Home Blog Page 466

ગૌતમ ગંભીરને ISIS કાશ્મીરના નામે મળી જાનથી મારી નાખવાની ધમકી

News Editor
-
0
ગૌતમ ગંભીરને ISIS કાશ્મીરના નામે મળી જાનથી મારી નાખવાની ધમકી

ભારતીય ક્રિકેટ ટીમના મુખ્ય કોચ અને ભાજપના ભૂતપૂર્વ સાંસદ ગૌતમ ગંભીરને ‘ISIS કાશ્મીર’ તરફથી જાનથી મારી નાખવાની ધમકી મળી છે. આ ધમકી પછી ગંભીરે દિલ્હી પોલીસમાં ફરરિયાદ નોંધાવી હતી અને તાત્કાલિક કાર્યવાહીની માગ કરી હતી. રાજેન્દ્ર નગર પોલીસ સ્ટેશનના SHO અને સેન્ટ્રલ દિલ્હીના DCP ના જણાવ્યા અનુસાર ગંભીરે ઔપચારિક રીતે FIR નોંધવાની વિનંતી કરી હતી.

ગંભીરે પહેલગામ આતંકવાદી હુમલાની નિંદા કરી હતી ગંભીરે મંગળવારે જમ્મુ અને કાશ્મીરના પહેલગામમાં પ્રવાસીઓ પર થયેલા આતંકવાદી હુમલાની નિંદા કરી અને તેનો યોગ્ય જવાબ આપવાની માંગ કરી. મંગળવારે પહેલગામના બૈસરન ઘાટીમાં આતંકવાદીઓ દ્વારા કરવામાં આવેલા ગોળીબારમાં 26 પ્રવાસીઓના મોત થયાં હતાં.

ગંભીરે પોસ્ટ પર લખ્યું હતું કે મૃતકોના પરિવારો માટે પ્રાર્થના. આ માટે જવાબદાર લોકોએ તેની કિંમત ચૂકવવી પડશે. આ હુમલાની જવાબદારી પાકિસ્તાન સ્થિત આતંકવાદી સંગઠન લશ્કર-એ-તૈયબા (LET) ની વિંગ, ધ રેઝિસ્ટન્સ ફ્રન્ટે લીધી હતી.

જમ્મુ અને કાશ્મીરના પહલગામમાં થયેલા આ હુમલામાં 28 નિર્દોષ લોકોએ જીવ ગુમાવ્યા હતા, જ્યારે આતંકવાદીઓએ બૈસરન ઘાટીમાં પ્રવાસીઓ પર ગોળીબાર કર્યો હતો. આ હુમલો 2019 ના પુલવામા હુમલા પછીનો સૌથી ભયાનક માનવામાં આવી રહ્યો છે.

એક એક આતંકવાદીને શોધી કાઢી તોડી નાંખશું: PM મોદીનો કડક સંદેશ

News Editor
-
0
એક એક આતંકવાદીને શોધી કાઢી તોડી નાંખશું: PM મોદીનો કડક સંદેશ

જમ્મુ-કાશ્મીરના પહલગામમાં મંગળવારે થયેલા આતંકી હુમલા બાદ વડાપ્રધાન મોદી આજે બિહારની મુલાકાતે છે. રાષ્ટ્રીય પંચાયત દિવસના અવસરે તેઓ મધુબનીમાં એક કાર્યક્રમને સંબોધિત કરી હતી. આ કાર્યક્રમની શરૂઆતમાં તેમણે પહલગામ આતંકી હુમલામાં માર્યા ગયેલા લોકો પ્રત્યે શ્રદ્ધાંજલિ અર્પી અને બે મિનિટનું મૌન પાળ્યું હતું. બાદમાં બિહારમાં વિકાસ કામગીરી અંગે માહિતી આપી હતી. પહલગામ હુમલા બાદ પીએમ મોદીનું આ પહેલું જાહેર ભાષણ છે. આ કાર્યક્રમમાં તેઓ બિહારવાસીઓને અનેક ભેટ આપી હતી. ગેસ વિદ્યુત અને રેલવે પ્રોજેક્ટના ઉદ્ઘાટન અને શિલાન્યાસ કર્યું. આ પ્રસંગે મુખ્યમંત્રી નીતિશ કુમાર અને તેમના ઘણા મંત્રીમંડળના મંત્રીઓ હાજર રહ્યા હતા.

