Home Blog Page 851

હિઝબુલના મોસ્ટ વોન્ટેડ આતંકીની દિલ્હી પોલિસે કરી ધરપકડ

admin
-
0

દિલ્હીમાં હિઝબુલ મુજાહિદ્દીનના એક મોસ્ટ વોન્ટેડ આતંકવાદીની ધરપકડ કરવામાં આવી છે. આતંકવાદી પર ૫ લાખ રૂપિયાનું ઈનામ જાહેર કરવામાં આવ્યું હતું. તે જમ્મુ-કાશ્મીરમાં અનેક આતંકી ઘટનાઓમાં વોન્ટેડ હતો. કાશ્મીરમાં અનેક આતંકવાદી ઘટનાઓને અંજામ આપ્યા બાદ તે ભૂગર્ભમાં ગયો હતો. ગુરુવારે દિલ્હી પોલીસના સ્પેશિયલ સેલે આતંકવાદીની ધરપકડ કરી હતી.

અયોધ્યામાં રામ મંદિરમાં મોટો કાર્યક્રમ યોજાનાર છે. ૨૨ જાન્યુઆરીએ યોજાનાર આ કાર્યક્રમમાં વડાપ્રધાન નરેન્દ્ર મોદી અને અન્ય ઘણા VIP પણ હાજરી આપી શકે છે. આ ઉપરાંત પ્રજાસત્તાક દિને દિલ્હીમાં પણ મોટા કાર્યક્રમનું આયોજન કરવામાં આવશે. પરંતુ તે પહેલા રાજધાની દિલ્હીમાં પ્રતિબંધિત સંગઠન હિઝબુલ મુજાહિદ્દીનના એક આતંકીની ધરપકડથી સુરક્ષા એજન્સીઓ એલર્ટ થઈ ગઈ છે.

હાલ પોલીસ આ હિઝબુલ આતંકીની પૂછપરછમાં વ્યસ્ત છે. કહેવામાં આવી રહ્યું છે કે તે ઘણી આતંકી ગતિવિધિઓને અંજામ આપીને ભૂગર્ભમાં ઉતરી ગયો હતો. પરંતુ હવે દિલ્હી પોલીસના સ્પેશિયલ સેલે આ વોન્ટેડ આતંકીને પકડી લીધો છે.

આ પણ વાંચો :-

સારવાર માટે આવેલી મહિલાની તબીયત લથડી, તબીબે તાત્કાલિક CPR આપી જીવ બચાવ્યો

admin
-
0

સલાબતપુરા વિસ્તારમાં આવેલા હજુરી ચેમ્બરમાં આવેલા હોમિયોપેથિક ક્લિનિકમાં એક મહિલા સારવાર માટે આવી હતી. જયાં તબીબ ડોક્ટર અય્યાદ મહિલાને શું તકલીફ થાય છે તે અંગે પૂછપરછ કરી રહ્યા હતા. આ દરમિયાન તબીબ મહિલાનું બીપી માપવા જતા હતા. તે દરમિયાન એકાએક મહિલાની તબિયત લથડી હતી અને મહિલા ઢળી પડી હતી. તેથી તબીબે તાત્કાલિક તબીબે સીપીઆર આપવાનું શરૂ કરી દીધું હતું. આ દરમિયાન ત્યાં અન્ય સ્ટાફ પણ દોડી આવ્યો હતો સમગ્ર ઘટના સીસીટીવીમાં કેદ થઈ ગઈ હતી.

મહિલા અચાનક ઢળી પડતાં ડો. અય્યાઝે તેણીનું બીપી માપવાનો પ્રયાસ કર્યો હતો. જો કે, એ દરમિયાન મહિલા ટેબલ પરથી પણ નીચે પડી ગઈ હતી. આંખોના ડોળા ઉપર ચડી ગયા હતાં. આથી ડો.અય્યાઝે એકક્ષણનો પણ વિલંબ કર્યા વગર તેને સીપીઆર આપવાનું શરૂ કર્યું હતું. આ દરમિયાન સ્ટાફ પણ દોડી આવ્યો હતો. બાદમાં મહિલાની સારવાર શરૂ કરી તેને ભાનમાં લાવવામાં આવી હતી.

