Home Blog Page 872

ફિલ્મ જગતમાં શોકની લહેર અભિનેતા જુનિય મેહમૂદે ૬૭ વર્ષમાં અંતિમ શ્વાસ લીધા

admin
-
0

એક સમયમાં સૌથી પ્રસિદ્ધ બાળ કલાકાર તરીકે પ્રખ્યાત જુનિયર મેહમૂદ ઉર્ફે નઈમ સૈયદનું નિધન થઇ ગયું છે. તેમણે ગુરુવાર અને શુક્રવારની મધ્યરાત્રિએ સવારે ૨.૦૦ વાગ્યે મુંબઈના ખારમાં તેમના ઘરે અંતિમ શ્વાસ લીધા હતા. ૬૭ વર્ષના જુનિયર મહેમૂદ છેલ્લા કેટલાક સમયથી પેટના કેન્સરથી પીડિત હતા, પરંતુ થોડા દિવસો પહેલા જ તેમને આ બીમારી હોવાની જાણકારી મળી હતી.

જુનિયર મહમૂદના પુત્ર હસનૈને જણાવ્યું હતું કે માત્ર ૧૮ દિવસ પહેલા જ તેમના પિતાને પેટના કેન્સર (છેલ્લો સ્ટેજ) હોવાની માહિતી મળી હતી. દેશની સૌથી મોટી કેન્સર હોસ્પિટલ ટાટા મેમોરિયલ હોસ્પિટલના ડીને કહ્યું હતું કે તેમના જીવનના માત્ર બે મહિના જ બચી ગયા હતા અને આવી સ્થિતિમાં તેમને હોસ્પિટલમાં રાખવા યોગ્ય નથી. આજે તેમને શુક્રવારની નમાઝ બાદ સુપર્દ એ ખાક કરવામાં આવશે.

જુનિયર મેહમૂદ હોસ્પિટલમાંથી ઘરે શિફ્ટ થયો ત્યારે ઘણા કલાકારો તેમને મળવા આવ્યા હતા. જોની લીવર, જીતેન્દ્ર અને માસ્ટર રાજુ ગયા અને જુનિયર મહેમૂદને મળ્યા. તેની હાલત જોઈને જીતેન્દ્ર અને માસ્ટર રાજુની આંખો પણ ભીની થઈ ગઈ. તમને જણાવી દઈએ કે, જુનિયર મહેમૂદે પોતાના કરિયરમાં ૨૦૦ થી વધુ ફિલ્મોમાં કામ કર્યું હતું. માત્ર હિન્દી જ નહીં, જુનિયર મેહમૂદે લગભગ ૭ ભાષાઓની ફિલ્મોમાં કામ કર્યું છે. જુનિયર મેહમૂદ ‘પરવરિશ’, ‘મેરા નામ જોકર’, ‘દો ઔર દો પાંચ’ જેવી ફિલ્મો માટે જાણીતું છે.

આ પણ વાંચો :-

ઝારખંડમાં ધીરજ સાહુ પર ITના દરોડામાં એટલા રૂપિયા મળ્યાં કે ટ્રક નાનો પડી ગયો

admin
-
0

ઝારખંડમાં કોંગ્રેસ પાર્ટીના રાજ્યસભા સાંસદ ધીરજ સાહુના ઠેકાણાઓ પર ઈન્કમ ટેક્સની રેડ ચાલી રહી છે. આ રેડમાં જાણે કોઈ ખજાનો મળી ગયો હોય તેટલા રૂપિયા રોકડા મળી રહ્યા છે. રાંચી, લોહરદગા અને ઓડિશાના અનેક ઠેકાણાઓ પર આ રેડ પાડવામાં આવી હતી. સાંસદ પાસેથી એટલા બધા રૂપિયા મળ્યા કે તેને લઈ જવા માટે તંત્રને ટ્રકની જરૂર પડી.

