Home Blog Page 1083

108MP કેમેરા સાથે Samsung નો નવો 5G ફોન, મળશે 6000mAh ની બેટરી, જણો ફીચર્સ

News Editor
-
0

Samsung’s new 5G phone

  • સેમસંગ ગેલેક્સી F54 5G ની જલદી માર્કેટમાં એન્ટ્રી થશે. લોન્ચ પહેલા એક લીકમાં તેના ખાસ ફીચર સામે આવ્યા છે. કંપનીના આ ફોનમાં 108 મેગાપિક્સલનો કેમેરો મળવાનો છે. આવો જાણીએ અન્ય વિગત.

સેમસંગ (Samsung) ભારતમાં પોતાના નવા સ્માર્ટફોન Galaxy F54 5G ને લોન્ચ કરવાની તૈયારી કરી રહ્યાં છે. આ ફોન અપર મિડ-રેન્જ સેગમેન્ટમાં આવી શકે છે. ફોનની લોન્ચ ડેટ વિશે કંપની તરફથી હજુ કોઈ સત્તાવાર જાણકારી આપવામાં આવી નથી.

પરંતુ આ વચ્ચે ટિપસ્ટર મુકુલ શર્માએ આ ફોનના ખાસ ફીચર અને સ્પેસિફિકેશન સાથે તેની કિંમતને પણ લીક કરી છે. લીક અનુસાર કંપની આ ફોનમાં 108 મેગાપિક્સલનો પ્રાઈમરી કેમેરો ઓફર કરવાની છે. આ સિવાય તેમાં શાનદાર ડિસ્પ્લે મળશે. ફોનની કિંમત ટિપસ્ટર અનુસાર 33 હજાર રૂપિયા આસપાસ હોઈ શકે છે.

મળી શકે છે આ ફીચર અને સ્પેસિફિકેશન :

મુકુલ શર્મા અનુસાર કંપની ફોનમાં 120Hz રિફ્રેશ રેટ સાથે AMOLED ડિસ્પ્લે ઓફર કરવાની છે. કેટલાક રિપોર્ટમાં કહેવામાં આવ્યું કે આ ફોન Galaxy M54 5G નો રીબ્રાન્ડેડ વર્ઝન હોઈ શકે છે. જો તેમ હોય તો ફોનમાં તમને સેન્ટર પંચ-હોલની સાથે 6.7 ઈંચની ફુલ એચડી + AMOLED ડિપ્લ્સે મળશે. સેમસંગનો આ અપકમિંગ ફોન 120Hzના AMOLED ડિસ્પ્લેને સપોર્ટ કરશે. પ્રોસેસર તરીકે કંપની આ ફોનમાં Exynos 1380 ચિપસેટ ઓફર કરી શકે છે.

લીકમાં ફોનના કેમેરા સેટઅપની પણ જાણકારી આપવામાં આવી છે. શર્માના ટ્વીટ અનુસાર કંપની આ ફોનમાં 108 મેગાપિક્સલનો મેન કેમેરો ઓફર કરવાની છે. આ સિવાય ફોનમાં એક 8 મેગાપિક્સલનો અલ્ટ્રા-વાઈડ એન્ગલ કેમેરો અને એક 2 મેગાપિક્સલનો મેક્રો સેન્સર સામેલ છે. ફોનના મેન કેમેરામાં કંપની ઓપ્ટિકલ ઈમેજ સ્ટેબિલાઈઝેશન ફીચર ઓફર કરવાની છે.

ફોન 6000mAh ની બેટરી સાથે આવી શકે છે. આ બેટરી 25 વોટના ફાસ્ટ ચાર્જિંગને સપોર્ટ કરશે. ફોનની સાથે ચાર્જ આપવામાં આવશે નહીં.

ઓએસની વાત કરીએ તો ફોન એન્ડ્રોયડ 13 આઉટ ઓફ ધ બોક્સ પર બેસ્ટ OneUI 5.1 પર કામ કરશે. ફોન સાઈડ-માઉન્ટેડ ફિંગરપ્રિન્ટ સેન્સરની સાથે આવશે. કનેક્ટિવિટી માટે તેમાં યૂએસબી ટાઈપ- સી પોર્ટ, વાઈ-ફાઈ, બ્લૂટૂથ અને જીપીએસ જેવા ઓપ્શન મળશે.

આ પણ વાંચો :-

૨૨ મે / આ રાશિના જાતકોને આજે મળી શકે છે ધંધા-રોજગારમાં સારી સફળતા તો આ જાતકને તબિયત બાબતે રાખવી કાળજી, જુઓ આજનું રાશિ ભવિષ્ય

News Editor
-
0

May 22 / The natives

મેષઃ
મનોબળ મજબૂત બનતું જણાય. આનંદ-ઉત્સાહમાં વધારો થતો જણાય. નિર્ણય શક્તિ મજબૂત બનતાં અગત્યના નિર્ણયો યોગ્ય રીતે લેવાય. આવકમાં વધારો થતો જણાય. ભાગ્ય પણ મજબૂત થતાં પ્રસન્‍નતા અનુભવાય.

