ઓલિમ્પિક મેડલ વિજેતા પીવી સિંધુએ શાનદાર વાપસી કરી છે. આ ભારતીય દિગ્ગજ ખેલાડીએ મલેશિયા માસ્ટર્સ સુપર ૫૦૦ બેડમિન્ટન ટૂર્નામેન્ટમાં ચીનના હાન યુને ૨૧-૧૩, ૧૪-૨૧ અને ૨૧-૧૨થી હરાવી હતી. આ જીત બાદ પીવી સિંધુ મલેશિયા માસ્ટર્સ સુપર ૫૦૦ બેડમિન્ટન ટૂર્નામેન્ટની સેમિફાઇનલમાં પહોંચી ગઈ છે. આ પહેલા પીવી સિંધુ ઉબેર કપ અને થાઈલેન્ડ ઓપનમાં રમી ન હતી. આ ખેલાડીએ છેલ્લે ૨૦૨૨ સિંગાપોર ઓપનમાં ટાઇટલ જીત્યું હતું. પીવી સિંધુને મલેશિયા માસ્ટર્સ સુપર ૫૦૦ બેડમિન્ટન ટૂર્નામેન્ટમાં પાંચમો ક્રમાંક આપવામાં આવ્યો છે.
લક્ષ્ય સેન પોતાની ટ્રેનીંગ માર્સેલના ધ હાલ દ પાર્સમો ખાતે ૮ જુલાઈથી ૨૧ જુલાઈ સુધી પોતાના કોચ તેમજ સપોર્ટ સ્ટાફ સાથે પ્રેક્ટીસ કરશે જેથી આવનારી ઓલિમ્પિક્સમાં ભારતને મેડલ જીતાડવા માટે તે પૂરતી તૈયારી કરી શકે. ભારત સરકારે ઓલિમ્પિક્સ ગેમ્સમાં બે વખત ભારત માટે મેડલ જીતનાર મહિલા બેડમિન્ટન સ્ટાર પીવી સિંધુને પણ સરકારના ખર્ચ ઉપર ટ્રેનીંગ આપવાનો નિર્ણય લીધો છે. પીવી સિંધુ જર્મની ખાતે પોતાની ટ્રેનીંગ લેશે. સિંધુ જર્મનીના હરમાન-ન્યુબર્ગર સ્પોર્ટ્સશુલ ખાતે ટ્રેનીંગ લેશે. મંત્રાલયની હાલમાં જ આ બાબતે એક મિટિંગ બોલાવવામાં આવી હતી. આ મિટિંગમાં લેવાયેલા અન્ય નિર્ણયોમાં ભારતની ટેબલ ટેનીસ ખેલાડી શ્રીજા અકુલા અને તીરંદાજ તીશા પૂનિયાને તેમની રમતોના સાધનનોનો ખર્ચ આપવાની વિનંતીને પણ મંજૂરી આપી દીધી છે.
આટલું જ નહીં મંત્રાલય ગોલ્ફર અદિતિ અશોક અને સ્વિમર આર્યન નહેરાને પણ તેમની વિનંતીને મંજૂર કરતાં પેરીસમાં તેમનાં રોકાણ દરમ્યાન તેમના એરફેયર, રહેવાના ખર્ચ, સ્થાનિક ટ્રાન્સપોર્ટ ખર્ચ વગેરે પૂરા પાડશે. આ ઉપરાંત આર્યનને જે કોઇપણ સાધનની જરૂર હશે તો તેનો ખર્ચ પણ મંત્રાલય ઉઠાવશે અને અદિતિને તેના કેડ્ડીનો ખર્ચ પણ આપશે.
આ પણ વાંચો :-
