Home Blog Page 519

સુરતમાં રોગચાળાથી એક બાળક સહિત ત્રણ લોકોના મૃત્યુ, આરોગ્ય વિભાગ સતર્ક

News Editor
-
0
સુરતમાં રોગચાળાથી એક બાળક સહિત ત્રણ લોકોના મૃત્યુ, આરોગ્ય વિભાગ સતર્ક

સુરત શહેરમાં ગરમીમાં વધારો થવા સાથે રોગચાળાએ માથું ઉચક્યું છે. શહેરમાં છેલ્લા 24 કલાકની અંદર એક બાળક સહીત ત્રણ લોકોના રોગચાળાથી મોત નિપજયા છે. શહેરમાં વધતા રોગચાળાના કારણે હોસ્પિટલમાં દર્દીઓની લાંબી લાઈનો લાગી છે. ઓપીડીમાં દર્દીઓની સંખ્યા અને દર્દીઓના મોતના કેસ વધતા આરોગ્ય વિભાગ એકશનમાં આવ્યું છે.

સુરત શહેરમાં અઠવા અને ભેસ્તાન વિસ્તારમાં દર્દીઓની સંખ્યામાં વધારો નોંધાયો છે. અઠવા અને ભેસ્તાનમાં બે વૃદ્ધઓ રોગચાળામાં જીવ ગુમાવ્યો છે. જયારે ડિંડોલીમાં નવા ગામનું બાળક ઝાડા ઉલ્ટીમાં સપડાયું હતું. ઝાડા ઉલટીના કારણે બાળકની સ્થિતિ વધુ ગંભીર થતા માતાપિતા તાત્કાલિક બાળકને હોસ્પિટલ લઈ ગયા હતા પરંતુ સારવાર મળે તે પહેલા જ તબિયત લથડતા મોત નીપજ્યું હતું. સુરતમાં છેલ્લા 24 કલાકની અંદર ત્રણ વર્ષના બાળક સહિત બે વૃદ્ધોના મોત થયા છે.

બેવડી ઋતુની બાળકોને અને વૃદ્ધોને સૌથી વધુ અસર દેખાઈ રહી છે. બેવડી ઋતુના કારણે પાણીજન્ય અને મચ્છરજન્ય રોગચાળો વકર્યો છે. સુરતમાં બે દિવસ અગાઉ જ એક બાળકીનું તાવ અને ઝાડા ઉલ્ટીના કારણે મોત નિપજયું હતું. ત્યારે રોગચારાએ માથું ઉચકાતા તંત્ર દોડતું થયું છે.

“મુસ્લિમોને ડરાવનારાને છોડીશું નહીં”, મહારાષ્ટ્રના ઉપમુખ્યમંત્રીનું મોટું નિવેદન

News Editor
-
0
“મુસ્લિમોને ડરાવનારાને છોડીશું નહીં”, મહારાષ્ટ્રના ઉપમુખ્યમંત્રીનું મોટું નિવેદન

મહારાષ્ટ્રના ડેપ્યુટી સીએમ અજિત પવારે પોતે આયોજિત ઈફ્તાર પાર્ટીમાં મુસ્લિમોને લઈને મોટું નિવેદન આપ્યું છે. અજિત પવારે કહ્યું છે કે ભારત વિવિધતામાં એકતાનું પ્રતિક છે. આપણે કોઈપણ વિભાજનકારી શક્તિઓની જાળમાં ન પડવું જોઈએ. આપણે હમણાં જ હોળી ઉજવી છે, ગુડી પડવો અને ઈદ આવવાની છે, આપણે આ બધા તહેવારો સાથે મળીને ઉજવવાના છે કારણ કે એકતા જ આપણી ખરી તાકાત છે.

NCP નેતા અજિત પવારે વધુમાં કહ્યું કે હું તમને ખાતરી આપું છું કે તમારા ભાઈ અજિત પવાર તમારી સાથે છે, જે કોઈ અમારા મુસ્લિમ ભાઈ-બહેનો પર આંખ બતાવશે, જો કોઈ બે જૂથો વચ્ચે લડાઈ કરીને શાંતિને ખલેલ પહોંચાડે છે અને કાયદો પોતાના હાથમાં લે છે, તો પછી તે કોઈ પણ હોય, તેને બક્ષવામાં આવશે નહીં, તેને માફ કરવામાં આવશે નહીં.