વડાપ્રધાન મોદીએ કહ્યું કે આ આતંકવાદી હુમલામાં કોઈએ પોતાનો પુત્ર ગુમાવ્યો છે, કોઈએ પોતાનો ભાઈ ગુમાવ્યો છે, કોઈએ પોતાનો જીવન સાથી ગુમાવ્યો છે. તેમાંના કેટલાક બંગાળી બોલતા, કેટલાક કન્નડ બોલતા, કેટલાક મરાઠી, કેટલાક ઉડિયા, કેટલાક ગુજરાતી, કેટલાક બિહારના હતા. આજે કારગિલથી લઈને કન્યાકુમારી સુધી એ તમામ લોકોના મૃત્યુનું અમારું દુઃખ એક સરખું છે. આપણો ગુસ્સો એવો જ છે. આ હુમલો માત્ર નિઃશસ્ત્ર પ્રવાસીઓ પર જ નથી થયો પરંતુ દેશના દુશ્મનોએ ભારતની આત્મા પર હુમલો કરવાની હિંમત કરી છે. હું ખૂબ જ સ્પષ્ટ શબ્દોમાં કહેવા માંગુ છું કે, જે આતંકવાદીઓએ આ હુમલો કર્યો હતો અને જેમણે આ હુમલાનું કાવતરું ઘડ્યું હતું, તેઓને કલ્પના કરતા પણ મોટી સજા મળશે. સજા મળીને જ રહેશે.

વડાપ્રધાન નરેન્દ્ર મોદીએ હુમલામાં માર્યા ગયેલા લોકોને શ્રદ્ધાંજલિ અર્પણ કરતાં કહ્યું કે, ‘હુમલામાં આપણે આપણા સ્વજનો ગુમાવ્યા, આખો દેશ પીડિતોની સાથે છે. ઈજાગ્રસ્તો ઝડપથી સાજા થાય તેવી કામના કરીએ છીએ. દુશ્મનોએ આ હુમલો માત્ર નિર્દોષ પર્યટકો પર નહીં, પરંતુ ભારતના આત્મા પર હુમલો કર્યો છે. દોષિત આતંકીઓ, ષડયંત્રકારીઓને તેમની કલ્પના કરતાં પણ આકરી સજા મળશે. હું આખા વિશ્વને કહેવા માગુ છુ કે, ભારત પ્રત્યેક આતંકવાદીને શોધી શોધીને મારશે. અમે આ હુમલાના ન્યાય માટે દરેક પ્રયાસો કરીશું. આતંકીઓને આકરીથી આકરી સજા આપીશુું.’

જમ્મુ-કાશ્મીરના ઉધમપુરમાં આતંકીઓ સાથે એન્કાઉન્ટર, એક જવાન શહીદ

News Editor
-
0
જમ્મુ-કાશ્મીરના ઉધમપુરમાં આતંકીઓ સાથે એન્કાઉન્ટર, એક જવાન શહીદ

જમ્મુ-કાશ્મીરના ઉધમપુરમાં આજે (24મી એપ્રિલ) સુરક્ષા દળો અને આતંકીઓ વચ્ચે અથડામણ ચાલી રહી છે. જેમાં ભારતીય સેનાનો એક જવાન શહીદ થયો છે. અહેવાલો અનુસાર, જમ્મુ અને કાશ્મીર પોલીસે આજે ઉધમપુરના બસંતગઢમાં સંયુક્ત ઓપરેશન શરૂ કર્યું હતું. આ દરમિયાન બંને બાજુથી ભારે ગોળીબાર થઈ રહ્યો છે. સુરક્ષા દળોએ આતંકવાદીઓને ઘેરી લીધા છે.

આંતરરાષ્ટ્રીય સરહદ પાર કરીને હીરાનગર સેક્ટરથી ભારતમાં પ્રવેશ કર્યો હતો. સાનિયાલ ગામ પાસેના ડોલકા જંગલમાં એક દંપતીની સતર્કતાને કારણે આ જૂથ પહેલીવાર 23 માર્ચે જોવા મળ્યું હતું. આ પછી 27 માર્ચે કઠુઆ જિલ્લાના જાખોલે ગામ પાસે સુફાન જંગલોમાં એન્કાઉન્ટરમાં બે આતંકવાદીઓ માર્યા ગયા હતા. એ જ રીતે, 11-12 એપ્રિલના રોજ, કિશ્તવાડ જિલ્લાના ચત્રુ વિસ્તારના નદગામ જંગલોમાં સેનાના વિશેષ ઓપરેશનમાં ત્રણ જૈશ-એ-મોહમ્મદના આતંકવાદીઓ માર્યા ગયા હતા.

