- એક નવું કૌભાંડ સામે આવ્યું છે. જેમાં ૧૨૦૦ લોકોને શિકાર બનાવવામાં આવ્યા છે. આ મામલો ઓનલાઈન ફૂટબોલ સટ્ટાબાજી સાથે જોડાયેલો છે.
એક અહેવાલ અનુસાર, એક ચીની વ્યક્તિએ આ એપ દ્વારા ગુજરાત અને ઉત્તર પ્રદેશના ૧૨૦૦ લોકો સાથે છેતરપિંડી કરી છે. આ કૌભાંડ એક-બે કરોડનું નથી પરંતુ ૧૪૦૦ કરોડનું છે.
ચાઈનીઝ વ્યક્તિનું નામ Woo Uyanbe (વુ ઉયાનબે) જણાવવામાં આવી રહ્યું છે, જેણે ગુજરાતના કેટલાક સ્થાનિક લોકો સાથે મળીને સટ્ટાબાજી માટે Dani Data એપ લોન્ચ કરી હતી. આ એપનો ઉપયોગ યુઝર્સને સટ્ટાબાજીમાં વધુ વળતર માટે લાલચ આપવા માટે થતો હતો. Dani Data એપ માત્ર ૯ દિવસ માટે જ ઓનલાઈન રહી. પરંતુ આ દરમિયાન તેણે લોકો પાસેથી રોજના ૨૦૦ કરોડ રૂપિયા લૂંટ્યા છે.
અહેવાલ અનુસાર આ કૌભાંડનો માસ્ટર માઈન્ડ Woo Uyanbe ચીનના શેનઝેન શહેરનો રહેવાસી છે. તે પાટણ અને બનાસકાંઠાના કેટલાક સ્થાનિક લોકોની મદદથી આ કૌભાંડને અંજામ આપતો હતો. વુ યુઆનબે ૨૦૨૦ અને ૨૦૨૨ વચ્ચે ભારતમાં હતો.
આ મામલાને ઉકેલવા માટે ગુજરાત પોલીસે વિશેષ તપાસ ટીમની રચના કરી હતી. SITએ પોતાના રિપોર્ટમાં જણાવ્યું છે કે આ મામલો પહેલીવાર જૂન ૨૦૨૨માં સામે આવ્યો હતો. તેનો ઉપયોગ ગુજરાત અને યુપી બંનેમાં લોકો કરતા હતા.
આગરા પોલીસે આ મામલાની તપાસ શરૂ કરી હતી. જે બાદમાં CID દ્વારા આગળ વધી હતી. આ સ્કીમમાં ગુજરાતના અનેક લોકો ફસાયા હતા. પોલીસે જણાવ્યું કે આરોપી ચીની નાગરિકે તેના સહયોગીઓ સાથે મળીને મે ૨૦૨૨માં આ એપ લોન્ચ કરી હતી.
લોકોને કેવી રીતે ફસાવ્યા ?
આ એપ સટ્ટાબાજી માટે લોકોને આમંત્રિત કરતી હતી અને તેમને જંગી નફો કમાવવાની લાલચ આપતી હતી. જ્યારે આ એપ ઓનલાઈન હતી. ત્યારે કૌભાંડી દરરોજ ૨૦૦ કરોડ રૂપિયા યુઝર્સ પાસેથી લૂંટી રહ્યો હતો. આ લોકો ફૂટબોલ પર સટ્ટો રમતા હતા.
૯ દિવસ પછી એપ અચાનક કામ કરવાનું બંધ કરી દીધું. તપાસ શરૂ થયા બાદ સીઆઈડીએ આ કેસમાં ૯ લોકોની ધરપકડ કરી છે. આ લોકોએ જણાવ્યું છે કે આરોપી વૂ ઉયાનબે હવાલા દ્વારા પૈસા ટ્રાન્સફર કરતો હતો. આ માટે તેણે ઘણી શેલ કંપનીઓ પણ બનાવી હતી. જો કે પોલીસે આ કેસમાં એફઆઈઆર નોંધી ત્યાં સુધીમાં મુખ્ય આરોપી વૂ ઉયાનબે ચીન પાછો જતો રહ્યો હતો.
ઈન્ટરનેટની દુનિયામાં અનેક પ્રકારના કૌભાંડો સામે આવતા રહે છે. આવી સ્થિતિમાં યુઝર્સે ઈન્ટરનેટનો ઉપયોગ કરતી વખતે સાવચેત રહેવું જોઈએ. આમાં લોન અને સટ્ટાબાજીની એપ્સ અંગે ખાસ કાળજી લેવી જોઈએ. આવી એપ્સે ઘણા લોકોને મુશ્કેલીમાં મુકી દીધા છે.
આ પણ વાંચો :-
- WHATSAPP UPDATE : હવે તમે સરળતાથી HD ક્વોલિટીમાં ફોટા મોકલી શકશો. જાણો કઈ રીતે
- પુનમ માડમની આંખોમાં આવ્યા આંસુ, અવાજ થોથવાયો- વિડીયો રિવાબા અંગે શું કહ્યું ?