અમદાવાદમાં વધુ એક અકસ્માત થયો છે. માંડવીની પોળ નજીક આ અકસ્માત થયો છે. મળતી માહિતી મુજબ બાળકને શાળાએ લઈ જતા સમયે લકઝરી બસે વાહનચાલક મહિલાને ટક્કર મારી હતી.
આ અકસ્માતમાં મહિલાને માથામાં ઈજા પહોંચતા હોસ્પિટલ ખસેડાયા છે. આ અકસ્માતમાં બાળકને પણ ઈજા થઈ છે. તેના પગમાં ફ્રેકચર થવાની સ્થિતી હોવાની જાણકારી મળી છે.
આ પણ વાંચો :-
તેમને બદનામ કરવાની ધમકી આપીને લાખોની ખંડણી વસુલતી એક કથિત પત્રકાર ગેંગ સામે હવે પોલીસે ગાળીયો કસ્યો છે. પોલીસે ફરિયાદ કરી બે કથિત મહિલા પત્રકારોની ધરપકડ કરી કાર્યવાહી હાથ ધરી છે. અત્યાર સુધીમાં આવી બે ફરિયાદો દાખલ થઈ છે. હજુ પણ બીજી ઘણી ફરિયાદો થાય તેવી સંભાવનાઓ જોવા મળી રહી છે.
વાપીમાં ઉદ્યોગપતિઓ, કંપની સંચાલકો, દુકાનદારો, વેપારીઓ વગેરે છેલ્લા કેટલાક સમયથી બદનામ કરવાની ધમકી સાથે નાણાની ઉઘરાણીથી પરેશાન હતા. કથિત પત્રકારોની ગેંગ તેમની પાસેથી ખંડણી ઉઘરાવતી હોવાની ચર્ચાઓ ચાલી હતી.
જેને પગલે વાપીના બલીઠા વિસ્તારમાં આવેલા એક સ્પા-મસાજ પાર્લર ચલાવતા સંચાલક પાસેથી પણ કથિત પત્રકારો ડરાવી ધમકાવી પોલીસમાં પકડાવી દેવાની ધમકી આપતા હોવાનું સામે આવી રહ્યું હતું. આ તત્વો કહેતા કે ધંધો કરવો હોય તો દર વર્ષે પાંચ લાખનો હપ્તો આપવો પડશે.
જેને પગલે વાપી ટાઉન પોલીસ સ્ટેશને જઈને આ સંચાલક દ્વારા ફરિયાદ દાખલ કરાવી હતી. જેને પગલે વાપીના સોનિયા ચૌહાણ, ક્રિષ્ણા ઝા અને સેમ શર્મા નામના કથિત પત્રકારો સામે પોલીસ સ્ટેશનમાં ફરિયાદ થઈ છે. પોલીસે આ કેસમાં ત્રણ પૈકી સેમ શર્મા અને સોનિયા ચૌહાણની ધરપકડ કરી લીધી છે. જ્યારે હજુ આ કેસમાં ક્રિષ્ના ઝા નામનો કથિત પત્રકાર ક્યાં છે તેની શોધ ચાલી રહી છે.
આ પણ વાંચો :-
સોશિયલ મીડિયાએ દરેક વ્યક્તિના રોજિંદા જીવનનો અવિભાજ્ય હિસ્સો બની ગયો છે. પરંતુ પશ્ચિમ બંગાળના આ દંપતીએ એક રીલ બનાવવા માટે iPhone 14 ખરીદવા માટે તેમના આઠ મહિનાના બાળકને વેચીને તેને એક પગલું આગળ લઈ લીધું. આ ચોંકાવનારી ઘટના પશ્ચિમ બંગાળના ઉત્તર ૨૪ પરગણા જિલ્લામાં બની હતી. જ્યાં સમગ્ર બંગાળમાં મુસાફરી કરતી વખતે એક દંપતીએ તેમના નવજાત બાળકને iPhone 14ના બદલામાં વેચી દીધું હતું. ટાઈમ્સ ઓફ ઈન્ડિયાના અહેવાલ મુજબ પોલીસે દંપતી અને બાળક ખરીદનાર મહિલા વિરુદ્ધ કેસ નોંધ્યો છે.