મંગળવારે આતંકવાદીઓએ જમ્મુ અને કાશ્મીરના પ્રખ્યાત પર્યટન સ્થળ પહેલગામ પર હુમલો કર્યો હતો, જેમાં 26 પ્રવાસીઓ માર્યા ગયા હતા. આ હુમલાએ સમગ્ર દેશને હચમચાવી દીધો હતો અને સમગ્ર વિશ્વમાં તેની સખત નિંદા કરવામાં આવી હતી. હવે ઉધમપુરમાં આતંકવાદીઓની હાજરી અને એન્કાઉન્ટરથી એ સ્પષ્ટ થઈ રહ્યું છે કે ઘૂસણખોરી અને આતંકવાદી ગતિવિધિઓ ઝડપથી વધી રહી છે અને તેનો વ્યાપ પણ વધી શકે છે.

હાલમાં ડુડુ-બસંતગઢ વિસ્તારમાં વધારાના સુરક્ષા દળો મોકલવામાં આવ્યા છે અને સમગ્ર વિસ્તારને કોર્ડન કરી લેવામાં આવ્યો છે. સુરક્ષા દળોનું સર્ચ ઓપરેશન ચાલુ છે અને દરેક સ્તરે કડક તકેદારી રાખવામાં આવી રહી છે. સરકાર અને સુરક્ષા દળોની યોજનાઓ હવે આતંકવાદીઓના સમગ્ર નેટવર્કને ખતમ કરવા પર કેન્દ્રિત છે.

સુરતના યુવકના મૃત્યુ પર પત્નીનું આક્રંદ, CR પાટીલને કહ્યું: “માર્યા પછી આતંકી હસતો હતો”

News Editor
-
0
સુરતના યુવકના મૃત્યુ પર પત્નીનું આક્રંદ, CR પાટીલને કહ્યું: “માર્યા પછી આતંકી હસતો હતો”

ગત મંગળવારે આતંકી સંગઠન TRFના આતંકીઓએ ધર્મના આધારે 28 હિન્દુ પુરુષોની હત્યા કરી હતી. જેમાં સુરતના SBIના મેનેજર શૈલેષ કળથિયાનું પણ મોત થયું છે. આજે તેમની અંતિમ યાત્રા વખતે તેમના પત્નીએ વિલાપ કર્યો હતો અને સરકાર અને સુરક્ષા સામે સવાલ કર્યા હતા. આ ઉપરાંત ત્યાં હાજર સાંસદ C R પાટીલને કહ્યું હતું કે, મારા ઘરનો આધાર સ્તંભ વયો ગ્યો છે તમે મને પાછો આપો. મારે બીજું કંશુ જોતું નથી. આજ પછી કોઈ દિવસ કોઈ વોટ જ ના આપતા. જો પોતાની ગવર્મેન્ટ પોતાની જ સુવિધા રાખવી છે, તમારા પાછળ કેટલા VIP હોય છે અધિકારીઓ હોય છે. આ ટેક્સ પે કરે છે એનો જીવ જીવ નથી?. આ છોકરાઓનું શું?

પહલગામમાં આતંકી હુમલામાં મૃત્યુ પામનારા શૈલેષ કળથિયાના પત્નીએ વિલાપ કરતાં C R પાટીલને કહ્યું કે, કાશ્મીર ખરાબ નથી ત્યાંની સિક્યોરિટી સારી નથી. ત્યાં એક ઓફિસર નહોતો, કોઈ જવાન નહોતું, જો ત્યાં કોઈ હોત તો આ નો થાત. કોઈ સિક્યોરિટી નહીં. આ બધુ બની ગયું છે છતા નીચે જે મિલિટ્રી હતી એને ખબર જ નહોતી કે ઉપર શું થયું છે. અમે અમારા કોન્ટેક્ટથી ફોન કરીને જાણ કરી પોલીસને, એમ્બ્યુલન્સ બોલાવી ત્યારે મિલિટ્રીવાળાને ખબર પડી કે ઉપર કંઈક થયું છે. પાછા એવું કહેતા હતા મિલિટ્રીવાળા કે અહીં ફરવા શું કામ આવ્યા? લોકોના ઘર બરબાદ કરી દીધા.

તેમણે વધુમાં કહ્યું કે, અમે ત્યાં ફરવા ગયા ત્યારે જ્યાં જોઈએ ત્યાં મિલિટ્રી તો અમને એમ કે આ એક સારામાં સારી જગ્યા છે. સેફ જગ્યા છે. અમારી સામે આવીને બંદૂક મારીને ડસતો હતો ઈ. જ્યાં સુધી જીવ નો ગ્યો ત્યાં સુધી ઊભો રહ્યો. હિન્દુ અને મુસલમાનને અલગ કર્યા મુસલમાનને કાંઈનો કર્યું હિન્દુને ગોળી મારી દીધી અને બધાને નાના નાના છોકરાઓ હતા. ઊભો-ઊભો હસતો હતો જ્યાં સુધી જીવ નો ગ્યો ત્યાં સુધી હસતો હતો. આ કેવી સરકાર છે આપણી?

