- અમદાવાદના સરખેજ ગાંધીનગર હાઈવે મોડી રાતે એક વાગ્યાની આજુબાજુ ગમખ્વાર અકસ્માત સર્જાયો. જેમાં એક પોલીસકર્મી અને હોમગાર્ડ સહિત ૦૯ લોકોના મોત થયા છે. જ્યારે ૩ થી વધુ લોકો ઘાયલ થયા છે.
અમદાવાદના સરખેજ ગાંધીનગર હાઈવે મોડી રાતે એક વાગ્યાની આજુબાજુ ગમખ્વાર અકસ્માત સર્જાયો. જેમાં એક પોલીસકર્મી અને હોમગાર્ડ સહિત ૯ લોકોના મોત થયા છે. જ્યારે ૩ થી વધુ લોકો ઘાયલ થયા છે. ઘાયલ લોકોને હાલ સોલા સિવિલ હોસ્પિટલમાં દાખલ કરાયા છે.
અમદાવાદના ઈતિહાસમાં આવો અકસ્માત કદાચ પહેલા જોયો નહીં હોય. એક અકસ્માતને જોવા લોકો ભેગા થયા અને બેકાબૂ સ્પીડે દોડી રહેલી કારે ૯ લોકોને કચડી નાખ્યા. જેમાંથી ૬ લોકોના તો ઘટનાસ્થળે જ મોત નિપજ્યા. મૃતકોમાંથી મોટા ભાગના ૨૧ થી ૨૩ વર્ષની વયના છે. અને બોટાદ- સુરેન્દ્રનગરના છે.
ઈસ્કોન બ્રિજ પર સર્જાયેલા અકસ્માતમાં અમદાવાદના એક હોમગાર્ડ અને એક પોલીસ કોન્સ્ટેબલનું મોત થયું.આ સાથે જ બોટાદ અને સુરેન્દ્રનગરના યુવકોના મોત થયા. અકસ્માત સર્જનાર જગુઆર કાર ચાલકનું નામ તથ્ય પ્રજ્ઞેશ પટેલ હોવાનું સામે આવ્યું છે. આ કારમાં એક યુવતી હોવાનું પણ જાણવા મળ્યું છે.
કાર રાજપથ ક્લબ તરફથી આવી રહી હતી અને તેની સ્પીડ ૧૬૦ની હોવાનું જાણવા મળ્યું છે. અકસ્માત એટલો ગંભીર હતો કે લોકો ૩૦ ફૂટ જેટલા દૂર ફંગોળાયા હતા. અકસ્માત બાદ રોડ પર લોહીના ખાબોચિયા જોવા મળ્યા. મોડી રાતે ડમ્પર અને થાર વચ્ચે થયેલા અકસ્માતને જોવા માટે લોકોના ટોળા વળ્યા હતા.
આ પણ વાંચો :-
- સુરતમાં ડ્રાઈવરે એમ્બ્યુલન્સનું પાર્કિંગ કરતી વખતે પાછળ ઉભેલી મહિલાને કચડી
- ખૌફનાક નજારો ! સીદસર ખાતે મા ઉમિયા મંદિરના પરિસરમાં વેણુ નદીનું પાણી ફરી વળ્યું