Home Blog Page 868

૧૨ ડિસેમ્બર, ૨૦૨૩/ આ રાશિ માટે પરિવારમાં સ્નેહ વધે, નવા વાહનની ખરીદી શક્ય બને, જાણો આજનું રાશિ ભવિષ્ય

admin
-
0

મેષઃ

સ્વભાવમાં ગુસ્સાનો અનુભવ થાય. દિવસ દરમ્યાન આળસ રહે. આર્થિક પાસુ મજબૂત થાય. પરિવારમાં વાદ વિવાદ થી દૂર રહેવું. શરદી-કફનો ઉપદ્રવ રહેતો જણાય. માતાની તબિયતની ચિંતા રહે. વાહન સાચવીને ચલાવવું.

વૃષભઃ

દિવસ દરમ્યાન આનંદનો અનુભવ થાય. સારા સમાચાર સાંભળવા મળે. નાણાંકીય બાબતોમાં લાભ મળતો જણાય. બપોર બાદ આવક છટતી જણાય. પ્રિયપાત્રનું મિલન શક્ય બને. દામ્પત્ય સુખમાં આનંદ.
‌

મિથુનઃ

સ્વભાવમાં જીદનું પ્રમાણ વધે. ખોટા વિચારો મગજ ઉપર હાવી થાય. કાર્યક્ષેત્રે સફળતા હાંસલ થાય. નોકરીયાત વર્ગને આનંદ. ધંધાવાળાએ સાચવવું. બ્લડપ્રેશરના દર્દીએ વિશેષ કાળજી રાખવી જરૂરી.

કર્કઃ

દિવસની શરૂઆત આનંદથી થતી જણાય. બપોર બાદ મન અશાંત રહેતું જણાય. વિદ્યા-અભ્યાસમાં મન એકાગ્ર રહેતું જણાય. સંતાનની પ્રગતિથી આનંદ અનુભવાય. બપોર બાદ આરોગ્યક્ષેત્રે સાવધાની જરૂરી.

‌સિંહઃ

દિવસ દરમ્યાન આનંદ, ઉત્સાહ, તાજગીનો અનુભવ થાય. નવા વાહનની ખરીદી શક્ય બને. નાણાંકીય વ્યવહારોમાં સાવધાની રાખવી જરૂરી. માતૃપક્ષ તરફથી સુખાકારી, જળવાય, સારા સમાચાર મળે. સ્વાસ્થ્ય સારૂં રહે.

કન્યાઃ

પરોપકાર, દાન કરવાની ભાવના પ્રબળ બને. વાણીના પ્રભાવ થકી સફળતા મળતી જણાય. પરિવારમાં સ્નેહ વધે. નવા વાહનની ખરીદી શક્ય બને. માતાની તબિયતનું ધ્યાન રાખવું. આરોગ્ય જળવાશે.

તુલાઃ

દીલમાં અજંપો વર્તાય. આવક વધતી જણાય. પરિવારના સભ્યોની તબિયતની કાળજી રાખવી જરૂરી. સ્થાવર-જંગમ મિલકત અંગેના વ્યવહારોમાં સાવધાની રાખવી જરૂરી. ભાગ્યનો સાથ મળતો જણાય.

વૃ‌શ્ચિકઃ

મન ચંચળ રહે. ખોટા વિચારો મનનો કાબુ લેતા જણાય. નાણાંકીય બાબતો અંગે અસંતોષ રહે. જીવનસાથી સાથે પ્રેમની અનુભુતિ થાય. પ્રિયપાત્ર સાથે વાત કરવાના સંયોગ ઉભા થતા જણાય.

ધનઃ

દિવસ દરમ્યાન મુંઝવણનો અનુભવ થાય. વિચારવાયુ વધારે રહે. ખોટા વિચાર આવે. ‌આર્થિક ફાયદો થતો જણાય. શરીરમાં ઢીલાશ અનુભવાય. હાલની પરિસ્થિતિને અનુલક્ષીને બહાર નીકળવાનું ટાળવું.