કશ્મીરનું નામ બદનામ કરો છો, કશ્મીરમાં કંઈ વાંધો નથી. વાંધો આપણી સરકારની સિક્યોરિટીમાં છે. આટલા ટૂરિઝમ ત્યાં હતા ઉપર એક મિલિટ્રી મેન નહીં. કોઈ પોલીસમેન નહીં અને કોઈ ફેસિલિટી પણ નહીં. કોઈ મેડિકલ કેમ્પ નહીં. રસ્તાની સુવિધા નહીં.

તેમણે વધુમાં કહ્યું કે, મારા ઘરનો આધાર સ્તંભ વયો ગ્યો છે તમે મને પાછો આપો. મારે બીજું કંશુ જોતું નથી. આજ પછી કોઈ દિવસ કોઈ વોટ જ ના આપતા. જો પોતાની ગવર્મેન્ટ પોતાની જ સુવિધા રાખવી છે, તમારા પાછળ કેટલા VIP હોય છે અધિકારીઓ હોય છે. આ ટેક્સ પે કરે છે એનો જીવ જીવ નથી?. આ છોકરાઓનું શું? આનું ભવિષ્ય શું? આને ડોક્ટર બનાવવી છે અને આને એન્જિનિયર બનાવવો છે હવે હું કઈ રીતે બનાવીશ? મને ન્યાય જોઈએ મારા છોકરાનું ભવિષ્ય ખરાબ નો થાવું જોઈએ.આ એક નહીં આના જેવા જેટલા ભાઈઓ બધા નિર્દોષ હતા અને બધાને નાના બાળકો હતા.

આર્સેલર મિત્તલ લેશે મોટો નિર્ણય, 600 કર્મચારીઓની થશે છટણી

News Editor
-
0
આર્સેલર મિત્તલ લેશે મોટો નિર્ણય, 600 કર્મચારીઓની થશે છટણી

વિશ્વની સૌથી મોટી સ્ટીલ કંપની આર્સેલર મિત્તલ આશરે 600 જેટલા કર્મચારીઓની છટણી કરવાનું વિચાર્યુ છે. યુરોપીય સ્ટીલ ક્ષેત્રે આવેલા સંકટને કારણે કંપની આ વખતે ભારે મુશ્કેલીઓનો સામનો કરી રહી છે.

એએફપીના રિપોર્ટ અનુસાર લેઓફથી ઉત્તર ફ્રાંસમાં આર્સેલર મિત્તલ કંપનીની સાત સાઇટને અસર થઇ શકે છે, જેમાં આશરે 7,100 લોકો કામ કરે છે. હકાકતમાં અમેરિકી પ્રમુખ ડોનાલ્ડ ટ્રમ્પ દ્વારા 2 એપ્રિલે લગાવવામાં આવેલા ટેરિફને કારણે યુરોપીય સ્ટીલ ઉદ્યોગ હાલમાં ઘણા દબાણ હેઠળ છે. તેની પર 25 ટકા ટેરિફ લગાવવામાં આવી છે. આ જ કારણ છે કે ઉદ્યોગ પર સંકટના વાદળો છવાયા છે અને આર્સેલર મિત્તલની કંપનીમાં રોજગારી ઓછી કરવાનો વિચાર કરી રહી છે.

રિપોર્ટ અનુસાર, ભારતીય મૂળના લક્ષ્મી મિત્તલ અને તેમના પરિવાર આ કંપનીમાં 39.87 ટકા માલિકી ધરાવે છે. જ્યારે 56.20 ટકા હિસ્સો જાહેર શેરધારકો પાસે છે. આર્સેલરમિત્તલ એસ.એ. લક્ઝમબર્ગ સ્થિત એક યુરોપિયન બહુરાષ્ટ્રીય કંપની છે. લક્ષ્મી મિત્તલ આ કંપનીના એક્ઝિક્યુટિવ ચેરમેન છે. આર્સેલરમિત્તલની રચના વર્ષ 2007 માં થઈ હતી. જેમાં આર્સેલરને લગભગ 33 અબજ ડોલરમાં હસ્તગત કરવામાં આવી હતી.

આર્સેલર કંપનીની વેબસાઇટ પર આપવામાં આવેલી માહિતી અનુસાર, ડિસેમ્બર 2024 સુધી, આ કંપનીમાં 1,25,416 કર્મચારીઓ હતા અને 2024 માં કંપનીની આવક 62.24 અબજ ડોલરની હતી. નોંધનીય છે કે અગાઉ એવા અહેવાલો આવ્યા હતા કે ગૂગલ પણ છટણી કરવાની યોજના બનાવી રહ્યું છે, જેમાં વિવિધ એકમોમાંથી લોકોને દૂર કરવાની યોજનાના સમાચાર હતા. જોકે, ગૂગલે ભારતમાં કોઈપણ છટણી અંગે સત્તાવાર નિવેદન આપ્યુ નથી.

