સમાજવાદી પાર્ટીના સ્થાપક મુલાયમ સિંહ યાદવના નાના પુત્ર અને અખિલેશ યાદવના ભાઈ પ્રતીક યાદવનું 38 વર્ષની વયે નિધન થયું છે. પ્રતીક યાદવ એક પ્રભાવશાળી રાજકીય પરિવારમાંથી આવતા હોવા છતાં તેમણે હંમેશા રાજકારણથી દૂરી જાળવી રાખી હતી. મીડિયા રિપોર્ટસ અનુસાર લંડનની લીડ્સ યુનિવર્સિટીમાંથી MBA કરનાર પ્રતીકે રિયલ એસ્ટેટ અને ફિટનેસ ક્ષેત્રમાં પોતાની કારકિર્દી બનાવી હતી.

મીડિયા અહેવાલ અનુસાર પ્રતીક યાદવની કુલ સંપત્તિ કરોડોમાં હોવાનો અંદાજ છે. રિયલ એસ્ટેટ વ્યવસાયમાં તેમની અંદાજિત સંપત્તિ 6-7 કરોડ આંકવામાં આવી હતી. આ ઉપરાંત, લખનૌમાં હાઈ-પ્રોફાઈલ જીમ અને ફિટનેસ સેન્ટર્સ દ્વારા પણ તેઓ મોટી કમાણી કરતા હતા. જો કે તેઓ લક્ઝરી કારના શોખીન હતા અને તેમની પાસે 5 કરોડની કિંમતની લેમ્બોર્ગિની સહિત રેન્જ રોવર જેવી ગાડીઓનું શાનદાર કલેક્શન પણ હતું.

પ્રતીક યાદવ રિયલ એસ્ટેટ અને જીમ વ્યવસાયની સાથે લકઝરી કારના શોખીન હતા. તેમની પાસે કાર કલેક્શનમાં આશરે ₹5 કરોડની કિંમતની લેમ્બોર્ગિની શામેલ છે તે વાત પરથી જ અંદાજ લગાવી શકાય છે. વધુમાં જણાવીએ તો પ્રતીક યાદવના કાર કલેકશનમાં રેન્જ રોવર્સથી લઈને ટોયોટા ફોર્ચ્યુનર્સ સુધીની લક્ઝરી કારનો સમાવેશ થાય છે. તેઓ કાર રેસિંગનો પણ શોખીન હતા.

ઉલ્લેખનીય છે કે એક અગ્રણી રાજકીય પરિવાર સાથેના સંબંધો હોવા છતાં, પ્રતીક યાદવે હંમેશા પોતાને રાજકારણથી દૂર રાખ્યા છે. તેમણે પોતે એક ઇન્ટરવ્યુમાં કહ્યું હતું કે તેઓ શક્ય હોય ત્યાં સુધી રાજકારણમાં પ્રવેશ કરશે નહીં. આ જ કારણ છે કે, સમાજવાદી પરિવારમાંથી હોવા છતાં, તેમણે અત્યાર સુધી કોઈ ચૂંટણી લડી નથી. પ્રતીક યાદવે લંડનની લીડ્સ યુનિવર્સિટીમાંથી MBA ની ડિગ્રી મેળવી અને રાજકારણથી દૂર રહીને GIF, ફિટનેસ અને રિયલ એસ્ટેટ ક્ષેત્રોમાં કારકિર્દી બનાવી હતી

સુરત શહેરના એક ૭૨ વર્ષીય સિનિયર સિટીઝનને નિશાન બનાવી સાયબર માફિયાઓએ ‘ડિજિટલ એરેસ્ટ’ના બહાને રૂ. ૧.૪૭ કરોડથી વધુની રકમ પડાવ્યાની ચોંકાવનારી ઘટના સામે આવી છે. સુરત શહેર સાયબર ક્રાઈમ સેલે આ હાઈપ્રોફાઈલ કેસમાં ટેકનિકલ સર્વેલન્સ અને બેંક ટ્રાન્ઝેક્શનના આધારે અમદાવાદના ગોતા વિસ્તારમાંથી મુખ્ય આરોપી ઉર્જિત સચ્ચિદાનંદ કવિની ધરપકડ કરી છે.

આરોપીએ વૃદ્ધને મની લોન્ડરિંગ અને દેશવિરોધી પ્રવૃત્તિના ખોટા કેસમાં ફસાવી સતત ૨૮ દિવસ સુધી માનસિક દબાણમાં રાખી આ જંગી રકમ પડાવી લીધી હતી.