મકરઃ

આનંદ ઉત્સાહનું વાતાવરણ પેદા થાય. નવું કામ કરવાની ઇચ્છા પ્રબળ બને. પરિવારમાં શાંતિ જળવાય. આવક પણ વધતી જણાય. મિત્રો તરફથી સારા સમાચાર અને સહકાર મળતો જણાય. સ્વાસ્થ્ય સારૂં રહે.

કુંભઃ

માનસિક ચિંતા રહે. ખર્ચનું પ્રમાણ વધતું જણાય. ધંધા સંબંધી ચિંતા રહે. નોકરીયાતને ઉપરી અધિકારીથી ઠપકો સાંભળવો પડે. માતા વૃધ્ધ હોય તો તબિયત સાચવવી. દિવસ શાંતિથી પસાર કરી દેવો.

મીનઃ

આવકનું પ્રમાણ વધવાથી દિવસ દરમ્યાન આનંદ વધે. નાનાભાઇ બહેન સાથે ‌વાદ-વિવાદ ટાળવો. ભાગ્યનો સાથ મળે. મિત્રો તરફથી સાથ સહકાર મળતો જણાય. આંખ અને કમરના દુઃખાવાથી સાચવવું.

આ પણ વાંચો :-

મધ્યપ્રદેશમાં નવા CM મોહન યાદવ, વિધાનસભા અધ્યક્ષ અને ૨ નાયબ CMના નામની પણ જાહેરાત

admin
-
0

મધ્ય પ્રદેશના મુખ્યમંત્રી તરીકે જેમને જવાબદારી સોંપવામાં આવી છે તેઓ આશરે ૪૧ વર્ષની લાંબી સંઘર્ષમય કરિયર ધરાવે છે. તેમણે માધવ વિજ્ઞાન યુનિવર્સિટીથી વિદ્યાર્થી રાજકારણની શરૂઆત કરી હતી. પક્ષમાં તેમણે અનેક પદો પર રહ્યા બાદ શિવરાજ સરકારમાં પ્રધાન બનવાની તક મળી હતી.

ડો.મોહન યાદવ ઉજ્જૈન વિધાનસભા બેઠક પરથી ધારાસભ્ય છે. તેમનો જન્મ ૨૫મી માર્ચ ૧૯૬૫ના રોજ થયો હતો. પિતાનું નામ પૂનમચંદ યાદવ છે. મોહન યાદવને બે દીકરા અને એક દીકરી છે. મોહન યાદવે પીએચડી પણ કર્યું છે. આ સાથે તેમમે MBA અને LLB પણ કર્યું છે. તેઓ કારોબાર તથા કૃષિ ક્ષેત્ર સાથે સંકળાયેલ છે.

તેઓ વર્ષ ૧૯૮૪માં ABVP, ઉજ્જૈનના નગરમંત્રી તથા વર્ષ ૧૯૮૬માં વિભાગના વડા તરીકે જવાબદારી સંભાળી હતી. આ ઉપરાંત તેઓ વર્ષ ૧૯૮૬માં અખિલ ભારતીય વિદ્યાર્થી પરિષદ મધ્ય પ્રદેશના પ્રદેશ સહમંત્રી તથા રાષ્ટ્રીય કાર્યકારિણીના સભ્ય રહ્યા છે. વર્ષ ૧૯૮૯-૯૦માં પરિષદના પ્રદેશ યુનિટના પ્રદેશ મંત્રી તથા વર્ષ ૧૯૯૧-૯૨માં પરિષદના રાષ્ટ્રીય મંત્રી રહી ચુક્યા છે. વર્ષ ૧૯૯૩-૯૫માં રાષ્ટ્રીય સ્વયંસેવક સંઘ, ઉજ્જૈનનગરના સહ ખંડ કાર્યવાહ રહ્યા હતાં.