૨૪ એપ્રિલ, ૨૦૨૫ / ગુરુવારના દિવશે આ રાશિના જાતકને મળશે શુભ સમાચાર, આજે વેપારમાં મોટા ધનલાભ થવાની સંભાવના, જાણો આજનું રાશિ ભવિષ્ય

News Editor
-
0
૨૪ એપ્રિલ, ૨૦૨૫ / ગુરુવારના દિવશે આ રાશિના જાતકને મળશે શુભ સમાચાર, આજે વેપારમાં મોટા ધનલાભ થવાની સંભાવના, જાણો આજનું રાશિ ભવિષ્ય

મેષઃ

સ્વભાવ થોડો જીદ્દી રહે. આર્થિક ઉપાર્જન શકય બને. પરિવારમાં મનમેળ રહે. કરેલા કાર્ય સફળ થતા જણાય. સંતાન તરફથી શુભ સમાચાર મળે. સ્વાસ્થ્ય સારૂં રહે. નોકરી ધંધામાં લાભ. ઝેરી જીવ. જંતુ કરડવાની શકયતા છે.

વૃષભઃ

આનંદિત દિવસની શરૂઆત થાય. નાણાંકીય બાબતો માટે અનુકુળતા સર્જાય. કાર્યમાં સફળતા નોકરી ધંધામાં લાભ. નવું જાણવાના યોગ બને. આરોગ્ય સારૂં રહે. જીવનસાથી તરફથી લાભ. માન સ‌‌ન્માનમાં વધારો થાય.

મિથુનઃ

સ્વભાવમાં ઉગ્રતા વાર્તય. નાણાંકીય વ્યવહારો સફળ થતા જણાય. કાર્યમાં સફળતા માતા સાથે મતભેદ થાય. સંતાનો તરફથી આનંદ. સ્વાસ્થ્ય સારૂં રહે. જીવનસાથી તરફથી અસંતોષ રહે. ભાગ્ય સારૂં ધાર્મિક બાબતોમાં ખર્ચ થાય.

કર્કઃ

મન ડામોડળ રહે. આવક આવતી જણાય. નાણાંની સરળ હેરફેર શકય બને. મિત્રો થી લાભ. પરિવારમાં શાંતિ જળવાય. કરેલા રોકાણો માંથી વળતર મળતું જણાય. ઉત્તમ દામ્પત્ય સુખ મળે. સામાન્ય શરદી ખાંસી રહે.

સિંહઃ

સમગ્ર દિવસ દરમ્યાન આનંદની અનુભુ‌િત થાય. આર્થિક મોરચે સફળતા. પરિવારના સભ્યોની પ્રગતિ થી આનંદ, સ્થાવર જંગમ મિલકત થી ફાયદો. સંતાનો તરફથી અસંતોષ પાણીના રોગો થી સાચવવું. ભાગ્યમાં વૃધ્ધિ થાય.

કન્યાઃ

સરળ નિખાલસ સ્વાભાવ રહેશે. આર્થિક દષ્ટિઅે ફાયદો કાર્ય સફળતા મળશે. માતા તરફથી અસંતોષ ,નવું રોકાણ ટાળવું. સંતાન તરફથી ઉત્તમ આરોગ્ય જળવાય. જીવનસાથી સાથે પ્રેમ જળવાય. આધા‌ત્મિ ઉન્નતિ અનુભવાય.

તુલાઃ

આળસ આવે. કામ કરાવાની ઇરછા ન થાય. આર્થિક રીતે સામાન્ય દિવસ. પરિવારમાં અસંતોષ ની ભાવના પેદા થાય. હદયમાં થોડો અજંપો રહે. સંતાનો તરફથી સારા સમાચાર મળે. આરોગ્ય જળવાય. ધાર્મિક ભાવના માં વૃધ્ધિ થાય.

વૃશ્ચિકઃ

સ્વાભાવમાં ઉગ્રતા જલ્દી ખોટું લાગી જાય. નાણાંકીય બાબતોમાં સાવધાની જરૂરીય પરિવારમાં આનંદ. કાર્ય માં સફળતા કરેલા રોકાણોનું સારૂ વળતર મળે. સંતાન બાબતમાં સામાન્ય. જીવનસાથી સાથે મતભેદ ની શકયતા.

ધનઃ

માનસિક અશાંતિ રહે. નાણાંકીય વ્યવહારોમાં સફળતા. કાર્યક્ષેત્રે સફળતા. માતા સાથે મતભેદ ની શકયતા. સંતાન તરફથી આનંદ રહે. આરોગ્ય સારૂં રહે. જીવનસાથી સાથે સંતોષ ની ભાવના રહે. નોકરી ધંધામાં સામાન્ય.

