Home Blog Page 662

ભારતીય શેરબજારમાં મોટો ઘટાડો, સેન્સેક્સ-નિફ્ટી રેડ ઝોનમાં ખુલ્યા

News Editor
-
0

ભારતીય શેરબજારની શરૂઆત ભારે ઘટાડા સાથે થઇ છે. જેમાં આજે શરૂઆતના કારોબારમાં સેન્સેક્સ અને નિફ્ટીમાં મોટો ઘટાડો જોવા મળ્યો હતો. સેન્સેક્સ 709.94 પોઈન્ટ ઘટીને 81,845.50 પર ખુલ્યો હતો. નિફ્ટી 189.9 પોઈન્ટ ઘટીને 25,089.95 પર ખુલ્યો હતો. મંગળવારે સેન્સેક્સ ફ્લેટ બંધ રહ્યો હતો જ્યારે નિફ્ટી સતત 14મા ટ્રેડિંગ સેશનમાં વધારા સાથે બંધ રહ્યો હતો.

ભારતીય શેરબજારમાં મોટો ઘટાડો, સેન્સેક્સ-નિફ્ટી રેડ ઝોનમાં ખુલ્યા | Sandesh

સેન્સેક્સ પરના મોટાભાગના શેર ઘટાડા સાથે ખૂલ્યા. માત્ર 3 શેરો એશિયન પેઈન્ટ્સ, સન ફાર્મા અને બજાજ ફિનસર્વ વધારા સાથે ટ્રેડ થઈ રહ્યા હતા. ટેક મહિન્દ્રા, ઈન્ફોસિસ, એચસીએલ ટેક અને ટીસીએસ જેવા આઈટી શેર 1.25 ટકા સુધી તૂટ્યા હતા. જેએસડબલ્યુ સ્ટીલ સૌથી વધુ 2 ટકા ડાઉન હતો. એલએન્ડટી, ટાટા સ્ટીલ, એનટીપીસી, ભારતી એરટેલ, મહિન્દ્રા એન્ડ મહિન્દ્રા, ટાઇટન, એક્સિસ બેંક, એસબીઆઈ જેવા શેરોમાં 1 ટકાથી વધુનો ઘટાડો થયો હતો.

હવે બજાર માટે આજે સૌથી મોટો પ્રશ્ન એ છે કે શું હવે થાક બજાર પર પ્રભુત્વ જમાવી રહ્યો છે? વૈશ્વિક બ્રોકરેજ ફર્મ મોર્ગન સ્ટેનલીએ મંગળવારે એક નોંધમાં જણાવ્યું હતું કે બજારમાં કરેક્શનની શક્યતા છે અને તેની પાછળ ઘણા મહત્વપૂર્ણ કારણો હોઈ શકે છે. આ કારણો મૂળભૂત અને તકનીકી બંને છે. જોકે, બ્રોકરેજ ફર્મે એમ પણ કહ્યું હતું કે આ કરેક્શનનો અર્થ એવો નથી કે ભારતીય બજારની તેજીનો અંત આવશે. બુલ રનમાં લગભગ અડધી મુસાફરી જ આવરી લેવામાં આવી છે.

એકંદરે, BSE પર લિસ્ટેડ કંપનીઓના માર્કેટ કેપમાં રૂ. 3.10 લાખ કરોડનો ઘટાડો થયો છે, એટલે કે બજાર ખુલતાની સાથે જ રોકાણકારોની સંપત્તિમાં રૂ. 3.10 લાખ કરોડનો ઘટાડો થયો છે. હવે ઇક્વિટી બેન્ચમાર્ક સૂચકાંકોની વાત કરીએ તો, BSE સેન્સેક્સ હાલમાં 594.38 પોઇન્ટ અથવા 0.72 ટકાના ઘટાડા સાથે 81,961.06 પર છે અને નિફ્ટી 50 190.05 પોઇન્ટ અથવા 0.75 ટકાના ઘટાડા સાથે 25,089.80 પર છે. એક ટ્રેડિંગ દિવસ પહેલા સેન્સેક્સ 82,555.44 પર અને નિફ્ટી 25,279.85 પર બંધ થયો હતો.

આ પણ વાંચો :-

૦૪ સપ્ટેમ્બર, ૨૦૨૪/ આ રાશિ માટે બુધવારના દિવસે પરિવારમાં આનંદ, કાર્યક્ષેત્રે સફળતા મળતી જણાય વિદ્યાર્થી મિત્રો માટે શુભ, જાણો આજનું રાશિ ભવિષ્ય

News Editor
-
0

મેષઃ

દિવસની શરૂઆત આનંદથી થતી જણાય. બપોર સુધી આવક પણ જળવાય. બપોર પછી આવક ઓછી થતી જણાય અને તબિયતમાં પણ અસ્વસ્થતા જણાય. શરદી-ખાંસી-થાક લાગવાની તકલીફ જણાય. ધંધામાં પ્રગતિ.

વૃષભઃ

સ્વભાવમાં થોડી ઉગ્રતા જણાય. સિધ્ધાંતવાદી વલણ વધે. આર્થિક મોરચે ફાયદો થતો જણાય. પરિવારમાં આનંદ-પ્રમોદનું વાતાવરણ પેદા થાય. માતૃસુખ સારૂ, નોકરી-ધંધામાં પ્રગતિ. સ્વાસ્થ્ય જળવાય.