‘સાથીદાર‘ તરીકે ઓળખાતી મહિલાની પોલીસે ધરપકડ કરી હતી. જ્યારે બાળકના પિતા જયદેવ ઘોષ હજુ પણ ફરાર છે અને અધિકારીઓ દ્વારા તેની તપાસ કરવામાં આવી રહી છે જેઓ તેને સક્રિયપણે શોધી રહ્યા છે.
આ હૃદયદ્રાવક ઘટના પ્રકાશમાં આવી જ્યારે પડોશીઓએ દંપતીના વર્તન પર શંકા વ્યક્ત કરી અને જોયું કે તેમનામાં કેટલાક વિચિત્ર ફેરફારો થયા છે. જ્યારે આઠ મહિનાનું બાળક ગુમ હતું. ત્યારે માતા-પિતાએ તકલીફ કે ચિંતા અને ચિંતાના કોઈ ચિહ્નો દર્શાવ્યા ન હતા.
અહેવાલ મુજબ ઘોષ પરિવાર દ્વારા અચાનક આઈફોન 14ની ખરીદી જેની કિંમત એક લાખથી ઓછી ન હતી તેને ધ્યાનમાં રાખીને શંકા ઊભી થઈ કે પરિવારને ભૂતકાળમાં નાણાકીય મુશ્કેલીઓનો સામનો કરવો ન પડે તે માટે બાળકને વેચ્યું હતું.
પડોશીઓએ દંપતીને સવાલો કરતાં માતાએ આખરે દબાણ હેઠળ કબૂલ્યું કે તેણી અને તેના પતિએ ખરેખર આઈફોન ખરીદવા માટે નાણાં એકત્રિત કરવા માટે તેમના બાળકનો વેપાર કર્યો હતો. તે પૈસાનો ઉપયોગ તેઓ રાજ્યના વિવિધ ભાગોમાં મુસાફરી કરવા માટે કરશે. રીલ બનાવવા માટે કરશે.
આનાથી પણ ચોંકાવનારી વાત એ હતી કે આઠ મહિનાની બાળકી પહેલા પિતાએ તેની સાત વર્ષની પુત્રીને પણ વેચવાનો પ્રયાસ કર્યો હતો. બાળકને ખરીદનાર દંપતિ અને માતા હવે માનવ તસ્કરીનો ગુનો નોંધ્યો છે. અહેવાલમાં ઉમેરવામાં આવ્યું છે કે તપાસ હજુ ચાલુ છે અને પોલીસ આ મામલાની ઊંડાણપૂર્વક તપાસ કર્યા પછી વધુ માહિતી શેર કરવામાં આવશે.
આ પણ વાંચો :-
વંદે ભારત એક્સપ્રેસ ટ્રેનમાં મુસાફરને જે ભોજન પીરસવામાં આવ્યું તેમાંથી વંદી નીકળવાની ફરિયાદ મળી હતી ત્યારબાદ IRCTC એ તાબડતોબ પગલું ભર્યું અને સર્વિસ પ્રોવાઈડર પર ભારે ભરખમ દંડ ફટકારવામાં આવ્યો. અત્રે જણાવવાનું કે વંદે ભારતમાં ખાવાનામાંથી વંદો નીકળ્યાની ફરિયાદ બાદ મુસાફરે IRCTCને ટવિટર પર ટેગ કરતા ફરિયાદ કરી હતી.
ત્યારબાદ IRCTCએ આ મામલાને ગંભીરતાથી લીધો અને સર્વિસ પ્રોવાઈડર પર કાર્યવાહી કરી. આ સાથે જ IRCTCએ એવું આશ્વાસન પણ આપ્યું કે આ પ્રકારની ઘટનાઓ આગળ ન ઘટે તેનું પૂરેપૂરું ધ્યાન રાખવામાં આવશે.
અત્રે જણાવવાનું કે ખાવાનામાંથી વંદો મળ્યા સંબંધિત ફરિયાદ કરતા સુબોધે ટવીટ કરી કે IRCTC વંદે ભારત ટ્રેનમાં મારા ફૂડમાં એક વંદો મળ્યો છે.