મકરઃ

આત્મવિશ્વાસમાં વધારો. નાણાંકીય બાબતોમાં લાભ. કરેલા કાર્યમાં અસફળતા. અગત્યના કાર્યો ટળવા. કરેલા રોકાણો માંથી સારૂં વળતર મળે. સંતાન તરફથી સારા સમાચાર મળે. હાડકાનો દુઃખાવો અનુભવાય. નોકરી ધંધામાં રાહત.

કુંભઃ

જરૂરી વસ્તુ ખોવાઇ જાય. હુડ પોઇઝનીંગ ની શકયતા. આવકમાં વધારો. નોકરી ધંધામાં પ્રગતિ થાય. ભાગ્યમાં વ‌ૃધ્ધિ થાય. મિત્રને તમારે મદદ કરવી પડે. ખર્ચનું પ્રમાણ વધે. હકારાત્મક વિચારો કરવા.

મીનઃ

ઉદાર દીલ રહે. નવી વિધા પ્રાપ્ત કરી શકાય. કાર્યમાં સફળતા જણાય. સંતાન તરફથી શુભ સમાચાર મળે. આંખની કાળજી રાખવી. બહેનોને ગભાશય, સંબંધી રોગો થી સાચવવું. ભાગ્ય બળવાન છે. નોકરી ધંધામાં સમાન્ય. મિત્રોથી લાભ.

પેહલગામ હુમલા બાદ મોટો નિર્ણય: સિંધુ જળ સંમતિ રદ, અટારી ચેકપોસ્ટ બંધ

News Editor
-
0
પેહલગામ હુમલા બાદ મોટો નિર્ણય: સિંધુ જળ સંમતિ રદ, અટારી ચેકપોસ્ટ બંધ

જમ્મુ-કાશ્મીરના પેહલગામમાં થયેલા આતંકી હુમલાને લઈને વડાપ્રધાનના નિવાસસ્થાને સુરક્ષા સંબંધિત કેબિનેટ સમિતિની બેઠક મળી. વડાપ્રધાન નરેન્દ્ર મોદીની અધ્યક્ષતામાં મળેલી આ બેઠકમાં ગૃહમંત્રી અમિત શાહ, સંરક્ષણ મંત્રી રાજનાથ સિંહ, વિદેશ મંત્રી ડૉ. એસ. જયશંકર, એનએસએ અજીત ડોભાલ તથા અન્ય અધિકારીઓ ઉપસ્થિત રહ્યા.

અધિકારીઓએ જણાવ્યું હતું કે વિદેશ સચિવ વિક્રમ મિસ્રી પણ બેઠકમાં હાજર રહ્યા. વિદેશ સચિવ વિક્રમ મિસ્રીએ જણાવ્યું કે આ બેઠક પછી ભારત સરકારે પાકિસ્તાન સાથેનો સિંધુ જળ સંમતિ રદ કરી દીધો છે. સાથે અટારી ચેકપોસ્ટ પણ બંધ કરી દેવામાં આવી છે.

ઉલ્લેખનીય છે કે વડાપ્રધાન મોદી બુધવારે સવારે સાઉદી અરેબિયાની મુલાકાત અડધે રસ્તે છોડીને ભારત પાછા ફર્યા હતા. જ્યારે ગૃહમંત્રી અમિત શાહ મંગળવારે સાંજે શ્રીનગર પહોંચ્યા હતા અને બુધવારે ત્યાં સ્થિતિની સમીક્ષા કરી. ત્યારબાદ દિલ્હી પાછા આવીને CCSની બેઠકમાં ભાગ લીધો.

7000mAh બેટરી અને 50MP કેમેરા સાથે Oppo K12s સ્માર્ટફોન લોન્ચ, જુઓ

News Editor
-
0
7000mAh બેટરી અને 50MP કેમેરા સાથે Oppo K12s સ્માર્ટફોન લોન્ચ, જુઓ

ચીનની સ્માર્ટફોન કંપની ઓપ્પોએ તેના નવીનતમ K-સિરીઝ ફોન Oppo K12s સાથે બજારમાં દમદાર એન્ટ્રી કરી છે. Snapdragon 6 Gen 4 પ્રોસેસર દ્વારા સંચાલિત આ સ્માર્ટફોન 6.67 ઈંચની AMOLED ડિસ્પ્લે, 120Hz રિફ્રેશ રેટ અને 7000mAhની પાવરફુલ બેટરી સાથે આવે છે. ડ્યુઅલ રિયર કેમેરા સેટઅપમાં 50MPનો પ્રાઇમરી સેન્સર અને 2MPનો મોનોક્રોમ લેન્સ છે. ફોનમાં 16MP સેલ્ફી કેમેરો છે. એન્ડ્રોઇડ 15 આધારિત ColorOS 15 સાથે આવતો આ ફોન યુઝર્સને સ્મૂથ અને ફાસ્ટ પરફોર્મન્સ આપે છે.