આ પણ વાંચો :-

• ફાતિમા વસીમ બન્યા સિયાચીન ગ્લેશિયર પર તૈનાત થનારી પ્રથમ મહિલા મેડિકલ ઓફિસર

• સુરતમાં શ્વાન સાથે ઘૃણાસ્પદ કૃત્ય કરનાર શખ્સની ધરપકડ

રાજદ્રોહના કેસમાં હાર્દિક પટેલ સુરત કોર્ટમાં હાજર, નકલી ટોલનાકાને લઈ કહી આ વાત

admin
-
0

૨૦૧૭માં વિધાનસભાની ચૂંટણી સમયે હાલના વિરમગામના ભાજપના MLA હાર્દિક પટેલ પર કેસ થયો હતો. પાટીદાર આંદોલનના નામે પરમિશન માગી વિશાળ રેલી અને સભા સંબોધી હતી. જેમા બિન રાજકીય સભામાં રાજકીય નિવેદનો આપવામાં આવ્યા હતા. યોગી ચોક ખાતે યોજાયેલી સભા મામલે કેસ થયો હતો. સભામાં સરકાર વિરૂદ્ધ ભાષણ કર્યાનો કેસ થયો હતો. આજે કેસ ચાલતા સુરત કોર્ટમાં હાર્દિક પટેલે હાજર થવું પડ્યુ હતુ અને તેમનું ફર્ધર નિવેદન લેવામાં આવ્યું હતુ. હાર્દિક પટેલનું નિવેદન નોંધ્યા બાદ હવે આગામી સુનાવણી 20મી ડિસેમ્બરના રોજ હાથ ધરાશે.

આજે સુરતમાં ખૂબ જ લાંબા સમય બાદ આવ્યો છું અને મીડિયા મિત્રો સાથે મળવાનો સમય મળ્યો છે.મીડિયા મિત્રોના પણ હાલ-ચાલ પૂછવાનો મૌકો મળ્યો છે.કોર્ટે આગામી ૨૦મી ડિસેમ્બરની મુદત આપી છે.જે દિવસે અમારા વકીલ તરફથી અંતિમ દલીલો કરવામાં આવશે.જે કેસમાં એકાદ-બે મુદત બાદ નિર્ણય આવી શકે છે.

વધુમાં જણાવ્યું હતું કે સૌ માટે ખુશીનો વિષય છે કે ૩૭૭ની જે કલમ હટાવવામાં આવી છે તેના કારણે પુરા જમ્મુ કશ્મીરમાં શાંતિ કાયમ થઇ છે, તો સ્વાભાવિક રૂપથી ઘણા બધા લોકોને થપ્પડ પડી છે, સુપ્રીમ કોર્ટના જજમેન્ટના કારણે, હર કોઈ વિરોધ કરતા હતા કે કશ્મીરમાં ૩૭૭ના હટી શકે, રામ મંદિર ન બની શકે, તો આજે સુપ્રીમ કોર્ટનું જજમેન્ટ ઘણા બધા લોકો માટે ખુશીનો દિવસ છે.

આ પણ વાંચો :-

નવસારીમાં DFCC પ્રોજેક્ટમાં ખાનગી કંપનીનો મેનેજર લાંચ લેતાં ઝડપાયો

admin
-
0

નવસારી જિલ્લામાંથી પસાર થતાં DFCC પ્રોજેક્ટની કામગીરી હાલ શરૂ છે. જેમાં કોન્ટ્રાક્ટ મેળવનાર કંપનીના મેનેજરે પેટા કોન્ટેક્ટર પાસે કોન્ટ્રાક્ટ રીન્યુ કરાવવાના નામે પૈસા માંગતા આ મામલે ACBમાં ફરિયાદ કરવામાં આવી હતી. જેથી ACBએ છટકું ગોઠવી મેનેજરને લાંચ લેતા રંગે હાથ ઝડપી લીધો હતો.