બલદેવ સાહુ અને ગ્રુપ ઓફ કંપનીઝની ઓફિસમાં નોટોથી ભરેલી ૯ તિજોરીઓ મળી આવી હતી. જ્યારે કોથળીઓ ઓછી પડી ત્યારે નોટોને બોરીઓમાં ભરી હતી. ત્યારબાદ તેને ટ્રકમાં ભરીને બેંકમાં લઈ જવામાં આવી. એવું કહેવામાં આવી રહ્યું છે કે નોટ ગણતરી માટે ઉપયોગમાં લેવાતા મશીનોમાંથી ઍક ખરાબ થઈ ગયું હતું. IT વિભાગે સૌથી પહેલા બળદેવ સાહુ કંપનીની પાર્ટનરશીપ ફર્મ પર કાર્યવાહી શરૂ કરી હતી. પૈસા લઈ જવા માટે ૧૫૭ બેગ લાવવામાં આવી, બેગ ઓછા પડ્યા તો કોથળામાં પૈસા ભરવામાં આવ્યા અને તે બાદ ટ્રકમાં તમામ નાણાં ભરીને બેન્કમાં લઈ જવામાં આવ્યા.

ધીરજ સાહુ હાલ રાજ્યસભાના સાંસદ છે, આ પહેલા તેઓ ચતરા લોકસભા સીટ પરથી બે વખત કોંગ્રેસની ટિકિટ પર ચૂંટણી લડી ચૂક્યા છે, જોકે બંને ચૂંટણીમાં હારનો સામનો કરવો પડ્યો ધીરજ સાહુ ત્રણ વખતથી સતત રાજ્યસભાના સાંસદ છે, તેમના ભાઈ શિવપ્રસાદ સાહુ લોકસભાના સાંસદ રહી ચૂક્યા છે. ધીરજ પ્રસાદ સાહુ વર્ષ ૨૦૦૯માં પહેલીવાર રાજ્યસભાના સાંસદ બન્યા હતા, જે બાદ૨૦૧૦માં બીજી વાર અને ૨૦૧૮માં ત્રીજી વાર તેઓ સાંસદ બન્યા.

બલદેવ સાહુ એન્ડ ગ્રુપ ઓફ કંપનીઝ એ બૌધ ડિસ્ટિલરી પ્રાઈવેટ લિમિટેડની ભાગીદારી પેઢી છે. આ જૂથ પાસે ઘણા વ્યવસાયો છે, જેમાં ક્વાલિટી બોટલર્સ પ્રાઈવેટ લિમિટેડ (MFL બોટલિંગ), કિશોર પ્રસાદ વિજય પ્રસાદ બેવરેજીસ પ્રાઈવેટ લિમિટેડ બલદેવ સાહુ ઈન્ફ્રા પ્રાઈવેટ લિમિટેડ વગેરેનો સમાવેશ થાય છે. આ બાબતે રાજ્યસભાના સાંસદ ધીરજ સાહુનો સંપર્ક કરવાનો પ્રયાસ કરવામાં આવ્યો હતો, પરંતુ તેમનો મોબાઈલ બંધ હતો.

આ પણ વાંચો :-

RBIએ સતત પાંચમી વાર રેપો રેટમાં કોઈ જ ફેરફાર નહીં, ૬.૫ ટકા પર યથાવત

admin
-
0

ભારતીય રિઝર્વ બેંકએ ફરી એક વાર રેપો રેટમાં કોઈ ફેરફાર નહીં કરીને સ્થિર રાખવાનો નિર્ણય કર્યો છે. દર બે મહિને યોજાતી ૩ દિવસની મોનેટરી પોલિસી કમિટી બેઠક બુધવારે શરૂ થઈ હતી. આજે ભારતીય રિઝર્વ બેંકના ગવર્નર શક્તિકાંત દાસે નાણાકીય સમીક્ષા બેઠકના પરિણામોની જાહેરાત કરી હતી અને કેન્દ્રીય બેંકે ફરી એકવાર રેપો રેટ યથાવત રાખ્યો છે અને તેમાં કોઈ ફેરફાર કર્યો નથી.

બેન્કને રિઝર્વ બેન્કમાંથી ઓછા વ્યાજ પર લોન મળશે તો તેનો ફંડ એકત્ર કરવાનો ખર્ચ ઘટશે. તેના કારણે તે તેના ગ્રાહકોને સસ્તી લોન આપી શકે છે. તેનો અર્થ એ છે કે રેપો રેટ ઓછો થતાં સામાન્ય ગ્રાહકોની હોમ, કાર અથવા પર્સનલ લોન પરના વ્યાજદરમાં ઘટાડો થઈ શકે છે. RBIના નિર્ણય બાદ ફરી એકવાર વ્યાજ દર ૬.૫ ટકા પર યથાવત છે. જો કે લોકોને આશા હતી કે આ વખતે રિઝર્વ બેંક રેપો રેટમાં ઘટાડો કરીને સસ્તી લોનની કરવામાં આવશે પરંતુ એવું થયું નથી. એટલે કે સસ્તી લોન માટે લોકોએ હજુ વધુ રાહ જોવી પડશે.