Sir, our sincere apology for the unpleasant experience. Matter has been viewed seriously . Concerned service provider has been strictly warned to take due precautions during food preparation . Also, a hefty penalty has been imposed on the service provider and monitoring has also…
— IRCTC (@IRCTCofficial) July 24, 2023
સુબોધની ફરિયાદ બાદ IRCTCએ એક્શન લીધું અને ટવીટના જવાબમાં તેની જાણકારી આપી. IRCTC એ જવાબમાં લખ્યું કે સર, આ અપ્રિય અનુભવ બદલ અમે માફી માંગીએ છીએ. આ મામલાને ગંભીરતાથી લેવાયો છે. સંબંધિત સર્વિસ પ્રોવાઈડરને ખાવાનું બનાવતી વખતે યોગ્ય સાવધાની વર્તવાની કડક ચેતવણી અપાઈ છે. આ સાથે જ સર્વિસ પ્રોવાઈડર પર ભારે ભરખમ દંડ ફટકારવામાં આવ્યો છે. તથા રસોઈ પર નિગરાણીને વધુ મજબૂત કરાઈ છે.
આ પણ વાંચો :-
ભારત અને વેસ્ટ ઈન્ડિઝ વચ્ચે ત્રણ મેચોની વનડે સીરીઝની પહેલી મેચમાં ટોસ હારીને બેટિંગ માટે ઉતરેલી વેસ્ટ ઈન્ડીઝની આખી ટીમને ભારતીય બોલરો પહોંચી વળ્યાં હતા અને એવી ધુઆધાર બોલિંગ કરી કે આખી ટીમ સસ્તામાં આઉટ થઈ હતી અને સૌથી ઓછા રન કર્યાં હતા.
પ્રથમ બેટિંગ કરવા આવેલી વેસ્ટ ઈન્ડીઝની ટીમની ભારતના કુલદીપ યાદવ અને રવિન્દ્ર જાડેજાએ બરાબર ખાતરદારી કરી હતી. કુલદીપ યાદવે ૩ ઓવરમાં ૨ મેડન ઓવરમાં ૬ રન આપીને ૪ વિકેટ ઝડપી હતી ત્યાર બાદ રવિન્દ્ર જાડેજાએ પણ ૩ વિકેટ ઝડપી હતી. આ ભારતના આ બે ખેલાડીઓએ ૭ વિકેટ ઝડપી પાડતા વેસ્ટ ઈન્ડીઝની હાલત ખરાબ થઈ હતી અને આ રીતે આખી ટીમ ૨૩ ઓવરમાં ફક્ત ૧૧૪ રન જ બનાવી શકી હતી.
વેસ્ટ ઈન્ડીઝને જીત માટે ખૂબ ઓછા રનનો ટાર્ગેટ આપ્યો હોવાથી પહેલી વનડેમાં ભારતની જીત નક્કી છે. ભારતે ફક્ત ૧૧૫ રન જ કરવાના છે એટલે પહેલી વનડેમાં તેની જીત થશે.
આ પણ વાંચો :-
આવકવેરા ટેક્સ રિટર્ન (ITR) ભરવાની છેલ્લી તારીખ નજીક આવી ગઈ છે. તમારી પાસે હવે માત્ર ૦૪ દિવસનો સમય બચ્યો છે. જો તમે હજુ સુધી ટેક્સ નથી ભર્યો તો જલદી ભરી નાખો. પરંતુ શું તમે ક્યારેય વિચાર્યું છે કે ભારતમાં કોણ સૌથી વધુ આવકવેરો ભરે છે.
આ સવાલનો જવાબ સાંભળીને તમારા બધાના મનમાં પહેલો ખ્યાલ તો અંબાણી-અદાણી, ટાટા કે બિરલાનો આવતો હશે પરંતુ તમે ખોટા છો. ભારતમાં અંબાણી કે અદાણી નહીં પણ કોઈ અન્ય વ્યક્તિ સૌથી વધુ આવકવેરો ભરે છે. તેનું નામ સાંભળીને બે ઘડી તો તમે વિશ્વાસ નહીં કરી શકો.
જો આપણે ઈન્ડિવિઝયુઅલ આવકવેરાની વાત કરીએ તો કોર્પોરેટ લીડર્સની સરખામણીમાં અનેક એવા સેક્ટર છે જે વધુ ટેક્સ ભરે છે. આવકવેરા ડિપાર્ટમેન્ટ તરફથી મળેલી જાણકારી મુજબ જો નાણાકીય વર્ષ ૨૦૨૧-૨૨ની વાત કરીએ તો તે સમયે સૌથી વધુ ટેક્સ બોલીવુડ અભિનેતા અક્ષયકુમારે ચૂકવ્યો હતો. અભિનેતા અક્ષયકુમારે વર્ષ ૨૦૨૨માં ૨૯.૫ કરોડ રૂપિયા ટેક્સ ભર્યો હતો. તેણે પોતાની એક વર્ષની કમાણી ૪૮૬ કરોડ રૂપિયા ગણાવી હતી.