વૃષભઃ
મનમાં પ્રસન્‍નતા અનુભવાય. આવકનું પાસુ મજબૂત બનતું જણાય. નાના ભાઈ-બહેનોની પ્રગતિથી આનંદ થાય. જમણી આંખની કાળજી રાખવી. નવા રોકાણો મુલતવી રાખવા. નોકરી-ધંધા બાબતે મિશ્રફળ મળતું જણાય.

મિથુનઃ
નાણાંકીય ક્ષેત્રે ફાયદો થતો જણાય. પૈસાની છુટ વર્તાય. કાર્યમાં સફળતા. ભાગીદારીના ધંધામાં પ્રગતિ થાય. જમીન-મિલકત અંગેના વ્યવહારો આજે ટાળવા. દામ્પત્ય સુખમાં વૃદ્ધિ થતી જણાય.

કર્કઃ
દિવસ દરમિયાન માનસિક ચિંતા રહે. આવકમાં વધારો થતો જણાય. સ્વાસ્થ્યની કાળજી રાખવી. શરદી, કફથી સાચવવું. વૈવાહિક જીવનમાં પ્રેમ જળવાશે. મિત્રો તરફથી લાભ.

સિંહઃ
નાણાંની વખતસર હેરફેર થતી જણાય. મિત્રોનો સાથ સહકાર મળતો જણાય. ધંધાકીય બાબતો અંગે લીધેલા નિર્ણયો સફળ બનતા જણાય. સંતાન સંબંધી ચિંતા રહે. ખોટા વિચારો કરવાથી દૂર રહેવું.

કન્યાઃ
નસીબ બળવાન બનતું હોવાને કારણે આવકમાં વૃદ્ધિ શક્ય બને. પરિવારમાં મતભેદ થવાના યોગ બને છે. માતૃસુખ ઉત્તમ. નવા વાહનની ખરીદી શક્ય બને. નોકરી તથા ધંધાકીય ક્ષેત્રે સફળતા મળશે.

તુલાઃ
નસીબનો સાથ ઓછો મળતાં આવક માટે વધુ મહેનત કરવી જરૂરી બનશે. પરિવારના તમામ સભ્યોની પ્રગતિથી મન આનંદમાં રહેશે. કાર્યમાં સફળતા મળશે. તંદુરસ્તી જળવાશે. મિત્રોનો સાથ મળતો જણાતો નથી.

વૃશ્ચિકઃ
આવકમાં વધારો થતો જણાય. પરિવારમાં સુખ શાંતિ બરકરાર રહેશે. સ્થાવર જંગમ મિલકત અંગે ફાયદો થતો જણાશે. સંતાન તરફથી સારા સમાચાર મળે. દામ્પત્ય સુખમાં આનંદની અનુભૂતિ જણાય.

ધનઃ
માનસિક શાંતિ વધતી જણાય. ગઈકાલના પ્રમાણમાં વિચારોમાં હકારાત્મકતા જણાય. આરોગ્ય સુધરતું જણાય. કાર્યક્ષેત્રે પણ સફળતા મળતી જણાય. સાંસારિક જીવનમાં આનંદની લાગણી પેદા થાય. ભાગ્ય વૃદ્ધિ થતી જણાય.

મકરઃ
આવક જાવકનું પાસું સરભર થતું જણાય. મનની ઉચ્ચકોટિની ભાવના પેદા થાય. નાણાંનો બગાડ અટકાવવો. જીવનસાથી સાથે વાદવિવાદ ટાળવો. નોકરીમાં થોડો અસંતોષ રહે. ધંધાકીય બાબતમાં સફળતા મળતી જણાય. આરોગ્ય જળવાય.

કુંભઃ
મનોબળ મજબૂત બનતું જણાય. પોતાનું જ ધાર્યું કરવાની ઈચ્છા પ્રબળ બને. આવક વધતી જણાય. માતૃપક્ષ તરફથી સારા સમાચાર મળે. સંતાનની ચિંતા રહે. આરોગ્ય જળવાશે. મિત્ર વર્તુળમાં વધારો થાય તથા તેમની સહાય મળતી જણાય.

મીનઃ
નોકરીમાં ટારગેટ પૂરા થતા જણાય. નવો ધંધો શરૂ કરી શકાય અને હાલના ધંધામાંથી ફાયદો મેળવી શકાય. માતાનો સહકાર મળતો જણાય. યશ-પ્રતિષ્‍ઠામાં વધારો થાય. હાડકાનો દુઃખાવો પરેશાન કરે. ખોટા ખર્ચ વધી ન જાય એનું ધ્યાન રાખવું.

આ પણ વાંચો :-

એક પ્રોગ્રામ માટે કેટલા રૂપિયા લે છે બાબા બાગેશ્વર. બાબાએ જણાવ્યો કાર્યક્રમનો ખર્ચ

News Editor
-
0

Dhirendra Krishna Shastri

  • Dhirendra Krishna Shastri Net Worth : સત્ય તો એ છે કે અમે ક્યારેય કથા માટે દક્ષિણા માગી નથી. જે તંત્ર છે જે વ્યવસ્થા છે તે વ્યવસ્થા જ માગી છે. પંડાલની જરૂર વધારે હોય છે. ઘણા લોકો બાગેશ્વર ધામને પસંદ કરે છે. ભંડારાની જરૂર છે.