‌મિથુનઃ

કોઇ બનાવી ન જાય એનું ધ્યાન રાખવું. સરકારી કામકાજ, લખાણ બરોબર વાંચીને કરવું. નાણાંકીય લાભ મેળવી શકાશે. પરિવારમાં આનંદ. સંતાનની પ્રગતિથી માન હરખાય. વાહન સુખ મળે. નવા રોકાણો યોગ્ય રીતે કરી શકાય.

કર્કઃ

આજનો દિવસ તમામ રીતે આનંદ-ઉત્સાહ લઇને આવ્યો છે. આવકમાં વધારો થાય. પરિવારના તમામ સભ્યો વચ્ચે એકરાગીતા જળવાશે. નોકરી-ધંધામાં મિશ્રફળ મળે. આરોગ્ય સારૂં રહેશે. માત્ર જમણી છાતીની કાળજી રાખવી.

‌સિંહઃ

મનમાં ચંચળતા રહે. આપનું મન કોઇ કળી શકે નહીં. નવા મિત્રો બનશે. જુના મિત્રોને મળવાનું થાય. પ્રિય પાત્ર સાથે પ્રેમ જળવાશે. જીવનસાથીની પ્રગતિથી આનંદ. ધંધામાં પ્રગતિ. સત્તા, હોદ્દો, માનમાં વધારો થાય.

કન્યાઃ

દિવસ દરમ્યાન આનંદ ઉત્સાહમાં વધારો થતો જણાય. માનસિક શાંતિ અનુભવાય. નાણાંની આવક અંગે મધ્યમ દિવસ છે. પરિવારના સભ્યોની પ્રગતિ થતી જણાય. નોકરી-ધંધામાં ફાયદો થતો જણાય. માથાનો દુઃખાવો રહે.

તુલાઃ

વિદેશના સંબંધો તરફથી લાભ મળતો જણાય. વિદેશ જવાની વ્યવસ્થાનું આયોજન થતું જણાય. માનસિક સંતોષ રહેતો જણાય. પરિવારના સભ્યોના આરોગ્યની ચિંતા રહે. નોકરીમાં બઢતી અને ધંધામાં પ્રગતિ શક્ય બને.

વૃ‌શ્ચિકઃ

સ્વભાવમાં થોડી ઉગ્રતા જણાય. સિધ્ધાંતવાદી વલણ રહે. આર્થિક દૃષ્ટિએ સારો દિવસ. માતા-પિતા સાથે મનમેળ રહે. નવા રોકાણો ફાયદાકારક નીવડે. વાહન સુખ, મિલકત સુખમાં વધારો થાય. સ્વાસ્થ્ય જળવાય.

ધનઃ

માનસિક રીતે અસંતોષની ભાવના પેદા થાય. નાના-ભાઇ બહેનો સાથે સારૂં. કાર્યક્ષેત્રે સફળતા મળતી જણાય. પરિવાર પ્રત્યે ઉદાસીનતા વર્તાય. ભાગ્ય બળવાન છે. નોકરીમાં બઢતી અને ધંધામાં પ્રગતિ અનુભવાય.

મકરઃ

માન-સન્માનમાં વધારો થતો જણાય. નાણાંકીય બાબતો અંગે સંતોષ. પરિવારમાં આનંદ. સ્થાવર જંગમ મિલકતના રોકાણોમાં સાનુકુળતા જણાય. સંતાનના પ્રશ્નો ઉકેલાય, સંતાન તરફથી પ્રેમ મળતો જણાય. આરોગ્ય સારૂ.

કુંભઃ

આર્થિક બાબતો અંગે શુભ દિવસ. છતાં આજે કોઇને ઉધાર આપવું નહીં. નાણાં ઉછીના આપવા નહીં. પૈસા ફસાઇ ન જાય. તેનું ધ્યાન રાખવું. શરદી-ખાંસી, તાવનો ઉપદ્રવ રહે. દિવસના પૂર્વાર્ધમાં ધંધા બાબતે સારૂં.

મીનઃ

આનંદ-ઉત્સાહ સભર દિવસ જણાય. આર્થિક પાસુ મજબુત બને. પરિવારના સ્ત્રીવર્ગને સફળતા મળતી જણાય. પત્નિ સાથે ઉત્તમ પ્રેમ જળવાશે.ધંધાકીય બાબતોમાં સાચવવું. વિચારીને નિર્ણયો લેવાની સલાહ છે.

કંગના રનૌતની ફિલ્મ ‘ઇમરજન્સી’ના સમર્થનમાં આવ્યા મનોજ મુન્તાશીર, જાણો શું કહ્યું?