ડો. અય્યાઝે કહ્યું કે, પ્રાથમિક સારવાર આપ્યા બાદ અમે લોહીના રિપોર્ટ કરાવ્યા હતાં.  આર્થિક રીતે નબળું પરિવાર છે. તેણીનો પતિ રિક્ષા ચલાવે છે. જેથી તેમણે એ રિપોર્ટ નહોતા કરાવ્યા. જોકે, હાલ અમે દવાઓ આપી છે. જેના આધારે તેણીની તબિયત સાધારણ હોવાનું જાણવા મળે છે.

આ પણ વાંચો :-

પીએમ મોદીએ લક્ષદ્વીપમાં કર્યું સ્નોર્કલિંગ, શેર કરી ખૂબસૂરત તસ્વીરો

admin
-
0

વડાપ્રધાન નરેન્દ્ર મોદીએ લક્ષદ્વીપની મુલાકાત દરમ્યાન સ્નોર્કલિંગ કરી જળચર સૃષ્ટિને નિહાળી હતી. આ તરફ હવે સોશિયલ મીડિયા પર પણ તેમણે આ તસવીરો શેર કરી છે. જેમાં ખૂબ જ રમણીય વાતાવરણમાં પ્રકૃતિને નિહાળતા જોવા મળી રહ્યા છે.

નરેન્દ્ર મોદીએ પોતાની પોસ્ટમાં લખ્યું, તાજેતરમાં મને લક્ષદ્વીપના લોકો વચ્ચે રહેવાની તક મળી. હું ટાપુઓની અદભૂત સુંદરતા અને અહીંના લોકોની હૂંફથી દંગ રહી ગયો છું. મને અગત્તિ, બાંગારામ અને કાવારત્તીમાં લોકો સાથે વાર્તાલાપ કરવાની તક મળી. હું ટાપુના લોકોનો તેમના આતિથ્ય માટે આભાર માનું છું.

zxd

PM મોદીએ ટ્વિટ કરીને કહ્યું કે, મનોહર સુંદરતા ઉપરાંત, લક્ષદ્વીપની શાંતિ પણ મંત્રમુગ્ધ કરી દે તેવી છે. તેણે મને ૧૪૦ કરોડ ભારતીયોના કલ્યાણ માટે વધુ સખત મહેનત કેવી રીતે કરવી તે વિશે વિચારવાની તક આપી. જે લોકો તેમાં સાહસિકને અપનાવવા ઈચ્છે છે, તેમના માટે લક્ષદ્વીપ તમારી યાદીમાં હોવું જરૂરી છે.

તેમણે વધુ લખ્યું કે, જે લોકો તેમાં સાહસિકને અપનાવામાં ઈચ્છે છે, તેમના માટે લક્ષદીપ લિસ્ટમાં હોવું જરૂરી છે. મારી યાત્રા દરમિયાન ,મેં સ્નોર્કલિંગનો પણ પ્રયાસ કર્યો- તે કેટલાં આનંદદાયક અનુભવ હતો! અને નૈસલિંક દરિયાકિનારા પર વહેલી સવારે વોક પણ આનંદની ક્ષણો હતી.

આ પણ વાંચો :-

આંધ્ર પ્રદેશના CMના બહેન વાયએસ શર્મિલા કોંગ્રેસમાં જોડાયા

admin
-
0

આંધ્રપ્રદેશના સીએમ જગન બોમન રેડ્ડીની બહેન અને  YSR તેલંગાણા પાર્ટીના સ્થાપક YS શર્મિલા ગુરુવારે કોંગ્રેસ પાર્ટીમાં જોડાઈ ગયા છે. નવી દિલ્હીમાં પાર્ટી કાર્યાલયમાં આયોજિત કાર્યક્રમમાં કોંગ્રેસ અધ્યક્ષ મલ્લિકાર્જુન ખડગે અને રાહુલ ગાંધીએ શર્મિલાને સભ્યપદ સોંપ્યું હતું. આ સમય દરમિયાન શર્મિલાએ વાયએસઆર તેલંગાણા પાર્ટીને કોંગ્રેસમાં વિલીનીકરણની પણ જાહેરાત કરી અને કહ્યું કે તેમને જે પણ જવાબદારી આપવામાં આવશે, તે તેઓ પૂરી નિષ્ઠાથી નિભાવશે.