મહારાષ્ટ્રના ઉપ-મુખ્યમંત્રી અને રાષ્ટ્રવાદી કોંગ્રેસ પાર્ટીના સુપ્રીમો અજીત પવારે રમઝાન નિમિત્તે મુંબઈમાં મરીન લાઈન્સ ખાતે આયોજિત ઈફ્તાર પાર્ટી દરમિયાન કહ્યું કે ‘ભારત વિવિધતામાં એકતાનું સમર્થન કરે છે. આપણે કોઈપણ વિભાજનકારી શક્તિઓની વાતોમાં આવવું ના જોઈએ.’ વધુમાં કહ્યું કે, અમે હોળી બનાવી, ગુડી પડવો અને ઈદ આવી રહી છે. આ દરેક તહેવાર આપણને હળીમળીને રહેતા શિખવાડે છે. આપણે બધાએ આ તહેવાર સાથે મળીને મનાવવા જોઈએ, કારણ કે, તે આપણી અસલી તાકાત છે. હું તમને આશ્વાસ્ત કરું છે કે તમારો ભાઈ તમારી સાથે જ છે.

ઈફ્તાર પાર્ટી દરમિયાન અજીત પવારે ભારતની એક્તાની વાત કરી હતી અને જ પણ લોકોમાં ધર્મના નામે વિખવાદ પાડી રહ્યાં છે તેમને ચેવતણી આપી હતી. મુસ્લિમોના પવિત્ર માસ રમઝાન વિશે અજીત પવારે કહ્યું કે, રમઝાન માત્ર એક ધર્મ સુધી જ સિમિત નથી તે માનવતા, ત્યાગ અને આત્મ અનુશાસનનું પ્રતિક છે. આ મહિનો ગરીબ અને જરૂરિયામંદ લોકોની મદદ કરવા માટે પ્રેરણા આપે છે અને ના માત્ર શરીર પરંતુ આ મહિનામાં આત્માની પણ શુદ્ધી થાય છે.

હરિયાણામાં દુષ્યંત ચૌટાલાની પાર્ટીના નેતાની ગોળી મારીને હત્યા

News Editor
-
0
હરિયાણામાં દુષ્યંત ચૌટાલાની પાર્ટીના નેતાની ગોળી મારીને હત્યા

હરિયાણાની જનનાયક જનતા પાર્ટી (JJP)ના નેતા રવિન્દર મિન્નાની શુક્રવારે મોડી સાંજે પાણીપતમાં ગોળી મારીને હત્યા કરવામાં આવી હતી. હુમલાખોરે તેના પિતરાઈ ભાઈ અને અન્ય વ્યક્તિ સાથે જેજેપી નેતા પર પણ ગોળી મારી હતી. બંને ઘાયલ થયા હતા, જ્યારે જેજેપી નેતાનું મૃત્યુ થયું હતું. આરોપીઓને પકડવા માટે 5 ટીમો બનાવવામાં આવી છે. પાણીપત પોલીસે આ જાણકારી આપી છે.

આ ઘટના શુક્રવારે પાણીપતના વિકાસ નગર વિસ્તારમાં બની હતી, જ્યાં જેજેપી નેતા રવિન્દ્ર મિન્ના તેમના ઘરની નજીક હતા. ત્યારબાદ હુમલાખોરે અચાનક તેમના પર ગોળીબાર કર્યો. ગોળી વાગતાની સાથે જ રવીન્દ્ર લોહીલુહાણ થઈને નીચે પડી ગયો હતો, જ્યારે તેનો પિતરાઈ ભાઈ અને અન્ય એક વ્યક્તિને પણ ગોળીઓથી ઈજા થઈ હતી.

મૃતક રવિન્દ્ર મિન્ના મૂળ પાણીપત જિલ્લાના જગસી ગામનો રહેવાસી હતો અને હાલમાં શહેરના વિકાસ નગરમાં રહેતો હતો. કહેવામાં આવી રહ્યું છે કે હુમલાખોરની ઓળખ તેના જ ગામનો રણબીર તરીકે થઈ છે, જે ઘટના બાદથી ફરાર છે. પોલીસ સમગ્ર મામલાની ઊંડાણપૂર્વક તપાસ કરી રહી છે અને આરોપીઓની શોધ ચાલુ છે.

પોલીસે જણાવ્યું કે આ ઘટના શુક્રવારે પાણીપતના વિકાસ નગર વિસ્તારમાં બની હતી. જ્યાં JJP નેતા રવિન્દ્ર મિન્ના તેમના ઘરની નજીકમાં જ ઊભા હતા. ત્યારબાદ હુમલાખોરે તકનો લાભ લઇ તેમના પર ગોળીબાર કર્યો. ગોળી વાગતાં જેજેપી નેતા ઢળી પડ્યા. જ્યારે તેમને હોસ્પિટલ લઈ જવામાં આવ્યા ત્યારે ડોક્ટરોએ તેમને મૃત જાહેર કર્યા. આ સાથે પોલીસે જણાવ્યું કે આ ગોળીબારની ઘટનામાં તેમનો પિતરાઈ ભાઈ અને અન્ય એક વ્યક્તિ પણ ઘાયલ થયા હતા.

‘કેસરી ચેપ્ટર 2’ – અક્ષય કુમારની પ્રભાવશાળી સિક્વલ, જાણો શું હશે ખાસ!

