મણિપુરમાં બિરેન સિંહના મુખ્યમંત્રી પદથી રાજીનામા બાદ હવે રાજ્યમાં રાષ્ટ્રપતિ શાસન લાગુ કરી દેવામાં આવ્યું છે. મણિપુરમાં મેઇતી અને કુકી સમુદાય વચ્ચેની હિંસાના કારણે કાયદો અને વ્યવસ્થાની સ્થિતિ ગંભીર બની રહી છે. ગયા રવિવારે બિરેન સિંહે રાજ્યપાલ અજય કુમાર ભલ્લાને મળીને મુખ્યમંત્રી પદથી રાજીનામું આપી દીધું હતું. ત્યારબાદ નવા મુખ્યમંત્રીના નામ પર મોહર લગાવવા માટે ભાજપના નેતાઓની બેઠક શરૂ થઈ હતી. મણિપુરના પ્રભારી સંબિત પાત્રા ભાજપના પ્રભુત્વ ધરાવતા નેતાઓ સાથે બેઠક કરી રહ્યા હતા. જોકે, હવે રાજ્યમાં રાષ્ટ્રપતિ શાસન લાગુ કરી દેવામાં આવ્યું છે.

ITLFએ કહ્યું- અમારી માગ અલગ વહીવટનીકુકી સમુદાયના ITLF સંગઠનના પ્રવક્તા ગિન્જા વૂલજોંગે જણાવ્યું હતું કે, બિરેન સિંહે મણિપુર વિધાનસભામાં અવિશ્વાસ પ્રસ્તાવમાં હારના ડરથી રાજીનામું આપી દીધું છે. તાજેતરમાં તેમની એક ઓડિયો ટેપ લીક થઈ હતી, જેની સુપ્રીમ કોર્ટે નોંધ લીધી છે. આવી સ્થિતિમાં, ભાજપ માટે પણ તેમને બચાવવા મુશ્કેલ લાગે છે.બિરેન સિંહ મુખ્યમંત્રી રહે કે ન રહે, અમારી માગ અલગ વહીવટની છે. મૈતેઈ સમુદાયે અમને અલગ કરી દીધા છે. હવે આપણે પીછેહઠ કરી શકીએ નહીં. ઘણું લોહી વહી ગયું છે. ફક્ત રાજકીય ઉકેલ જ આપણી સમસ્યાઓનો ઉકેલ લાવી શકે છે. કુકી સમુદાય હજુ પણ અલગ વહીવટની માગ પર અડગ છે.

રાષ્ટ્રપતિ શાસન લાગુ થવાનો પ્રભાવ

કોઈપણ રાજ્યમાં રાષ્ટ્રપતિ શાસન લાગુ થતાં, રાજ્યની શાસકીય વ્યવસ્થા પર અનેક ફેરફારો થાય છે. રાજ્યનું સંચાલન રાષ્ટ્રપતિના નિયંત્રણ હેઠળ આવી જાય છે. રાષ્ટ્રપતિ તેમના પ્રતિનિધિ તરીકે રાજ્યપાલને રાજ્યની વ્યવસ્થા સંભાળવાની જવાબદારી સોંપે છે, અને રાજ્યપાલ કેન્દ્ર સરકારના નિર્દેશો પ્રમાણે શાસન ચલાવે છે.

રાજ્યના કાયદાઓ પર શું અસર પડે છે?

સામાન્ય રીતે, રાજ્યોની વિધાનસભા કાયદા બનાવે છે. પરંતુ રાષ્ટ્રપતિ શાસન લાગુ થયા પછી, રાજ્ય માટે કાયદા સંસદ બનાવે છે. જો સંસદનું સત્ર ન ચાલી રહ્યું હોય, તો રાષ્ટ્રપતિ ઓર્ડિનન્સ (અધ્યાદેશ) બહાર પાડી શકે છે. રાષ્ટ્રપતિ શાસન મહત્તમ 6 મહિના માટે લાગુ કરવામાં આવે છે, પરંતુ સંસદની મંજૂરીથી તેને 3 વર્ષ સુધી લંબાવી શકાય છે.