બાગેશ્વર ધામના (Bageshwar Dham) પીઠાધીશ્વર પંડિત ધીરેન્દ્ર કૃષ્ણ શાસ્ત્રી (Dhirendra shastri) હવે ગુજરાત આવી રહ્યાં છે. મધ્યપ્રદેશની બાગેશ્વર ધામ સરકાર સતત ચર્ચામાં છે. બાબા બાગેશ્વરને લઈને ગુજરાતમાં પણ રાજકારણ ગરમાયું છે. ધીરેન્દ્ર શાસ્ત્રીના કથા વાંચન કાર્યક્રમનો વિરોધ પક્ષ અહીં વિરોધ કરી રહ્યો છે. જ્યારે ભાજપના નેતાઓ સમર્થનમાં ઉભા છે. આવી સ્થિતિમાં સવાલ એ થાય છે કે બાબા બાગેશ્વર કથા વાંચવાના કેટલા પૈસા લે છે? તેમના એક પ્રોગ્રામની કિંમત કેટલી છે?

બાબાની ફી અને કથા વાચનનો ખર્ચ જાણો :

લગભગ એક વર્ષ પહેલા ધીરેન્દ્ર શાસ્ત્રીએ એક ઓપન ફોરમમાં કહ્યું હતું કે ‘અમે કથા સાથે સંબંધિત વધુ એક વિનંતી કરીશું કે કથાઓની તારીખો 2023 સુધી ફૂલ છે. એવી કોઈ તારીખ નથી કે જે 2023 પહેલા ખાલી હોય. ઘણા લોકો કથાઓના નામે ગેરમાર્ગે દોરે છે કે તે ખૂબ મોંઘા છે.

સત્ય તો એ છે કે અમે ક્યારેય કથા માટે દક્ષિણા માગી નથી. જે તંત્ર છે, જે વ્યવસ્થા છે તે વ્યવસ્થા જ માગી છે. પંડાલની જરૂર વધારે હોય છે. ઘણા લોકો બાગેશ્વર ધામને પસંદ કરે છે. ભંડારાની જરૂર છે.

અન્નપૂર્ણા ભંડારા ચાલી રહ્યા છે તે માટે આવનારા કલાકારો માટે વ્યવસ્થા, વાહનોની વ્યવસ્થા, રહેવાની વ્યવસ્થા અને સહકાર. પરંતુ તેમણે ક્યારેય નથી કહ્યું કે 50 લાખ કે એક કરોડ આપવાના છે. સિસ્ટમમાં ગમે તેટલો ખર્ચો કરવામાં આવે. કથા બિલકુલ મોંઘી નથી. તે અફવા છે.

લોકોના મનની વાતો જાણવાનો બાબા કરે છે દાવો :

બાબા બાગેશ્વર ધીરેન્દ્ર શાસ્ત્રી દાવો કરે છે કે તેઓ લોકોના મન વાંચી શકે છે. જ્યારે કોઈ ભક્ત તેની સમસ્યા લઈને તેમની પાસે આવે છે. ત્યારે તે તેને એક કાગળ પર અગાઉથી લખી લે છે અને તેનો ઉકેલ પણ જણાવે છે.

બાગેશ્વર ધામ સરકાર કહે છે કે આ યોગ-સાધનાનું પરિણામ છે જે સનાતન ધર્મની સદીઓ જૂની પરંપરા છે. આભાસી શક્તિઓ દ્વારા ભક્તની સમસ્યા જાણીને તે કાગળ પર લખે છે. હનુમાનજીની કૃપાથી તે ઠીક થઈ જાય છે. હનુમાનજીની ગદા જેવી દેખાતી આ મુગદર હંમેશા બાગેશ્વર મહારાજની સાથે રહે છે. બાબા કહે છે કે તેમને આ મુગદરમાંથી શક્તિઓ મળે છે.

આ પણ વાંચો :-

૨૧ મે / કુંભ-સિંહ સહિત આ 3 રાશિના જાતકો થઈ જજો સાવધાન ! કર્કમાં બે ગ્રહોની યુતિના કારણે પડશે ખરાબ પ્રભાવ, વાંચો આજનું રાશિફળ

News Editor
-
0

૨૧ મે / કુંભ-સિંહ સહિત આ 3 રાશિના જાતકો થઈ જજો સાવધાન! કર્કમાં બે ગ્રહોની યુતિના કારણે પડશે ખરાબ પ્રભાવ, વાંચો આજનું રાશિફળ

મેષઃ
નાંણાકીય આવક વધતી જણાય. પરિવારના તમામ સભ્યો સાથે પ્રેમભર્યું વાતાવરણ રહે. નવા રોકાણોનું ફાયદા કારક આયોજન કરી શકાય. ધંધાકીય ક્ષેત્રે અનુકુળતા વધે. માતૃપક્ષ તરફથી લાભ. ખોટા ખર્ચ ટાળવા.

વૃષભઃ
વાયુ કફની પ્રકૃતિ રહે. મોસાળ પક્ષ તરફથી લાભ. આવક જળવાય. મનમાં આનંદનો અનુભવ થાય. બેકરી, લોજીંગ જેવા તથા સરકારી કામ કરનારને લાભ. દામ્પત્ય જીવનમાં મનમેળ રહે. પ્રિય પાત્રનું મિલન શક્ય બને.