RBIએ તેની એપ્રિલની બેઠક બાદથી રેપોરેટના દરમાં કોઈ ફેરફાર કર્યો નથી. આરબીઆઈએ છેલ્લે આ વર્ષે ફેબ્રુઆરીમાં રેપો રેટમાં ૨૫ બેસિસ પોઈન્ટનો વધારો કરીને ૬.૫૦ કરવામાં આવ્યો હતો. ફુગાવાને અંકુશમાં લેવા માટે બેંકે મે ૨૦૨૨ થી ફેબ્રુઆરી ૨૦૨૩ સુધી રેપો રેટમાં કુલ ૨.૫ ટકાનો વધારો કર્યો હતો. મે ૨૦૨૨ પહેલા રેપો રેટ ૪ ટકા હતો, જે ફેબ્રુઆરી ૨૦૨૩માં ૬.૫ ટકા પર પહોંચ્યો હતો. આ વખતે રેપો રેટમાં કોઈ વધારો ન થવાને કારણે વ્યાજ દર સ્થિર રહેશે.

આ પણ વાંચો :-

રાજકોટમાં વંદે ભારત ટ્રેન પર પથ્થરમારો

admin
-
0

ગુજરાતનાં ગૃહરાજ્યમંત્રી હર્ષ સંઘવી અમદાવાદથી રાજકોટ જવા માટે વંદે ભારત ટ્રેનમાં મુસાફરી કરી રહ્યા હતા. ત્યારે અજાણ્યા શખ્સોએ રાજકોટ પાસે ટ્રેન પર પથ્થરમારો કર્યો. બિલેશ્વર સ્ટેશન પાસે અસામાજિક તત્વોએ આ હુમલો કર્યો જેના કારણે ટ્રેનમાં નુકસાન પણ પહોંચ્યું છે. સમગ્ર ઘટનાને લઇ રેલવે પોલીસે તપાસ શરૂ કરી દીધી છે.

રાજકોતમાં ગુરુવારે રાતે ૯ કલાકે વંદે ભારત ટ્રેન પર પથ્થરમારો કરાયો છે. રાજકોટ નજીક બિલેશ્વર સ્ટેશન પાસે આ ઘટના બની હતી. આ ટ્રેનમાં ગૃહ રાજ્યમંત્રી હર્ષ સંઘવી પણ મુસાફરી કરી રહ્યા હતા. તે સમયે પથ્થર ફેંકી વંદે ભારત ટ્રેનના કાચને નુકશાન પહોંચાડવાનો પ્રયાસ કરાયો છે. સમગ્ર મામલે રેલવે પોલીસે તપાસ શરૂ કરી છે.

ગુરૂવારે મોડી રાત્રે ગુજરાતના વાહન વ્યવહાર મંત્રી હર્ષ સંઘવીએ રાજકોટ એસટી સ્ટેન્ડની ઓચિંતી મુલાકાત લીધી હતી હતી. તેઓએ એસટીની સુવિધા મામલે માહિતી મેળવી, સાથે જ મુસાફરો સાથે મુલાકાત કરી હતી. ગુરૂવારે સવારે તેઓએ ગાંધીનગર એસટી બસ સ્ટેન્ડની પણ મુલાકાત લીઘી હતી. તો વાહન વ્યવહાર મંત્રી હર્ષ સંઘવી રાજકોટથી એસ.ટી બસમાં મુસાફરી કરી અમદાવાદ પહોંચ્યા હતા. ગુરૂવારે રાત્રે રાજકોટના એસટી સ્ટેન્ડની મુલાકાત લીધા બાદ  રાજકોટથી એસટીમાં સવારી કરી હર્ષ સંઘવી અમદાવાદ પહોંચ્યા હતા.