શર્મિલાએ કહ્યું, ‘આજે હું YSR તેલંગાણા પાર્ટીને કોંગ્રેસ પાર્ટીમાં વિલીનીકરણ કરીને ખૂબ જ ખુશ છું. હું ખુશી અનુભવું છું કે YSR તેલંગાણા પાર્ટી આજથી ભારતીય રાષ્ટ્રીય કોંગ્રેસનો ભાગ બનવા જઈ રહી છે. આ પછી તેઓ કોંગ્રેસના પૂર્વ અધ્યક્ષ સોનિયા ગાંધીને તેમના નિવાસસ્થાને મળ્યા હતા. કોંગ્રેસના વખાણ કરતા વાયએસ શર્મિલાએ કહ્યું કે તે દેશની સૌથી મોટી બિનસાંપ્રદાયિક પાર્ટી છે, કારણ કે તે તમામ સમુદાયોની સેવા કરે છે અને તમામ વર્ગના લોકોને એકજૂથ કરે છે.
તેલંગાણામાં તાજેતરની વિધાનસભા ચૂંટણી દરમિયાન શર્મિલાએ કે. ચંદ્રશેખર રાવની આગેવાની હેઠળના BRSના કથિત ભ્રષ્ટ અને જનવિરોધી શાસનને ખતમ કરવા માટે કોંગ્રેસને સમર્થન આપવાની જાહેરાત કરી હતી. સ્પષ્ટતા પણ કરી કે તેમણે મતોના વિભાજનના કારણે તેલંગાણામાં ચૂંટણી લડી નથી. આ ચૂંટણીમાં કોંગ્રેસે ૧૧૯માંથી ૬૪ બેઠકો જીતીને પહેલીવાર તેલંગાણામાં પૂર્ણ બહુમતી હાંસલ કરી હતી.

વાયએસ શર્મિલા તેલંગાણામાં સક્રિય YSR તેલંગાણા પાર્ટીના સ્થાપક અને પ્રમુખ છે. તેમનો જન્મ હૈદરાબાદના પુલીવેન્દુલામાં વાયએસ રાજશેખર રેડ્ડી અને વિજયમ્માને ત્યાં થયો હતો. તેમનો ઉછેર રાજકીય વાતાવરણમાં થયો હતો. શર્મિલાના પિતા વાયએસ રાજશેખર રેડ્ડી અવિભાજિત આંધ્રના મુખ્યમંત્રી હતા, જ્યારે તેમના પુત્ર અને શર્મિલાના મોટા ભાઈ જગન મોહન આંધ્ર પ્રદેશના વર્તમાન મુખ્યમંત્રી છે. તેમનો પરિવાર ખ્રિસ્તી પરિવાર ધર્મ પાડે છે. વાસ્તવમાં, તેમના પતિ એમ. અનિલ કુમાર માત્ર બિઝનેસમેન જ નથી, પણ એક ખ્રિસ્તી ધર્મના પ્રચારક પણ છે. તેમણે પ્રેમ લગ્ન કર્યા હતા અને બે બાળકો પણ છે.

અમેરિકામાં મસ્જિદના ઈમામની મસ્જિદની બહાર ગોળી મારીને હત્યા

admin
-
0

અમેરિકામાં ન્યૂજર્સી શહેરમાં એક મસ્જિદના ઈમામની મસ્જિદ બહાર ગોળીઓ મારીને હત્યા કરી નાંખવામાં આવી છે. ઈમામનુ નામ હસન શરીફ હોવાનુ બહાર આવ્યુ છે. ગર્વનર ફિલ મર્ફીના કહેવા પ્રમાણે ઈમામને કોણે અને કેમ ગોળી મારી છે તેની જાણકારી સામે આવી નથી. તેમણે કહ્યુ હતુ કે, મુસ્લિમ સમુદાય સામેના અપરાધોમાં વધારો થઈ રહ્યો હોવાના કારણે હું ચિંતિત છું અને હું આશ્વાસન આપવા માંગુ છું કે, મુસ્લિમ ધર્મ સહિત તમામ ધર્મોના પ્રાર્થના સ્થળો પર લોકોની સુરક્ષા માટે પૂરતી વ્યવસ્થા કરવામાં આવશે.