મિથુનઃ
મનોબળ ઘટતું જણાય. આર્થિક બાબતોમાં સાવધાની રાખવી જરૂરી. જીવનસાથી સાથે મતભેદ ટાળવા. પત્નિની તબિયતની કાળજી જરૂરી. નોકરી ધંધામાં સફળતા. વ્યસનથી દૂર રહેવું. પ્રેમ સંબંધમાં ફસાઇ ન જવાય એનું ધ્યાન રાખવું.

કર્કઃ
દિવસ દરમ્યાન આનંદ વર્તાય. આવકમાં વધારો થતો જણાય. કુટુંબનાં સ્નેહનું વાતાવરણ વધે. માતૃપક્ષ તરફથી લાભ. ગળાના તથા જ્ઞાનતંતુઓના રોગોથી સાવધાની જરૂરી. જીવનસાથી સાથે સ્નેહ વધે. નોકરીમાં ઉપરી અધિકારી સાથે વાદવિવાદ ટાળવો.

સિંહઃ
વિચારો ઉપર કાબુ રાખવો ખૂબ જરૂરી. આવક વધતી જણાય. પરિવારમાં સુખ-શાંતિ જળવાય. સ્થાવર-જંગમ મિલકતથી લાભ. નોકરી-ધંધામાં ઉત્સાહ જળવાય. શરદી ખાંસીનો ઉપદ્રવ રહે. મિત્રોનો સાથ સહકાર મળતો જણાય.

કન્યાઃ
વાણી દ્વારા વ્યવહારમાં સફળતા મળે. આર્થિક ઉપાર્જન શક્ય બને. ભાગ્યનો સાથ મળતાં કાર્યક્ષેત્રે સફળતા નો અનુભવ થાય. મિત્રોથઈ લાભ. જાણીતી વ્યક્તિ દ્વારા દગા-ફટકાનો ભોગ બનવાથી સાવધ રહેવું.

તુલાઃ
પરિવારમાં મતભેદ ન થાય એનું ધ્યાન રાખવું. કાર્યક્ષેત્રે સફળતા અવરોધાતી જણાય. અસંતોષનું પ્રમાણ વધે. અગત્યના કાર્યો ટાળવા. આરોગ્ય જળવાય. ભાગ્યનો સાથ મળતો જણાય. શાંતિથી દિવસ પસાર કરવો.

વૃશ્ચિકઃ
વાણી વિલાસ સાચવીને કરવો. કડવું બોલવાથી સબંધો બગડતા જણાય. અભિમાન છોડવું. પેટ્રોલ રંગ, ટાયર-ટ્યુબનાં ધંધાર્થીઓને લાભ. દામ્પત્ય સુખમાં આનંદ પ્રેમ પ્રસંગોનું નિર્માણ થાય. ચર્મરોગથી સાચવવું.

ધનઃ
મનમાં ચિંતાનું વાતાવરણ રહે. નકારાત્મક વિચારો વધે. આવક અંગે સામાન્ય દિવસ. આરોગ્ય સાચવવું. મગજના રોગોથઈ સાવચેતી જરૂરી. પત્નિ સાથે મતભેદ થવાની શક્યતા. માન-સન્માન વધે.

મકરઃ
માનસિક સ્વસ્થતા જળવાય. આત્મવિશ્વાસ વધે. નાણાંની આવક વધે સાથે સાથે ખોટા ખર્ચ ટાળવાની સલાહ છે. સંતાનોની પ્ર‌ગતિથી હ્રર્ષ થાય. પતિ-પત્નિના સંબંધોમાં મધુરતા વધે. પડવા વાગવાથી સાચવવું.

કુંભઃ
આવક જળવાશે. પરિવારમાં આનંદ ઉત્સાહમાં વધારો થાય. કાર્યક્ષેત્રે સફળતા મળતી જણાય. માતૃપક્ષ તરફથી લાભ. નવા રોકાણો સારી રીતે કરી શકાય. નોકરી-ધંધાંમાં પ્રગતિ થતી જણાય. આરોગ્ય જળવાય.

મીનઃ
જુસ્સામાં શક્તિમાં વધારો. આત્મવિશ્વાસ બુલંદ બને. આર્થિક પાસુ મજબુત થાય. પરિવારમાં આનંદ-ઉત્સાહ વધે. કાર્યક્ષેત્રે સફળતા. નવા કાર્યની શરૂઆત શક્ય બને. સાંધાના દુઃખાવા, વાયુની તકલીફો થી સાચવવું.

આ પણ વાંચો :-

મેહાણીઓમાં કેનેડા અને અમેરિકા જવાનો ગજબનો ક્રેઝ, માત્ર ૦૩ મહિનામાં આટલા

News Editor
-
0

Canada and America

Craze For Foreign : વર્ષ ૨૦૨૩ ના ૩૧ માર્ચ સુધી ૨૬૦૦ લોકો પોલીસનું ક્લિયરન્સ સર્ટિફિકેટ પીસીસી મેળવીને વિદેશી જતા રહ્યા છે. આ માત્ર ૩ મહિનાના જ આંકડા છે એટલે કે આખું વર્ષ તો બાકી છે.

