NCBએ આંતરરાષ્ટ્રીય ડ્રગ હેરફેરની તપાસના સંબંધમાં તમિલનાડુ સ્થિત કથિત માદક દ્રવ્યોના વેપારી જાફર સાદિકની ધરપકડ કરી છે. ૨૦૦૦ કરોડના ડ્રગ્સ રેકેટ સાથે જોડાયેલા રેકેટમાં લાંબી શોધખોળ બાદ જાફર ઝડપાયો છે. તામિલ ફિલ્મ નિર્માતા સાદિકને તાજેતરમાં શાસક ડીએમકે દ્વારા પાર્ટીમાંથી હાંકી કાઢવામાં આવ્યો હતો. તે DMKની NRI વિંગના ચેન્નઈ પશ્ચિમ ડેપ્યુટી ઓર્ગેનાઈઝર હતો.
અધિકારીઓએ શ્રીલંકામાં દાણચોરી કરીને ભારત લાવવામાં આવેલા ૧૮૦ કરોડ રૂપિયાના ડ્રગ્સ જપ્ત કર્યાના એક સપ્તાહ બાદ આ કાર્યવાહી હાથ ધરાઈ હતી. સાદિક એક કાર્ટેલ ચલાવતો હતો જે ભારતમાંથી ઑસ્ટ્રેલિયા અને ન્યુઝીલેન્ડમાં સ્યુડોફેડ્રિન મોકલતો હતો. આ કેસમાં બે અઠવાડિયા પહેલા દિલ્હીના એક વેરહાઉસમાંથી તમિલનાડુના ચાર લોકોની ધરપકડ કરવામાં આવી હતી.
આ સિન્ડિકેટ સાથે સંકળાયેલા ત્રણ લોકોની દિલ્હીમાં ૫૦ કિલો સ્યુડોફેડ્રિન સાથે ધરપકડ કરવામાં આવી છે. આ ગેંગનું નેટવર્ક ભારત ઉપરાંત ન્યુઝીલેન્ડ, ઓસ્ટ્રેલિયા અને મલેશિયા સુધી વિસ્તરેલું છે. હેલ્થ મિકસ પાવડર, સૂકા નાળિયેર જેવી ખાદ્ય ચીજોની આડમાં હવાઈ અને દરિયાઈ કાર્ગોના માધ્યમથી ડ્રગ્સનું સ્મગલિંગ કરવામાં આવી રહ્યું હતું. ડ્રગ્સના આંતરરાષ્ટ્રીય નેટવર્કને તોડી પાડવા માટે NCB ન્યુઝીલેન્ડ અને ઓસ્ટ્રેલિયન પ્રસાશન સાથે મળીને તપાસ કરી રહી છે. NCBના ડેપ્યુટી ડાયરેક્ટર જ્ઞાનેશ્વર સિંહના જણાવ્યા અનુસાર, ન્યૂઝીલેન્ડના કસ્ટમ અધિકારીઓ અને ઓસ્ટ્રેલિયન પોલીસ પાસેથી માહિતી મળી હતી કે સૂકા નારિયેળના પાવડરમાં સંતાડીને સ્યુડોફેડ્રિન ડ્રગ્સનો મોટો જથ્થો બંને દેશોમાં મોકલવામાં આવી રહ્યો છે.
તમને જણાવી દઈએ કે, તાજેતરમાં જ જાફરને ડીએમકે પાર્ટીમાંથી હાંકી કાઢવામાં આવ્યો હતો. ફિલ્મ નિર્માતા જાફર સાદિક પર ડ્રગ્સની દાણચોરીના કેસમાં કાર્યવાહી કરવામાં આવી રહી છે અને તેના પર આરોપ છે તે ભારત, ઓસ્ટ્રેલિયા અને ન્યુઝીલેન્ડમાં ફેલાયેલા ડ્રગ્સ નેટવર્કના માસ્ટરમાઇન્ડ છે.
આ પણ વાંચો :-