ટ્રાન્સપોર્ટેશન સિક્યુરિટી એડમિનિસ્ટ્રેશનના એક નિવેદન અનુસાર, શરીફ ૨૦૦૬થી નેવાર્ક લિબર્ટી ઇન્ટરનેશનલ એરપોર્ટ પર ટ્રાન્સપોર્ટેશન સિક્યુરિટી ઓફિસર તરીકે કામ કરી રહ્યા હતા. TSAએ કહ્યું, તેમના નિધન વિશે જાણીને અમે ખૂબ જ દુઃખી છીએ અને અમે તેમના પરિવાર, મિત્રો અને સહકર્મીઓ પ્રત્યે અમારી સંવેદના વ્યક્ત કરીએ છીએ.

નેવાર્ક એ ન્યુ જર્સીમાં સૌથી વધુ વસ્તી ધરાવતા શહેરોમાંનું એક છે. શરીફને સવારે ૬ વાગ્યે મુહમ્મદ-નેવાર્ક મસ્જિદની બહાર ગોળી મારી દેવામાં આવી હતી, ત્યાંના જાહેર સલામતીના નિર્દેશક ફ્રિટ્ઝ ફ્રેજે એક નિવેદનમાં જણાવ્યું હતું. આ ઘટનાના કલાકો બાદ પણ પોલીસ કોઈને કસ્ટડીમાં લઈ શકી નથી. તે અસ્પષ્ટ હતું કે હિંસા શા માટે થઈ હતી.

આ ઘટનામાં પોલીસે હજી કોઈની ધરપકડ કરી નથી. પોલીસનુ કહેવુ છે કે, તપાસ ચાલી રહી છે અને મસ્જિદ પાસે પણ કેટલીક જાણકારી માંગવામાં આવી છે. ઈમામની હત્યા બાદ અમેરિકાના સૌથી મોટા મુસ્લિમ નાગરિક અધિકાર સંગઠન કાઉન્સિલ ઓન અમેરિકન -ઈસ્લામિક રિલેશન્સ ઈન ન્યૂજર્સી  દ્વારા પણ લોકોને આ બાબતે કોઈ જાણકારી હોય તો પોલીસ સાથે શેર કરવા માટે અપીલ કરવામાં આવી છે.

ધોળામાં ધૂળ પડી, સુરત સિવિલમાં વૃદ્ધે ૩વર્ષની બાળકી સાથે અડપલાં કર્યાં

admin
-
0

સુરત સિવિલ હોસ્પિટલમાં એક ગંભીર ઘટના સામે આવી છે. ત્રણ વર્ષની બાળકી સાથે લેડીઝ ટોયલેટમાં વૃદ્ધ દ્વારા અડપલાં કરવામાં આવ્યા હતા. ત્યાર બાદ બાળકીની માતાએ વૃદ્ધને માર માર્યો હતો. હાલ તો આ વીડિયો સોશિયલ મીડિયામાં વાઇરલ થયો છે. જે અંગે સુરત સિવિલ હોસ્પિટલ સુપ્રિન્ટેન્ડેન્ટે તપાસના આદેશ આપ્યા છે.

સુરત સિવિલ હોસ્પિટલમાં એક મહિલા દ્વારા વૃદ્ધને માર મારવામાં આવતો હોવાનો વિડિયો સોશલ મીડિયામાં વાઇરલ થયો છે, સિવિલ હોસ્પિટલ જૂની બિલ્ડીંગની બહારનો હોવાનું સામે આવ્યું છે. પોતાની દીકરીની છેડતી થતાં જ રણચંડી બનેલી મહિલાએ જાહેરમાં જ નશાબાજને કોઈ પણ શેહ શરમ રાખ્યા વિના માર માર્યો હતો. ચપ્પલ અને ઢીક્કાપાટુથી મહિલાએ માર માર્યો હતો. આ સમગ્ર ઘટનાનો વીડિયો કોઈએ મોબાઈલમાં ઉતારી લીધો હતો.

સમગ્ર ઘટના અંગે સિવિલ હોસ્પિટલના સુપ્રીન્ટેન્ડેન્ટ ડો. ગણેશ ગોવેકરએ કહ્યું કે, જે વિડિયો સામે આવ્યું એ સિવિલ હોસ્પિટલ કેમ્પસની અંદરનો હોવાનું દેખાઈ રહ્યું છે જેમાં એક મહિલા વૃદ્ધ પુરુષને ચપ્પલથી માર મારી રહી છે. આ સિવિલ હોસ્પિટલમાં બનેલી આ ઘટના આજે જ મારા ધ્યાનમાં મૂકવામાં આવી છે. અમે આ વીડિયોના આધારે તપાસ કરાવી રહ્યા છીએ. સિક્યુરિટી સ્ટાફને પણ સૂચના આપી દેવામાં આવી છે. સાથે જ આ કૃત્ય કરનાર સામે આકરી કાર્યવાહી પણ કરવામાં આવશે.

