રાજસ્થાનમાં વિધાનસભા ચૂંટણીની તારીખ બદલવામાં આવી છે. અગાઉ ૨૩ નવેમ્બરે મતદાન થવાનું હતું તે હવે ૨૫ નવેમ્બરે યોજાશે. ચૂંટણીના પરિણામો અગાઉ નિર્ધારિત તારીખ એટલે કે ૩ જી ડિસેમ્બરે જાહેર કરવામાં આવશે. ૨૩મી નવેમ્બરે આવતા દેવ ઉથની એકાદશીના તહેવારને કારણે આ ફેરફાર કરવામાં આવ્યો છે.
રાજસ્થાન વિધાનસભા ચૂંટણી ૨૦૨૩ની તારીખોમાં ફેરફારની જાહેરાત કરવામાં આવી છે. હવે ૨૩મી નવેમ્બરના બદલે ૨૫મી નવેમ્બરે મતદાન થશે. ચૂંટણી પંચ દ્વારા રાજસ્થાન વિધાનસભા ચૂંટણીની નવી તારીખોની જાહેરાત બાદ હવે ૩૦મી ઓક્ટોબરે ગેઝેટ નોટિફિકેશન બહાર પાડવામાં આવશે. ૬ નવેમ્બર ઉમેદવારી પત્ર ભરવાની છેલ્લી તારીખ હશે. અને ઉમેદવારીપત્રોની ચકાસણી ૭મી નવેમ્બરે થશે. ૯ નવેમ્બર સુધી નામાંકન પરત ખેંચી શકાશે. ૨૫મી નવેમ્બરે મતદાન થશે અને મતગણતરી ૩જી ડિસેમ્બરે થશે એટલે કે પરિણામ જાહેર થશે.
રાજસ્થાનમાં ચૂંટણીની પૂર્વ જાહેરાત મુજબ ૨૩નવેમ્બરે મતદાન થવાનું હતું.૨૩મી નવેમ્બરે આવતા દેવ ઉથની એકાદશીના તહેવારને કારણે લોકોએ આ દિવસે મતદાન અંગે આશંકા વ્યક્ત કરી હતી. રાજસ્થાનમાં દેવ ઉથની એકાદશીને અબુજ સવા (લગ્ન માટેનો શુભ સમય) તરીકે ગણવામાં આવે છે. આ દિવસે રાજ્યભરમાં હજારો લગ્નો થાય છે. આ લગ્નોમાં લાખો લોકો વ્યસ્ત રહે છે. એટલે કે દેવ ઉથની એકાદશી પર બેન્ડ, બાજા અને શોભાયાત્રા વચ્ચે મતદાનને લઈને સવાલો ઉઠવા લાગ્યા ત્યારે ચૂંટણી પંચે મતદાનની તારીખ બદલવાનો નિર્ણય લીધો.
આ પણ વાંચો :-