News Editor
-
0

કંગના રનૌત સ્ટારર ફિલ્મ ‘ઇમરજન્સી’ની રિલીઝ મોકૂફ રાખવામાં આવી છે. ફિલ્મને લઈને થયેલા વિવાદ બાદ સેન્સર બોર્ડે હજુ સુધી આ અંગે કોઈ સ્પષ્ટતા કરી નથી. આ દરમિયાન કંગનાએ તેના ઓફિશિયલ ઈન્સ્ટાગ્રામ એકાઉન્ટ પરથી કવિ અને લેખક મનોજ મુન્તાશીરનો એક વીડિયો શેર કર્યો છે. આ વીડિયોમાં મનોજ મુન્તાશીરે ફિલ્મને સર્ટિફિકેટ ન મળવા પર અનેક સવાલો ઉઠાવ્યા છે. ફિલ્મના જે-જે ભાગ પર પ્રશ્નાર્થ ચિન્હ લગાવવામાં આવ્યો છે, તેના પર મનોજ મુન્તાશીરે પ્રશ્નો ઉઠાવ્યા છે. અભિવ્યક્તિની સ્વતંત્રતા વિશે પણ વાત કરી. તેમણે વાંધો ઉઠાવનારાઓને વિનંતી કરી કે, “જો તેમને કોઈ સમસ્યા હોય તો તેઓ કંગનાને કોર્ટમાં લઈ જાય, કાયદો નક્કી કરશે.” વીડિયો શેર કરતી વખતે, કંગના રનૌતે તેના કેપ્શનમાં લખ્યું છે કે ‘ઇમરજન્સી vs અભિવ્યક્તિની સ્વતંત્રતા’.

કંગના રનૌતને કોર્ટમાં લઈ જાઓ... કાયદો નક્કી કરશે', મનોજ મુન્તાશીરે કેમ કહ્યું, ઈમરજન્સી રિલીઝ મોકૂફ - 'Take Kangana Ranaut to court... the law will decide', why did Manoj ...

મનોજે વીડિયોમાં કહ્યું- ઈમરજન્સી 6 સપ્ટેમ્બરે રિલીઝ નહીં થાય, કારણ કે ફિલ્મને સેન્સર સર્ટિફિકેટ નથી મળ્યું. તે સારી વાત છે. પરંતુ સર્ટિફિકેટની આ રમત આડેધડ શા માટે રમાઈ રહી છે? સંપૂર્ણપણે રમવું જોઈએ. અમારી પાસેથી વધુ એક પ્રમાણપત્ર છીનવી લેવું જોઈએ કે અમે અભિવ્યક્તિની સ્વતંત્રતાનું સન્માન કરતા લોકો છીએ. મહાનતાના આ ઢોંગને છોડી દો, અમે એક ફિલ્મ સહન કરી શકતા નથી. અભિવ્યક્તિની સ્વતંત્રતા વિશે વાત કરીએ.

‘ઇમરજન્સીમાં શું સમસ્યા છે… સમસ્યા એ છે કે ઇન્દિરા ગાંધીની ઘાતકી હત્યા બતાવવામાં આવી છે. તો શું ઈન્દિરાજી રોડ અકસ્માતમાં મૃત્યુ પામ્યા હતા હત્યા નહીં? સમસ્યા એ છે કે ઈન્દિરા ગાંધીના હત્યારાઓને શીખ બતાવવામાં આવ્યા છે. તો શું સતવંત સિંહ અને બિઅંત સિંહ શીખ ન હતા? સમસ્યા એ છે કે જરનૈલ સિંહ ભિંડરાનવાલેને આતંકવાદી ગણાવવામાં આવ્યો છે. તો શું હજારો નિર્દોષોને મારનાર એ બદમાશ આતંકવાદી ન હતો?

મનોજ મુન્તાશીરે વધુમાં કહ્યું કે, “ઓકે, ઈમરજન્સીમાં શું સમસ્યા છે, સમસ્યા એ છે કે ઈન્દિરા ગાંધીની ઘાતકી હત્યા બતાવવામાં આવી છે. તો શું ઈન્દિરા ગાંધીનું મૃત્યુ માર્ગ અકસ્માતમાં થયું હતું અને હત્યા થઈ નથી? તેમની સમસ્યા એ છે કે ઈન્દિરા ગાંધીના હત્યારાઓને શીખ બતાવવામાં આવ્યા છે, તો શું સતવંત સિંહ અને બેઅંત સિંહ શીખ નહોતા. પછી સમસ્યા એ છે કે જરનૈલ સિંહ ભિંડરાવાલેને બતાવવામાં આવ્યા છે તો શું તે હજારો નિર્દોષોની ક્રૂર હત્યા કરનારા આતંકવાદી ન હતા?

આ પણ વાંચો :-

ભરૂચમાં આભ ફાંટતા જળબંબાકાર જેવી સ્થિતિ, 18 ઇંચ વરસાદ

News Editor
-
0

ગુજરાતમાં ફરી ભારે વરસાદ થી ગંભીર પરિસ્થિતિ સર્જાઇ છે. ભરૂચમાં આભ ફાંટતા જળબંબાકાર જેવી સ્થિતિ સર્જાઇ છે. ભરૂચમાં સોમવાર અને મંગળવાર સવારે 10 વાગે સુધી 18 ઇંચ વરસાદ પડ્યો છે. ભરૂચના વાલિયા તાલુકામાં મંગળવારે આભા ફાટતા માત્ર 4 કલાકમાં 6 ઇંચ વરસાદ પડ્યો છે. છેલ્લા બે – ત્રણ દિવસથી ભારે વરસાદ વરસતા ભરૂચ સહિત દક્ષિણ ગુજરાતના ઘણા જિલ્લા જળબંબાકાર થઇ ઘયા છે. સુરત અને વલસાડમાં પણ મંગળવારે સવારે 6 થી 10 વાગે સુધી 4 ઇંચ વરસાદ પડ્યો છે.

