કોલકાતાની હોસ્પિટલમાં મહિલા ડૉક્ટર પર બળાત્કાર અને હત્યાના વિરોધમાં ‘નબન્ના અભિયાન’ વિરોધ હિંસક બન્યો હતો. વહીવટીતંત્ર પહેલાથી જ આંદોલનમાં હિંસાનો અંદાજ લગાવી રહ્યું હતું, તેથી 6000થી વધુ પોલીસકર્મીઓને તૈનાત કરવામાં આવ્યા હતા. પોલીસે આ પાછળ રાજકીય ષડયંત્ર હોવાના આક્ષેપો પણ કર્યા હતા.
મળતી માહિતી મુજબ, વિદ્યાર્થીઓએ નબન્ના વિરોધ દરમિયાન બેરિકેડ તોડી નાખ્યા હતા. પ્રદર્શનકારીઓએ પથ્થરમારો પણ કર્યો, જે બાદ પોલીસે લાઠીચાર્જ કર્યો. પ્રદર્શનકારીઓને વિખેરવા માટે ટીયર ગેસના શેલ પણ છોડવામાં આવ્યા હતા. ઘણા પ્રદર્શનકારીઓની અટકાયત પણ કરવામાં આવી છે.
જ્યારે પ્રદર્શનકારીઓ સતત આગળ વધવાનો પ્રયાસ કરી રહ્યા છે. પરંતુ પોલીસ તેમને વોટર કેનનનો ઉપયોગ કરીને પાછળ ધકેલી રહી છે. આ સ્થળે મોટી સંખ્યામાં પોલીસ દળ તૈનાત છે. જેના પગલે વિદ્યાર્થીઓ આગળ જતાં રોકવામાં આવી રહ્યા છે. વિદ્યાર્થીઓના આ પ્રદર્શનને રોકવા માટે કોલકાતા પોલીસે ઘણા રસ્તાઓ બંધ કરી દીધા છે. તેમજ ડ્રોન દ્વારા સર્વેલન્સ કરવામાં આવી રહ્યું છે.
મમતા બેનર્જી તેમના કાર્યાલયમાં હાજર હતા જ્યારે વિરોધીઓએ બેરિકેડ તોડી નાખ્યા અને પોલીસ પર પથ્થરમારો શરૂ કર્યો. હાવડા પોલીસે કહ્યું કે પહેલાથી જ અથડામણની શક્યતા હતી તેથી તોફાન વિરોધી વાહનો તૈનાત કરવામાં આવ્યા હતા. બપોરે 1 વાગ્યાની આસપાસ હાવડા બ્રિજ પર સૌથી પહેલા વોટર કેનનનો ઉપયોગ કરવામાં આવ્યો હતો. આ પછી જ્યારે સંતરાગાછી પાસે પ્રદર્શનકારીઓ નિયંત્રણ બહાર જવા લાગ્યા તો ટીયર ગેસના શેલ છોડવા પડ્યા. પોલીસનું કહેવું છે કે પશ્ચિમ બંગા વિદ્યાર્થી સમાજ એક રાજકીય પક્ષ સાથે સંકળાયેલો છે.
મમતા સરકારે આ માર્ચને ગેરકાયદે ગણાવી હતી અને કહ્યું હતું કે ભાજપ સરકાર વિરુદ્ધ ષડયંત્ર કરી રહી છે. નબન્ના પ્રચાર કૂચ દરમિયાન દેખાવકારોની પોલીસ સાથે અથડામણ થઈ હતી. પોલીસે પ્રદર્શનકારીઓને કાબૂમાં લેવા માટે 19 જગ્યાએ બેરિકેડ લગાવ્યા હતા. વિરોધીઓએ સચિવાલયની સામેના બેરિકેડ તોડી નાખ્યા હતા. આ પછી પોલીસે વોટર કેનનનો ઉપયોગ કર્યો અને લાઠીચાર્જ પણ કર્યો.
નબન્ના ભવનની આસપાસ 160 થી વધુ DCRF જવાનોને તૈનાત કરવામાં આવ્યા છે. મુખ્ય સચિવ, ગૃહ સચિવ, ડીજીપી નબન્ના ભવનમાં રહેશે. સીપી વિનીત ગોયલ પોલીસ હેડક્વાર્ટરના કંટ્રોલ રૂમમાંથી નિયંત્રણ કરશે. મળતી માહિતી મુજબ, મુખ્યમંત્રી મમતા બેનર્જી પણ નબન્ના ભવન પહોંચી શકે છે.
આ પણ વાંચો :-
