સુરતમાં નશાના વેપલા પર પોલીસ દ્વારા ‘નો ડ્રગ્સ ઈન સુરત’ અભિયાન ચલાવવામાં આવી રહ્યું છે. ત્યારે છાસવારે પોલીસ દ્વારા બાજનજર રાખીને આ પ્રકારનો વેપલો ચલાવનારાને ઝડપી લેવામાં આવે છે. ત્યારે સારોલી પોલીસે ચેકપોસ્ટ પરથી બાતમીના આધારે ૮ કિલો ચરસ ઝડપી લેવામાં આવ્યું છે. સરોલી પોલીસે ચોક્સસ બાતમીના આધારે નશીલા પદાર્થોની હેરફેર અને વેચાણના કૌભાંડને ઝડપી પાડવાની કવાયતના ભાગરૂપે ૮ કિલો ચરસ ઝડપી પાડ્યું છે. ૨ નેપાળી યુવાનોની ધરપકડ કરી પોલીસે વધુ પૂછપરછ હાથ ધરી છે.
સારોલી પોલીસે બાતમીના આધારે નશીલો પદાર્થ ઝડપી પાડ્યો છે. પોલીસને માહિતી મળી હતી કે ૮ કિલો ચરસ લાવવામાં આવ્યું છે. સુરત ના સીમાડા ચેકપોસ્ટ પાસે પોલીસે વોચ ગોઠવી હતી. બાતમી અનુસારના બે યુવકો નજરે પડતા તેમની અટકાયત કરી તલાસી લેતા ચરસ ઝડપાયું હતું. સરોલી પોલીસે કુલ ૧૧ લાખ રૂપિયાનું ચરસ કબ્જે કર્યું છે.
ચરસનો જથ્થો બન્ને યુવકો નેપાળથી લાવ્યા હતા. સુરતના સીમાડા ચેકપોસ્ટ પાસેથી બન્ને યુવકોને ઝડપી તપાસ કરવામાં આવી રહી છે. પોલીસે સમગ્ર બાતમીના આધારે ઓપરેશન પાર પાડયું છે.
આ પણ વાંચો :-