Top News: માંગરોળમાં 18 ઇંચ વરસાદ, હેલિકૉપ્ટરથી લોકોનું સ્થળાંતર, જાણો આજે ક્યાં પડશે વરસાદ? - BBC News ગુજરાતી

ભરૂચ 18 ઇંચ વરસાદ ખાબક્યો છે. ભરૂચના વાલિયા તાલુકામાં છેલ્લા 24 કલાકમાં 12 ઇંચ વરસાદ ખાબક્યો છે. હવામાન વિભાગના આંકડા મુજબ વાલિયા જિલ્લામાં છેલ્લા 24 કલાકમાં 297 મીમી વરસાદ પડ્યો છે. વાલિયા ઉપરાંત ભરૂચ જિલ્લાના અન્ય તાલુકાની વાત કરીયે તો આમોદમાં 14 મીમી, અંકલેશ્વરમાં 65 મીમી, ભરૂચ શહેરમાં 185 મીમી, હોંસોટમાં 33 મીમી, જંબુસરમાં 12 મીમી, ઝઘડિયામાં 40 મીમી, નેત્રંગમાં 94 મીમી, વાગરામાં 89 મીમી વરસાદ પડ્યો છે. આમ છેલ્લા 24 કલાકમાં ભરૂજ જિલ્લામાં કુલ 92.11 મીમી એટલે કે સાડા 3 ઇંચ વરસાદ પડ્યો છે.

હવામાન વિભાગે ગુજરાતમાં 2 થી 6 સપ્ટેમ્બર ભારે વરસાદની આગાહી કરી છે. ગુજરાતમાં સોમવારથી ઘણા જિલ્લામાં ભારે થી અતિ ભારે વરસાદ પડી રહ્યો છે. મંગળવારે સવારના 6 થી 10 વાગે સુધી સૌથી વધુ ભરૂચના વાલિયામાં સૌથી વધુ 6 ઇંચ વરસાદ ખાબક્યો છે. સુરતના ઉમરવાડામાં 4 ઉંચ, વલાડના 3.8 ઇંચ, વાપીમાં 3 ઇંચ, પલસાણામાં 2.8 ઇંચ, કચ્છના રાપરમાં અઢી ઇંચ, સુરતના માંગરોળમાં અઢી ઇંચ વરસાદ પડ્યો છે. અમદાવાદમાં સવારના 6 થી 10 વાગે સુધી ધોલેરા, માંડલ, વિરમગામમાં અડધા ઇંચ સુધી વરસાદ પડ્યો છે.

આ પણ વાંચો :-

Netflix સીરિઝ ‘IC814’ ધ કંદહાર હાઈજેકમાં બદલાશે આતંકીઓના નામ ?

News Editor
-
0

Netflix સીરિઝ ‘IC814’ પર વિવાદ વધી રહ્યો છે. વધતા વિવાદ વચ્ચે નેટફ્લિક્સ કન્ટેન્ટ હેડને સરકાર દ્વારા બોલાવવામાં આવ્યા હતા. પ્રાપ્ત માહિતી અનુસાર, સરકારે કહ્યું કે આ દેશના લોકોની ભાવનાઓ સાથે રમવાનો કોઈને અધિકાર નથી. ભારતીય સંસ્કૃતિ અને સભ્યતાનું હંમેશા સન્માન કરવું જોઈએ. તમારે કંઈપણ ખોટી રીતે રજૂ કરતા પહેલા વિચારવું જોઈએ. સરકાર આ બાબતને ખૂબ જ ગંભીરતાથી લઈ રહી છે.

ભારે હોબાળા બાદ અંતે Netflix ઝુક્યું: ‘IC 814: ધ કંદહાર હાઈજેક’ સીરિઝમાં ફેરફાર માટે તૈયાર 1 - image

મંત્રાલયના વરિષ્ઠ અધિકારીઓ અને નેટફ્લિક્સ ઈન્ડિયાના વડા મોનિકાની બેઠકમાં આ વિવાદ પર ચર્ચા થઈ હતી. અંતે Netflixએ કેન્દ્ર સરકારને કહ્યું કે તેઓ વેબ સીરિઝ ‘IC 814: The Kandahar Hijack’ના વાંધાજનક ભાગમાં ફેરફાર કરવા માટે તૈયાર છે. આ સિવાય એ પણ ખાતરી આપવામાં આવી કે ભવિષ્યમાં નેટફ્લિક્સ પર જે પણ ફિલ્મો કે વેબ સીરિઝ રિલીઝ થશે, તે દેશના લોકોની ભાવનાઓને ધ્યાનમાં રાખીને તૈયાર કરવામાં આવશે.

29 ઓગસ્ટના રોજ રીલિઝ થયેલ ‘IC 814: ધ કંદહાર હાઇજેક’ અનુભવ સિન્હા દ્વારા ડિરેક્ટ કરવામાં આવી છે. 1999માં નેપાળથી ભારત આવી રહેલા પ્લેનના અપહરણ પ્રકરણ કંદહાર પ્લેન હાઇજેકની ઘટના પર આધારિત સીરિઝમાં કુલ 6 એપિસોડ છે. આ સીરિઝના બે હાઇજેકર્સના નામને લઇને વિવાદ ઉભો રહ્યો છે. આ પ્લેનને પાંચ હાઈજેકર્સ દ્વારા હાઈજેક કરવામાં આવ્યું હતું. આ આતંકવાદીઓએ હાઇજેક દરમિયાન પોતાના જે કોડ નેમ રાખ્યા હતા તે જ ભોલા, શંકર, ડોક્ટર, બર્ગર અને ચીફ સીરિઝમાં બતાવાયા છે. લોકો જાતે કરીને લાગણી દુભાવવાના પ્રયાસો બદલ નેટફ્લિકસની ઝાટકણી કાઢી રહ્યાં છે અને આ આતંકીઓના સાચા નામ જ રજૂ કરવા વિરોધ કરી રહ્યાં છે.