આ પણ વાંચો :-

બ્રેઈન ડેડ થયેલા ૨૦ મહિનાના રિયાંશનું અંગદાન, પાંચ બાળકોને મળ્યું નવજીવન

admin
-
0

સુરત શહેરમાંથી બ્રેઈન ડેડ લોકોના અંગદાનના કિસ્સાઓ પ્રકાશમાં આવતા રહે છે. આ શ્રેણીમાં વધુ એક કિસ્સો પ્રકાશમાં આવ્યો છે જેમાં ૨૦ મહિનાના બ્રેઈન ડેડ બાળકની કિડની, લીવર અને બંને આંખોનું દાન કરીને અન્ય પાંચ બાળકોને નવું જીવન મળ્યું છે. સુરતની ડોનેટ લાઈફ સંસ્થા દ્વારા બ્રેઈન ડેડ બાળકના અંગોનું દાન કરવાની પ્રક્રિયા હાથ ધરવામાં આવી હતી.

સુરત શહેરના વીરપુર મંદિર પાસે પાલનપુર પાટિયા કેનાલ રોડ પર રહેતા યશ અજયકુમાર ગજ્જર ખાનગી બેંકના હોમ લોન વિભાગમાં સેલ્સ એક્ઝિક્યુટિવ તરીકે નોકરી કરે છે. ૨૮ ડિસેમ્બરના રોજ સાંજે ૭:૦૦ વાગ્યાના સુમારે તેમનો ૨૦ મહિનાનો પુત્ર રિયાંશ આકસ્મિક રીતે ઘરના પહેલા માળેથી નીચે પડી ગયો હતો જેના કારણે તેને માથામાં ગંભીર ઈજા થઈ હતી. પિતા અને પરિવારના અન્ય સભ્યો તેને તાત્કાલિક અમર ચિલ્ડ્રન હોસ્પિટલમાં સારવાર માટે લઈ ગયા હતા. જ્યાં સારવાર દરમિયાન ૧લી જાન્યુઆરીના રોજ તબીબોની ટીમે ૨૦ માસના બાળક રિયાન્સને બ્રેનડેડ જાહેર કર્યો હતો.

નિલેશ ભાઈએ તેમના બાળકના અંગોનું દાન કરવા માટે સુરતની ડોનેટ લાઈફ સંસ્થાના  માંડલેવાલાને ફોન દ્વારા સંપર્ક કરવામાં આવ્યો હતો. સમાચાર મળતાની સાથે જ ડોનેટ લાઈફ સંસ્થાની ટીમ હોસ્પિટલ પહોંચી હતી અને ૨૦ મહિનાના બ્રેઈન ડેડ બાળક રિયાન્સના પિતા યશ ગજ્જર, માતા ધ્વની ગજ્જર, દાદા અજય ગજ્જર અને દાદી મેઘનાબેન ગજ્જર અને અન્યને અંગદાન સંબંધિત પ્રક્રિયા સમજાવી હતી.

રિયાંશની બંને કિડની SOTTO દ્વારા અમદાવાદના IKRDCને આપવામાં આવી હતી. ROTTO દ્વારા મુંબઈની નાણાવટી હોસ્પિટલમાં લિવરનું દાન કરવામાં આવ્યું હતું. પરિવારે હૃદય અને ફેફસાના દાન માટે સંમતિ આપી હતી પરંતુ બ્રેઈન ડેડ રાયન્સના બ્લડગ્રુપ ધરાવતા નાના બાળકોના નામ હૃદય અને ફેફસાં માટે નોંધાયેલા નહોતા, તેથી દાનની પ્રક્રિયા થઈ ન હતી. ડોનેટ લાઈફ સંસ્થાના નિલેશ મંડલેવાલાએ જણાવ્યું હતું કે, બ્રેઈન ડેડ રિયાંશ ગજ્જરનું લિવર ટ્રાન્સપ્લાન્ટ મુંબઈની નાણાવટી હોસ્પિટલમાં મહારાષ્ટ્રના અહમદનગર જિલ્લાના રહેવાસી ૧૨ વર્ષના બાળકના શરીરમાં કરવામાં આવ્યું હતું.

