મોરબીમાં મોટી દુર્ઘટના સર્જાઈ હતી. અહીં એક નિર્માણાધીન મેડિકલ કોલેજની ઈમારતનો સ્લેબ ધસી પડ્યો હતો. આ દુર્ઘટનામાં પાંચ કર્મચારી ઘાયલ થયાની માહિતી મળી રહી છે. ત્યારે અચાનક આ નિર્માણાધીન મેડિકલ કોલેજનો સ્લેબ તૂટી પડ્યો હતો. જેમાં કાટમાળ નીચે એક વ્યક્તિ દબાઇ ગયો હતો. તો બે વ્યક્તિ ઇજાગ્રસ્ત થયા હતા. ઈજાગ્રસ્તને હોસ્પિટલ ખાતે ખસેડવામાં આવ્યા છે.
મોરબીના ફાયર ઓફિસર દેવેન્દ્રસિહ જાડેજાએ જણાવ્યું હતું કે, ફાયર સ્ટેશન પર રાત્રે ૮:૧૦ વાગ્યે કોલ આવ્યો હતો, મેડિકલ કોલેજનો એક બાજુનો સ્લેબ ધરાશાયી થયો હોવાની માહિતી કોલ પર આપવામાં આવી હતી. અમથી ટીમે ઘટના સ્થળે પહોચીને ચાર બડકો ને બચાવી લીધા હતા. એક વ્યક્તિ હજુ પણ ફસાયેલો હતો. નવી ઇમારતના બાંધકામ દરમિયાન ધાબું ભરતી વખતે જ આ ઘટના બની હોવાના દાવા થઇ રહ્યા છે. કોલેજના અધિકારીઓ સહિત પોલીસ ટુકડી પણ ઘટનાસ્થળે દોડી આવી હતી અને તરત જ રાહત તથા બચાવ કામગીરી હાથ ધરવામાં આવી હતી. ૫ ઘાયલોને નજીકની હોસ્પિટલમાં ખસેડાયા હતા. એક મજૂર કાટમાળ નીચે ફસાઈ ગયો હતો જેને બચાવવા માટે ઓપરેશન ચલાવાયું હતું.
આ ઘટનાની જાણ થતાં જ ભાજપના ધારાસભ્ય દુર્લભજીભાઈ દેથરિયા ઘટનાસ્થળે પહોંચી ગયા હતા અને તેમણે કહ્યું કે મોરબીમાં એક સરકારી મેડિકલ કોલેજનું નિર્માણ કાર્ય ચાલી રહ્યું હતું. આ દરમિયાન સ્લેબ તૂટી પડ્યું હતું. આ એક દુર્ભાગ્યપૂર્ણ ઘટના હતી. અમે સરકારને આગ્રહ કરીશું કે જે પણ તેના માટે જવાબદાર છે તેની સામે કાર્યવાહી કરવામાં આવે.
આ પણ વાંચો :-