- Red Alert In Gujarat : આજથી 3 દિવસ ગુજરાતમાં ભારે વરસાદની આગાહી. આજે, કાલે અને પરમ દિવસે ગુજરાતમાં વરસાદની આગાહી. આજે સૌરાષ્ટ્ર અને કચ્છમાં ભારે વરસાદની આગાહી.
ગુજરાતમાં ચોમાસાની બીજી ઈનિંગ બરાબરની જામી ગઈ છે. લગભગ પોણા ભાગનું ગુજરાત ભીંજાય જાય તેવી આગાહી આવી છે. વરસાદ બરાબરની ધબધબાટી બોલાવશે. હવામાન ખાતાએ તો કહી દીધું છે કે ગુજરાતમાં ૧૦ જુલાઈ સુધી ભારેથી અતિભારે વરસાદની આગાહી છે. તો હવે હવામાન નિષ્ણાત અંબાલાલ પટેલે પણ આગાહી કરીને કહ્યું કે જુલાઈમાં ચોમાસાની જમાવટ રહેશે. સાથે જ તેમણે કહ્યું કે કેમ જુલાઈ મહિનો ભારે રહેશે.
રાજ્યભરમાં એકધારો વરસાદ રહેશે :
અંબાલાલ પટેલે જણાવ્યું કે પુનર્વસુ નક્ષત્રના કારણે જુલાઈમાં ભારે વરસાદ થઈ રહ્યો છે. ત્યાર બાદ પુષ્ય નક્ષત્રમાં પણ રાજ્ય સહિત દેશમાંમાં ભારે વરસાદ થશે. આ ચોમાસું અતિ વિશિષ્ટ પ્રકારનું રહેશે જેમાં ખૂબ વરસાદ થશે. વાદળો નીચલા સ્તરે જુલાઈ મહિનામાં હોય છે. ૧૧ જુલાઈ બાદ વરસાદમાં રાહત મળશે. પરંતુ તેના ચાર દિવસ બાદ ફરી એકવાર વરસાદ ૧૫ જુલાઈ બાદ શરૂ થશે. જે લગભગ ૨૦ જુલાઈ સુધી રાજ્યભરમાં એકધારો વરસાદ રહેશે.
આ પણ વાંચો :-
- નવી બંધાઈ રહેલી ઈમારતની માટીની ભેખડ ઘસતાં ૦૪ શ્રમજીવીઓ માટીમાં દબાયા
- દાંડીયા રાસના ક્લાસમાં હિન્દુની ઓળખ આપી કોચિંગ માટે વિધર્મી યુવકને રખાતા બજરંગ દળનો હોબાળો
