ઇઝરાઇલે ઉત્તર ગાઝા પછી હવે દક્ષિણ ગાઝામાં કરેલા હુમલામાં ૧૬ પેલેસ્ટાઇનીના મોત થયા છે. તેમા અડધા તો બાળકો છે. આ વિસ્તારમાં મોટાપાયા પર નાગરિકોએ આશ્રય લીધો છે. આ ઉપરાંત ફ્રાન્સ અને કતારને વચ્ચે રાખીને થયેલા ડીલ મુજબ હમાસે પકડેલા ડઝનેક બંધકોને દવાઓ પહોંચી છે કે નહી તેના અંગેનું કોઈ અપડેટ જાણવા મળ્યું નથી.
ઇઝરાઇલ અને હમાસ વચ્ચેના યુદ્ધને ૧૦૦ દિવસ થઈ ગયા છે. સાતમી ઓક્ટોબરના રોજ થયેલા આતંકવાદી હુમલામાં હમાસે ઇઝરાઇલની સરહદી સુરક્ષા હરોળ તોડીને ૧૨૦૦થી વધુ ઇઝરાઇલીઓની હત્યા કરી હતી અને ૨૫૦થી વધુને બંધક બનાવ્યા છે.
પેલેસ્ટાઇની નાગરિકોના મોત માટે પણ ઇઝરાઇલને હમાસને જવાબદાર ઠેરવ્યુ છે. ઇઝરાઇલનું કહેવું છે કે હમાસને તેના કેન્દ્રો માનવ વસાહતોની અંદર બનાવવાના લીધે આ સ્થિતિ સજાઈ છે. તેના ભાગરુપે તેણે ઉત્તર ગાઝા સાફ કરી નાખ્યું છે. તેમા ૨૫ હજારથી વધારે પેલેસ્ટાઇનીઓ માર્યા ગયા છે. ૨૩ લાખની વસ્તીમાંથી ૮૫ ટકા એટલે કે ૨૦ લાખ લોકો વિસ્થાપિત થઈ ગયા છે. તેમા અડધા ઉપરાંત તો સ્ત્રીઓ અને બાળકો છે. તેની સાથે ઇઝરાઇલે હમાસના નવ હજાર આતંકવાદીને ખતમ કરવાનો દાવો કર્યો છે.તેની સામે ઇઝરાઇલના પણ લગભગ ૨૦૦થી વધુ સૈનિક માર્યા ગયા હોવાનું જણાવ્યું છે.
આ પણ વાંચો :-