કઈ પરિસ્થિતિઓમાં રાષ્ટ્રપતિ શાસન લાગુ થાય છે?

કોઈપણ રાજ્યમાં ત્યારે રાષ્ટ્રપતિ શાસન લાગુ કરવામાં આવે છે, જ્યારે રાજ્ય સરકાર બંધારણની જોગવાઈઓનું પાલન કરવામાં અસમર્થ રહે. કાયદો અને વ્યવસ્થા ધ્વસ્ત થવાથી પણ રાષ્ટ્રપતિ શાસન લાગુ થઈ શકે છે. તે ઉપરાંત, જો સરકાર બહુમત ગુમાવે અથવા સ્થિર સરકાર ન બની શકે, તો પણ રાષ્ટ્રપતિ શાસન લાદી શકાય છે. ભ્રષ્ટાચાર, બળવો, આપત્તિ કે અન્ય કોઈ પણ કારણસર સરકાર નિષ્ફળ જાય, ત્યારે પણ રાષ્ટ્રપતિ શાસન લાગુ કરી શકાય છે.

મહાકુંભમાં દેશ-વિદેશના લોકો આવી રહ્યા છે અને આસ્થાની પવિત્ર ડુબકી લગાવી રહ્યા છે બોલીવુડના પણ અનેક સિતારાઓ ઉદ્યોગપતિઓ ક્રિકેટ જગતના મહારથીઓ વગેરે અનેક લોકો મહાકુંભમાં પધારીને પવિત્ર સ્નાનનો લહાવો લઈ રહ્યા છે. બોલીવુડ અભિનેતા સુનિલ શેટ્ટી પણ તાજેતરમાં મહાકુંભમાં આવ્યા હતા અને તેમણે આસ્થાની પવિત્ર ડુબકી લગાવી હતી.

પ્રયાગરાજમાં સંગમ તીર્થે પહોંચ્યા બાદ તેમણે સ્નાન પણ કર્યું હતું. તેમણે આ ક્ષણને દિવ્ય ક્ષણ ગણાવી હતી. આ સમય દરમિયાન તેઓ મહાકુંભની ભવ્યતાથી પ્રભાવિત જોવા મળ્યા હતા. તેમણે જણાવ્યું હતું કે આજે એવું લાગી રહ્યું છે જાણે તેમણે ખરેખર ગંગાસ્નાન કર્યું હોય.

સુનિલ શેટ્ટીએ કહ્યું હતું કે, ‘મહાકુંભ માટે જે પ્રકારની વ્યવસ્થા કરવામાં આવી છે તે અદ્ભુત અને દૈવી છે. કરોડો લોકોનું આગમન અને મા ગંગા, યમુના અને સરસ્વતીના સંગમમાં પવિત્ર ડૂબકી લગાવવી એ ખરેખર સનાતનની શક્તિ છે. અભિનેતાએ આગળ કહ્યું હતું કે, ‘દર કલાકે લાખો લોકો સ્નાન કરે છે અને જતા રહે છે. આવી વ્યવસ્થા ક્યાંય ન બની શકે. મહાકુંભમાં આવવું અને ગંગામાં ડૂબકી લગાવવી એ મારા જીવનનો સૌથી મહત્વપૂર્ણ ક્ષણ છે.

મહાકુંભમાં પવિત્ર ડુબકી લગાવ્યા બાદ સુનિલ શેટ્ટીએ મીડિયા સાથે વાત પણ કરી હતી અને તેમણે મેળાની વ્યવસ્થા વિશે પોતાના અભિપ્રાય વ્યક્ત કર્યા હતા. આ સમય દરમિયાન તેઓ વડાપ્રધાન નરેન્દ્ર મોદીના માર્ગદર્શન અને યુપીના મુખ્યપ્રધાન યોગ્ય આદિત્યનાથના નેતૃત્વમાં યોજાયેલા મહાકુંભમાં કરોડો ભક્તો માટે કરવામાં આવેલી વ્યવસ્થાની દિલ ખોલીને પ્રશંસા કરતા જોવા મળ્યા હતા.