સુરત થી મુંબઈ લિવર રોડ માર્ગે સમયસર પહોચાડવા માટે સૌ પ્રથમ વખત સુરત થી મુંબઈ સુધીનો ૨૮૧ કિલોમીટરનો ગ્રીન કોરીડોર બનાવીને ૨૨૫ મીનીટમાં લિવરને મુંબઈ નાણાવટી હોસ્પિટલ માં પહોચાડવામાં આવ્યું હતું. જેમાં સુરત શહેર, સુરત ગ્રામ્ય, નવસારી ગ્રામ્ય, વલસાડ પોલીસ તેમજ મહારાષ્ટ્રના વિવિધ જીલ્લા પોલીસનો સહકાર મળ્યો હતો, ઉલ્લેખનીય છે કે ગુજરાતની બોર્ડર ભીલાડ ચેક પોસ્ટ થી મુંબઈની નાણાવટી હોસ્પિટલ સુધીના ગ્રીન કોરીડોર માટે મહારાષ્ટ્રના નાયબ મુખ્યમંત્રી દેવેન્દ્ર ફડનવીસજી એ પ્રત્યક્ષ દેખરેખ રાખી સહકાર આપ્યો હતો.

આ પણ વાંચો :-

મોડલ દિવ્યા પાહુજા મર્ડર કેસમાં હોટલ માલિક સહિત ત્રણ લોકોની ધરપકડ

admin
-
0

ગુરુગ્રામના બહુચર્ચિત સનસનીખેજ દિવ્યા પાહુજા હત્યાકાંડમાં પોલીસ એક્શનમાં આવી છે. ગેંગસ્ટર સંદીપ ગડોલીના મર્ડર કેસના આરોપીઓમાંથી એક ૨૭ વર્ષીય મોડલ દિવ્યા પહુજાની મંગળવારે મોડી રાત્રે એક હોટલમાં ગોળી મારીને હત્યા કરવામાં આવી હતી.  આ મામલે પોલીસે ૩ લોકોની  ધરપકડ કરી છે. ક્રાઈમ બ્રાંચે આરોપી અભિજીત, પ્રકાશ અને ઈંદ્રાજની ધરપકડ કરી મામલાની તપાસ શરૂ કરી છે. અભિજીત હોટલનો માલિક છે અને તેન પણ ધરપકડ કરવામાં આવી છે. પ્રકાશ અને ઈંદ્રાજ હોટલમાં કામ કરતા હતા. તેમણે લાશ ઠેકાણે પાડવામાં મદદ કરી હતી.

ગુરુગ્રામ પોલીસના જણાવ્યા અનુસાર, મૃતક દિવ્યા પાહુજા ગુરુગ્રામના બલદેવ નગરની રહેવાસી હતી. મોડલ દિવ્યા પાહુજા માર્યા ગયેલા ગેંગસ્ટર સંદીપ ગડોલીની કથિત ગર્લફ્રેન્ડ હતી. ફેબ્રુઆરી ૨૦૧૬માં મુંબઈની એક હોટલમાં ગડોલીનો સામનો થયો હતો. પોલીસના જણાવ્યા અનુસાર, દિવ્યા પાહુજાની હત્યા ગુરુગ્રામના બસ સ્ટેન્ડ પાસે સ્થિત સિટી હોટલમાં ગઈકાલે રાત્રે થઈ હતી. પોલીસે આ કેસની તપાસ કરી ધરપકડ કરાયેલા આરોપીઓની પૂછપરછ હાથ ધરી છે. ગુરુગ્રામ DCP પશ્ચિમ ભૂપેન્દ્ર સિંહ સાંગવાને કહ્યું કે અમે મૃતક દિવ્યા પાહુજાની હત્યામાં સામેલ ત્રણ આરોપીઓની ધરપકડ કરી છે.