DFCC દ્વારા ભારતની મુખ્ય રેલ લાઇનને અડીને ગુડસ ટ્રેન માટે અલગ ટ્રેક બિછાવાની કામગીરી શરૂ છે જેમાં મોટાભાગની કામગીરી પૂર્ણતાને આરે આવી છે. પરંતુ કેટલાક ટેકનીકલ કામો બાકી હોય નવસારી જિલ્લાના પણ ટેકનિકલ કામગીરી માટે પેટા કોન્ટેક્ટ આપવામાં આવે છે જેમાં ઈરકોન ઇન્ટરનેશનલ લી. પાસેથી નાના કોન્ટ્રાક્ટરો કામ મેળવતા રહે છે. ત્યારે એક કોન્ટ્રાક્ટરને ત્રણ માસનો કોન્ટ્રાક્ટ આપવામાં આવ્યો હતો જે રિવ્યુ કરવા માટે ઈરકોન કંપનીના મેનેજરે રેલ્વે ટ્રેકના પાટા નાંખવાના કોન્ટ્રાક્ટને રીન્યુ કરવા મેનેજર સ્વરૂપકુમાર પાલે એક લાખની લાંચ માંગી હતી. પ્રતિ માસ ૨૦ હજાર રૂપિયા લેખે એક લાખ રૂપિયા માંગ્યા હતા.

સુરત ACBનો સંપર્ક કર્યો હતો. જે હિસાબે ૬ મહિનાના કોન્ટ્રાક્ટ માટે પહેલા ૧.૧૫ લાખની લાંચ માંગી હતી. બાદમાં રકઝકના અંતે સંપૂર્ણ કોન્ટ્રાક્ટ માટે ૧ લાખ રૂપિયા માંગ્યા હતા. કોન્ટ્રાક્ટર લાંચ આપવા માંગતો ન હોય સુરત ACBનો સંપર્ક કર્યો હતો. ફરિયાદને આધારે ગોઠવેલા ACBના છટકામાં મેનેજર પાલ ભેરવાયો હતો. બીલીમોરા શહેરના દેસરા વિસ્તારમાં લક્ષ્મી પેલેસ એપાર્ટમેન્ટના પાર્કિગમાં લાંચ લેતા રંગેહાથ પકડાયો હતો. જેથી ACB પોલીસે મેનેજર સ્વરૂપ પાલની ધરપકડ કરી હતી.

આ પણ વાંચો :-

સુરતમાં શ્વાન સાથે ઘૃણાસ્પદ કૃત્ય કરનાર શખ્સની ધરપકડ

admin
-
0

સુરત શહેરના મોટા વરાછા વિસ્તારમાં શ્વાન સાથે સૃષ્ટિ વિરુદ્ધનું કૃત્ય કરનાર શખ્સની પોલીસે ધરપકડ કરી છે. આ વિકૃત મગજના શખ્સે મોટા વરાછા વિસ્તારમાં આવેલા અંબિકા પીનેકલ  કોમ્પલેક્ષ નજીક શ્વાનને હવસનો શિકાર બનાવ્યું હતું. પરંતુ તેની આ કામુક ચેષ્ટાઓ અને ઘૃણાસ્પદ કૃત્ય CCTV કેમેરામાં કેદ થઇ ગયા હતા.

પોલીસે આ શખ્સને ઝડપી પાડવા આશરે ૭૦ થી ૮૦ જેટલા અલગ-અલગ કેમેરાઓ ચેક કર્યા હતા અને આખરે ઉત્રાણ પોલીસે  આ હવસખોરને ઝડપી પાડ્યો હતો. આ શખ્સનું નામ હરેશભાઇ લાલજીભાઇ વાગડીયા હોવાનું જાણવા મળ્યું છે. હાલ તો પોલીસે આ મામલે આરોપીની ધરપકડ કરી આગળની કાર્યવાહી હાથ ધરી છે.

સુરત શહેરના મોટા વરાછા વિસ્તારમાં શ્વાન સાથે સૃષ્ટિ વિરુદ્ધના કૃત્યના CCTV પણ સોશિયલ મીડિયામાં વાયરલ થયો હતો. હાલતો પોલીસે આ મામલે આરોપીની ધરપકડ કરી આગળની કાર્યવાહી હાથ ધરી છે. પકડાયેલ આરોપી હરેશ બં સંતાનનો પિતા છે. મંડપ સર્વિસનું કામ કરે છે. પોલીસે તેના મોબાઈલ ચેક કરતાં ગૂગલ હિસ્ટ્રીમાંથી બીભત્સ વીડિયો જોયાની લિંકો મળી હતી.

