Gujarat Guardian

બ્રિટનના એક બીચનો ખતરનાક વીડિયો અત્યારે સોશિયલ મીડિયા પર વાયરલ થઈ રહ્યો છે. આમાં કેટલાક પ્રવાસીઓ બીચ પર તસવીરો ખેંચી રહ્યા છે કે અચાનક પાછળનો પહાડ તૂટી પડવા લાગે છે. આ ઘટનાનો વીડિયો કેમેરામાં કેદ થયો હતો. આવા વીડિયો અવારનવાર સોશિયલ મીડિયા પર વાયરલ થાય છે, જે જોઇને આપણાં રૂંવાડા ઊભા થઇ જાય છે. તાજેતરમાં, આવો જ એક વીડિયો ઈંગ્લેન્ડના ડોર્સેટથી સામે આવ્યો છે. જેમાં લોકો કુદરતી આફતમાંથી બચી જતા જોવા મળ્યા હતા. આ ભયાનક ઘટનાના વીડિયોએ સોશિયલ મીડિયા યુઝર્સને ચોંકાવી દીધા છે.

વીડિયોમાં પ્રવાસીઓનું એક જૂથ વેસ્ટ બે ડોર્સેટ યુકેમાં ૧૫૦ ફૂટ ઉંચી ભેખડના કાટમાળ નીચે દટાઈને બચી ગયું. આ ઘટના એક વીડિયોમાં કેદ થઈ હતી અને સોશિયલ મીડિયા પર ઝડપથી વાયરલ થઈ હતી. જેમાં કોઈપણ સમયે ખડકો પડવાની અને ભૂસ્ખલનની શક્યતા પર ભાર મૂક્યો છે. કાઉન્સિલે સલામતીની સાવચેતીના ભાગરૂપે ભેખડ ઉપરના દક્ષિણ પશ્ચિમ તટ માર્ગને અસ્થાયી રૂપે બંધ કરી દીધો છે. બીચ પર જનારાઓએ ક્ષીણ થતો ખડક જોયો અને સમયસર છટકી શક્યા.

વીડિયોમાં નારંગી ટી-શર્ટ પહેરેલો એક વ્યક્તિ હેરિટેજની તસવીર લેતો જોવા મળે છે. ત્યારે જ ત્યાં ટેકરી પરથી નાના-નાના ખડકો પડવા લાગે છે. આખરે ખડકનો મોટો ભાગ તૂટીને સમુદ્રમાં પડે છે. કાટમાળને પાણીમાં પડતો જોઈને ત્યાં હાજર લોકો ઝડપથી ત્યાંથી ખસી જાય છે.

જ્યારે સોશિયલ મીડિયા યુઝર્સે આ વાયરલ વીડિયોને જોયો તો તેમણે ઘણી પ્રતિક્રિયાઓ આપી. કેટલાક લોકોએ ચેતવણીના સંકેતોને અવગણીને પીપલ્સ કાઉન્સિલ પર નારાજગી વ્યક્ત કરી. જુરાસિક કોસ્ટના ગોલ્ડન ગેટવે તરીકે ઓળખાતી રીફ, માઈલો સુધી ફેલાયેલો ખતરનાક વિસ્તાર છે. આ ઘટના આ ખડકો દ્વારા ઉભા થતા સંભવિત જોખમોની યાદ અપાવે છે.