આજકાલ જેને જુઓ તેને વિદેશ (Foreign) જવાનો મોહ છે. દર બીજા ગુજરાતીને વિદેશ જવાનું ઘેલુ લાગ્યું છે. તમે તમારી આસપાસના જેટલા કિસ્સા સાંભળતા હશો. તેને કરતા વધુ લોકો વિદેશ જાય છે. જેમાં ગેરકાયદે આંકડો તો અલગ છે. તમારી ધારણા કરતા વધુ ગુજરાતીઓ વિદેશ ઉપડી રહ્યાં છે.

પરંતુ વિદેશ જવાના મોહમાં મહેસાણાવાસીઓ (Mehsana) આગળ હોય તેવુ લાગે છે. મહેસાણીઓમાં કેનેડા અને અમેરિકા જવાનો ગાંડો ક્રેઝ જોવા મળી રહ્યો છે. સમયાંતરે ગેરકાયદેસર રીતે અમેરિકામાં (America) ઘૂસણખોરી કરનારાઓમાં પણ આ જિલ્લાના લોકો વધુ હોવાનું સામે આવ્યું છે. કેટલાય મર્યા, કેટલાય પકડાયા, છતા વિદેશ જવાનો મોહ ઓછો થયો નથી. ત્યારે વિદેશ જનારા મહેસાણાવાસીઓનો ચોંકાવનારો આંકડો સામે આવ્યો છે.

પ્રાપ્ત માહિતી અનુનસાર જાન્યુઆરીથી ડિસેમ્બર ૨૦૨૨ એક વર્ષમાં ૩૫,૫૦૦ લોકોએ પાસપોર્ટ કઢાવ્યા હતા અને ૩૯૦૦ લોકો પોલીસ ક્લિયરન્સ સર્ટિફિકેટ મેળવી વિદેશ ઉપડી ગયા છે. જે બતાવે છે કે કેટલા મહેસાણાવાસીઓ વિદેશ ઉપડી રહ્યાં છે. ૨૦૧૩ ના વર્ષમાં માત્ર ૩ મહિનામાં ૧૬૫૦૦ પાસપોર્ટ નીકળ્યા હતા.

જેની સામે ૨૬૦૦ લોકો વિદેશ ગયા છે. તો ૨૦૨૩ નો આંકડો પણ ચોંકાવનારો છે. વર્ષ ૨૦૨૩ ના ૩૧ માર્ચ સુધી ૨૬૦૦ લોકો પોલીસનું ક્લિયરન્સ સર્ટિફિકેટ પીસીસી મેળવીને વિદેશી જતા રહ્યા છે. આ માત્ર ૦૩ મહિનાના જ આંકડા છે. એટલે કે આખું વર્ષ તો બાકી છે.

વિદેશ જવાનો આટલો મોહ કેમ :

વિદેશ જવાનું રોજગારી કારણભૂત છે તેવું કહી શકાય. પરંતુ સુખી સંપન્ન પરિવારના સંતાનો પણ વિદેશ જઈ રહ્યાં છે. જે એક પ્રકારનો ટ્રેન્ડ બની ગયો છે.

આ પણ વાંચો :-

The Kerala Storyની જોરદાર કમાણી, માત્ર 15 દિવસમાં કરી મબલક કમાણી

News Editor
-
0
The Kerala Story
  • ‘ધ કેરલા સ્ટોરી’ બોક્સ ઓફિસ પર પ્રભુત્વ જમાવી રહી છે. ઘણા વિવાદોમાં ફસાયેલી હોવા છતાં, ફિલ્મે 15 દિવસમાં શાનદાર કલેક્શન કર્યું છે.

The Kerala Story એ આ વર્ષની સુપરહિટ ફિલ્મોમાં પોતાનું નામ નોંધાવ્યું છે. ફિલ્મ રિલીઝ થયાને 15 દિવસ વીતી ગયા છે. જો કે થિયેટરોમાં ફિલ્મ જોનારા લોકોની સંખ્યામાં ઘટાડો થયો નથી. અઠવાડિયાના દિવસોમાં પણ ફિલ્મને દર્શકોનો સારો પ્રતિસાદ મળી રહ્યો છે.

થોડા જ દિવસોમાં ફિલ્મે 150 કરોડનો આંકડો પાર કરી લીધો છે. તે જ સમયે, ફિલ્મ 200 કરોડના ક્લબમાં સામેલ થવા માટે ઝડપથી આગળ વધી રહી છે.

15મા દિવસે આટલું બધું કલેક્શન :

અદા શર્મા, યોગિતા બિહાની, સોનિયા બાલાની અને સિદ્ધિ ઈદનાની સ્ટારર ફિલ્મે 14 દિવસમાં 171.72 કરોડ રૂપિયાનો બિઝનેસ કર્યો છે. બીજી તરફ 15માં દિવસે ફિલ્મના કલેક્શનની વાત કરીએ તો શુક્રવારે ફિલ્મે 6 કરોડ રૂપિયાનો બિઝનેસ કર્યો હતો. આ રીતે ફિલ્મનું ડોમેસ્ટિક બોક્સ ઓફિસ કલેક્શન 177.72 કરોડ થઈ ગયું છે. હવે આ ફિલ્મ ધીમે ધીમે 200 કરોડના ક્લબની નજીક પહોંચી રહી છે.

