રાષ્ટ્રીયતાના પર્વ, સ્વચ્છતાના સંકલ્પ સાથે ૭૯મા સ્વાતંત્ર્ય પર્વને યાદગાર બનાવવા સમગ્ર ભારત સહિત સુરતમાં “હર ઘર તિરંગા” અભિયાન હેઠળ કેન્દ્રીય ઓધોગિક સુરક્ષા બળ CISF યુનિટ સુરત એરપોર્ટ દ્વારા સવારે બાઇક રેલીનું આયોજન કરવામાં આવ્યું હતું. આ રેલી સુરત એરપોર્ટથી ડુમસ બીચ થી ફરી એરપોર્ટ સુધી બાઇક રેલી યોજાઈ હતી.
સુરત એરપોર્ટના CISF કર્મચારીઓ ઉપરાંત, એરપોર્ટ ઓથોરિટી ઓફ ઇન્ડિયા, સુરત એરપોર્ટ, સુરત મનપા (SMC) અને અન્ય એરપોર્ટ સંબંધિત એજન્સીઓના પ્રતિનિધિઓએ હાથમાં તિરંગા સાથે રેલીમાં સક્રિયપણે ભાગ લીધો હતો. રેલીમાં કુલ ૧૫૦ કર્મચારીઓએ ‘ભારત માતા કી જય, વંદે માતરમ’ના નારા સાથે વાતાવરણને દેશભક્તિમય બનાવ્યું હતું. સ્થાનિક નાગરિકોમાં ભારત સરકારના “હર ઘર તિરંગા” અભિયાન, સ્વતંત્રતા દિવસ અને રાષ્ટ્રધ્વજ (ત્રિરંગા)ના મહત્વ વિશે જનજાગૃતિ ફેલાવી હતી.