આતંકવાદીઓ મુસ્લિમ હતા અને તેમના સાચા નામ ઈબ્રાહિમ અખ્તર, શાહિદ અખ્તર સૈયદ, સની અહમદ કાઝી, મિસ્ત્રી ઝહૂર ઈબ્રાહિમ અને શાકિર હતા. વિવાદ પછી, સરકારે Netflix હેડને બોલાવ્યા અને હવે OTT પ્લેટફોર્મ ફેરફારો માટે તૈયાર છે.

આ પણ વાંચો :-

ગુજરાતમાં ભાજપનું સદસ્યતા અભિયાન, CM ભૂપેન્દ્ર પટેલને પ્રથમ પ્રાથમિક સભ્ય બનાવ્યા

News Editor
-
0

લોકસભાની ચૂંટણી બાદ ગુજરાતમાં સ્થાનિક સ્વરાજ્યની ચૂંટણીની તૈયારીઓ શરૂ થઈ ગઈ છે. ગુજરાત સહિત સમગ્ર દેશમાં ભાજપના સદસ્યતા અભિયાનની શરૂઆત થઈ છે. ત્યારે ગુજરાતમાં પણ મુખ્યમંત્રી ભૂપેન્દ્ર પટેલને પણ તેમની સદસ્યતા રિન્યૂ કરીને સી.આર. પાટીલે તેમને ભાજપના પ્રાથમિક સભ્ય બનાવવામાં આવ્યાં છે. ભાજપમાં દર 6 વર્ષે સદસ્યતા રિન્યૂ કરવામાં આવે છે. આગામી સમયમાં દોઢ કરોડથી વધુ લોકોને ભાજપના સભ્ય બનાવવાનો ટાર્ગેટ નક્કી કરવામાં આવ્યો છે. ગઈકાલે સાંજે દિલ્હી ખાતે વડાપ્રધાન મોદીને ભાજપના રાષ્ટ્રીય અધ્યક્ષ જે.પી નડ્ડાએ પ્રથમ પ્રાથમિક સભ્ય બનાવી નોંધણી કરાવી હતી.

ગુજરાત ભાજપના પ્રદેશ પ્રમુખ સી.આર.પાટીલે આ અભિયાનની શરૂઆત કરાવી છે. આ અભિયાન અંતર્ગત આજે એક કાર્યક્રમનું આયોજન કરવામા આવ્યું હતું. જેમાં મંત્રીઓ, સાંસદો, ધારાસભ્યો, પદાધિકારીઓ સહિત અનેક કાર્યકરો ઉપસ્થિત રહ્યાં હતાં. આ કાર્યક્રમમાં પ્રદેશ પ્રમુખ પાટીલે જણાવ્યું હતું કે, સંગઠનની તાકાતને નબળી ગણ્યા વિના પૂરી તાકાત સાથે આ ટાર્ગેટને પુરો કરવાનો પ્રયાસ કરજો. લોકસભાની ચૂંટણી બાદ સંગઠનમાં નિરાશા જોવા મળી છે અને ગુજરાતમાં એક સીટ ઓછી આવી છે તેની જવાબદારી મેં લીધી છે.લોકસભાની ચૂંટણીમાં ત્રીજી વખત વડાપ્રધાન બન્યા બાદ નરેન્દ્રભાઈ પ્રથમ વખત 16 સપ્ટેમ્બરે ગુજરાત આવી રહ્યાં છે.

તેમણે વધુમાં કહ્યું હતું કે, GMDC ગ્રાઉન્ડ ખાતે અલગ અલગ કાર્યક્રમો થવાના છે. એક લાખથી વધુ કાર્યકરોએ એકઠા થઈને વડાપ્રધાનનું અભિવાદન કરવાનું છે.ઘણી પાર્ટીઓમાં આજીવન સદસ્યતા મળી જતી હોય છે પણ ભાજપમાં 6 વર્ષે સદસ્યતા પુરી થાય છે. દિલ્હીમાં ગઈકાલે વડાપ્રધાનને પ્રથમ સભ્ય બનાવી નોંધણી કરાવી છે. તાલુકા, જિલ્લા પંચાયત, શહેર સહીતના તમામ મેમ્બરોને 2 કરોડ સદસ્યો બનાવવાના છે. સંગઠિત થઇને પડકાર ઝીલવાનો છે જે પડકાર નથી આપણે નક્કી કરેલો લક્ષ્ય છે. સંગઠન મજબૂત હશે તો જ ઈલેકશન જીતી શકાશે. 74 લાખ પેજ સમિતીના સદસ્ય તો કાયમી જ છે પણ પ્રાથમિક સદસ્ય એટલે 18 વર્ષથી ઉપર કોઇ પણ બની શકે છે. 66 લાખ જેટલી બહેનો આપણી સદસ્યતા સાથે જોડાયેલી છે.