આ પણ વાંચો :-

મોપેડ લઈને જતો યુવક સ્લીપ થતાં બાજુમાંથી પસાર થતી ST બસના ટાયર નીચે કચડાયો

admin
-
0

સુરતના ઉધના વિસ્તારમાં અકસ્માતની ઘટના સામે આવી છે. મોપેડ સ્લીપ થયા બાદ બાજુમાં પસાર થતી બસ નીચે બાઇકચાલક આવી જતા બાઈક ચાલકનું ઘટના સ્થળે જ મોત નીપજ્યું છે. આ સમગ્ર ઘટનાના CCTV ફૂટેજ પણ સામે આવ્યા છે. તો બીજી તરફ યુવકના મોતને લઈને પરિવાર શોકમાં ગરકાવ થઈ ગયો હતો.

ઉધના વિસ્તારમાં સર્જાયેલા ગમખ્વાર અકસ્માતની ઘટના CCTVમાં કેદ થઈ છે. CCTVમાં જોઈ શકાય છે કે રોડ પરથી વાહનો પસાર થઈ રહ્યા છે. આ દરમિયાન ST બસ પસાર થઈ રહી હતી ત્યારે બાજુમાંથી પસાર થઈ રહેલા મોપેડ ચાલક અચાનક સંતુલન ગુમાવીને સ્લીપ થઈ જતા બસનું ટાયર યુવકના શરીર પરથી ફરી વળે છે. આ ઘટના બાદ બસચાલકે પણ બસ ત્યાં ઉભી રાખી દીધી હતી. અકસ્માતમાં ગંભીર રીતે ઘવાયેલા યુવકનું સ્થળ પર જ મોત નીપજ્યું હતું. તો બીજી તરફ અકસ્માતની આ ઘટનાને લઈને ત્યાં લોકોનું ટોળું પણ એકઠું થઈ ગયું હતું. બનાવની જાણ થતા પોલીસ પણ ઘટના સ્થળે આવી હતી અને આ મામલે પોલીસે વધુ તપાસ હાથ ધરી છે.

ઉધના રોડ પર GSRTC બસ નીચે યુવકનું મોત નીપજ્યું હતું. ચિરાગ ભુપેન્દ્ર જૈન(ઉ.વ.આ.૨૨)ના બસની બાજુમાંથી ઓવરટેઈક કરવા જઈ રહ્યો હતો. આ દરમિયાન પોતાનું સંતુલન ન રહ્યું હોય તે રીતે સ્લીપ થઈને રોડ પર પટકાયો હતો. આ દરમિયાન બસનું પાછળનું વ્હીલ તેના પરથી પસાર થઈ ગયું હતું. જેથી સાપુતારા બાલાસિનોર જતી બસ નીચે કચડાતા તેનું ઘટના સ્થળે જ મોત નીપજ્યું હતું.

આ પણ વાંચો :-

સુરતમાં શિક્ષક સાથે છેતરપિંડી, એક વીડિયો કોલે શિક્ષકની જિંદગી કરી તબાહ!

admin
-
0

સુરતમાં વધુ એક કાળી કરતૂતની ઘટના સામે આવી છે. અહીં એક શિક્ષક વીડિયો કૉલથી છેતરપિંડીનો ભોગ બન્યા છે. સુરતના પુણા વિસ્તારમાંથી એક ઘટના સામે આવી જેમાં એક યુવતીએ એક શિક્ષક સાથે વીડિયો કૉલમાં વાત કરી હતી, જેમાં યુવતી નગ્ન થઈ હતી અને શિક્ષક પણ ન્યૂડ થઇ ગયો હતો.

