- Joe Biden In Delhi : અમેરિકી રાષ્ટ્રપતિ તરીકે જો બિડેનની આ પ્રથમ ભારત મુલાકાત છે. અગાઉ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ફેબ્રુઆરી ૨૦૨૦માં ભારતની મુલાકાતે આવ્યા હતા.
અમેરિકન રાષ્ટ્રપતિ જો બિડેન જી-૨૦ સમિટમાં ભાગ લેવા શુક્રવારે દિલ્હી પહોંચ્યા હતા. એરપોર્ટ પર તેમનું સ્વાગત કરનારાઓમાં એક છોકરી પણ હતી જેણે બધાનું ધ્યાન ખેંચ્યું હતું. જોકે આ છોકરી ભારતમાં યુએસ એમ્બેસેડર એરિક ગારસેટ્ટીની પુત્રી માયા છે. વિમાનમાંથી ઉતર્યા બાદ બાઈડેને માયા સાથે લાંબી વાતચીત કરી હતી. બિડેન અને માયા વચ્ચેની વાતચીતનો વીડિયો વાયરલ થઈ રહ્યો છે.
માયા અગાઉ ચર્ચામાં આવી હતી. જ્યારે ગારસેટ્ટીએ ભારતમાં યુએસ એમ્બેસેડર તરીકે શપથ લીધા હતા. આ દરમિયાન તેમની પુત્રી હિબ્રુ બાઈબલ લઈને ઉભી હતી. ગારસેટ્ટી વિશે એ વાત ફેમસ છે કે તે દરેક મહત્વના પ્રસંગે પોતાની દીકરીને પોતાની સાથે રાખે છે.
તમને જણાવી દઈએ કે અમેરિકાના રાષ્ટ્રપતિ તરીકે જો બિડેનની આ પ્રથમ ભારત મુલાકાત છે. અગાઉ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ફેબ્રુઆરી ૨૦૨૦ માં ભારતની મુલાકાતે આવ્યા હતા.
આ પણ વાંચો :-