News Editor
-
0
‘કેસરી ચેપ્ટર 2’ – અક્ષય કુમારની પ્રભાવશાળી સિક્વલ, જાણો શું હશે ખાસ!

2019 માં રિલીઝ થયેલી અક્ષય કુમાર સ્ટારર ફિલ્મ ‘કેસરી’ને દર્શકો તરફથી શાનદાર પ્રતિસાદ મળ્યો હતો. આ ફિલ્મ ભારતીય ઈતિહાસની એક વિસ્મયજનક ઘટનાને રજૂ કરતી હતી, જેમાં 1897માં 21 શીખ સૈનિકોએ 10,000 અફઘાન આક્રમણકારો સામે શૌર્યપૂર્વક લડત આપી હતી. હવે, આ હિટ ફિલ્મની સિક્વલ ‘કેસરી ચેપ્ટર 2’ની જાહેરાત થઈ છે, અને નિર્માતાઓએ તેનું પહેલું પ્રોમો રિલીઝ કર્યું છે, જેને જોતા જ ચાહકોમાં ઉત્સાહનું મોજું ફરી વળ્યું છે.

કેસરી ચેપ્ટર 2 પ્રોમો અક્ષય કુમારની દ્વારા રિલીઝ કરવામાં આવ્યો હતો. પ્રોમો રિલીઝ થવાની સાથે કેસરી ચેપ્ટર 2 ના ટીઝરની રિલીઝ તારીખ પણ જાહેર કરવામાં આવી. પ્રોમો વિશે વાત કરીએ તો, વીડિયોમાં લખ્યું છે કે તે હિંમત દર્શાવતી ક્રાંતિ છે. કેસરી પ્રકરણ 2. પ્રોમો શેર કરતી વખતે, અક્ષય કુમારે કેપ્શનમાં લખ્યું, ‘કેટલીક લડાઈઓ હથિયારોથી જીતી શકાતી નથી.

આ સાથે અક્ષય કુમારે જણાવ્યું કે કેસરી ચેપ્ટર 2 નું ટીઝર 24 માર્ચે રિલીઝ થશે. પ્રોમો જોઈને એવું લાગે છે કે કેસરી પ્રકરણ 2 જલિયાંવાલા બાગ હત્યાકાંડની અનકહી વાર્તા પર કેન્દ્રિત હશે. એવી અટકળો છે કે આ સિક્વલમાં 1919 ના હત્યાકાંડ પાછળના સત્યને ઉજાગર કરવા માટે બેરિસ્ટર સી. શંકરન નાયરની લડાઈ દર્શાવવામાં આવી શકે છે.

આવતી કાલ્પનિક ફિલ્મના પ્રોમો જોઈને એવી અટકળો કરવામાં આવી રહી છે કે ‘કેસરી ચેપ્ટર 2’માં 1919ના જલિયાંવાલા બાગ હત્યાકાંડની અનકહી વાર્તા રજૂ કરવામાં આવશે. આ ઘટનામાં, બ્રિટિશ સૈન્ય અધિકારી જનરલ ડાયર દ્વારા નિર્દોષ ભારતીયોને ગોળીબાર કરીને હત્યા કરવામાં આવી હતી. ફિલ્મના કથાનકમાં બેરિસ્ટર સી. શંકરન નાયરની લડતને પણ રજૂ કરી શકાય છે, જેમણે આ હત્યાકાંડ સામે અવાજ ઉઠાવ્યો હતો.

IPL 2025 ની ધમાકેદાર શરૂઆત, કોહલીની પાવરહિટિંગ સામે KKRની ટક્કર

News Editor
-
0
IPL 2025 ની ધમાકેદાર શરૂઆત, કોહલીની પાવરહિટિંગ સામે KKRની ટક્કર

IPL 2025 ના પહેલા મુકાબલામાં કોલકાતા નાઇટ રાઈડર્સ અને રોયલ ચેલેન્જર્સ બેંગલોર આમને-સામને થશે. આ મેચ શનિવારે ઈડન ગાર્ડન્સ સ્ટેડિયમમાં રમાશે. KKRના નવા કપ્તાન અજિંક્ય રહાણે છે, જ્યારે RCBનું નેતૃત્વ રજત પાટીદાર સંભાળશે. હેડ-ટુ-હેડ રેકોર્ડમાં KKRનો પલડો ભારે છે, પણ RCB પાસે એવા ખેલાડીઓ છે જે કોઈપણ સમયે મેચનું રૂખ બદલી શકે.

