આંતરરાષ્ટ્રીય મહિલા દિવસના ભાગરૂપે વરાછા સ્થિત કે.સી.કોઠારી સ્કૂલ કેમ્પસમાં સુરત સિવિલ હોસ્પિટલ ચેસ્ટ વિભાગના વડા અને નર્મદ યુનિવર્સિટીના એક્ઝિક્યુટિવ મેમ્બર ડો. પારુલ વડગામાની પ્રેરક ઉપસ્થિતિમાં રેડ & વ્હાઇટ ગ્રુપ ઓફ ઇન્સ્ટિટ્યૂટના વિદ્યાર્થીઓને સીપીઆર તાલીમ અપાઈ હતી. ગુજરાત નર્સિંગ કાઉન્સિલના ઉપાધ્યક્ષશ્રી ઈકબાલ કડીવાલાના માર્ગદર્શન હેઠળ ‘ફેમિલી ફિજિશિયન એસોસીએશન સુરત’, માનવ સંસ્થા દ્વારા સમગ્ર તાલીમ તેમજ ઇમરજન્સી પરિસ્થિતિના ભાગરૂપે અપાતી સારવાર દરમિયાનની સમજ કેળવવામાં આવી હતી.
આ પ્રસંગે ડો. વડાગામાએ જણાવ્યું હતું કે, બાળકોને ઉપયોગી બની આંતરરાષ્ટ્રીય મહિલા દિવસની ખરા અર્થમાં ઉજવણીનો ભાગ બનવાનો અવસર મળ્યો છે. સીપીઆર એ એક તકનિક છે જે શ્વાસ લેવાનું અને લોહીનું પરિભ્રમણ બંધ થઈ જાય તેવા કિસ્સામાં વ્યક્તિના શરીરના મહત્વપૂર્ણ કાર્યો કરવામાં મદદ કરે છે. આ ટૂંકા ગાળાના પગલાં જીવન બચાવવા અને તબીબી સારવાર મળે તે પહેલાં દર્દીની સ્થિતિ સ્થિર કરવા માટે નિર્ણાયક બની શકે છે. સીપીઆરની માત્ર તાલીમ મેળવવી જરૂરી નથી, પરંતુ ઇમરજન્સીના સમયે તેનો સમજદારીપૂર્વક ઉપયોગ જ આ તાલીમને સાકાર કરશે.
નર્સિંગ કાઉન્સિલના શ્રી ઈકબાલ કડીવાલાના માર્ગદર્શનમાં તાલીમ તેમજ ઇમરજન્સી સારવારની સમજ અપાઈ હતી. ઇકબાલ કડીવાલાએ કહ્યું હતું કે, તાલીમ મેળવ્યા બાદ અહીં ઉપસ્થિત વિદ્યાર્થીઓની સમાજમાં ભૂમિકા મહત્વપૂર્ણ બની જશે. આકસ્મિક સ્થિતિમાં સી.પી.આર. તાલીમ ઉપયોગી સાબિત થશે. તાલીમનું મહત્વ સમજાવી ભવિષ્યમાં લોકોને મદદરૂપ થવા પ્રોત્સાહિત કર્યા હતા.
આ પણ વાંચો :-
