સાત તબક્કાની લોકસભા ચૂંટણી ૨૦૨૪ના છઠ્ઠા તબક્કામાં, આઠ રાજ્યો અને કેન્દ્રશાસિત પ્રદેશોની કુલ ૫૮ બેઠકો માટે આજે ૨૫ મેના રોજ મતદાન થઈ રહ્યું છે. છઠ્ઠા તબક્કામાં ૮૮૯ ઉમેદવારો ચૂંટણી મેદાનમાં છે. આ તબક્કામાં બિહારની ૮, હરિયાણાની ૧૦, ઝારખંડની ૪, દિલ્હીની ૭, ઓડિશાની ૬, ઉત્તર પ્રદેશની ૧૪, પરિશ્ચમ બંગાળની ૮ અને જમ્મુ-કાશ્મીરની ૧ બેઠક પર મતદાન થઈ રહ્યું છે. મતદાનનો સમય સવારે ૭ થી સાંજના ૬ વાગ્યા સુધીનો છે.

ઓડિશાના પુરી વિસ્તારના એક બૂથમાં EVMમાં ખામી સર્જાઈ છે. ભાજપના ઉમેદવાર સંબિત પાત્રાએ આ માહિતી આપી છે, તેમણે અપીલ કરી છે કે અહીં મતદાનનો સમય થોડો વધારવો જોઈએ જેથી દરેક મતદાર મતાધિકારનો ઉપયોગ કરી શકે.

ઉત્તર પ્રદેશના વર્તમાન સાંસદ અને સુલતાનપુરના ભાજપના ઉમેદવાર મેનકા ગાંધીએ કહ્યું, “૨-૩ જગ્યાએ EVMમાં સમસ્યા છે, ૨-૩ જગ્યાએ તો નાની-નાની સમસ્યાઓ છે, કેટલાક અધિકારીઓ પોતે પ્રશિક્ષિત નથી.

રાજધાની દિલ્હીમાં આમ આદમી પાર્ટીનું કહેવું છે કે મતદાન ધીમી ગતિએ ચાલી રહ્યું છે. કેજરીવાલે કહ્યું કે ચૂંટણી પંચે સુનિશ્ચિત કરવું જોઈએ. આમ આદમી પાર્ટીના નેતા આતિશીએ પણ કહ્યું કે દિલ્હીના કેટલાક વિસ્તારોમાં મતદાન ધીમું છે. ચાંદની ચોકનો દિલ્હી ગેટ વિસ્તાર મુસ્લિમ પ્રભુત્વ ધરાવતો વિસ્તાર છે. અહીંના મતદાન મથક પર લાંબી લાઈનો જોવા મળી રહી છે અને EVM છેલ્લા ૨ કલાકથી બગડેલું છે. મુસ્લિમ મહિલા મતદારોનું કહેવું છે કે તેઓ મોંઘવારી, મહિલા સુરક્ષા અને બેરોજગારી જેવા મુદ્દાઓ પર મતદાન કરી રહી છે. લોકો વર્તમાન સાંસદ અને સરકારથી નાખુશ છે. સાથે જ પુરુષ મુસ્લિમ મતદારોનું પણ કહેવું છે કે બેરોજગારી સૌથી મોટો મુદ્દો છે અને તેઓ મોંઘવારીથી ખૂબ જ ચિંતિત છે.

પશ્ચિમ બંગાળમાં સીએમ મમતા બેનર્જીએ આરોપ લગાવ્યો હતો કે ભાજપ ઈવીએમ સાથે છેડછાડ કરીને વોટિંગ સાથે ચેડાં કરવાનો પ્રયાસ કરી રહ્યો છે. પાર્ટીએ એમ પણ કહ્યું કે આજે બાંકુરાના રઘુનાથપુરમાં ૫ ઈવીએમ પર ભાજપનું ટેગ જોવા મળ્યું હતું. તેમણે ચૂંટણી પંચને કહ્યું કે તે તરત જ આની તપાસ કરે અને પગલાં લે.