RCB અને KKR બંને ટીમોમાં સારા ખેલાડીઓ છે, જેનાથી એક હાઈ-વોલ્ટેજ મેચ જોવા મળશે. ઈડન ગાર્ડન્સના મેદાન પર Virat Kohli નો શાનદાર રેકોર્ડ રહ્યો છે, અને તે અહીં IPLમાં સદી ફટકારી ચૂક્યા છે. બીજી બાજુ, KKRના મિસ્ટ્રી સ્પિનર વર્ણ ચક્રવર્તી પણ પોતાના હોમ ગ્રાઉન્ડ પર જબરદસ્ત પ્રદર્શન કરી શકે છે. IPLમાં અત્યાર સુધી રમેલા 31 મેચમાં તેમણે 36 વિકેટ ઝડપી છે.

હેડ-ટુ-હેડ રેકોર્ડ: કોની રહેશે હવેલ?

IPLમાં અત્યાર સુધી KKR અને RCB 34 વખત ટકરાયા છે, જેમાં KKRએ 20 અને RCBએ 14 મેચ જીતી છે. જો ઓલટાઇમ “પ્લેયર ઑફ ધ મેચ” એવોર્ડ જીતનારોની વાત કરીએ તો ક્રિસ ગેલ અને સુનીલ નરાઇન 4-4 એવોર્ડ સાથે ટોચ પર છે.

RCB સામે રેકોર્ડ તોડશે આ ખેલાડીઓ?

  • સુનીલ નરાઇન: 3 છક્કા ફટકારતાં જ IPLમાં 100 છક્કા પૂર્ણ કરશે.
  • સુનીલ નરાઇન: KKR માટે 200 વિકેટ પૂર્ણ કરવા માટે 2 વિકેટની જરૂર.
  • આન્દ્રે રસેલ: 16 રન બનાવતાં જ IPLમાં 2500 રન પૂર્ણ કરશે.

KKR vs RCB: સંભાવિત 12 ખેલાડીઓ

કોલકાતા નાઇટ રાઇડર્સ: સુનીલ નરાઇન, ક્વિન્ટન ડી કોક (વિકેટકીપર), અજિંક્ય રહાણે (કપ્તાન), વેંકટેશ અય્યર, અંગકૃષ રઘુવંશી, રિંકુ સિંહ, આન્દ્રે રસેલ, રમનદીપ સિંહ, સ્પેન્સર જ્હોનસન, વૈભવ અરોરા, હર્ષિત રાણા, વર્ણ ચક્રવર્તી.

રોયલ ચેલેન્જર્સ બેંગલોર: ફિલ સાલ્ટ, વિરાટ કોહલી, દેવદત્ત પડિક્કલ, રજત પાટીદાર (કપ્તાન), લિયામ લિવિંગસ્ટોન, જીતેશ શર્મા (વિકેટકીપર), ટિમ ડેવિડ, ક્રુણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ, સુયશ શર્મા/રસિખ દાર સલામ

કુરુક્ષેત્રમાં મહાયજ્ઞ દરમિયાન બ્રાહ્મણો પર ફાયરિંગ, 3 ઈજાગ્રસ્ત

News Editor
-
0
કુરુક્ષેત્રમાં મહાયજ્ઞ દરમિયાન બ્રાહ્મણો પર ફાયરિંગ, 3 ઈજાગ્રસ્ત

કુરુક્ષેત્રના કેશવ પાર્કમાં આયોજિત 1000 કુંડીય યજ્ઞ કાર્યક્રમમાં હંગામો મચી ગયો છે. કુંડીય શિવ શક્તિ મહાયજ્ઞ દરમિયાન બ્રાહ્મણોએ યજ્ઞ સમ્રાટ પર નબળી ગુણવત્તાવાળું ભોજન પીરસવાનો આરોપ લગાવ્યો હતો. અહેવાલો અનુસાર હંગામો વધતાં યજ્ઞ સમ્રાટ બાબા કરિઓમના બોડીગાર્ડે ગોળીબાર કર્યો હતો.

કુંડીય શિવ શક્તિ મહાયજ્ઞ દરમિયાન ગોળી વાગવાથી એક બ્રાહ્મણ ઘાયલ થયો હતો. ઘાયલ બ્રાહ્મણને સારવાર માટે લોકનાયક જયપ્રકાશ હોસ્પિટલમાં દાખલ કરવામાં આવ્યો છે. બ્રાહ્મણને ગોળી માર્યા પછી વિવાદ વધતો ગયો. વેદ વાચકોએ મુખ્ય રસ્તો બ્લોક કરી દીધો. યજ્ઞ કરવા આવેલા બ્રાહ્મણોને લાકડીઓથી મારવામાં આવ્યા હતા.

આશિષ તિવારી નામના યુવકને ગંભીર હાલતમાં લોકનાયક જયપ્રકાશ સિવિલ હોસ્પિટલમાં દાખલ કરવામાં આવ્યો છે. બીજી તરફ આ ઘટનાથી રોષે ભરાયેલા એક વિશેષ જાતિના લોકોએ મહાયજ્ઞ સ્થળની બહાર કુરુક્ષેત્ર-કૈથલ રોડ બ્લોક કરી દીધો છે અને પથ્થરમારો કર્યો છે. પ્રદર્શનકારીઓની વધતી સંખ્યાને ધ્યાનમાં રાખીને પોલીસે કડકાઈ દાખવી અને જામ ખોલવાનો પ્રયાસ કર્યો.