પાકિસ્તાને ફરી એકવાર નિયંત્રણ રેખા (LoC) પર યુદ્ધવિરામનું ઉલ્લંઘન કર્યું છે. જમ્મુ-કાશ્મીરના પૂંછ જિલ્લામાં નિયંત્રણ રેખા (LoC) પર બુધવારે સાંજે પાકિસ્તાની સેના દ્વારા યુદ્ધવિરામનું ઉલ્લંઘન કરવામાં આવ્યું હતું. પાકિસ્તાની સેના દ્વારા અનેક રાઉન્ડ ગોળીબાર કરવામાં આવ્યો. ભારતીય સેના દ્વારા પણ જડબાતોડ જવાબ આપવામાં આવ્યો. સેનાની જવાબી કાર્યવાહી બાદ પાકિસ્તાન તરફથી ગોળીબાર બંધ થઈ ગયો. પાકિસ્તાની સેના દરરોજ આવી નાપાક હરકતો કરતી રહે છે.

પાકિસ્તાની બાજુ કેટલી જાનહાનિ થઈ તે તાત્કાલિક જાણી શકાયું નથી, પરંતુ અધિકારીઓએ જણાવ્યું હતું કે દુશ્મન દળોને “ભારે નુકસાન” થયું છે. ભારતીય સેનાએ આ માહિતીની પુષ્ટિ કે ખંડન કર્યું નથી. અધિકારીઓએ જણાવ્યું હતું કે, જમ્મુ જિલ્લાના અખનૂર સેક્ટરમાં નિયંત્રણ રેખા નજીક શંકાસ્પદ આતંકવાદીઓ દ્વારા કરવામાં આવેલા IED વિસ્ફોટમાં એક કેપ્ટન સહિત બે ભારતીય સેનાના જવાનો શહીદ થયાના એક દિવસ પછી કૃષ્ણા ઘાટી સેક્ટરમાં પાકિસ્તાન દ્વારા યુદ્ધવિરામનું ઉલ્લંઘન કરવામાં આવ્યું છે.

પાકિસ્તાન દ્વારા સતત ઘડવામાં આવી રહેલા કાવતરાઓને ધ્યાનમાં રાખીને, લેફ્ટનન્ટ ગવર્નર મનોજ સિંહા આજે જમ્મુમાં ઉચ્ચ સ્તરીય સુરક્ષા સમીક્ષા બેઠક યોજશે. આ બેઠકમાં લેફ્ટનન્ટ ગવર્નર ઉપરાંત, જમ્મુ અને કાશ્મીરના ડીજીપી નલિન પ્રભાત, જમ્મુ અને કાશ્મીર પોલીસના વરિષ્ઠ અધિકારીઓ અને આઈજીપી જમ્મુ પણ હાજર રહેશે.

પાકિસ્તાની બાજુ કેટલી જાનહાનિ થઈ તે તાત્કાલિક જાણી શકાયું નથી, પરંતુ અધિકારીઓએ જણાવ્યું હતું કે દુશ્મન દળોને “ભારે નુકસાન” થયું છે. ભારતીય સેનાએ આ માહિતીની પુષ્ટિ કે ખંડન કર્યું નથી. અધિકારીઓએ જણાવ્યું હતું કે, જમ્મુ જિલ્લાના અખનૂર સેક્ટરમાં નિયંત્રણ રેખા નજીક શંકાસ્પદ આતંકવાદીઓ દ્વારા કરવામાં આવેલા IED વિસ્ફોટમાં એક કેપ્ટન સહિત બે ભારતીય સેનાના જવાનો શહીદ થયાના એક દિવસ પછી કૃષ્ણા ઘાટી સેક્ટરમાં પાકિસ્તાન દ્વારા યુદ્ધવિરામનું ઉલ્લંઘન કરવામાં આવ્યું છે.