પૂણે જિલ્લાના બારામતીમાં એરપોર્ટ પાસે આજે ફ્રી એકવાર એક ટ્રેનિંગ વિમાનનો એક્સિડન્ટ થયો હતો. પ્રાપ્ત માહિતી અનુસાર ટેકઓફ કર્યાના થોડાક્ જ સમયમાં વિમાનમાં ટેકનિકલ ફેલ્યર થયું હતું અને વિમાન પાસેના ખેતરમાં ક્રેશ થઈ ગયું હતું. પ્રાપ્ત અહેવાલો અનુસાર આજે સવારે ટ્રેનિંગ સેશન દરમિયાન ટેકનિકલ ફેલ્યરને કારણે રેડબર્ડ ટ્રેનર એરક્રાફ્ટનું બારામતી ખાતે ઇમર્જન્સી લેન્ડિંગ કરવામાં આવ્યું હતું.

અધિકારીઓએ જણાવ્યું હતું કે ટેકનિકલ ફેલ્યરને કારણે રેડબર્ડ દ્વારા સંચાલિત એક ટ્રેનર એરક્રાફ્ટ ક્રેશ થયું હતું. આ ઘટના બારામતી હવાઈ પટ્ટી વિસ્તારને અડીને આવેલા ગોજુબાવી ગામ પાસે બની હતી. જેના કારણે આ વિસ્તારમાં ભારે ગભરાટ ફેલાયો હતો. આજે સવારે સુમારે 8:40 વાગ્યે બનેલી આ ઘટનાથી સ્થાનિક લોકો ગભરાઈ ગયા હતા.

એરક્રાફ્ટ લેન્ડિંગ પહેલાં બહુ જ ઊંચાઇએ ઊડી રહ્યું હોવાનું પ્રત્યક્ષદર્શીઓએ જણાવ્યું છે. પ્રત્યક્ષદર્શીઓ પાસેથી મળેલી પ્રાથમિક માહિતી અનુસાર એરક્રાફ્ટ બહુ જ નીચે ઊડી રહ્યું હતું તેવે સમયે તેમાં ટેકનિક સમસ્યા સર્જાઈ હતી. ક્રેશ લેન્ડિંગની વાત કરવામાં આવે તો વિમાનની એક બાજુ જમીન પર અથડાઇ તે પહેલા લાઇટ પોલ સાથે તકરાયું હતું. એમ તેમણે જણાવ્યું હતું.

આ ઘટના સવારે 10:30થી 10:45ની વચ્ચે બની હતી. અમે પાસેના જ એક ખેતરમાં કામ કરી રહ્યા હતા. અચાનક એક વિમાન નીચે આવતું જોયું. ઉતરતી વખતે વિમાન સીધું આવીને જમીન પર અથડાયું ન હતું, પણ હવામાં ચક્કર ખાતું રહ્યું હતું અને પછી આ ખુલ્લી જગ્યામાં તૂટી પડ્યું હતું. સદનસીબે પાયલોટ વિમાનમાંથી સલામત રીતે બહાર નીકળી ગયા હતા.

પ્રાથમિક અહેવાલે અનુસાર તાલીમાર્થી પાયલટ સલામત રીતે બચી ગયો હતો અને તેને કોઈ મોટી ઈજા થઈ ન હતી. જોકે આ દુર્ઘટનાનું ચોક્કસ કારણ હજુ સુધી જાણી શકાયું નથી. તપાસ ચાલી રહી છે. આ ઘટનાની જાણ થતાં જ પોલીસ અને સ્થાનિક અધિકારીઓ ઘટનાસ્થળે દોડી આવ્યા હતા અને તપાસ શરૂ કરી હતી.

વડાપ્રધાન નરેન્દ્ર મોદીએ સરકારી ખર્ચ અને ઈંધણના વપરાશમાં ઘટાડો કરવા માટે એક મહત્વપૂર્ણ અને ઉદાહરણીય નિર્ણય લીધો છે. પીએમ મોદીએ પોતાની સુરક્ષા સંભાળતા સ્પેશિયલ પ્રોટેક્શન ગ્રુપ (SPG) ને નિર્દેશ આપ્યો છે કે તેમના કાફલામાં સામેલ ગાડીઓની સંખ્યામાં 50 ટકા સુધી ઘટાડો કરવામાં આવે. પીએમના આ નિર્ણયને સરકારના અન્ય મંત્રીઓ અને વિભાગો માટે પણ ખર્ચમાં બચત કરવાનો સ્પષ્ટ સંદેશ માનવામાં આવી રહ્યો છે.

ઈલેક્ટ્રિક વાહનોને પ્રોત્સાહન, પરંતુ નવી ખરીદી નહીં

સૂત્રોના જણાવ્યા અનુસાર, વડાપ્રધાન મોદીએ તેમના કાફલામાં ઈલેક્ટ્રિક વાહનો (EV) નો ઉપયોગ વધારવાની ઈચ્છા વ્યક્ત કરી છે. જોકે, તેમણે સ્પષ્ટ સૂચના આપી છે કે આ માટે કોઈ નવી ગાડીઓ ખરીદવામાં નહીં આવે, જેથી સરકારી તિજોરી પર વધારાનો આર્થિક બોજ ન પડે. SPG દ્વારા પીએમના આ નિર્દેશો પર અમલ શરૂ કરી દેવામાં આવ્યો છે અને સાથે સાથે સુરક્ષાની ‘બ્લૂ બુક’ મુજબના તમામ નિયમોનું પાલન પણ કરવામાં આવી રહ્યું છે.

ઈંધણ બચાવવા જનતાને પણ અપીલ

તાજેતરમાં હૈદરાબાદમાં એક કાર્યક્રમ દરમિયાન પીએમ મોદીએ દેશની જનતાને સોનું ન ખરીદવા અને ઈંધણ બચાવવા અપીલ કરી હતી. પશ્ચિમ એશિયામાં ચાલી રહેલા તણાવ અને ઈરાન યુદ્ધ જેવી પરિસ્થિતિઓને કારણે કાચા તેલની કિંમતોમાં વધારો નોંધાયો છે, જ્યારે શિપિંગ વ્યવસ્થામાં પણ અવરોધ ઊભા થયા છે.

જોકે કેન્દ્ર સરકારે સ્પષ્ટતા કરી છે કે દેશમાં હાલમાં 60 દિવસ માટે પૂરતો તેલ અને ગેસનો જથ્થો ઉપલબ્ધ છે, તેમ છતાં ભવિષ્યની પરિસ્થિતિને ધ્યાનમાં રાખીને વિદેશી મુદ્રા ભંડાર બચાવવા માટે સાવચેતીના પગલાં લેવામાં આવી રહ્યા છે.