હાલમાં ઘટનાસ્થળે ભારે પોલીસ બંદોબસ્ત ગોઠવી દેવામાં આવ્યો છે અને પરિસ્થિતિને કાબુમાં લઈ લીધી છે. જોકે, વાતાવરણ હજુ પણ તંગ છે. પોલીસે લોકોને શાંતિ જાળવવા માટે અપીલ કરી છે અને આ ઘટનાની તપાસ શરૂ કરી દીધી છે.

આ મહાયજ્ઞની શરૂઆત 18 માર્ચથી થઈ હતી અને તે 27 માર્ચ સુધી ચાલુ રહેશે. તેના માટે 1008 કુંડી યજ્ઞશાળાઓ બનાવવામાં આવી હતી. મહાયજ્ઞમાં દરરોજ 1,00,000 આહૂતિ આપવામાં આવી રહી હતી. આ આયોજનનો સૂત્રધાર હરિ ઓમ દાસ છે, જે યજ્ઞ સમ્રાટના નામથી ઓળખાય છે. અત્યાર સુધીમાં તેમણે દેશભરના 24 રાજ્યોમાં 101 મહાયજ્ઞોનું આયોજન કરાવ્યું છે. તેમનો સંકલ્પ છે સમગ્ર ભારતવર્ષમાં 108 મહાયજ્ઞ કરાવવાનો છે. કુરુક્ષેત્રમાં 18 માર્ચથી શરૂ થયેલો મહાયજ્ઞ આ પ્રકારનો 102મો મહાયજ્ઞ છે. આ મહાયજ્ઞમાં ભાજપના પ્રદેશ પ્રમુખ મોહનલાલ બડોલી, મુખ્યમંત્રીના પત્ની સુમન સૈની અને પૂર્વ રાજ્યમંત્રી સુભાષ સુધા જેવા ઘણા મોટા નેતાઓ સામેલ થઈ ચૂક્યા છે.

વડોદરામાં પાંચમા માળે ACમાં શોર્ટ સર્કિટ થતા આધેડ ભડથું

News Editor
-
0
વડોદરામાં પાંચમા માળે ACમાં શોર્ટ સર્કિટ થતા આધેડ ભડથું

એક તરફ સમગ્ર રાજ્ય સાહિત્ય વડોદરા શહેરમાં પણ ગરમીના તાપમાનમાં નોંધપાત્ર વધારો જોવા મળી રહ્યો છે. તેવામાં લોકોના ઘરોમાં એર કન્ડિશનર સહિત પંખાઓ 24 કલાક ધમધમી રહ્યા છે. ત્યારે ખોડીયાર નગર વિસ્તારમાં આવેલા વિનાયક રેસીડેન્સીના એક મકાનમાં ACમાં શોર્ટ સર્કિટથી આગ લાગતા આધેડ ભડથું થયા હોવાનો બનાવ બન્યો હતો.

પ્રાપ્ત માહિતી અનુસાર વડોદરા શહેરના ખોડીયાર નગર સયાજીપુરા ટાંકી પાસે વિનાયક રેસીડેન્સી આવેલી છે. આ રેસિડેન્સીના બી ટાવરના પાંચમા માળે મકાન નંબર 506માં રહેતા કિરણભાઈ રાણા હાલોલમાં ખાનગી કંપનીમાં નોકરી કરે છે. આજે સવારે તેઓ એસી ચાલુ કરીને બેઠા હતા. અચાનક એસીમાં શોર્ટ સર્કિટ થતા આગ લાગી હતી. સમગ્ર આગ ઘરમાં લાગી જતા કિરણભાઈ રાણા ગંભીર રીતે દાઝી ગયા હતા. હાલ તો આ કિરણભાઈ રાણા બીમાર હોવાથી છેલ્લા બે મહિનાથી ઘરે જ હતા.

તેવામાં આજે તેમના એસીમાં શોર્ટ સર્કિટ થતા આગ લાગી હતી અને તેઓ દાઝી ગયા હતા. ગંભીર રીતે દાઝી જતા કિરણભાઈનું મોત થયું હતું બનાવની જાણ થતા જ ફાયર બ્રિગેડના જવાનો અને સ્થાનિક પોલીસ ઘટના સાથે દોડી આવી હતી. આગ ઉપર કાબુ મેળવ્યો હતો. જ્યારે કિરણભાઈના મૃતદેહને પોસ્ટમોર્ટમ અર્થે ખસેડી પોલીસે આગળની કાર્યવાહી હાથ ધરી છે.

