એક પછી એક મેડલ જીતતા ભારતીય ખેલાડીઓએ ગ્લાસગોમાં તિરંગાનું ગૌરવ વધાર્યું છે. કોમનવેલ્થ ગેમ્સ 2026માં ભારતે અત્યાર સુધી 2 ગોલ્ડ, 7 સિલ્વર અને 3 બ્રોન્ઝ મેડલ સહિત કુલ 12 મેડલ જીતીને પોતાની મજબૂત હાજરી નોંધાવી છે. હવે ભારતીય ટીમની નજર મેડલ ટેલીમાં વધુ ઉંચાઈ હાંસલ કરવા ઉપર છે.
સ્કોટલેન્ડના ગ્લાસગોમાં 23 જુલાઈથી 2 ઓગસ્ટ સુધી યોજાઈ રહેલી કોમનવેલ્થ ગેમ્સ 2026માં ભારતના 122 ખેલાડીઓ મેડલ માટે સ્પર્ધામાં ઉતર્યા છે. ભારતીય ખેલાડીઓ એથ્લેટિક્સ, બોક્સિંગ, વેઇટલિફ્ટિંગ, સ્વિમિંગ, જિમ્નાસ્ટિક્સ, જ્યૂડો અને ટ્રેક સાઇકલિંગ જેવી રમતોમાં ભાગ લઈ રહ્યા છે. આ ઉપરાંત પેરા એથ્લેટિક્સ, પેરા પાવરલિફ્ટિંગ અને અન્ય પેરા સ્પર્ધાઓમાં પણ ભારતની મજબૂત હાજરી જોવા મળી રહી છે.
પેરા પાવરલિફ્ટર ઝંડુ કુમારે પુરુષોની હેવીવેઇટ કેટેગરીમાં બ્રોન્ઝ મેડલ જીતીને ગ્લાસગો 2026માં ભારતને પ્રથમ સફળતા અપાવી હતી. ત્યારબાદ ઋષિકાન્ત સિંહે પુરુષોની 60 કિગ્રા વેઇટલિફ્ટિંગ કેટેગરીમાં સિલ્વર મેડલ જીતીને ભારતનો પ્રથમ સિલ્વર મેડલ મેળવ્યો હતો.
ભારતનો પ્રથમ ગોલ્ડ મેડલ દિગ્ગજ વેઇટલિફ્ટર મીરાબાઈ ચાનુએ જીત્યું હતો. તેમણે મહિલાઓની 48 કિગ્રા કેટેગરીમાં ગોલ્ડ મેડલ જીતીને કોમનવેલ્થ ગેમ્સમાં સતત ત્રીજી વખત ચેમ્પિયન બનવાની ઐતિહાસિક સિદ્ધિ મેળવી હતી.
હાલ ભારતની મેડલ ટેલીમાં વેઇટલિફ્ટિંગનું સૌથી મોટું યોગદાન છે. આ રમતમાં ભારતે અનેક મેડલ જીત્યા છે, જ્યારે એથ્લેટિક્સ અને પેરા સ્પોર્ટ્સમાં પણ ખેલાડીઓએ શાનદાર પ્રદર્શન કર્યું છે.
બોક્સિંગમાં લવલીના બોર્ગોહેન પણ મેડલની રેસમાં છે. તેને ક્વાર્ટર ફાઇનલમાં બાય મળ્યા બાદ મેડલ નિશ્ચિત છે, પરંતુ તેની નજર હવે ગોલ્ડ મેડલ જીતવા પર છે. આગામી દિવસોમાં ભારત વધુ મેડલ સાથે પોતાની સ્થિતિ મજબૂત બનાવે તેવી આશા છે.
કોમનવેલ્થ ગેમ્સ 2026માં ભારતે અત્યાર સુધીની શરૂઆત શાનદાર રહી છે, પરંતુ હજુ ઘણી મહત્વની સ્પર્ધાઓ બાકી છે. આગામી દિવસોમાં ભારતીય ખેલાડીઓને વધુ મેડલ જીતવાની આશા છે. ખાસ કરીને એથ્લેટિક્સ, બોક્સિંગ અને વેઇટલિફ્ટિંગમાં ભારત માટે મેડલ જીતવાની તક રહેલી