સુરતમાં એક હનીટ્રેપનો ચોંકાવનારો કિસ્સો પ્રકાશમાં આવતા ખળભળાટ મચી ગયો હતો. એમ્બ્રોઈડરીના કારખાનેદારને પ્રેમજાળમાં ફસાવીને મહિલાએ અંગતપળોનો વીડિયો ઉતારી લીધો. બાદમાં આ જ વીડિયોને હથિયાર બનાવી વાઈરલ કરવાની ધમકી આપી અને યુવક પાસેથી રૂ.૫ લાખ અને ફ્લેટનો બનાખાત પોતાના નામે કરાવી લીધો હતો. જોકે આટલું લીધા બાદ પણ મહિલાની લાલચ ન સંતોષાઈ અને વધુ પૈસાની માગણી કરતા તેના પાપનો ઘડો ફૂડ્યો. મહિલાની પજવણીથી પરેશાન વેપારી આખરે પોલીસ સ્ટેશને પહોંચતા સમગ્ર મામલે ૩ લોકોની ધરપકડ કરવામાં આવી હતી.

આ વીડિયોના આધારે કેટલાક લોકોએ પોલીસના સ્વાંગમાં આવીને શિક્ષક પાસે પૈસાની ઉઘરાણી કરી હતી. આ ઘટના નવ મહિના પહેલા બની હતી. આ ન્યૂડ વીડિયો કાંડમાં યુવતીએ શિક્ષકને વીડિયો મોકલ્યો અને તેની પાસેથી પૈસા પડાવ્યા હતા. શરૂઆતમાં શિક્ષકે પૈસા આપવાની ના પાડી હતી પછી વીડિયોને વાયરલ કરવાની ઘમકી મળતા ટુકડે ટુકડે ૫૩ હજાર રૂપિયા ગેન્ગને આપ્યા હતા. શિક્ષકને મોકલવામાં આવેલો આ વીડિયો મૉર્ફ કરેલો હતો.

કોલ કટ કરતા વેંત મહિલાએ વિડીયો કોલનું સ્ક્રીન રેકોર્ડીંગ મોકલાવ્યું હતું. જેમાં પિયુષના ન્યુડ ફોટાનો વિડીયો યુ-ટ્યુબ ઉપર વાયરલ કરવાની ધમકી આપી પૈસાની માંગણી કરી હતી પરંતુ પિયુષે આપ્યા ન હતા. દરમિયાનમાં બે દિવસ બાદ વિક્રમ રાઠોડ નામે મેસેજ આવ્યો હતો અને પોતાની ઓળખ સાયબર ક્રાઇમ ઓફિસ ઓફીસર તરીકે આપી તારા વિરૂધ્ધમાં મારી પાસે એક ન્યુડ વિડીયોનો કેસ આવ્યો છે, એક મોબાઇલ નંબર આપી તેની ઉપર યુ-ટ્યુબ કંપનીના રાહુલ શર્મા નામના ઓફિસર સાથે વાત કરી કેસ ક્લોઝ કરાવવા કહ્યું હતું.

આ પણ વાંચો :-

ઈતિહાસમાં પ્રથમ વાર સિયાચીન ગ્લેશિયર પર તૈનાત થનારી પ્રથમ મહિલા મેડિકલ ઓફિસર

admin
-
0

કેપ્ટન ફાતિમા વસીમે સિયાચીન ગ્લેશિયર પર ઓપરેશનલ પોસ્ટ પર તૈનાત થનારી પ્રથમ મહિલા મેડિકલ ઓફિસર બનીને ઈતિહાસ રચ્યો છે. સિયાચીન બેટલ સ્કૂલમાં સખત તાલીમ મેળવ્યા પછી, તેમને ૧૫,૨૦૦ ફૂટની ઉંચાઈ પર સ્થિત ઓપરેશનલ પોસ્ટ પર પોસ્ટ કરવામાં આવ્યા હતા. કેપ્ટન ફાતિમા વસીમની ૧૫ હજાર ફીટ પર પોસ્ટિંગ તેમની અદમ્ય ભાવના અને ઉચ્ચ પ્રેરણાને દર્શાવે છે.