કોંગ્રેસ સાથે મતભેદ વચ્ચે શશી થરૂરે શેર કરી ભાજપ ઉપાધ્યક્ષ સાથે સેલ્ફી!

News Editor
-
0
કોંગ્રેસ સાથે મતભેદ વચ્ચે શશી થરૂરે શેર કરી ભાજપ ઉપાધ્યક્ષ સાથે સેલ્ફી!

તિરુવનંતપુરમના કોંગ્રેસના સાંસદ શશી થરૂર છેલ્લા કેટલાક દિવસોથી મોદી સરકારના વખાણ કરી રહ્યા છે. તેમણે આવા ઘણા નિવેદનો આપ્યા જે પાર્ટી લાઇનની વિરુદ્ધ હતા. તાજેતરમાં થરૂરે કહ્યું હતું કે તેમને રશિયા-યુક્રેન યુદ્ધ પરના પોતાના જૂના વલણ બદલ પસ્તાવો છે. તેમણે આ અંગે દુ:ખ પણ વ્યક્ત કર્યું. આ દરમિયાન, એક ભાજપના નેતાએ શશિ થરૂર સાથેનો એક સેલ્ફી શેર કર્યો છે, જેમાં તેમણે કહ્યું છે કે આખરે આપણે એ જ દિશામાં મુસાફરી કરી રહ્યા છીએ.

ભાજપના રાષ્ટ્રીય ઉપાધ્યક્ષ અને ઓડિશાના સાંસદ, બૈજયંત જય પાંડાએ શુક્રવારે (21 માર્ચ) સોશિયલ મીડિયા પર શશિ થરૂર સાથેનો એક સેલ્ફી શેર કર્યો અને તેમાં તેમણે જે કેપ્શન લખ્યું તે ખૂબ જ રમુજી હતું. ભાજપના સાંસદની આ પોસ્ટ સોશિયલ મીડિયા પર ચર્ચાનો વિષય બની હતી. થરૂર સાથેનો ફોટો શેર કરતા, બૈજયંત જય પાંડાએ મજાકમાં લખ્યું, ‘મારા મિત્ર અને સાથીદારે મને એટલા માટે તોફાની કહ્યો કારણ કે મેં કહ્યું હતું કે આપણે આખરે એક જ દિશામાં મુસાફરી કરી રહ્યા છીએ.’

અત્યારે સોશિયલ મીડિયામાં એક તસવીર વાયરલ થઈ રહી છે, જેમાં દિગ્ગજ નેતા શશિ થરૂર ભાજપના રાષ્ટ્રીય ઉપાધ્યક્ષ સાથે જોવા મળ્યાં છે. બન્ને નેતાઓ એક જ ફ્લાઈટમાં આજુબાજુની સીટ પર બેઠા હતાં. આ ફોટો પર ભાજપ નેતાએ લખ્યું કે, ‘આખરે અમે એક જ દિશામાં ચાલવા લાગ્યાં છીએ’. આ ફોટોને લઈને કોંગ્રેસ પાર્ટીની ચિંતાઓ વધી રહી છે. ભાજપ નેતા સાથે લીધેલા ફોટોને શશિ થરૂરે એક્સ પર પોસ્ટ કરતા લખ્યું કે, ‘મારા મિત્ર અને સહયાત્રીએ મને એવું કહેવા પર શરારતી કહ્યો જ્યારે મેં કહ્યું કે આપણે અંતઃ એક જ દિશામાં યાત્રા કરી રહ્યાં છીએ.’ આ તસવીર જોતા લોકોને પ્રશ્ન થઈ રહ્યો છે કે, શું શશિ થરૂર કોંગ્રેસ પાર્ટીને છોડી દેશે?

શશિ થરૂર મનમોહન સિંહની સરકાર વખતે વિદેશ પ્રધાન પણ રહ્યાં હતા. થોડા દિવસ પહેલા એક કાર્યક્રમમાં નરેન્દ્ર મોદીના વખાણ કરતા કહ્યું કે, ભારતની કૂટનીતિએ નરેન્દ્ર મોદીને રશિયા અને યુક્રેન બન્ને દેશો સાથે સંબંધો મજબૂત બનાવવામાં મદદ કરી હતી. વધુમાં કહ્યું કે, ‘હું હવે મારો ચહેરો લૂંછી રહ્યો છું કારણે કે, હું એ લોકોમાંથી હતો જેમણે 2022 માં ભારતની પ્રતિષ્ઠાની આલોચના કરી હતી.’ આ પહેલા પણ શશિ થરૂર ભાજપના વખાણ કરતા જોવા મળ્યાં હતાં.