બોલીવુડના સિતારાઓમાં ટોપમાં ગણાતા અક્ષયકુમાર સૌથી વધુ ફી ચાર્જ કરે છે. આ ઉપરાંત અક્ષયકુમારનું પોતાનું પ્રોડક્શન હાઉસ પણ છે અને તે સ્પોર્ટસ ટીમ પણ ચલાવે છે. તદઉપરાંત અનેક બ્રાંડના એન્ડોર્સમેન્ટથી પણ તેમને કમાણી થાય છે.
ભારતમાં ઈન્ડિવિજ્યુઅલ આવકવેરો ભરવાના મામલે અક્ષયકુમાર પહેલા નંબરે છે. દેશના સૌથી મોટા કરદાતા રહેલા અક્ષયકુમારને આ બદલ ‘સન્માન પત્ર’ એવોર્ડ પણ મળ્યો છે. અક્ષયકુમાર ૨૦૨૨ અગાઉ પણ આવકવેરો ભરવામાં દેશમાં નંબર-૧ રહ્યા છે. વર્ષ ૨૦૨૧માં એટલે કે નાણાકીય વર્ષ ૨૦૨૦-૨૧ માટે તેમણે ૨૫.૫ કરોડ રૂપિયા આવકવેરો ભર્યો હતો.
આ પણ વાંચો :-
સવારથી અત્યાર સુધીમાં ગુજરાતના ૧૦૦ તાલુકામાં વરસાદ પડયો છે. ભાવનગરમાં સૌથી વધુ ૪ ઈંચ વરસાદ નોંધાયો છે. ગુજરાતમાં હજુ ૨૪ કલાક ભારે વરસાદની આગાહી કરવામાં આવી છે. નવસારીમાં ફરી મેઘરાજા તોફાની બેટિંગ કરી રહ્યા છે. નવસારી જિલ્લામાં આજે ભારે વરસાદના પગલે શાળાઓમાં રજા જાહેર કરાઈ છે. રાતે ૪ કલાકમાં ૯.૫ ઈંચથી વધુ વરસાદ ખાબકી જતા વહીવટી તંત્ર એક્શનમાં છે. રાત્રે ૧૦ થી ૨ દરમિયાન ભારે વરસાદ પડયો.
આજે પણ ભારે વરસાદની આગાહી :
આજે પણ દક્ષિણ ગુજરાતમાં ભારે વરસાદની હવામાન વિભાગની આગાહી છે. ગુરુવારે ૧૦૦ તાલુકામાં વરસ્યો વરસાદ. નવસારી, વલસાડ, ડાંગ, સુરત અને તાપીમાં ભારે વરસાદ પડી શકે છે. તો સૌરાષ્ટ્રના જૂનાગઢ, અમરેલી અને ભાવનગરમાં પણ ભારે વરસાદની આગાહી છે. ભારે વરસાદને પગલે આગામી ૫ દિવસ માછીમારોને દરિયો ન ખેડવાની સૂચના અપાઈ છે.
તો અમદાવાદ અને ગાંધીનગરમાં છૂટા છવાયા વરસાદની આગાહી છે. હવામાન વિભાગ દ્વારા દરિયાકાંઠા વિસ્તારોમાં ૪૫થી ૬૦ કિ.મી. પ્રતિ કલાકની ઝડપે પવન ફૂંકાંઈ તેવા અણસાર પણ વ્યક્ત કરાયા છે. બીજી બાજુ અમદાવાદ અને ગાંધીનગરમાં છૂટા છવાયા વરસાદની આગાહી કરાઈ છે.
આ પણ વાંચો :-
થોડા વર્ષો પહેલા સુધી ફોનનો ઉપયોગ માત્ર વાત કરવા માટે જ થતો હતો. પરંતુ જ્યારથી દેશમાં ઈન્ટરનેટ ક્રાંતિ થઈ અને સ્માર્ટફોન બજેટ ભાવમાં આવવા લાગ્યા છે. ત્યારથી તેનો ઉપયોગ વાતચીત અને મનોરંજન માટે થવા લાગ્યો છે. ઘણા લોકો એવા છે જે ૧૪-૧૪ કલાક સ્માર્ટફોનનો ઉપયોગ કરે છે.