આ પણ વાંચો :-

PM મોદી બ્રુનેઈ અને સિંગાપોર જવા થયા રવાના, વિદેશી મુદ્દાઓ પર થશે ચર્ચા

News Editor
-
0

પ્રધાનમંત્રી નરેન્દ્ર મોદી આજે બ્રુનેઈ અને સિંગાપુરની ત્રણ દિવસની યાત્રા પર રવાના થયા છે. વિદેશ મંત્રાલયે જણાવ્યું હતું કે પ્રધાનમંત્રી બ્રુનેઈના સુલ્તાન હાજી હસનલ બોલ્કિયાના નિમંત્રણ પર 3 અને 4 સપ્ટેમ્બરના રોજ બ્રુનેઈની મુલાકાત લેશે. ભારતીય વડાપ્રધાનની બ્રુનેઈની પ્રથમ દ્વીપક્ષીય યાત્રા રહેશે. પીએમ મોદીએ વિદેશ યાત્રા પર જતા પહેલા ટ્વિટ પણ કર્યું હતું.

બ્રુનેઈ અને સિંગાપોરના પ્રવાસ પહેલા પીએમ મોદીએ ટ્વિટ કર્યું હતું કે, ‘આગામી બે દિવસમાં હું બ્રુનેઈ દારુસલામ અને સિંગાપોરની મુલાકાત લઈશ. આ દેશોમાં તમામ કાર્યક્રમો દરમિયાન ભારત સાથેના સંબંધોને વધુ મજબૂત કરવા પર ધ્યાન કેન્દ્રિત કરવામાં આવશે. ભારત-બ્રુનેઈ દારુસલામના રાજદ્વારી સંબંધોએ 40 ગૌરવપૂર્ણ વર્ષ પૂર્ણ કર્યા છે. હું મહામહિમ સુલતાન હાજી હસનલ બોલ્કિયાને મળવા માટે ઉત્સુક છું.

વડાપ્રધાન મોદીએ વધુમાં કહ્યું કે, ‘સિંગાપોરમાં હું રાષ્ટ્રપતિ થર્મન શનમુગરત્નમ, વડા પ્રધાન લોરેન્સ વોંગ, વરિષ્ઠ પ્રધાન લી સિએન લૂંગ અને એમેરિટસ વરિષ્ઠ પ્રધાન ગોહ ચોક ટોંગ સાથે વાતચીત કરીશ. અમે મુખ્ય ક્ષેત્રોમાં સંબંધોને વધુ મજબૂત બનાવવાની આશા રાખીએ છીએ.’ બ્રુનેઈ ભારતની ‘એક્ટ ઈસ્ટ’ નીતિ અને ઈન્ડો-પેસિફિક વિઝનમાં મહત્વપૂર્ણ ભાગીદાર છે. પીએમ મોદીની આ મુલાકાત સંરક્ષણ સહયોગ, વેપાર અને રોકાણ, ઉર્જા, અવકાશ ટેકનોલોજી, આરોગ્ય સહયોગ, ક્ષમતા નિર્માણ, સંસ્કૃતિનું આદાનપ્રદાનને મજબૂત કરશે.

PM મોદીની બ્રુનેઈની મુલાકાત પર, વિદેશ મંત્રાલયના સચિવ (પૂર્વ) જયદીપ મજુમદારે કહ્યું, ‘PM બ્રુનેઈ સાથેના સંબંધો અને સહયોગના તમામ પાસાઓ પર દ્વિપક્ષીય રીતે ચર્ચા કરશે. બ્રુનેઈ સાથે અમારા ખૂબ જ ઉષ્માભર્યા અને મૈત્રીપૂર્ણ સંબંધો છે. બ્રુનેઈમાં ભારતીયોની સંખ્યા લગભગ 14,000 છે અને તેમાં બ્રુનેઈના ડોકટરો અને શિક્ષકોનો સમાવેશ થાય છે, જેમણે બ્રુનેઈના અર્થતંત્ર અને સમાજમાં તેમના યોગદાન માટે સદ્ભાવના અને સન્માન મેળવ્યા છે. “બ્રુનેઇ 2012 થી 2015 સુધી ASEAN માં અમારું દેશ સંયોજક હતું અને ASEAN સાથેના અમારા આગળના જોડાણમાં મહત્વપૂર્ણ ભૂમિકા ભજવી છે અને નિભાવવાનું ચાલુ રાખશે.”

આ પણ વાંચો :-

ગુજરાતના વિસ્તારોમાં ભારેથી અતિભારે વરસાદની આગાહી: હવામાન વિભાગ

News Editor
-
0

રાજ્યમાં ઓગસ્ટ મહિનામાં મેધરાજાની ધમાકેદારી બેટિંગ બાદ, હવે સપ્ટેમ્બર મહિનામાં પણ મેઘરાજાની ધમાકેદારી બેટિંગની હવામાન વિભાગે આગાહી વ્યક્ત કરી છે. જેમાં હવામાન વિભાગ દ્વારા આગામી 7 સપ્ટેમ્બર સુધી રાજ્યના દક્ષિણ ગુજરાત, સૌરાષ્ટ્ર અને મધ્ય-ઉત્તર ગુજરાતના વિસ્તારોમાં ભારેથી અતિભારે વરસાદની આગાહી કરવામાં આવી છે. આજે સુરત, નર્મદા, છોટા ઉદેપુર જિલ્લામાં રેડ એલર્ટ જાહેર કરવામાં આવ્યું છે, ત્યારે 2 વાગ્યા સુધીમાં રાજ્યના 99 તાલુકામાં વરસાદ ખાબક્યો છે. જેમાં સોનગઢમાં 8 ઈંચથી વધુ વરસાદ ખાબક્યો છે. જ્યારે ડાંગના વઘઈમાં 6 ઇંચ વરસાદ વરસી ચૂક્યો છે.