લોકસભા ચૂંટણીના છઠ્ઠા તબક્કામાં કુલ ૮૮૯ ઉમેદવારો મેદાનમાં છે. તેમાંથી સૌથી વધુ ૨૨૩ ઉમેદવારો હરિયાણાના છે, જ્યારે ઓછામાં ઓછા ૨૦ ઉમેદવારો જમ્મુ અને કાશ્મીરની અનંતનાગ-રાજૌરી લોકસભા બેઠક પરથી મેદાનમાં છે. ઉત્તર પ્રદેશની ૧૪ બેઠકો માટે કુલ ૧૬૨ ઉમેદવારો, બિહારની આઠ બેઠકો માટે ૮૬ ઉમેદવારો, દિલ્હીની સાત બેઠકો માટે ૧૬૨ ઉમેદવારો, પશ્ચિમ બંગાળની આઠ બેઠકો માટે ૭૯ ઉમેદવારો મેદાનમાં છે.

૨૫ મેના રોજ યોજાનાર ચૂંટણીમાં જે દિગ્ગજોનું ભાવિ નક્કી થવાનું છે તેમાં ભાજપના ધર્મેન્દ્ર પ્રધાન (સંબલપુર, ઓડિશા), ભાજપના મનોજ તિવારી અને કોંગ્રેસના કન્હૈયા કુમાર (ઉત્તર પૂર્વ દિલ્હી), ભાજપના મેનકા ગાંધી સુલતાનપુર (ઉત્તર પ્રદેશ), પીડીપીના મહેબૂબા મુફતી (અનંતનાગ-રાજોરી, જમ્મુ-કાશ્મીર), ભાજપના અભિજિત ગંગોપાધ્યાય (તમલુક, પશ્ચિમ બંગાળ), ભાજપના મનોહરલાલ ખટ્ટર (કરનાલ, હરિયાણા), નવીન જિંદાલ (કુરુક્ષેત્ર, હરિયાણા) અને રાવ ઇન્દ્રજિત સિંહ (ગુડગાવ)નો સમાવેશ થાય છે.

નોંધનીય છે કે, લોકસભા ચૂંટણીના પાંચ તબક્કામાં અત્યાર સુધીમાં સરેરાશ ૬૫.૯૬ ટકા મતદાન થયું છે. આમાં સૌથી ઓછું ૬૨.૨ ટકા મતદાન પાંચમા તબક્કામાં થયું હતું જ્યારે સૌથી વધુ ૬૯.૧૬ ટકા મતદાન ચોથા તબક્કામાં થયું હતું. જ્યારે પ્રથમ તબક્કામાં ૬૬.૧૪ ટકા, બીજા તબક્કામાં ૬૬.૭૧ ટકા અને ત્રીજા તબક્કામાં ૬૫.૬૮ ટકા મતદાન થયું હતું.

ઉત્તર પ્રદેશ લોકસભા ચૂંટણી ૨૦૨૪ ભાજપ સહિત અન્ય રાજકીય પક્ષો માટે ગેમ ચેન્જર છે. કરવામાં આવી રહેલા ૪૦૦ પ્લસના દાવા માટે ભાજપે યૂપીમાં કેસરિયો કરવો જ રહ્યો. આ માટે છઠ્ઠા તબક્કાની ૧૪ બેઠકો પર ભાજપે ક્લિન સ્વીપ કરવું જ રહ્યું. ગત ચૂંટણીમાં ભાજપને અહીં ૧૪ માંથી ૯ બેઠકો મળી હતી. માયાવતીની પાર્ટીને ૪ બેઠકો અને સમાજવાદી પાર્ટીને એક બેઠક મળ હી. સ્થાનિક રાજકારણની વાત કરીએ તો આ વખતે સ્થિતિમાં ફેરબદલ દેખાઇ રહ્યો છે અને સમાજવાદી પાર્ટી ફરી એકવાર ઉભી થતી દેખાઇ રહી છે. આ સંજોગોમાં ભાજપ માટે કાંટે કી ટક્કર જેવી સ્થિતિ થઇ શે છે.