સાયબર ગઠિયાઓએ ફરિયાદી વૃદ્ધને ફોન કરી પોતે મુંબઈ સાયબર ક્રાઈમ અને CBI ઓફિસર હોવાની ઓળખ આપી હતી. ગઠિયાઓએ એવી સ્ક્રિપ્ટ રચી હતી કે, ‘તમારા ઓળખ કાર્ડના નંબર પરથી લેવાયેલા સીમકાર્ડનો ઉપયોગ જેટ એરવેઝના નરેશ ગોયલના મની લોન્ડરિંગ કેસમાં થયો છે અને તેનાથી દેશવિરોધી મેસેજ મોકલાયા છે.’ આ સાંભળી ગભરાઈ ગયેલા વૃદ્ધને સતત ૨૮ દિવસ સુધી વીડિયો કોલ પર નજરકેદ હેઠળ રાખી ‘ડિજિટલ એરેસ્ટ’ કરાયા હતા.સાયબર ક્રાઈમની ટીમે જ્યારે તપાસ હાથ ધરી ત્યારે માલૂમ પડ્યું કે પીડિતના રૂ. ૧.૪૭ કરોડમાંથી રૂ. ૩૯ લાખ સીધા જ અમદાવાદના રહેવાસી ઉર્જિત કવિના ICICI બેંકના ખાતામાં ટ્રાન્સફર થયા હતા.

અમદાવાદના ‘સેવી સ્વરાજ-૧’ ફ્લેટમાં દરોડો પાડી પોલીસે ઉર્જિતને ઝડપી લીધો હતો. પોલીસ તપાસમાં ખૂલ્યું છે કે આરોપીના આ એકાઉન્ટમાં અત્યાર સુધીમાં કુલ રૂ. ,૮૪,૯૩,૬૨૮ના શંકાસ્પદ વ્યવહારો થયા છે, જે દેશભરના લોકો સાથે થયેલી છેતરપિંડીના હોવાની આશંકા છે. NCCRP પોર્ટલ મુજબ મુખ્ય સૂત્રધાર ઉર્જિત કવિના આ એક જ એકાઉન્ટ વિરુદ્ધ દેશ વિવિધ રાજ્યોમાં ૧૨ ફરિયાદો નોંધાઈ ચૂકી છે.

પશ્ચિમ બંગાળના હુગલી જિલ્લામાં એક ચોંકાવનારી ઘટના સામે આવી છે, જ્યાં હુગલી સ્ટેશન નજીક આવેલા હૉકર્સ માર્કેટના ધાબા પરથી મોટી માત્રામાં ધારદાર હથિયારો અને દેશી બોમ્બ મળી આવ્યા છે. ખાસ વાત એ છે કે, આ માર્કેટની નીચે જ તૃણમૂલ કોંગ્રેસ (TMC)નું પાર્ટી કાર્યાલય આવેલું હોવાથી સમગ્ર વિસ્તારમાં ભારે ચકચાર મચી ગઈ છે.

બાતમીના આધારે પોલીસે કર્યો દરોડો

પોલીસને ગુપ્ત બાતમી મળતા તાત્કાલિક દરોડા પાડવામાં આવ્યા હતા. તપાસ દરમિયાન ડબ્બાઓમાં છુપાવી રાખવામાં આવેલા દેશી બોમ્બ અને તીક્ષ્ણ હથિયારોનો જથ્થો મળી આવ્યો હતો. પોલીસે સ્થળ પરથી તમામ શંકાસ્પદ સામગ્રી જપ્ત કરી આગળની કાર્યવાહી હાથ ધરી છે.

બોમ્બ સ્ક્વોડ અને પોલીસની ટીમે શરૂ કરી તપાસ

ઘટનાની જાણ થતાં જ બોમ્બ સ્ક્વોડ અને પોલીસની વિશેષ ટીમ સ્થળ પર પહોંચી હતી અને સમગ્ર વિસ્તારને કોર્ડન કરી તપાસ શરૂ કરી હતી. આ ઘટનાને પગલે વિસ્તારમાં ચુસ્ત પોલીસ બંદોબસ્ત ગોઠવી દેવામાં આવ્યો છે અને સુરક્ષા વ્યવસ્થા વધુ કડક બનાવવામાં આવી છે.