આ પણ વાંચો :-

અમદાવાદમાં વધું એક ASI પોલીસ કર્મીને લાંચ લેતા ACBએ સકંજામાં લીધા

admin
-
0

અમદાવાદમાં વધુ એક પોલીસ કર્મીને લાંચ લેતા ACBએ સકંજામાં લીધા છે. જેમાં પોલીસતંત્રનો કર્મચારી ઝડપાઈ જતા અન્ય લાંચિયા કર્મચારીઓ સતર્ક થયા છે. આ ઘટનાની જાણકારી મુજબ અમદાવાદ શહેર પોલીસમાં ફરજ બજાવતો જવાન મહિપતસિંહ બારડ ૨૫ હજાર રૂપિયાની લાંચ લેતા એસીબીના હાથે રંગેહાથ દબોચાયો હતો. આ કર્મચારી હાલમાં એલિસબ્રિજ પોલીસ સ્ટેશનમાં તૈનાત હોવાની જાણકારી સામે આવી છે તેમજ ત્યાં તે ASI તરીકે ફરજ બજાવતો હોવાનું પણ જાણવા મળ્યું છે. મહિપતસિંહ બારડે ફરિયાદી પાસેથી રૂપિયાની લેતીદેતીના એક કેસમાં સમાધાન કરાવી આપવા માટે ૨૫ હજાર રૂપિયાની લાંચ માગી હતી ત્યારે આ લાંચ લેતા ભ્રષ્ટ પોલીસ કર્મચારીને એસીબીએ ઝડપી લીધો છે.

અમદાવાદમાં આની પહેલા પણ ભ્રષ્ટ પોલીસ કર્મચારીઓના અનેક કિસ્સાઓ સામે આવ્યા છે. જેમાં એસીબી દ્વારા સમયાંતરે કાર્યવાહી પણ કરવામાં આવતી હોય છે. ખાસ કરીને પોલીસ તંત્રમાં ફરિયાદી પાસેથી લાંચ લેવાની અનેક ઘટનાઓ સામે આવતી હોય છે. જે લોકો કોર્ટ કેસના ચક્કરમાં નથી ફસાવા માગતા એવા લોકોને આ ભ્રષ્ટ સરકારી અમલદારો ટાર્ગેટ કરતા હોય છે તેમજ રૂપિયા પડાવતા હોય છે.

આ અરજીમાં ફરિયાદ નહીં કરવા તથા ફ્રીઝ કરેલું એકાઉન્ટ ખોલવા માટે સાયબર ક્રાઇમના જ કોન્સ્ટેબલ હરદીપસિંહ પરમારે ૧૦ લાખ રૂપિયાની લાંચની માંગણી કરી હતી, જેમાંથી ૭ લાખ રૂપિયાની લાંચ ટુકડે-ટુકડે લઈ લીધી હતી. ૭ લાખની વસૂલી કર્યા બાદ બાકીના ૩ લાખની કોન્સ્ટેબલે માંગણી કરતા ફરિયાદીએ ACBનો સંપર્ક કર્યો હતો. ACBએ ટ્રેપ ગોઠવી હતી. લાંચની રકમ લેવા આવનાર હરદીપસિહને ACBએ કેમ્પ હનુમાન ટેલિફોન એક્સચેન્જ પાસેથી લાંચ લેતા રંગે હાથે ઝડપી લીધો હતો. આ અંગે ACBએ ગુનો પણ નોંધ્યો હતો.

આ પણ વાંચો :-

ગુજરાતના કચ્છ સહિત ૪ રાજ્યોમાં ભૂકંપના આંચકા અનુભવાયા

admin
-
0

આજે વહેલી સવારે ભારતના અનેક રાજ્યોમાં ભૂકંપના આંચકાથી ધરા ધ્રૂજી હતી. ગુજરાત સહિત દેશના ૪ રાજ્યમાં ભૂકંપના આંચકા અનુભવાયા છે. જેમાં કચ્છના રાપરમાં ૪.૨ની તીવ્રતાનો ભૂકંપનો આંચકો અનુભવાયો. તો બીજી તરફ, મેઘાલયના શિલોંગમાં ૩.૮ની તીવ્રતાનો ભૂકંપ, તમિલનાડુના ચેંગલપટ્ટુમાં ૩.૨ની તીવ્રતાનો ભૂકંપ અને કર્ણાટકના વિજયપુરમાં ૩.૧ની તીવ્રતાનો ભૂકંપ અનુભવાયો. આ સમય લોકોનો કામ-ધંધે જવાનો હોવાથી અફરા-તફરી સર્જાઈ હતી. રાપરથી ૧૯ કિ.મી. દૂર ભૂકંપનું કેન્દ્ર નોંધાયું હતું. જોકે હજુ સુધી કોઈ મોટી જાનહાનિના અહેવાલ સામે આવ્યા નથી.