ભારતીય સેનાના ફાયર એન્ડ ફ્યુરી કોર્પ્સે કેપ્ટન ફાતિમા વસીમના સખત પરિશ્રમ અને ઉપલબ્ધિની ઉજવણી કરવા X પરમાં એક વીડિયો પણ અપલોડ કર્યો હતો. જેમા લખ્યું હતું કે, સિયાચીન વોરિયર્સની કેપ્ટન ફાતિમા સિયાચીન ગ્લેશિયર પર ઓપરેશનલ પોસ્ટ પર તૈનાત થનારી પ્રથમ મહિલા ઓફિસર બન્યા છે.

સ્નો લેપર્ડ બ્રિગેડના કેપ્ટન ગીતિકા કૌલ ૧૫,૬૦૦ ફૂટની ઉંચાઈ પર આવેલા સિયાચીન યુદ્ધક્ષેત્રમાં તૈનાત થનારી પ્રથમ મહિલા મેડિકલ ઓફિસર બન્યા હતા. કેપ્ટન ગીતિકાએ તેમની તૈનાતી માટે ભારતીય સેનાનો આભાર વ્યક્ત કર્યો હતો. કેપ્ટન ગીતિકા કૌલે કહ્યું હતું- તે દેશ માટે દરેક ફરજ બજાવશે. તે પોતાનો જીવ જોખમમાં મુકીને દેશની રક્ષા કરશે.

આ પણ વાંચો :-

હવે દર શુક્રવારે લોકસભા-રાજ્યસભામાં સંસદ સત્ર દરમિયાન નમાઝનો સમય નહીં મળે!

admin
-
0

રાજ્યસભામાંથી એક મોટાં સમાચાર સામે આવ્યા છે. સંસદ સત્ર દરમિયાન દર શુક્રવારે નમાઝ માટે મળતો અડધો કલાકનો બ્રેક રાજ્યસભામાં ખતમ કરવામાં આવ્યો છે. આ બદલાવ રાજ્યસભાના અધ્યક્ષ અને ઉપરાષ્ટ્રપતિ જગદીપ ધનખડે કર્યો છે. સાથે જ તેને લગતા નિયમોમાં પણ ફેરફાર કરવાનો નિર્દેશ આપ્યો છે.

રાજ્યસભામાં લંચ બ્રેક દર શુક્રવારે બપોરે ૧:૦૦ થી ૨:૩૦ વાગ્યા સુધી હોય છે, જ્યારે લોકસભામાં લંચ બ્રેક બપોરે ૧:૦૦ થી ૨:૦૦ વાગ્યા સુધી હોય છે. રાજ્યસભામાં આ વધારાનો અડધો કલાક નમાઝ માટે આપવામાં આવ્યો હતો, જેને હવે અધ્યક્ષે નિયમોમાં ફેરફાર કરીને ખતમ કરી દીધો છે. રાજ્યસભામાં શુક્રવારે લંચ પછી, જ્યારે ગૃહની બેઠક બપોરે ૨ વાગ્યે ફરી શરૂ થઈ, ત્યારે ડીએમકેના સાંસદ તિરુચી શિવાએ આ મુદ્દો ઉઠાવ્યો, તેમણે કહ્યું કે દર શુક્રવારે ગૃહની બેઠક બપોરે ૨.૩૦ વાગ્યે શરૂ થતી હતી. આ વખતે ૨ વાગ્યે શરૂ કરવામાં આવ્યું છે, તેનો સમય ક્યારે બદલાયો, આ ફેરફાર કેમ થયો તેની સભ્યોને ખબર નથી.

આ ફેરફાર આજથી નથી, આ ફેરફાર તેઓ પહેલા જ કરી ચુક્યા છે, તેમણે આનું કારણ પણ જણાવ્યું હતું. તેમણે કહ્યું કે લોકસભાની કામગીરી ૨ વાગ્યાથી શરૂ થાય છે, બંને લોકસભા અને રાજ્યસભા સંસદનો હિસ્સો છે, કામકાજના સમયમાં સમાનતા હોવી જોઈએ, તેથી તેઓએ આ અંગે પહેલાથી જ નિયમો બનાવ્યા હતા.