આ પણ વાંચો :-

ભરૂચમાં દરિયા કાંઠે ફરવા ગયેલા એક જ પરિવારના ૦૭ લોકો ડૂબ્યા

News Editor
-
0

07 people 

  • ભરૂચના વાગરા તાલુકાના મુલેર ગામે બાળકો સહિત ૦૭ લોકો ડુબવાની ઘટના સામે આવી છે. વાગરા તાલુકાના ગંધાર ગામના દરિયા કાંઠે ફરવા ગયેલા પરિવાર દરિયામાં ભરતી આવતા પરિવાર ડૂબ્યુ હતું.

ભરૂચ (Bharuch) જિલ્લાના વાગરા તાલુકાના મુલેર ગામે એક મોટી દુર્ઘટના બની છે. જેમાં બાળકો સહિત ૦૩ બાળકો સહિત ૦૮ લોકો ડુબવાની ઘટના સામે આવી છે. જેમાં ચાર લોકોના ડૂબી જવાથી મોત થયા છે. સ્થાનિકોએ રેસ્ક્યુ ઓપરેશન હાથ ધરી તમામ ૦૮ લોકોને હોસ્પિટલ (Hospital) ખસેડયા હતા.

વાગરા તાલુકાના ગંધાર ગામના દરિયા કાંઠે ફરવા ગયેલા પરિવાર દરિયામાં ભરતી આવતા પરિવાર ડૂબ્યુ હતું. ભરતીના પાણી અચાનક આવી જતા એકને બચાવવા જતા ૦૭ થી વધુ લોકો ડૂબ્યા હતા. અન્ય લોકોની શોધખોળ ચાલુ છે. આ ઘટનાની જાણ વાગરાના MLA અરૂણસિંહ રાણાને થતા તેઓ તાત્કાલિક હોસ્પિટલ પહોંચ્યા હતા.

આ ઘટનાની મળતી માહિતી પ્રમાણે ભરૂચના વાગરા તાલુકાના મુલેર ગામે બાળકો સહિત ૦૭ લોકો ડુબવાની ઘટના સામે આવી છે. વાગરા તાલુકાના ગંધાર ગામના દરિયા કાંઠે ફરવા ગયેલા પરિવાર દરિયામાં ભરતી આવતા પરિવાર ડૂબ્યુ હતું. ભરતીના પાણી અચાનક આવી જતા એકને બચાવવા જતા ૦૭થી વધુ લોકો ડૂબ્યા હતા.

બાળકો સહિત લોકોને ભરૂચ બરોડા હાર્ટ હોસ્પિટલ ખાતે લાવ્યા છે. બાળકો ડૂબ્યા હોવાના કારણે હોસ્પિટલ ખાતે લાવતા મોતને ભેટ્યા હતા. ફરજ પરના તબીબોએ તપાસ કરતા બાળકોને મૃત જાહેર કર્યા હતા. વાગરાના ધારાસભ્ય સહિત પોલીસ કાફલો હોસ્પિટલ ઉપર પહોંચ્યો છે. ચાર લોકોના ડૂબી જવાથી મોત થયા છે.

આ પણ વાંચો :-

શું TRB જવાન તમારું વાહન રોકી શકે ? જાણો તેમની પાસે કેટલી હોય છે સત્તા

News Editor
-
0

Can TRB jawans 

  • જાણો TRB જવાનની કામગીરી શું છે. તેમની પાસે કઈ સત્તાઓ હોય છે અને તેમની ફરિયાદ કયા થઈ શકે વગેરે જેવી ઉપયોગી બાબતો.

અમદાવાદમાં (Ahmedabad) ટ્રાફિકની સમસ્યા (Traffic Problem) માથાના દુઃખાવા સમાન બની રહી છે. શહેરમાં વસ્તી અને વાહનોની સંખ્યામાં વધારો થઈ રહ્યો છે. જેના કારણે ટ્રાફિકની સમસ્યા પણ વધી રહી છે. શહેરભરમાં ટ્રાફિકનું નિયમન કરવા માટે TRB જવાનોને તૈનાત કરવામાં આવે છે.

ત્યારે TRB જવાનો વાહન ચાલકોને અટકાવીને તેમની પાસે લાયસન્સ (License), વાહનોના ડોક્યુમેન્ટની માંગણી કરતા હોવાની ફરિયાદો ઉઠતા અમદાવાદના એક નાગરિકે RTI કરીને ટ્રાફિક અને TRB જવાનને લગતી કેટલીક માહિતીઓ માંગી હતી. જેનો જવાબ આપતા એ-ટ્રાફિક પોલીસ સ્ટેશનના પોલીસ ઈન્સ્પેક્ટર અને જાહેર માહિતી અધિકારીએ સ્પષ્ટતા કરી છે કે TRB જવાન વાહનચાલક પાસેથી લાઈસન્સ-કાગળો માગી શકે નહીં.

અમદાવાદના નાગરિકે કરી હતી RTI :

અમદાવાદના એક નાગરિક દ્વારા 5 જાન્યુઆરી 2023ના રોજ એક જાહેર માહિતી અધિકાર અધિનિયમ 2005 (આરટીઆઈ) હેઠળ અરજી કરીને ટ્રાફિક અને TRBની માહિતી માંગવામાં આવી હતી. જેના જવાબમાં જાહેર માહિતી અધિકારી અને એ ટ્રાફિક પોલીસ સ્ટેશનના પોલીસ ઈન્સપેક્ટરે જણાવ્યું છે કે ટીઆરબીની કામગીરી ટ્રાફિક નિયમન કરવાની હોય છે.