આરોપીએ જણાવ્યું કે, ૨ જાન્યુઆરીએ અભિજીત સિંહ દિવ્યા સાથે ગુરુગ્રામની હોટેલ સિટી પોઈન્ટ પર આવ્યો હતો. ત્યાં તેણે તેણીને તેના ફોટા ડિલીટ કરવાનું કહેવાનું શરૂ કર્યું. જ્યારે તેણે તેના મોબાઈલનો પાસવર્ડ માંગ્યો તો તેણે તે પણ આપવાની ના પાડી દીધી. આનાથી આરોપી ખૂબ ગુસ્સે થયો હતો. આ પછી તેણે ગુસ્સામાં આવીને દિવ્યાને ગોળી મારી દીધી હતી. હત્યા બાદ હોટલના બે કર્મચારીઓ હેમરાજ અને ઓમ પ્રકાશ સાથે તેની BMW કારમાં તેની લાશ રાખવામાં આવી હતી. આ પછી, તેણે તેના અન્ય બે સાથીઓને બોલાવ્યા અને લાશના નિકાલ માટે તેમની કાર આપી. હાલ પોલીસ આ બંનેને શોધી રહી છે.

આ પણ વાંચો :-

શરાબ નીતિ કેસમાં ED આજે CM કેજરીવાલની કરી શકે છે ધરપકડ

admin
-
0

આમ આદમી પાર્ટી દારૂ કૌભાંડ કેસમાં એન્ફોર્સમેન્ટ ડાઇરેક્ટોરેટ દ્વારા મુખ્યમંત્રી અરવિંદ કેજરીવાલની ધરપકડની શક્યતાથી ડરી ગઈ છે. ધરપકડની શક્યતાને પગલે પાર્ટી કાર્યકરો મુખ્ય કાર્યાલય ખાતે પહોંચ્યા છે. ED અરવિંદ કેજરીવાલને ચોથું સમન્સ પાઠવે તેવી સંભાવના પણ રહેલી છે. છેલ્લા ૯ કલાકથી આમ આદમી પાર્ટીના નેતાઓ અલગ-અલગ આશંકા વ્યક્ત કરી રહ્યા છે. પહેલા અડધી રાત્રે સોશિયલ મીડિયા પર સતત ટ્વીટ કરીને અરવિંદ કેજરીવાલની ધરપકડનો ડર વ્યક્ત કર્યો અને પછી થોડી વાર પહેલા કેજરીવાલના ઘરની આસપાસ પોલીસ બંદોબસ્ત ગોઠવાઈ ગયો હોવાની વાત થઈ રહી છે.

આમ આદમી પાર્ટીએ કહ્યું હતું કે, દિલ્હીમાં અરવિંદ કેજરીવાલના ઘરને પોલીસે ચારે બાજુથી બંધ કરી દીધું છે. મુખ્યમંત્રી આવાસ તરફ જતા તમામ રસ્તાઓ બંધ કરી દેવામાં આવ્યા છે. AAPએ દાવો પણ કર્યો હતો કે, CMના સ્ટાફને પણ અંદર જવા દેવામાં આવી રહ્યો નથી, પરંતુ પાર્ટીના દાવાથી વિપરીત, CM હાઉસ તરફ જતા બંને રસ્તાઓ ખોલી દેવામાં આવ્યા છે. પાર્ટીએ આશંકા વ્યક્ત કરી છે કે, આજે ED અરવિંદ કેજરીવાલના ઘરે દરોડા પાડીને તેમની ધરપકડ કરી શકે છે.

જ્યારે દિલ્હી ભાજપ પ્રદેશ અધ્યક્ષ વિરેન્દ્ર સચદેવે કહ્યું હતું કે કેજરીવાલને દેશની ન્યાય વ્યવસ્થા પર ભરોસો નથી, તેઓ નથી ઇચ્છતા કે સત્ય બહાર આવે અને તેથી જ સમન્સ ટાળી રહ્યા છે. કેજરીવાલે ઇડીના સમન્સનો જવાબ આપતા કહ્યું હતું કે તમારે જે પણ સવાલો પૂછવા હોય તે લેખીતમાં મોકલવામાં આવે, હાલમાં હું રાજ્યસભાની ચૂંટણી અને ૨૬મી જાન્યુઆરીની ઉજવણીની તૈયારીમાં વ્યસ્ત હોવાથી હાજર નહી થઇ શકું. કેજરીવાલ ત્રણ સમન્સને ટાળી ચુક્યા છે અને હાજર નથી થયા તેથી હવે ઇડી દ્વારા આ મુદ્દે શું પગલા લેવામાં આવે છે તેના પર સૌની નજર રહેશે.