IMD predicts heavy rainfall in these states till July 8; yellow alert issued for Delhi - BusinessToday

મળતી માહિતી અનુસાર હવામાન વિભાગની આગાહી પ્રમાણે દક્ષિણ ગુજરાતના વિસ્તારમાં ધોધમાર વરસાદ નોંધાય રહ્યો છે. તાપીમાં ભારેથી અતિભારે વરસાદને પગલે ઓલણ નદીના પાણી તાપીના પંચોલ ગામમાં ઘૂસ્યા હોવાથી ગામની આશ્રમ શાળામાં ફસાયેલા બાળકોનું NDRFની ટીમ દ્વારા રેસ્ક્યુ કરીને સુરક્ષિત સ્થળે ખસેડવામાં આવ્યાં છે. આ ઉપરાંત દક્ષિણ ગુજરાતના સુરત, નવસારી, તાપી, નર્મદા સહિતના જિલ્લામાં ધોધમાર વરસાદને પગલે અનેક વિસ્તારોમાં પાણી ભરાયા છે. જેમાં સોનગઢમાં 8 ઈંચથી વધુ વરસાદ ખાબક્યો હોવાથી સોનગઢથી વ્યારાને જોડતો માર્ગ પાણીમાં ગરકાવ થયો છે. આ સાથે સોનગઢ સુરત હાઈવેમાં પાણી ભરાયા છે. જ્યારે બીજી બાજુ ડાંગના વઘઈમાં 6 ઇંચ વરસાદ વરસી ચૂક્યો છે. ભારે વરસાદના કારણે રોડ-રસ્તા પર નદીની જેમ પાણી વહેતાં થયા હતા. બીજી તરફ ઉચ્છલમાં 3.18 ઇંચ, ડાંગ-આહવામાં 3.14 ઇંચ, ડોલવણમાં 2 ઇંચ, લુણાવાડામાં 2 ઇંચ, વાંસદામાં 1.8 ઇંચ વરસાદ વરસ્યો છે. દાહોદની માછણ નદીના કોઝવે ઉપર પાણી ફરી વળ્યું હોવાથી પોલીસ બંદોબસ્ત ગોઠવી દેવામાં આવ્યો છે.

બચાવ કામગીરી માટે એસડીઆરએફ અને એનડીઆરએફની 40 ટીમ તૈનાત કરવામાં આવી છે. અનેક વિસ્તારોમાં વીજ સેવા ખોટવાઈ ગઈ છે. જન-જીવન અસ્તવ્યસ્ત બન્યું છે. મુખ્યમંત્રી ચંદ્રબાબુ નાયડૂએ સેનાની ત્રણ પાંખોને હેલિકોપ્ટર, ડ્રોન, બોટ અને ટ્રેક્ટર્સ મારફત રાહત સેવાઓ પહોંચાડવા નિર્દેશ કર્યો છે. પુરના લીધે તેલંગાણાને ત્રણ દિવસમાં 5438 કરોડનું નુકસાન થયુ છે.

અતિભારે વરસાદને કારણે ગુજરાતમાં પણ પૂર આવ્યું હતું. 200થી વધુ તાલુકાઓ પૂરના પાણીમાં ડૂબી ગયા હતા. હવામાન વિભાગે આગામી 3 દિવસ ફરીથી ભારે વરસાદનું રેડ એલર્ટ જાહેર કર્યું છે. રાજ્યની 10 નદીઓ અને 100થી વધુ તળાવો છલકાઈ ગયા છે. 100થી વધુ રસ્તાઓ બ્લોક છે. માત્ર વડોદરામાંથી જ 20 હજાર લોકોને બચાવીને રાહત શિબિરોમાં લઈ જવામાં આવ્યા છે.

રાજ્યમાં આગામી પાંચ દિવસ ભારેથી અતિભારે વરસાદની હવામાન વિભાગે આગાહી કરી છે, ત્યારે 3 સપ્ટેમ્બરે અતિભારે વરસાદને પગલે ભરૂચ અને સુરત જિલ્લામાં રેડ એલર્ટ જાહેર કરવામાં આવ્યું છે. જ્યારે સૌરાષ્ટ્રના બોટાદ અને ભાવનગર સહિત આણંદ, વડોદરા, નર્મદા, તાપી, ડાંગ, નવસારી અને વલસાડ જિલ્લામાં ભારેથી અતિભારે વરસાદને પગલે ઓરેન્જ એલર્ટ જાહેર કરવામાં આવ્યું છે. તેવામાં મધ્ય ગુજરાતના અમદાવાદ, ખેડા, પંચમહાલ, છોટા ઉદેપુર સહિત સૌરાષ્ટ્રના અમરેલી, રાજકોટ, સુરેન્દ્રનગર જિલ્લામાં ભારે વરસાદને લઈને યલો એલર્ટ જાહેર કરવામાં આવ્યું છે.