કોઈ વાહન ચાલક પાસેથી લાયસન્સ કે વાહનના અન્ય કાગળો માંગી શકે નહીં. આ ઉપરાંત જાહેર માહિતી અધિકારીએ અરજદારે માંગેલ પોલીસ સ્ટેશનની માહિતીઓ અને આ વિસ્તારમાં ફરજ બજાવતા ટી.આર.બી જવાનની સંખ્યા પણ જાહેર કરી છે.

જાણો એક TRB જવાનની કામગીરી શું હોય છે અને તેમની પાસે કેટલી સત્તા હોય છે :

TRB જવાન એટલે શું ?

TRBનો અર્થ છે ટ્રાફિક બ્રિગેડ. તેમની ઓળખ અમદાવાદ સહિત અમુક જિલ્લાઓમાં ‘ટ્રાફિક વોર્ડન’ તરીકેની છે. TRB જવાનને  પોલીસ ન કહી શકાય. ટ્રાફિક નિયમનમાં મદદરૂપ થાય તેને TRB જવાન કહેવાય છે.

TRBના જવાન પાસે ખરેખર કઈ સત્તા હોય છે? 

TRB જવાન પાસે ટ્રાફિક પોલીસ જેવી સત્તા હોતી નથી. તેમની મુખ્ય કામગીરી ટ્રાફિક નિયમનની જ છે. અન્ય કોઈ જ સત્તા તેમની પાસે નથી.

TRB જવાન મેમો બનાવી શકે?   

તેમની પાસે એવી કોઈ સત્તા નથી. તેઓ વાહનચાલકને અટકાવી ન શકે તથા તેમની પાસેથી દસ્તાવેજ પણ ન માગી શકે. ચલણ આપવાની કે વાહનચાલકને અટકાવવાની કામગીરી ટ્રાફિક પોલીસની જ છે.

TRB જવાનની ગેર વર્તૂણકની ફરિયાદ ક્યાં કરી શકાય?

TRB જવાનની ફરિયાદ દરેક શહેરની ટ્રાફિક શાખામાં કરી શકાય છે. ટ્રાફિક DCP અને JCPને પણ ફરિયાદ કરી શકાય. આ ઉપરાંત, પોલીસ કમિશનર સમક્ષ પણ ફરિયાદ કરી શકાય.

આ પણ વાંચો :-

૩૦ સપ્ટેમ્બર પછી ૨૦૦૦ નોટ રાખનાર વિરુદ્ધ શું કાર્યવાહી થશે ? જાણો RBI નો જવાબ

News Editor
-
0

૩૦ સપ્ટેમ્બર પછી ૨૦૦૦ નોટ રાખનાર વિરુદ્ધ શું કાર્યવાહી થશે ? જાણો RBI નો જવાબ

  • 2000 notes Withdrawn : શુક્રવારે અચાનક જાહેર કરવામાં આવ્યું કે ૨૦૦૦ રૂપિયાની નોટ ચલણમાંથી પરત લેવામાં આવશે. આ વાત જાહેર થતાં જ લોકોમાં નોટબંધીનો ભય ફરીથી ફેલાઈ ગયો. જો કે રિઝર્વ બેન્ક ઓફ ઈન્ડિયા દ્વારા જાહેર કરવામાં આવ્યું છે કે આ કોઈપણ પ્રકારની નોટબંધી નથી.

રિઝર્વ બેન્ક ઓફ ઈન્ડિયા (Reserve Bank of India) શુક્રવારે એક ચોંકાવનારો નિર્ણય લીધો. શુક્રવારે અચાનક જાહેર કરવામાં આવ્યું કે ૨૦૦૦ રૂપિયાની નોટ ચલણમાંથી પરત લેવામાં આવશે. આ વાત જાહેર થતાં જ લોકોમાં નોટબંધીનો ભય ફરીથી ફેલાઈ ગયો. જો કે રિઝર્વ બેન્ક ઓફ ઈન્ડિયા દ્વારા જાહેર કરવામાં આવ્યું છે કે આ કોઈપણ પ્રકારની નોટબંધી નથી.

આરબીઆઈ એ કહ્યું છે કે ૨૩ મેથી લઈ ૩૦ સપ્ટેમ્બર સુધીમાં ૨૦૦૦ રૂપિયાની નોટ લોકો પોતાના ખાતામાં જમા કરાવી શકે છે અથવા તો બદલી શકે છે. આરબીઆઈ એ સ્પષ્ટતા પણ કરી છે કે ૨૦૦૦ રૂપિયાની નોટ ૩૦ સપ્ટેમ્બર સુધી સંપૂર્ણપણે માન્ય રહેશે.

૨૦૦૦ રૂપિયાની નોટને લઈને ૩૦ સપ્ટેમ્બરની ડેડલાઈન જાહેર કરવામાં આવતા લોકોના મનમાં પણ અનેક પ્રકારના પ્રશ્નો ઊભા થઈ રહ્યા છે. આવો જ એક પ્રશ્ન છે કે ૩૦ સપ્ટેમ્બર પછી જો કોઈ વ્યક્તિ પાસેથી ૨૦૦૦ ની નોટ મળે તો શું તેના વિરુદ્ધ કાયદેસરની કાર્યવાહી થશે ?