ઉલ્લેખનીય છે કે સ્માર્ટફોનનો વધુ પડતો ઉપયોગ અમુક સમયે નુકસાનકારક સાબિત થઈ શકે છે. ફોનમાંથી નીકળતી વાદળી લાઈટ આંખોને નબળી પાડે છે. તેની સાથે જ ચિંતા અને આક્રમકતા જેવી ઘણી ગંભીર બીમારીઓ પણ થઈ શકે છે. જો તમે પણ સ્માર્ટફોનનો વધુ ઉપયોગ કરતા હોવ તો તમારે આ માહિતી જરુરથી વાંચજો..
ફોક્સની સમસ્યા :
જો કોઈ યુઝર મોબાઈલનો વધુ ઉપયોગ કરે છે તો તે કોઈપણ કામ પર ધ્યાન આપી શકતો નથી. આવું એટલા માટે થાય છે કારણ કે મોબાઈલ પર વારંવાર નોટિફિકેશન આવવાને કારણે યુઝર્સ નોટિફિકેશન જોવા માટે સ્માર્ટફોનને ચાલુ કરતા રહે છે. આવી સ્થિતિમાં વધુ સ્માર્ટફોનનો ઉપયોગ કરીને તમે ધ્યાન કેન્દ્રિત કરીને કોઈપણ કાર્ય પૂર્ણ કરી શકતા નથી.
ડિપ્રેશનની સમસ્યા :
વધુ સ્માર્ટફોનનો ઉપયોગ કરતા યુઝર્સમાં એવું જોવામાં મળ્યુ છે કે તેઓ વારંવાર ચિંતા અને ડિપ્રેશનની ફરિયાદ કરે છે. જો તમે પણ સ્માર્ટફોનનો વધુ ઉપયોગ કરતા હોવ તો તમારે સાવચેત રહેવું જોઈએ કારણ કે ચિંતા અને ડિપ્રેશનને ઓળખવું ખૂબ મુશ્કેલ છે.
ગુસ્સા કરવાની આદત :
સ્માર્ટફોનનો વધુ પડતો ઉપયોગ તમારા સ્વભાવમાં ચીડિયાપણું લાવી શકે છે. આવી સ્થિતિમાં તમે લોકો પર ગુસ્સો આવવા લાગે છે. જેના કારણે લોકો સાથે તમારા અંગત સંબંધો બગડી શકે છે. આ સાથે તમને હાઈ બ્લડ પ્રેશરની સમસ્યા પણ થઈ શકે છે.
આ પણ વાંચો :-
આગ્રામાં મેટ્રોના સંચાલન માટે ઝડપથી કામ ચાલી રહ્યું છે. બુધવારે રાજ્યના મુખ્યમંત્રી યોગી આદિત્યનાથે ફતેહાબાદના તાજ ઈસ્ટ ગેટ મેટ્રો સ્ટેશન પર મેટ્રોના હાઈ સ્પીડ ટ્રાયલ રનનું ઉદ્ઘાટન કર્યું. આ દરમિયાન સીએમ યોગીએ એક મોટી જાહેરાત કરી છે. સીએમ યોગીએ કહ્યું કે હવે જામા મસ્જિદ મેટ્રો સ્ટેશનનું નામ માનકામેશ્વર મંદિર સ્ટેશન રહેશે. આ પહેલા પણ એવી અટકળો હતી કે આ સ્ટેશનનું નામ બદલી શકાય છે.
આગરામાં મેટ્રોની કામગીરી શરૂ થતાં જ તે રાજ્યનું ચોથું શહેર બનશે. જ્યાં મેટ્રો ગતિ પકડી રહી છે. બુધવારે સીએમ યોગીએ કહ્યું હતું કે આગ્રામાં મેટ્રો રેલ પ્રોજેક્ટ પર કામ કરવાની સમયમર્યાદા ઓગસ્ટ ૨૦૨૪ હતી. પરંતુ જે ઝડપ સાથે કામ ચાલી રહ્યું છે તે જોતા લાગે છે કે તે ફેબ્રુઆરી ૨૦૨૪ સુધીમાં તૈયાર થઈ જશે.