આ પણ વાંચો :-

ધીરજ સાહુની કંપનીના મેનેજર બંટીની નિવાસ સ્થાનેથી પણ રૂ. ૧૦૦ કરોડની રોકડ જપ્ત

admin
-
0

કોંગ્રેસ સાંસદ ધીરજ સાહુના સ્થળો પર આવકવેરા વિભાગના દરોડાનો રવિવારે પાંચમો દિવસ છે અને હજુ પણ બાલાંગીર ખાતે કંપનીના સંકુલમાંથી મળેલી કરોડો રૂપિયાની રોકડની ગણતરી ચાલુ છે. એટલું જ નહીં ધીરજ સાહુની કંપનીના મેનેજર બંટીના ઓડિશાના બોલાંગીરના સુદાપાડા સ્થિત નિવાસ સ્થાનેથી પણ રૂ. ૧૦૦ કરોડની રોકડ જપ્ત કરવામાં આવી છે. ઝારખંડમાંથી રાજ્યસભામાં કોંગ્રેસના સાંસદ ધીરજ સાહુ સાથે સંકળાયેલા ૧૦થી વધુ સ્થળો પર આવકવેરા વિભાગે પાડેલા દરોડા રવિવારે પાંચમા દિવસમાં પ્રવેશ્યા છે.

આઈટી અધિકારીઓએ ઝારખંડ, ઓડિશા અને પશ્ચિમ બંગાળમાં ધીરજ સાહુના ઘર અને કંપનીઓના સંકુલો પર બુધવારથી દરોડા પાડયા છે. ઓડિશાના બોલાંગીર ખાતે ધીરજ સાહુ સાથે સંકળાયેલી કંપનીના સંકુલમાં તિજોરીઓ ભરીને રોકડ મળી આવી છે.

બૌધ ડિસ્ટિલરી પ્રાઇવેટ લિમિટેડ, તેના પ્રમોટર અને અન્યો સામે રવિવારે પાંચમા દિવસે દરોડા પાડવામાં આવ્યા હતા. ટેક્સ અધિકારીઓ દ્વારા ૬ ડિસેમ્બરે કરચોરી અને ગેરકાયેદસર વ્યવહારોના આરોપસર દરોડા પાડવામાં આવ્યા હતા. આવકવેરા વિભાગનું માનવું છે કે આ ‘બિનહિસાબી’ રોકડ છે અને વેપારી જૂથો, વિક્રેતાઓ અને અન્ય લોકો દ્વારા દેશી દારૂના રોકડ વેચાણમાંથી કમાણી કરવામાં આવી છે.

ગણતરીમાં ટેક્સ વિભાગ અને વિવિધ બેંકોના લગભગ ૮૦ લોકોની નવ ટીમો સામેલ છે, જે ૨૪×૭ કામ કરી રહી છે. જ્યારે ટેક્સ અધિકારીઓને કેટલાક અન્ય સ્થળો ઉપરાંત રોકડથી ભરેલી ૧૦ તિજોરીઓ મળી ત્યારે સુરક્ષા કર્મચારીઓ, ડ્રાઇવરો અને અન્ય સ્ટાફ સહિત ૨૦૦ અધિકારીઓની બીજી ટીમ જોડાઈ હતી. સૂત્રોએ જણાવ્યું હતું કે લગભગ ૨૦૦ બેગ અને ટ્રન્કનો ઉપયોગ રોકડને ઓડિશાની વિવિધ બેંક શાખાઓમાં જમા કરાવવા માટે કરવામાં આવ્યો હતો. નોટો ગણવા માટે ઉપયોગમાં લેવાતા મશીનો ઠપ થઈ ગયા હોવાના અહેવાલો પણ સામે આવ્યા હતા.

આ પણ વાંચો :-

1...867868869...1,476Page 868 of 1,476