- જાપાનમાં ફિલ્મ KGF ચેપ્ટર 2ને લઈ ઘણો ક્રેઝ જોવા મળી રહ્યો છે. થિયેટરમાં લોકો યશના માસ્ક પહેરીને ‘સલામ રોકી ભાઈ’ ના નારા લગાવતા જોવા મળ્યા. વિડીયો વાયરલ
KGF ચેપ્ટર 2 ફિલ્મે ભારતમાં ઘણી ધૂમ મચાવી હતી અને આ ફિલ્મને પ્રેક્ષકો દ્વારા સારો પ્રતિસાદ મળ્યો હતો. પ્રશાંત નીલ દ્વારા નિર્દેશિત આ ફિલ્મે બોક્સ ઓફિસ પર ઈતિહાસ રચ્યો હતો અને વૈશ્વિક સ્તરે પણ ધમાલ મચાવી હતી. હવે જોવા મળી રહ્યું છે કે આ ફિલ્મને વિદેશમાં પણ પસંદ કરવામાં આવી રહી છે.
વાત એમ છે જે ફિલ્મ KGF 2 જાપાનમાં ૧૪ જુલાઈના રોજ રિલીઝ થઈ હતી અને ભારતની જેમ જાપાનમાં પણ આ ફિલ્મને લઈને ઘણો ક્રેઝ જોવા મળી રહ્યો છે. હાલ તેના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે.
KGF 2ના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે. આ વીડિયોમાં દર્શકો થિયેટરમાં જોવા મળી રહ્યા છે અને તેઓ ફિલ્મ માટે ખૂબ જ ઉત્સાહિત દેખાઈ રહ્યા છે. આ સાથે જ જોવાલાયક વાત એ છે કે વીડિયોમાં દર્શકો યશના માસ્ક પહેરેલા છે અને ‘સલામ રોકી ભાઈ‘, ‘સલામ રોકી ભાઈ’ના નારા લગાવતા જોવા મળે છે. આ વીડિયોમાં લોકોનો ફિલ્મ પ્રત્યેનો ક્રેઝ જોવા મળી રહ્યો છે. હાલ ચાહકો વચ્ચે આ ફોટા અને વીડિયો ખૂબ જ વાયરલ થઈ રહ્યા છે.
CEO of Box Office #Yash ruling the big screens in Japan.
|#KGF | #KGFChapter2| pic.twitter.com/rPpTPTK9JK
— Manobala Vijayabalan (@ManobalaV) July 26, 2023
નોંધનીય છે કે KGFનો પહેલો ભાગ ૨૧ ડિસેમ્બર ૨૦૧૮ના રોજ રિલીઝ થયો હતો અને દર્શકોને તે ઘણો પસંદ આવ્યો હતો.ફિલ્મના પહેલા ભાગને જોરદાર વર્ડ ઓફ માઉથ પબ્લિસિટી મળી હતી અને તેના કારણે બીજા ભાગને લઈને ઘણી હાઈપ મળી હતી. KGF 2 ફિલ્મને રૂ. ૫૩.૯૫ કરોડની ઓપનિંગ મળી હતી. ભારતમાં ફિલ્મનું કુલ કલેક્શન ૪૩૪.૭૦ કરોડ રૂપિયા રહ્યું.
KGF 2 ૧૪ એપ્રિલ ૨૦૨૨ ના રોજ રિલીઝ થઈ ત્યારથી ચાહકો તેના ત્રીજા ભાગની રાહ જોઈ રહ્યા છે. કહેવામાં આવી રહ્યું છે કે આગામી ફિલ્મ સાલારનું પણ તેની સાથે કનેક્શન હશે. જણાવી દઈએ કે આ ફિલ્મ અન્ય ઘણા દેશોમાં પણ રિલીઝ થઈ રહી છે અને પસંદ કરવામાં આવી રહી છે.
આ પણ વાંચો :-