે.
આરોપીએ સ્પામાં ભાગીદાર યુવતીને માર માર્યાના CCTV સામે આવ્યા હતા. આરોપી બે દિવસથી કારમાં અસલાલી, આણંદના ભાલેજ અને અમદાવાદમાં ફરતો હોવાનુ બહાર આવ્યું હતું. તેવામાં બે દિવસ બાદ આરોપી ગુરુદ્વારા નજીક આવ્યો હતો જ્યાંથી પોલીસે તેને દબોચી લીધો છે. આરોપીએ આખરે યુવતીને શા માટે માર માર્યો હતો એ દિશામાં હવે પોલીસે વધુ તપાસ હાથ ધરી છે. જુઓ ઘટનાના સીસીટીવી
#Ahemdabaad #Spasachalak #CCTV अहमदाबाद के सिंधु भवन रोड पर आई गेलेक्सी स्पा के संचालक की दादागिरी, सीसी टीवी देख उड़ जायेंगे होश @dgpgujarat @CMOGuj @CRPaatil @AHindinews pic.twitter.com/4NnHKWSCGW
— Rajesh Vishwakarma (@RajeshPLive) September 27, 2023
આ મામલે ACPએ જણાવ્યું હતું યુવતીને માર મારવા પ્રકરણમાં અમે તપાસ કરી આરોપી સામે ગુનો દાખલ કર્યો હતો. બાદમાં હ્યુમન ઈન્ટેલિજન્સ અને સર્વેલન્સના આધારે ફરિયાદી આરોપીને મળવા જવાના છે તેવી માહીતી મળી હતી. આથી આરોપીને ટ્રેસ કરીને પકડી લેવામાં આવ્યો છે.એસીપીએ કહ્યું કે અગાઉ ફરિયાદી ફરિયાદ કરવા તૈયાર ન હતા જોકે અમેં સફળ કાઉન્સેલિંગ કરી ફરિયાદ નોંધવા જણાવ્યું હતું.
પહેલા આરોપીને પકડયો ત્યારે પણ ફરિયાદીએ ફરિયાદ ન કરવા કહ્યું હતું અને બને વચ્ચે અંગત બનાવ હોવાનું રટણ રટ્યું હતુ. મહત્વનું છે કે આરોપી-ફરિયાદી બંને ધંધાકિય પાર્ટનર હતાં. જેમાં ડખ્ખામાં આરોપીએ યુવતીને ધૃણાસ્પદ માર માર્યો હતો.
યુવક યુવતીને વીડિયોમાં બેરહમીપૂર્વક માર મારતો હતો.જે વીડિયો બહાર આવ્યા બાદ હાલ આરોપીને દબોચી લઈ તેમની વિરુદ્ધ કલમ ૩૫૪, ૩૨૩, ૨૯૪-ખ હેઠળ ગુનો નોંધાયો છે. તપાસમાં સામે આવ્યું કે આરોપીના થોડા દિવસ પહેલા લગ્ન થયા હતા. લગ્નને લઈને નાનુ ફંકશન રાખ્યું હતું. મોડે સુધી રોકાયા હતા. આ બનાવ અંદરના પ્રમાઈસિસમાં બન્યો છે. વધુમાં પોલીસની બેદરકારી જણાશે તો તેમની સામે પણ પગલા લેવાશે તેવું એસીપીએ અંતમાં કહ્યું હતું.
આ પણ વાંચો :-