આ પણ વાંચો :-

છત્તીસગઢમાં નક્સલીઓ સાથે અથડામણ, 9 નક્સલવાદી ઠાર

News Editor
-
0

છત્તીસગઢના દંતેવાડા અને બીજાપુરના સરહદી વિસ્તારોમાં સુરક્ષાદળો અને નક્સલવાદીઓ વચ્ચે ભારે અથડામણ જોવા મળી છે. આ અથડામણમાં અત્યાર સુધીમાં જવાનોએ 9 નક્સલીઓને ઠાર કર્યા છે. નક્સલીઓના મૃતદેહની સાથે ઘટનાસ્થળેથી SLR, 303 અને 12 બોરના હથિયારો પણ મળી આવ્યા છે.

Clashes with Naxalites in Chhattisgarh, 5 martyred, 15 missing. છત્તીસગઢમાં નક્સલવાદીઓ સાથે અથડામણ, 5 જવાન શહીદ, 15 લાપતા - Gujarati Oneindia

ઉલ્લેખનીય છે કે, છત્તીસગઢમાં ફરી એકવાર નક્સલવાદીઓ અને સુરક્ષા દળો વચ્ચે અથડામણ થઈ છે. પોલીસ અધિકારીઓએ જણાવ્યું કે, મંગળવાર 3 સપ્ટેમ્બરના રોજ જ્યારે સુરક્ષા દળો પેટ્રોલિંગ પર નીકળી રહ્યા હતા ત્યારે તેમને પશ્ચિમ બસ્તર ડિવીઝનમાં માઓવાદીઓની હિલચાલ હોવાની માહિતી મળી હતી. ત્યાર બાદ મંગળવારે સવારે 10.30 વાગ્યે એન્કાઉન્ટર શરૂ થયું.

મળતી માહિતી મુજબ છત્તીસગઢના પશ્ચિમ બસ્તર ડિવિઝનમાં માઓવાદીઓની હાજરીની સૂચના મળતાં પોલીસની સંયુક્ત ટીમે સર્ચ ઓપરેશન શરૂ કર્યું હતું. 3 સપ્ટેમ્બર 2024ના રોજ સવારે 10:30 વાગ્યે સર્ચ ઓપરેશન દરમિયાન પોલીસનો PLGA કંપની નંબર 02 ના નક્સલવાદીઓ સાથે અથડામણ થઈ. બંને બાજુથી ગોળીબાર થવા લાગ્યા. જેમાં સૈનિકો બહાદુરીપૂર્વક નક્સલવાદીઓ સામે લડી રહ્યા છે. આ ઓપરેશનમાં સામેલ તમામ સૈનિકો સુરક્ષિત છે.

નકસલીઓ સાથેની અથડામણાં 9 નક્સલીઓ માર્યા ગયા છે. સૈનિકોનું હજુ પણ સર્ચ ઓપરેશન ચાલુ છે. ઓપરેશન પૂર્ણ થયા બાદ વિગતવાર માહિતી શેર કરવામાં આવશે.

આ પણ વાંચો :-

બંગાળ વિધાનસભામાં બળાત્કાર વિરોધી બિલ રજૂ

News Editor
-
0

કોલકાતા રેપ કેસને લઈને મમતા સરકારે મોટો નિર્ણય લીધો છે. રાજ્ય સરકાર બંગાળ વિધાનસભામાં એક બિલ લાવી છે જેના દ્વારા બળાત્કાર જેવા મામલામાં આરોપીઓને મૃત્યુદંડની જોગવાઈ કરવામાં આવી છે. વાસ્તવમાં, આ બિલ પર લાંબા સમયથી ચર્ચા થઈ રહી હતી, હવે તે જ સંદર્ભમાં તેને મંગળવારે પણ રજૂ કરવામાં આવ્યું હતું. આ બિલને અપરાજિતા મહિલા અને બાળ ધારાસભ્ય 2024 નામ આપવામાં આવ્યું છે.

Kolkata doctor rape-murder: Mamata Banerjee blames 'Bam, Ram' for RG Kar vandalism | Latest News India - Hindustan Times

મોટી વાત એ છે કે આ બિલ દ્વારા માત્ર મહિલાઓને જ નહીં પરંતુ બાળકોને પણ ઝડપી ન્યાય આપવાનો પ્રયાસ કરવામાં આવ્યો છે. આ બિલ મુજબ બળાત્કાર અને હત્યાના કેસમાં મૃત્યુદંડ હશે, તેવી જ રીતે ચાર્જશીટ દાખલ કર્યાના 36 દિવસની અંદર મૃત્યુદંડની જોગવાઈ કરવામાં આવી છે.

જણાવી દઈએ કે, કોલકાતાની આરજી કાર હોસ્પિટલના તાલીમાર્થી ડૉક્ટર પર બળાત્કાર અને હત્યાના કેસને લઈને હોબાળો ચાલુ છે. કોલકાતા પોલીસ હેડક્વાર્ટરની સામે જુનિયર ડોક્ટરો વિરોધ પ્રદર્શન કરી રહ્યા છે. પીડિત તબીબ માટે ન્યાયની માંગ કરવામાં આવી રહી છે. દરમિયાન આજે બંગાળ વિધાનસભાના બે દિવસીય વિશેષ સત્રના છેલ્લા દિવસે મમતા બેનર્જી સરકાર બળાત્કાર વિરોધી બિલ રજૂ કરીને દેશભરમાં સખત દાખલો બેસાડ્યો છે.

આ પણ વાંચો :-

1...661662663...1,476Page 662 of 1,476