એશિયન પેરા ગેમ્સ ૨૦૨૩ચીનના હોંગઝોઉમાં શરુ થઈ ગઈ છે. ભારતે તેમાં પહેલો ગોલ્ડ મેડલ પણ જીતી લીધો છે. T૪૭ હાઈ જંપ કેટેગરીમાં નિષાદ કુમારે ગોલ્ડ મેડલ જીત્યો છે. જીત સાથે ભારતે પેરા એશિયન ગેમ્સની શાનદાર શરૂઆત કરી છે. નિષાદ કુમારે ૨.૦૨Mનો કૂદકો લગાવ્યો હતો. ચાઈનાનો પ્લેયર હોન્ગજી ૧.૯૪Mના કૂદકા સાથે બીજા સ્થાને રહ્યો.
ભારતના શૈલેશ કુમારે પણ હાઈ જમ્પમાં ભારત માટે ગોલ્ડ મેડલ જીત્યો છે. આ ઈવેન્ટમાં ગોલ્ડ, સિલ્વર અને બ્રોન્ઝ ત્રણેય મેડલ ભારતના નામે રહ્યા. શૈલેશ કુમારે ગોલ્ડ, મરિયપ્પન થંગાવેલુએ સિલ્વર અને રામ સિંહ પાધિયારે બ્રોન્ઝ મેડલ પોતાને નામ કર્યો. આ ઈવેન્ટમાં ગોલ્ડ કુલ ૩૦૯ ભારતીય એથલીટે આ મોટી ઈવેન્ટમાં ભાગ લીધો છે.
PM નરેન્દ્ર મોદીએ પેરા એશિયન ગેમ્સ શરુ થતા પહેલા ખેલાડીઓને શુભકામનાઓ પાઠવતા કહ્યું- એશિયન પેરા ગેમ્સ શરૂ થતાં, હું અકલ્પનીય ભારતીય ટીમને શુભેચ્છા પાઠવું છું! ભારતનું પ્રતિનિધિત્વ કરતા દરેક એથ્લેટની જીવન યાત્રા પ્રેરણાદાયી હોય છે. મને વિશ્વાસ છે કે તેઓ ભારતીય ખેલ ભાવનાના સાચા સારને પ્રતિબિંબિત કરશે.
આ પણ વાંચો :-