સુરતની સિવિલ હોસ્પીટલમાંથી નવજાત બાળક ચોરાયું

News Editor
-
0
સુરતની સિવિલ હોસ્પીટલમાંથી નવજાત બાળક ચોરાયું

સુરત સિવિલ હોસ્પિટલ સતત વિવાદોમાં રહેતી હોય છે. ત્યારે આ વખતે ફરી એક બાળક ચોરી થઈ જવાનો બનાવ સામે આવ્યો છે. સ્ટેમસેલ બિલ્ડિંગમાં રાત્રે હોસ્પિટલના ડિલિવરી રૂમમાંથી એક નવજાત બાળકની ચોરી થયાની ઘટના સામે આવી છે. જેથી ભારે ઉહાપોહ મચી ગયો છે. હોસ્પિટલ તંત્ર દ્વારા ક્રાઈમ બ્રાન્ચ અને સ્થાનિક પોલીસની ટીમોએ હોસ્પિટલમાં પહોંચી તપાસ હાથ ધરવામાં આવી છે.

મળતી માહિતી મુજબ સુરતના પાંડેસરા ન્યુ બમરોલી રોડ પર ધીરજભાઈ શુક્લા પરિવાર સાથે રહે છે. તેમની પત્ની સંધ્યાને પ્રસુતિની પીડા ઉપડતા સિવિલ હોસ્પિટલ લાવવામાં આવી હતી. જ્યાં મહિલાને કોવીડ બિલ્ડીંગના બીજા માળે આવેલા લેબર રૂમમાં દાખલ કરવામાં આવી હતી અને સાંજે સાતેક વાગ્યાની આસપાસ મહિલાએ બાળકને જન્મ આપ્યો હતો.

બાળકને વધુ સારવાર અર્થે માતા સાથે છઠ્ઠા માળે જી-1 વોર્ડમાં દાખલ કરવામાં આવી હતી. રાત્રે 9 વાગ્યાના સુમારે એક અજાણી મહિલા બાળકને લઈને ગુમ થઈ ગયી હતી. બાળક ગુમ થયા બાદ બાળકની શોધખોળ હાથ ધરવામાં આવી હતી પરંતુ બાળકની કોઈ ભાળ નહીં મળતા પોલીસને જાણ કરવામાં આવી હતી. જેથી ક્રાઈમ બ્રાંચ સહિતનો પોલીસ કાફલો હોસ્પિટલ પહોંચ્યો હતો. હાલ આ મામલે પોલીસે ગુનો નોંધી તપાસનો ધમધમાટ શરુ કર્યો છે.

ત્રિલોકેશ શુક્લાએ જણાવ્યું હતું કે, મારા નાના ભાઈને ત્યાં સાંજે 7 વાગ્યે દીકરાનો જન્મ થયો હતો મારી નાની બહેન આવી હતી અને તેણે દીકરાને જોયો હતો દરમ્યાન છોકરા માટે કપડાની જરૂરિયાત હતી અને ત્યાં એક મહિલા બેઠી હતી અને તેણે કીધું હતું કે બાળકને મને આપો, તમે કપડા લઈને આવો હું કપડા બદલી દઉ છું, અને મારી બહેન કપડું લઈને આપ્યું હતું અને બાદમાં બાળકને કાચની પેટીમાં મુકવા માટે ગયી હતી અને બાદમાં મારી બહેને ત્યાં આવીને જોયું તો ત્યાં દીકરો ના હતો. 7 વાગ્યે દીકરાનો જન્મ થયો હતો અને 9 વાગ્યથી દીકરો ગાયબ થઈ ગયો છે હાલ આ મામલે પોલીસ ફરિયાદ કરી છે.

૨૨ માર્ચ, ૨૦૨૫ / શનિવારના દિવસે આ રાશિના જાતકોને આજનો દિવસ બેપારી સ્થિતિમાં સુધારો થશે, આવકના નવા સ્ત્રોત ખુલશે, જુઓ આજનું રાશિફળ

News Editor
-
0
૨૨ માર્ચ, ૨૦૨૫ / શનિવારના દિવસે આ રાશિના જાતકોને આજનો દિવસ બેપારી સ્થિતિમાં સુધારો થશે, આવકના નવા સ્ત્રોત ખુલશે, જુઓ આજનું રાશિફળ

મેષઃ

બપોર સુધી માનસિક સ્વસ્થતા જળવાશે. આવકની પરિસ્થિતિ સારી રહેશે. પરિવારમાં આનંદ જળવાશે. કાર્યમાં સફળતા મળતી જણાય. નોકરી-ધંધામાં લાભ. બપોર બાદ આવક ઘટતાં માનસિક અશાંતિ વધે. નવા રોકાણો ટાળવા. દામ્પત્ય જીવનમાં સંતષ.

વૃષભઃ

બપોર સુધી આપની તથા પરિવારના સભ્યોની તબિયતની કાળજી રાખવી જરૂરી બને છે. આવક અંગે પણ અસંતોષ રહે. બપોર પછી પરિસ્થિતિમાં સુધારો થતો જણાય. આવક અને આરોગ્ય બન્ને જળવાય. દામ્પત્ય સુખમાં પણ વૃદ્ધિ થાય.