આજે ભારતના અનેક રાજ્યોમાં ભુકંપના આંચકા અનુભવાયા છે. જેમાં કર્ણાટકના વિજયપુરા, ગુજરાતના કચ્છના રાપર તાલુકામાં, તમિલનાડુના ચેંગલપટ્ટુ તથા મેંઘાલયમાં ભૂકંપના આંચકા અનુભવાયા છે. કર્ણાટકના વિજયપુરામા સવારે ૬.૫૨ કલાકે ૩.૧ની તીવ્રતાના આંચકા અનુભવાયા હતા. તો ઉત્તરી તમિલનાડુના ચંગલપટ્ટુ જિલ્લામા શુક્રવારે સવારે ૭.૩૯ કલાકે ભૂંકપના આંચકા અનુભવાયા હતા. જે જમીનથી ૧૦ કિલોમીટર દૂર કેન્દ્રબિંદુ અનુભવાયું હતું. રિક્ટર સ્કેલ પર તેની તીવ્રતા ૩.૨ રહી. તો ગુજરાતના કચ્છ જિલ્લામાં સવારે ૯ કલાકે રાપર તાલુકામાં ૩.૯ ની તીવ્રતાનો આંચકો અનુભવાયો.

આ પણ વાંચો :-

૦૮ ડિસેમ્બર, ૨૦૨૩/ શુક્રવારના આજના દિવસે વૃશ્ચિક, તુલા અને મીન રાશિના જાતકોના ભાગ્યનો તારો ચમકવાનો છે, જુઓ આજનું રાશિ ભવિષ્ય

admin
-
0

મેષ

માન‌સિક સવસ્થતા જળવાશે, પરંતુ આવકની પ‌રિ‌‌‌સ્થિ‌તિ કાલ જેવી જ રહેશે. એમાં કોઇ સુધારો જણાતો નથી. ત‌બિયત પણ નાદુરસ્ત રહેતી જણાશે. શરદી, ખાંસી થાકની સમ્સયા યથાવત રહેશે. ધંધામાં  પ્રગ‌‌િત‌‌‌જણાય.

વૃષભ

‌આર્થિક દૃ‌‌ષ્ટિએ ‌‌દિવસ સારો છે. બપોર બાદ આવકમાં ઘટાડો થતો જણાય. તથા બપોર બાદ થોડી ત‌બિયત કથળતી જણાય. પાણીથી થતા રોગોનો ઉપદ્રવ રહે. ભાગ્યસાથ આપતું જણાય. ધંધાકીય સફળતા મળે.‌

મિથુન

નાણાંકીય વ્યવહારો થી ફાયદો થતો જણાય. નવી આવક મેળવવાનાં સ્ત્રોત ખુલતા જણાય. પ‌‌રિવારમાં આનંદનું વાતાવરણ રહે. વાહન સુખ- ‌મિલકત સુખમાં વધારો થતો જણાય. સંતાનની સફળતા જોઇને આનંદ થાય. આરોગ્ય જળવાશે.

કર્ક

કરેલા કર્યો સફળ થતા જણાય. પ‌રિણામે આનંદમાં વૃ‌‌ધ્ધિ થાય. ‌મિત્ર વર્તુળમાં વધારો, નવી ઓળખાણ થાય. ભાગ્યનો સાથ મળતો જણાય. ધા‌ર્મિક કાર્યનું આયોજન શક્ય બને. યાત્રા પ્રવાસના યોગ બને છે. આરોગ્ય કથળનું જણાય.

‌સિંહ
‌‌

દિવસની શરૂઆતમાં આવકની વૃ‌‌‌ધ્ધિ થતી જણાય. બપોર પછી સામાન્ય ‌પ‌રિવારના તમામ સભ્યો વચ્ચે પ્રેમ જળવાશે. બપોરબાદ કાર્યસફળતામાં વૃ‌‌ધ્ધિ થતી જણાય, સંતાન સાથેના સંબંધોમાં અસંતોષ વધતો જણાય.

કન્યા

આપના માટે ઉત્તમ ‌દિવસ. માન‌‌સિક આવક બરકરાર રહે. છતાં ‌વિઘ્‍નસંતોષીઓનો સામનો કરવો પડે. ‌‌પ્રિન્ટીંગ પ્રેસ, કોમ્પયુટરને લગતા ધંધામાં લાભ થતો જણાય. દામ્પત્ય જીવમમાં આનંદ ઉત્સાહનો સંસાર થતો જણાય.