શિયા મુસ્લિમ બહુમતવાળા દેશ ઇરાનમાં બે મોટા વિસ્ફોટ, ૧૦૫ લોકોનાં મોત

admin
-
0

શિયા મુસ્લિમ બહુમતવાળા દેશ ઇરાનમાં બે મોટા વિસ્ફોટ થયા હતા. આ વિસ્ફોટ એટલા શક્તિશાળી હતા કે તેમાં ૧૦૫ નાગરિકો માર્યા ગયા હતા, જ્યારે ૨૧૧થી વધુ લોકો ઘાયલ થયા હતા. ઇરાનના હીરો ગણાતા પૂર્વ સૈન્ય વડા કાસીમ સુલેમાનીની કબર પાસે હજારો લોકો તેમને શ્રદ્ધાંજલિ આપવા માટે એકઠા થયા હતા. તે સમયે જ બે ધમાકેદાર વિસ્ફોટ થયા હતા.  વિસ્ફોટ માટે સુલેમાનીની કબર પાસે અને રસ્તામાં ઘાતક વિસ્ફોટકો બિછાવવામાં આવ્યા હતા. જેને બાદમાં આતંકીઓએ રિમોટથી બ્લાટ કર્યા હતા. ઇરાનના ઇતિહાસમાં ૧૯૭૯ પછીનો આ સૌથી મોટો આતંકી હુમલો માનવામાં આવે છે.

ગાઝા પટ્ટીમાં હમાસ અને ઈઝરાયલ વચ્ચે ચાલી રહેલા યુદ્ધની આગ હવે બીજા દેશોને પણ લપેટમાં લઈ રહી છે. ઈઝરાયલે પહેલા લેબેનોનમાં ઘૂસીને એક ડ્રોન હુમલો કરી હમાસના ડેપ્યુટી ચીફ સાલેહ અલ અરુરીને ઠાર માર્યો હતો. હવે ગઇકાલે ઈરાનમાં પૂર્વ જનરલ કાસિમ સુલેમાનીની કબર નજીક બે બોમ્બ વિસ્ફોટ થયા હતા. જેમાં ૧૦૫ લોકો માર્યા ગયા અને ૨૦૦થી વધુ ઘવાયા હતા. એવું મનાય છે કે આ હુમલા પાછળ પણ ઈઝરાઇલની જ ભૂમિકા છે.

ઇરાનના કેરમનમાં થયેલા આ વિસ્ફોટ એવા સમયે સામ આવ્યા છે જ્યારે ઇઝરાઇલ અને હમાસ વચ્ચે મહિના સુધી યુદ્ધ ચાલ્યું, જેમાં હમાસને ઇરાન દ્વારા મદદ મળી રહી હોવાનો દાવો ઇઝરાઇલ કરતું આવ્યું છે. જ્યારે ઇરાનના જનરલ કાસીમ સુલેમાનીની હત્યા અમેરિકાએ કરી છે. ઇરાનની અમેરિકા અને ઇઝરાઇલ સાથેની દુશ્મની વધી રહી છે. જ્યારે અગાઉ ઇરાનમાં આતંકી હુમલા પણ થયા હતા. એવામાં આ વિસ્ફોટ પાછળ કોણ જવાબદાર છે તેને લઇને પણ અનેક અટકળો ચાલી રહી છે. વિસ્ફોટ સમયે મોટી સંખ્યામાં લોકો સ્થળ પર હાજર હતા, જેથી ધમાકા બાદ લોકોમાં ભારે નાસભાગ થઇ હતી જેમાં પણ અનેક લોકો ઘાયલ થયા છે. વિસ્ફોટને પગલે ઇરાનમાં હાલ ઇમર્જન્સીની સ્થિતિ છે અને સુરક્ષા વધારી દેવામાં આવી છે.

ઈઝરાઇલની ગુપ્તચર એજન્સી મોસાદના પ્રમુખ ડેવિડ બર્નિયાએ કહ્યું કે મોસાદ એજન્સી એ હત્યારાઓનો સામનો કરવા તત્પર છે જેમણે ૭ ઓક્ટોબરે હુમલો કર્યો હતો. આ હુમલાનો બદલો લેવામાં અમને સમય લાગશે જેવું મ્યુનિખ હત્યાકાંડ બાદ થયું હતું પણ એ લોકો પર અમે હાથ જરૂર નાખીશું. ભલે પછી તેઓ ગમે ત્યાં હોય. અમે બદલો લઈને રહીશું.

આ પણ વાંચો :-

1...850851852...1,482Page 851 of 1,482