કારણ કે આ પહેલા સરકારે જ્યારે ૫૦૦ અને ૧૦૦૦ રૂપિયાની નોટને રદ કરી હતી ત્યારે નિશ્ચિત સમય મર્યાદા પછી આ નોટ પોતાની પાસે રાખવી ગુનો ગણાતો હતો. તો શું આવું જ ૨૦૦૦ રૂપિયાની નોટ સાથે થવાનું છે ? આ પ્રશ્નનો જવાબ છે કે ૩૦ સપ્ટેમ્બર પછી કોઈ વ્યક્તિ પાસે ૨૦૦૦ ની નોટ હશે તો તેના વિરુદ્ધ કોઈ કાયદેસરની કાર્યવાહી નહીં થાય.

નાણા સચિવ ટીવી સોમનાથને એક મુલાકાત દરમિયાન જણાવ્યું હતું કે આ નિર્ણય ૨૦૧૬ માં જાહેર કરેલી નોટબંધીથી અલગ છે. તેનો અર્થ વ્યવસ્થા પર કોઈ અસર નહીં પડે. લોકોને પણ તેનાથી કોઈ તકલીફ નહીં પડે લોકો એકવારમાં ૨૦,૦૦૦ રૂપિયા સુધીની ૨૦૦૦ની નોટ બેંકમાં જઈને સરળતાથી બદલી શકે છે. જો કોઈ બેંક નોટ બદલવાથી કે જમા કરવાથી ઈનકાર કરે તો લોકો સંબંધિત બ્રાન્ચની ફરિયાદ પોતાની બેંકના મેનેજરને કરી શકે છે.

આ પણ વાંચો :-

Water Bottle : પાણીની બોટલ પર કેમ લખવામાં આવે છે એક્સપાયરી ડેટ?

News Editor
-
0

Water Bottle : પાણીની બોટલ પર કેમ લખવામાં આવે છે એક્સપાયરી ડેટ?

  • Expiry Date : આ પ્રશ્ન મહત્વપૂર્ણ છે કારણ કે પાણીને અવિનાશી તત્વ માનવામાં આવે છે અને તેની એક્સપાયરી હોતી નથી. તો પછી તેની બોટલ પર લખેલી તારીખનો અર્થ શું છે. બોટલ પર એક્સપાયરી ડેટ કેમ લખવામાં આવે છે?

ઉનાળાની (Summer) ઋતુ આવી ગઈ છે અને લોકો ઉનાળામાં ઘણું પાણી પીવે છે. પાણી પીતી વખતે એ વાતનું ધ્યાન રાખવું જોઈએ કે આપણે સ્વચ્છ અને શુદ્ધ પાણી પી રહ્યા છીએ. આ દરમિયાન લોકો બોટલનું પાણી પણ પીવે છે જે ખૂબ જ સારું માનવામાં આવે છે. પરંતુ શું તમે જાણો છો કે પાણીની બોટલ (Water Bottel) પર શા માટે એક્સપાયરી ડેટ લખવામાં આવે છે. કારણ કે એવું માનવામાં આવે છે કે પાણી ક્યારેય બગડતું નથી અને જો પાણી સ્વચ્છ હોય તો તેને ઘણા દિવસો સુધી રાખી શકાય છે. પરંતુ તેમ છતાં બોટલ (Bottle) પર એક્સપાયરી ડેટ કેમ લખેલી હોય છે.

પાણીની કોઈ એક્સપાયરી ડેટ નથી !

નિષ્ણાતોના મતે પાણીની એક્સપાયરી ડેટ હોતી નથી. પરંતુ પ્લાસ્ટિકની બોટલો જે પાણીનો સંગ્રહ કરવા માટે ઉપયોગમાં લેવાય છે તેની ચોક્કસ રીતે એક્સપાયરી ડેટ હોય છે. આ જ કારણ છે કે આ બોટલો પર એક્સપાયરી ડેટ લખવામાં આવે છે. એવું કહેવાય છે કે આ તારીખ ગ્રાહકને જણાવે છે કે બંધ વસ્તુની ગુણવત્તા અને સલામતીનો સમયગાળો શું છે. બોટલ વોટરની એક્સપાયરી ડેટ તેની સર્વોચ્ચ ગુણવત્તા માટે નક્કી કરવામાં આવે છે.

બોટલ પર એક્સપાયરી ડેટ :

રિપોર્ટ અનુસાર એક્સપાયરી ડેટ પછી પાણીની ગુણવત્તા પર અસર થઈ શકે છે અને તેનું સેવન કરવું સલામત નથી. જો એક્સપાયરી ડેટ પસાર થઈ ગઈ તો વપરાશકર્તાએ બોટલનું પાણી પીવું જોઈએ નહીં. એ પણ સાચું છે કે ચોક્કસ સમય પછી પ્લાસ્ટિક પાણીમાં ઓગળવાનું શરૂ કરે છે અને તેથી જ બોટલ પર એક્સપાયરી ડેટ લખવામાં આવે છે.

આ પણ વાંચો :-

1...1,0821,0831,084...1,466Page 1,083 of 1,466