આજ રોજ સુરતના કાંગારુ સર્કલ નજીક રવિવારી માર્કેટમાં એક મહિલા અચાનક બેભાન થઇને ઢળી પડી હતી, માર્કેટમાં ખરીદી કરવા આવેલી મહિલાને અચાનક ખેંચ અને તે બેભાન થઈ રસ્તા પર જ ઢળી પડી હતી. લોકોને ભીડ મહિલાને બચાવવા માટે એકઠા થઈ ગઈ હતી. હાર્ટ એટેકના બનાવોને પગલે સરકાર દ્વારા તમામ પોલીસ કર્મીઓ અને શિક્ષકોને સીપીઆરની ટ્રેનિંગ આપવામાં આવી હતી.
એક મહિલા બેભાન અવસ્થામાં જોવા મળી અને મહિલા પોલીસ કૉન્સ્ટેબલે તેને સીઆરપી આપીને બચાવી લીધી હતી. આ ઘટના સુરતના કાંગારુ સર્કલ પાસે રવિવારી માર્કેટ નજીક ઘટી હતી. મહિલા પોલીસ કૉન્સ્ટેબલે તરત જ સમગ્ર ઘટનાને જોતા તે મહિલાને તરત જ સીઆરપી આપીને બચાવવાનો પ્રયાસ કર્યો હતો, પહેલા મહિલાને હાર્ટ દબાયુ બાદમાં તેને મોઢેથી શ્વાસોશ્વસની ક્રિયા કરીને સીઆરપી આપી હતી. આ પ્રક્રિયા બાદ મહિલા ફરીથી હોશમાં આવી હતી. જે કામગીરીને હાલ લોકો ખૂબ જ વખાણી રહ્યા છે. પોલીસ તંત્ર દ્વારા આપવામાં આવતી CPRની ટ્રેનિંગ અહીં એક મહિલાનો જીવ બચાવવા માટે કામ લાગી હતી. મહિલા પોલીસે ખેંચ (મિરગી) આવતાં ઢળી પડેલી મહિલાને સારવાર આપીને સરાહનિય કામગીરી કરી હતી. પોલીસ કર્મચારી કે.કે.ધોલિયા દ્વારા કાંગારૂ સર્કલ પાસે રવિવારી માર્કેટમાં ઢળી પડેલી મહિલાને મોંથી શ્વાસ આપવાની સાથે સીપીઆર આપ્યા હતાં.