તુલા

‌આર્થિક દૃ‌ષ્ટિએ આજનો ‌‌‌‌દિવસ ‌મિશ્રફળ આપતો જણાશે. બપોર સુધી આવક ઓછી જણાશે. બપોર બાદ આવકમાં વધારો. પ‌રિવારમાં આનંદ તથા જીવનસાથી સાથે પ્રેમ જળવાશે. સ્વાસ્થ્ય સારૂ રહેશે. નોકરી ધંધામાં પ્રગ‌તિ.

વૃ‌‌શ્ચિક

ગઇકાલનો આનંદ આજે બપોર સુધી જળવાશે. ત્યારબાદ આવકમાં ઘટાડો થતો જણાય. બપોર પછી અગત્યના રોકણો ટાળવા. જોકે સંઘર્ષબાદ થોડી સફળતા મળતી જણાય. આરોગ્યની કાળજી રાખવી. સ્નાયું સંબંધી તકલીફ જણાય.

ધન

ધંધામાં સફળતા મળતી જણાય. નવો ધંધો શરૂ કરવાની વ્યવસ્થા સરળ બને.‌ ‌આર્થિક રીતે આવક વધતી જણાય. ‌મિત્રો થી લાભ મળતો જણાય, છતાં પણ માન‌સિક રીતે અજંપો રહેતો જણાય. આરોગ્યની કાળજી રાખવી જરૂરી. શરદી, કફનો ઉપદ્રવ રહે.

મકર

માન‌સિક રીતે મજબુતીનો અનુભવ થશે. નાણાકીય ક્ષેત્રે સફળતા. દામ્પત્ય જીવનમાં પ્રેમનો અનુભવ થશે. ભાગ્ય બળવાન છે. નસીબથી આવક વધતી જણાય. યાત્રા – પ્રવાસના યોગ બને છે. નોકરી, ધંધામા સફળતા. નવી નોકરી કે ધંધો શક્ય બને.

કુંભ

બપોર સુધી માન‌સિક પ‌રિતાપ રહે. કાર્યમા અસફળતા મળતી જણાય. પરંતુ બપોર બાદ‌‌ ‌પ‌‌રિ‌સ્થિ‌તિમાં સુધારો અનુભવાય. નસીબનો સાથ મળતાં આવક વધતી જણાય. પ‌રિવારમાં વાતાવરણ સુધરે. આરોગ્યમા સુધારો થતો જણાય.

મીન

બપોર સુધી ‌દિવસ સારો છે. આવરમાં વધારો. ‌પ‌‌રિવારમાં શાંતિ, સંતાનોથી પ્રેમ જળવાય, જીવનસાથી સાથે સંબંધોમા મધુરતા જણાય. બપોર પછી આવક ઘટતી જણાય. ‌‌‌ત‌બિયત મા અસ્વસ્થતા અનુભવાય. બપોર પછી અગત્યના ‌‌‌નિર્ણયો ટાળવા.

આ પણ વાંચો :-

ઇઝરાઇલ-હમાસ સંઘર્ષ વચ્ચે સ્ટારબક્સને મોટો ફટકો, બહિષ્કારને કારણે ૧૧ અબજ ડોલરનું નુકસાન

admin
-
0

ઇઝરાઇલ અને હમાસ વચ્ચે શરુ થયેલા યુદ્ધ બાદ મધ્યપૂર્વમાં તણાવ વધી રહ્યો છે. ઉપરાંત વૈશ્વિક રાજકીય પરિસ્થિતિમાં પણ તેની અસર જોવા મળી રહી છે. યુદ્ધની અસર અમેરિકાની જાણીતી કોફી ચેઈન સ્ટારબક્સ કોર્પોરેશનની આવક પર થઇ છે, જેના પરિણામે કંપની તેના માર્કેટ પ્રાઈઝના લગભગ $૧૧ બિલિયન ગુમાવ્યા છે. કંપનીના ટોટલ વેલ્યુમાં ૯.૪ ટકાનો ઘટાડો નોંધાયો થયો છે.