તમને જણાવી દઈએ કે અગાઉ આગ્રામાં મેટ્રોની ટ્રાયલ થઈ ચૂકી છે. પરંતુ ત્યારે તેની સ્પીડ ૪૦ કિમી પ્રતિ કલાકની ઝડપે હતી. પરંતુ હવે હાઈ સ્પીડ ટ્રાયલ ચાલી રહી છે અને તેની સ્પીડને ૬૦-૮૦ કિમી પ્રતિ કલાક સુધી વધારવાની તૈયારીઓ કરવામાં આવી રહી છે. રહી હતી અત્યાર સુધીની યોજના મુજબ તાજ પૂર્વ દરવાજાથી માનકમેશ્વર મંદિર સ્ટેશન સુધીના ૬ કિલોમીટરમાં ૩ એલિવેટેડ સ્ટેશન પૂર્ણ કરવામાં આવ્યા છે.
આ પણ વાંચો :-
કેન્દ્ર સરકાર રેલવેની મલ્ટિબેગર પેટાકંપની રેલ વિકાસ નિગમ લિમિટેડના શેર ઓફર ફોર સેલ હેઠળ બજારમાં વેચશે. સરકાર આ ઓફર ફોર સેલમાં ૫.૩૬ ટકા હિસ્સો વેચવા જઈ રહી છે. બિન-સંસ્થાકીય રોકાણકારો ગુરુવારે શેર ખરીદવા માટે બિડ કરી શકશે. જ્યારે રિટેલ રોકાણકારો શુક્રવાર ૨૮ જુલાઈએ શેર માટે બિડ કરી શકે છે. DIPAM એ ટ્વિટ કરીને આ જાણકારી આપી છે. આ ઓફર ફોર સેલમાં શેરની ફ્લોર પ્રાઈસ ૧૧૯ રૂપિયા નક્કી કરવામાં આવી છે.
નાણામંત્રાલય હેઠળ આવનાર ડિપાર્ટમેન્ટ ઓફ ઈન્વેસ્ટમેન્ટ એન્ડ પબ્લિક એસેટ મેનેજમેન્ટ (Department of Investment and Public Asset Management)ના સચિવ તૂહિન કાંતા પાંડેએ ટ્વીટ કરીને કહ્યુ કે રેલ વિકાસ નિગમ લિમિટેડ (RVNL)નો ઓફર ફોર સેલ (Offer For Sale) બિન-રિટેલ ઈન્વેસ્ટરો માટે ગુરૂવારે ખૂલી ગઈ હતી. રિટેલ ઈન્વેસ્ટરો શુક્રવાર ૨૮ જુલાઈથી અરજી કરી શકે છે. તેમણે જણાવ્યું કે સરકાર ૫.૩૬ ટકા ભાગીદારી આ ઓફર ફોર સેલ દ્વારા વિનિવેશ કરવા જઈ રહી છે. જેમાં ૧.૯૬ ટકાના ગ્રીન શૂ ઓપ્શન (Green Shoe option)પણ સામેલ છે.
સરકારે રેલ વિકાસ નિગમ લિમિટેડની આ ઓફર ફોલ સેલ માટે શેર દીઠ રૂ. ૧૧૯ ની ફ્લોર પ્રાઇસ નક્કી કરી છે. જે બુધવારના બંધ ભાવથી ૧૧.૩૬ ટકા ડિસ્કાઉન્ટ પર ઓફર કરવામાં આવી રહી છે.
આ ઓફરમાં રેલ વિકાસ નિગમ લિમિટેડના ૭૦,૮૯૦,૬૮૩ શેર્સ વેચવામાં આવશે જે ૩.૪૦% હિસ્સો છે. આ ઉપરાંત ૪૦,૮૬૬,૩૯૪ ઈક્વિટી શેર જે ૧.૯૬% હિસ્સો છે. અલગથી વેચવામાં આવશે. કુલ ઓફરના ૦.૫ ટકા જેટલા શેર કર્મચારીઓને ઓફર કરી શકાય છે. કર્મચારીઓ ૫ લાખ રૂપિયા સુધીના શેર માટે અરજી કરી શકે છે. સ્ટોક એક્સચેન્જ પર સવારે ૯.૧૫ થી બપોરે ૩.૩૦ વાગ્યા સુધી ખુલ્લી એક અલગ વિન્ડોમાં વેચાણ માટે ઓફરમાં ભાગ લઈ શકે છે.
આ પણ વાંચો :-
We are committed to building a society driven by Truth, Justice, and Knowledge. We deliver bold, credible, and insightful journalism that questions wrongdoing and gives voice to the common people.
© Gujarat Guardian | All Rights Reserved. | Made with Pride in भारत 🇮🇳