મિથુનઃ

આર્થિક બબાતો અંગે સારો દિવસ. પરિવારમાં પણ શાંતિ રહે. રોકાણો માંથી લાભ. નોકરી-ધંધામાં સફળતા. સંતાન સુખમાં વધારો થાય. પરંતુ બપોર બાદ તમામ પરિસ્થિતિમાં ઘટાડો થતો જણાય. આવક ઘટે. નોકરીમાં ચિંતા તથા આરોગ્ય સાચવવું.

કર્કઃ

દિવસ દરમ્યાન શુભ ફળનો અનુભવ થાય. માનસિક શાંતિ રહે. આવક વધતી જણાય. નવા રોકાણો યોગ્ય રીતે કરી શકાય. નવા વાહનની ખરીદી શક્ય બને. નવું જાણવાન યોગ બને. ધંધામાં લાભ. મિત્રોનો સહકાર મળે.

સિંહઃ

થોડા નકારાત્મક વિચારો સતાવે. છતાં આવક વધતી જણાય. કુંટુંબમાં સંપ રહે. કાર્ય સફળતા મળતી જણાય. સ્થાવર જંગમ મિલકતથી લાભ. સંતાનના પ્રશ્નો ઉકેલાતા જણાય. આરોગ્ય સારૂ રહે. દામ્પત્ય જીવનમાં મધુરતા રહે.

કન્યાઃ

નાણાંની વૃદ્ધિ થતી જણાય. નાના ભાઈ બહેનની સફળતાથી આનંદ. યોગ્ય કાર્ય કરવાની વ્યસ્થા સરળ બને. ધંધાકીય ક્ષેત્રે સાવધાની રાખવી જરૂરી. માતાની તબિયતનું ધ્યાન રાખવું. આરોગ્ય સંબંધી ચિંતા દૂર થતી જણાશે.

તુલાઃ

જુસ્સો, ચાણક્ય નીતિ, સાચુ ખોટા પારખવાની કુદરતી શક્તિમાં વધારો થાય. ન્યાયી વલણ રહે. આવકનો નવો સ્ત્રોત ખુલતો જણાય. ખરદી-વેચાણ ફાયનાન્સ, બ્રોકસ, કાચ, પ્લાસ્ટીકના ધંધામાં વિશેષ લાભ મેળવી શકાય.

વૃશ્ચિકઃ

બપોર સુધી થોડી માનસિક ચિંતા રહે. આવકમાં ઘટાડો અનુભવાય. ભાગ્યનો સાથ મળે નહીં. પરંતુ બપોર સુધી જુસ્સામાં વધારો થાય. ન્યાયી વલણ રહે. યોગ્ય નિર્ણય લઈ શકાય. બેકીંગ, શિક્ષીણ, ઈન્કમટેક્ષ-સેલ્સટેક્ષના ધંધાવાળા માટે પ્રગતિ.

ધનઃ

બપોર સુધીનો મય સારો છે. આવક જળવાય. મિત્રોનો તથા સંતાનોનો સાથ સહકાર મળતો જણઆય. ધંધાકી ક્ષેત્રે સફળતા, બપોર બાદ પરિસ્થિત વિપરિત થતી જણાય. આવક ઘટે. માનસિક ટેન્શન વધે. આરોગ્ય સાચવવું. ખર્ચ ઘટાડવો.

મકરઃ

આનંદની અુભુતિ થાય. નિર્ણય શક્તિ વધે. પૈસાનો બગાડ અટકાવવો. નોકરી-ધંધામાં સારા સમાચાર મળે. લક્ષ્મીનો વખતસર લાભ મળે. જુના મિત્રો તથા નવી ઓળખાણ થાય. અન્યની સેવા કરવાનો અવસર પ્રાપ્ત થાય.

કુંભઃ

ભાગ્યમાં વૃદ્ધિ થતી જણાય. ઓછી મહેનતે વધુ લાભ મળતો જણાય. ધાર્મિક યાત્રા પ્રવાસનું આયોજન શક્ય બને. નવો ધંધો કરવાનો રસ્તો મળે. ધંધાકીય ક્ષેત્રે સફતા મળતી જણાય. પિતૃસુખમાં વૃદ્ધિ થા. નફાકારક રોકાણો કરી શકાય.

મીનઃ

દિવસની શરૂઆતમાં તબિયતમાં ઢીલાશ રહે. શરદી-ખાંસીનો ઉપદ્વ રહે. બપોર બાદ તબિય સુધરતી જણાય. ભાગ્યનો સાથ મળવાને કારણે આવકમાં વધારો થતો જણઆય. આદ્યાત્મિક ઉન્નતિ થાય. થોડી માથાના દુઃખાવાની સમસ્યા સતાવે.

1...518519520...1,481Page 519 of 1,481