સ્ટારબક્સનો તાજેતરનો બહિષ્કાર એ ઇઝરાઇલનું સમર્થન કરવા બદલ વૈશ્વિક બ્રાન્ડ્સના વ્યાપક બહિષ્કારનો એક ભાગ છે. સ્ટારબક્સે ઇજિપ્તમાં ઓછી આવકને કારણે કથિત રીતે નવેમ્બરના અંતમાં કામદારોને છૂટા કર્યા હતા. સ્ટારબક્સના સીઇઓ લક્ષ્મણ નરસિમ્હને જણાવ્યું હતું કે તેઓ કંપનીની વૈવિધ્યસભર ચેનલો અને મેક્રોઇકોનોમિક પડકારો અને બદલાતા કસ્ટમર બિહેવિયર છતાં ગ્રાહકોને જોડવાની તેની ક્ષમતા વિશે આશાવાદી છે.

૧૪ નવેમ્બરે રેડ કપ ડેના પ્રમોશન પછીના ૧૯ દિવસમાં સ્ટારબક્સના શેરમાં ૮.૯૬ ટકાનો ઘટાડો થયો હતો, જે આશરે USD ૧૧ બિલિયનના નુકસાનની બરાબર છે. સ્ટારબક્સના શેર સતત ૧૨ ટ્રેડિંગ સેશન માટે ઘટ્યા હતા, જે ૧૯૯૨માં કંપની જાહેર થયા પછીનો સૌથી લાંબો ઘટાડો છે. કંપનીનો શેર હાલમાં $૯૫.૮૦ પ્રતિ શેરના ભાવે ટ્રેડ થઈ રહ્યો છે, જે તેની $૧૧૫ની વાર્ષિક ઊંચી સપાટીથી નીચે છે.

આ પણ વાંચો :-

દહેજમાં BMW કાર અને ૧૫ એકર જમીન માંગતા લગ્ન રદ થયા, કેરળની ડૉક્ટરની આત્મહત્યા

admin
-
0

કેરળમાં એક ૨૮ વર્ષીય મહિલા ડોકટરે દહેજના કારણે લગ્ન તૂટ્યા બાદ આત્મહત્યા કરી હતી. આ મામલે પોલીસે દુલ્હા અને તેના પરિવાર સામે કેસ નોંધ્યો છે. કહેવામાં આવી રહ્યું છે કે વરપક્ષે કન્યાપક્ષ પાસેથી સોનું, BMW કાર અને ૧૫ એકડ જમીનની માંગ કરી હતી. છોકરાના પરિવારે માંગણી પૂરી ન થતાં લગ્ન તોડી નાખ્યા હતા. રાજ્યના આરોગ્ય મંત્રીએ આ મામલે તપાસના આદેશ આપ્યા છે. આત્મહત્યા કરનાર યુવતીએ મેડિકલ કોલેજના સર્જરી વિભાગમાંથી પોસ્ટ ગ્રેજ્યુએશન કર્યું હતું.

તે તિરુવનંતપુરમ મેડિકલ કોલેજમાં પોસ્ટ ગ્રેજ્યુએશનની વિદ્યાર્થીની હતી. આ મામલે પોલીસે મેડિકલ PG એસોસિએશનના પૂર્વ પ્રદેશ અધ્યક્ષ ડો. રુવાઈઝ ઈએ વિરુદ્ધ કેસ નોંધ્યો છે. તેની સામે આત્મહત્યા માટે ઉશ્કેરવા અને દહેજ પ્રતિબંધક ધારાની કલમો હેઠળ કેસ નોંધવામાં આવ્યો છે. આ મામલો ચર્ચામાં આવ્યા બાદ કેરળના સ્વાસ્થ્ય મંત્રી વીણા જ્યોર્જે તપાસના આદેશ આપ્યા છે. તેમજ મહિલા અને બાળ વિકાસ વિભાગના નિયામકને વહેલી તકે અહેવાલ રજૂ કરવા આદેશો આપવામાં આવ્યા છે.

રુવાઈઝ અને શહાનાના લગ્ન નક્કી થઇ ગયા હતા. પરંતુ આરોપ છે કે રુવાઈઝના પરિવારે દહેજમાં ૧૫૦ પાઉન્ડ સોનું, ૧૫ એકડ જમીન અને એક BMW કાર માંગી રહ્યું હતું. આ પહેલા શહાનાનો પરિવાર ૫૦ પાઉન્ડ સોનું, ૫૦ લાખ રૂપિયાની સંપત્તિ અને એક કાર દેવા માટે રજી થયો હતો. જો કે છોકરાનો પરિવાર આ વાત પર રજી ન થયો અને લગ્ન તોડી દીધા હતા. જેથી શહાનાને આઘાત લાગ્યો અને તે ડિપ્રેશનમાં આવી ગઈ હતી.