કિંમત અને વેરિઅન્ટ્સ:
Oppo K12s ચાર સ્ટોરેજ વિકલ્પોમાં આવે છે: 8GB + 128GB વેરિઅન્ટની કિંમત 1,199 યુઆન (લગભગ ₹14,000), 8GB + 256GB માટે ₹16,000, 12GB + 256GB માટે ₹18,000 અને ટોપ વેરિઅન્ટ 12GB + 512GB માટે ₹20,000 સુધીની કિંમત રાખવામાં આવી છે. ફોન રોઝ પર્પલ, પ્રિઝમ બ્લેક અને સ્ટાર વ્હાઇટ કલરમાં ઉપલબ્ધ છે. કંપનીએ માહિતી આપી છે કે ચીનમાં તેની વેચાણ તારીખ 25 એપ્રિલથી શરૂ થશે.

ઝબઝબતી બેટરી અને ઝડપી ચાર્જિંગ:
ફોનની સૌથી મોટો હાઈલાઈટ તેની 7000mAh બેટરી છે જે 80W ફાસ્ટ ચાર્જિંગને સપોર્ટ કરે છે. માત્ર 30 મિનિટમાં ફોન 62% સુધી ચાર્જ થઈ શકે છે. કંપનીનો દાવો છે કે ફોન એક વખત ચાર્જ કર્યા પછી 49.4 કલાક કોલિંગ અને 14.9 કલાક વીડિયો કોલિંગ માટે ચાલે છે. IP65 રેટિંગ સાથે ડસ્ટ અને વોટર રેઝિસ્ટન્ટ હોવાથી Oppo K12s સતત ઉપયોગ માટે એક મજબૂત ઓપ્શન સાબિત થાય છે. ડિઝાઇન, પાવર અને કિંમત – બધાની સાજી મિક્સ આપતો આ ફોન ભારતીય બજારમાં પણ ધમાલ મચાવી શકે છે.

Oppo K12s સ્માર્ટફોનમાં ફોટોગ્રાફી માટે ડ્યુઅલ રિયર કેમેરા સેટઅપ આવે છે. આ ડિવાઇસમાં ઓટોફોકસ અને એપર્ચર એફ/1.8 સાથે 50 મેગાપિક્સલનું પ્રાઇમરી અને 2 મેગાપિક્સલનું મોનોક્રોમ સેન્સર હોવાનો દાવો કરવામાં આવ્યો છે. ફ્રન્ટની વાત કરીએ તો સ્માર્ટફોનમાં 16 મેગાપિક્સલનો ફ્રન્ટ કેમેરો આપવામાં આવ્યો છે. ફોનમાં ડસ્ટ અને સ્પ્લેશ રેઝિસ્ટન્સ છે અને તે IP65 રેટિંગ સાથે આવે છે.

પહેલગામ આતંકી હુમલાની ખુશી વ્યક્ત કરનાર મોહમ્મદ નૌશાદ ઝડપાયો

News Editor
-
0
પહેલગામ આતંકી હુમલાની ખુશી વ્યક્ત કરનાર મોહમ્મદ નૌશાદ ઝડપાયો

જમ્મૂ-કાશ્મીરના પહેલગામમાં થયેલા આતંકી હુમલા પર ખુશી વ્યક્ત કરી આતંકી સંગઠન લશ્કર-એ-તૈયબા અને પાકિસ્તાનને સોશિયલ મીડિયા પર શુભેચ્છા આપનાર મોહમ્મદ નૌશાદને ઝારખંડના બોકારોથી ધરપકડ કરવામાં આવી છે. પોલીસે બુધવારે બોકારોના મખદૂમપુરથી આરોપીની ધરપકડ કરી હતી।

35 વર્ષીય આરોપી મોહમ્મદ નૌશાદે બિહારના એક મદરસામાં કુરાનની તાલીમ મેળવી ડિગ્રી હાંસલ કરી છે. હાલમાં તે પિતા સાથે બોકારોમાં રહે છે. તેનો એક ભાઈ દુબઇમાં રહે છે, જેના નામે આલોટ થયેલા સિમકાર્ડનો ઉપયોગ કરીને નૌશાદ ઇન્સ્ટાગ્રામ, X (પૂર્વે Twitter) અને ફેસબુક ચલાવતો હતો।

