પાકિસ્તાનની જાસૂસી એજન્સી ISIના પૂર્વ ચીફ ફૈઝ હમીદની મુશ્કેલીઓ વધી રહી છે. ફૈઝ હમીદ વિરુદ્ધ પાકિસ્તાન આર્મી એક્ટની જોગવાઈઓ હેઠળ કાર્યવાહી કરવામાં આવી છે. ISPR તરફથી આપવામાં આવેલી માહિતી અનુસાર, ફૈઝ હમીદને સૈન્ય કસ્ટડીમાં લેવામાં આવ્યા છે. ટોપ સિટી હાઉસિંગ સ્કીમ કેસમાં ફૈઝ હમીદનું નામ સામે આવ્યું હતું. પાકિસ્તાનની સુપ્રીમ કોર્ટના આદેશનું પાલન કરતા પૂર્વ લેફ્ટનન્ટ જનરલ ફૈઝ હમીદ વિરુદ્ધ ટોપ સિટી હાઉસિંગ સ્કીમ કેસમાં કરવામાં આવેલી ફરિયાદોની જાણકારી મેળવવા માટે પાકિસ્તાન સેનાની એક ટીમે તપાસ હાથ ધરવામાં આવી હતી, જેમાં ફૈઝ અહમદ વિરુદ્ધ અનેક મામલા સામે આવ્યા હતા.
ઇન્ટર સર્વિસીસ પબ્લિક રિલેશન્સ (ISPR) દ્વારા જાહેર કરવામાં આવેલી પ્રેસ રીલિઝમાં કહેવામાં આવ્યું છે કે પાકિસ્તાનના પૂર્વ જાસૂસી ચીફ ફૈઝ હમીદને કસ્ટડીમાં લેવામાં આવીયા છે. ISPRએ કહ્યું, આ ઉપરાંત, ફૈઝ અહમદની નિવૃત્તિ બાદ પાકિસ્તાન આર્મી એક્ટના ઉલ્લંઘનના ઘણા મામલા પણ સામે આવ્યા છે.નિવૃત્ત લેફ્ટનન્ટ જનરલ ફૈઝ હમીદ સામે શિસ્તભંગની કાર્યવાહી શરૂ કરવામાં આવી છે. એવું પહેલી વખત થયું છે જ્યારે પાકિસ્તાનના પૂર્વ ઈન્ટેલિજેન્સના પ્રમુખ વિરુદ્ધ કોર્ટ માર્શલની કાર્યવાહી શરૂ કરવામાં આવી છે.
ગયા વર્ષે 14 નવેમ્બર, 2023ના રોજ જાહેર કરવામાં આવેલા તેના લેખિત આદેશમાં પાકિસ્તાનની સુપ્રીમ કોર્ટે કહ્યું હતું કે સેવાનિવૃત્ત લેફ્ટનન્ટ જનરલ ફૈઝ હમીદ પરના આરોપો અત્યંત ગંભીર પ્રકૃતિના છે. જો આરોપો સાચા સાબિત થાય છે, તો તેઓ દેશની સશસ્ત્ર દળો, ISI અને પાકિસ્તાન રેન્જર્સની પ્રતિષ્ઠાને નુકસાન પહોંચાડશે, એટલે તેમની અવગણના કરી શકાય નહીં. ટોપ સિટી હાઉસિંગના મેનેજમેન્ટે પૂર્વ ISI ચીફ સામે ગંભીર આક્ષપ લગાવતા દાવો કર્યો હતો કે તેમણે તેના માલિક મોઈઝ ખાનની ઓફિસો અને ઘરો પર દરોડા પાડ્યા હતા. ત્યારબાદ નવેમ્બર 2023માં સુપ્રીમ કોર્ટે હાઉસિંગ સોસાયટીના માલિકને ફૈઝ હમીદ અને તેના સહયોગીઓ સામેની તેમની ફરિયાદોના સમાધાન માટે રક્ષા મંત્રાલય સહિત સંબંધિત વિભાગોનો સંપર્ક ક૨વા કહેવામાં આવ્યું હતું.