શહાના સોમવારે સર્જરી ICUમાં નાઈટ ડ્યુટી જોઈન કરવાની હતી, જ્યારે એક સાથીદારે તેને ફોન કર્યો ત્યારે તેણે જવાબ આપ્યો ન હતો. બાદમાં જ્યારે તેના મિત્રો ફ્લેટ પર પહોંચ્યા ત્યારે તેમને દરવાજો અંદરથી બંધ જોવા મળ્યો હતો. આ પછી તે લોકોએ પોલીસને જાણ કરી. જ્યારે દરવાજો તોડવામાં આવ્યો ત્યારે તે અંદરથી બેભાન હાલતમાં મળી આવી હતી. તેને તાત્કાલિક મેડિકલ કોલેજ હોસ્પિટલમાં લઈ જવામાં આવી હતી જ્યાં ડૉક્ટરોએ તેને મૃત જાહેર કરી હતી.

આ પણ વાંચો :-

પટના હાઈકોર્ટ ૨૨ હજાર B.Ed શિક્ષકોની અયોગ્ય જાહેર, નોકરી ગુમાવશે!

admin
-
0

પટના હાઈકોર્ટના નિર્ણય બાદ બિહારમાં લગભગ ૨૨ હજાર B.Ed શિક્ષકોની નોકરી જોખમમાં છે. બુધવારે પટના હાઈકોર્ટે સુપ્રીમ કોર્ટના નિર્ણયને ટાંકીને B.Ed ડિગ્રી ધારકોને પ્રાથમિક વર્ગો ભણાવવા માટે અયોગ્ય જાહેર કર્યા છે. કોર્ટનું કહેવું છે કે D.El.Ed ધરાવતા લોકો જ પ્રાથમિક વર્ગો એટલે કે ધોરણ ૧ થી ૫ સુધીના શાળાના બાળકોને ભણાવી શકે છે. આ નિર્ણય બાદ બિહારમાં ૨૨ હજાર B.Ed શિક્ષકો નોકરી પર જોખમ તોળાઈ રહ્યું છે.

બુધવારે પટના હાઈકોર્ટના ચીફ જસ્ટિસ વિનોદ ચંદ્રન અને જસ્ટિસ રાજીવ રાયની ડિવિઝન બેંચે પ્રાથમિક શિક્ષકો માટે બેચલર ઑફ એજ્યુકેશન (BED) ડિગ્રી ધારકોને કોઈ રાહત આપી નથી. સુપ્રીમ કોર્ટના આદેશના પ્રકાશમાં પટના હાઈકોર્ટે B.Ed ડિગ્રી ધારકોને પ્રાથમિક શાળાઓમાં ભણાવવા માટે સક્ષમ ગણ્યા નથી. બેન્ચે એક સાથે ત્રણ અલગ-અલગ કેસની સુનાવણી કર્યા બાદ આ નિર્ણય આપ્યો છે. કોર્ટે પોતાને બંધારણની કલમ ૧૪૧ હેઠળ સુપ્રીમ કોર્ટના નિર્ણયથી બંધાયેલો ગણાવ્યો હતો અને રાજ્ય સરકારને નિર્ણયનું પાલન કરવા જણાવ્યું હતું.

બિહારમાં છઠ્ઠા તબક્કાની શિક્ષકની નિમણૂક ૨૦૨૧માં થઈ હતી. આ નિમણૂક પ્રક્રિયા પછી પટના હાઈકોર્ટમાં ઘણી અરજીઓ દાખલ કરાઈ હતી જેમાં પ્રાથમિક શાળાઓમાં શિક્ષકોના પદ પર B.Ed પાસ ઉમેદવારોની નિમણૂક પર પ્રતિબંધની માંગ કરવામાં આવી હતી. આ કિસ્સામાં રાજ્ય સરકારે, NCTEના ૨૦૧૮ના નોટિફિકેશનને ટાંકીને કહ્યું હતું કે NCTE એ B.Ed પાસ ઉમેદવારોને વર્ગ ૧ થી ૫ સુધીના શિક્ષકોની પોસ્ટ પર નિમણૂક કરવાની મંજૂરી આપી છે, પરંતુ હવે કોર્ટે સરકારની આ દલીલને ફગાવી દેતા બીએડ પાસ ઉમેદવારોને મોટા ફટકો પડ્યો છે.

આ પણ વાંચો :-

1...871872873...1,476Page 872 of 1,476