બુધવારે જ્યારે આખો દેશ હુમલામાં મારેલા લોકો માટે શોકમાં ડૂબેલો હતો, ત્યારે નૌશાદ રાત્રે આતંકીઓને વધામણીઓ આપી રહ્યો હતો।

નૌશાદે X પર ઉર્દૂમાં લખ્યું: “શુક્રિયા પાકિસ્તાન, શુક્રિયા લશ્કર-એ-તૈયબા, અલ્હાહ તને હંમેશા ખુશ રાખે, આમીન, આમીન। વધુ ખુશી ત્યારે થશે જ્યારે RSS, ભાજપ, બજરંગ દળ અને મીડિયાને નિશાન બનાવવામાં આવે।” આ સાથે તેણે ત્રણ સ્માઈલી ઇમોજી મૂકીને પોતાની ખુશી દર્શાવી હતી। બાદમાં પણ તેણે ઘણા ટ્વીટ્સ કર્યા જેમાં ઘણી અયોગ્ય અને ઉશ્કેરણીજનક વાતો લખેલી હતી।

નૌશાદના ટ્વીટ બાદ લોકો સતત ઝારખંડ પોલીસને ટેગ કરીને કડક કાર્યવાહી કરવાની માંગ કરી રહ્યા હતા। આરોપી અગાઉ પણ સોશિયલ મીડિયામાં અનેક ઉશ્કેરણીજનક પોસ્ટ કરી ચૂક્યો છે, જેને લઈ લોકો તેની અગાઉથી પણ ફરિયાદ કરી ચૂક્યા છે। હવે તેણે ફરીથી પુલવામા હુમલા સંદર્ભે ઝેરીપણાની હદે પાર કરી દીધી છે।

મામલાની ગંભીરતા અને સંવેદનશીલતાને ધ્યાનમાં રાખી એસપી મનોજ સ્વર્ગિયારીએ ટેકનિકલ સેલને સામેલ કરીને ઇન્સ્પેક્ટર નવિનકુમારસિંહની આગેવાની હેઠળ એસઆઈટી રચી। એસઆઈટીએ આખી રાત પ્રયત્ન કર્યા બાદ બુધવારે સવારે નૌશાદની ધરપકડ કરી હતી। પોલીસે હાલ તેનો પૂછપરછ ચાલી રહી છે અને તેના સામે એફઆઈઆર નોંધવાની પ્રક્રિયા ચાલુ છે. ત્યારબાદ તેને અદાલત સમક્ષ રજૂ કરવામાં આવશે।

સુરતમાં ટ્રાન્સજેન્ડર સમુદાય માટે BAOU દ્વારા વિશેષ સંવાદ કાર્યક્રમ યોજાયો

News Editor
-
0
સુરતમાં ટ્રાન્સજેન્ડર સમુદાય માટે BAOU દ્વારા વિશેષ સંવાદ કાર્યક્રમ યોજાયો

રાજ્ય સરકાર દ્વારા ૧૯૯૪માં સ્થાપિત NAAC A++ ગ્રેડથી ધરાવતી રાજ્યની એકમાત્ર ઓપન યુનિવર્સિટી એવી ડૉ.બાબાસાહેબ આંબેડકર ઓપન યુનિવર્સિટી–અમદાવાદ દ્વારા યુનિ.ના પ્રાદેશિક કેન્દ્ર, સુરત ખાતે ટ્રાન્સજેન્ડર સમુદાય માટે વિશેષ સંવાદ કાર્યક્રમ યોજાયો હતો. જેમાં ૫૫ થી વધુ ટ્રાન્સજેન્ડર સભ્યો ઉપસ્થિત રહ્યા હતા.

કુલગુરુશ્રીએ ટ્રાન્સજેન્ડર સમુદાય શિક્ષિત, સશક્ત બને અને સમાજના મુખ્ય પ્રવાહમાં જોડાય એ માટે માર્ગદર્શન આપ્યું હતું. તેમણે જણાવ્યું કે, BAOU એ રાજ્યની એકમાત્ર ઓપન યુનિવર્સિટી છે, જે NAAC માં A++ ગ્રેડ ધરાવે છે. યુનિવર્સિટી દ્વારા ટ્રાન્સજેન્ડરોને નિ:શુલ્ક શિક્ષણ પ્રદાન કરવામાં આવે છે, અને આવનારા સમયમાં પણ આ સમુદાય માટે વધુ શૈક્ષણિક સુવિધાઓ ઊભી કરવાની તત્પરતા દાખવી હતી.

EC મેમ્બર ડો. રાજેશ રાણાએ કુલગુરુના માર્ગદર્શન હેઠળ ટ્રાન્સજેન્ડર સમુદાયને નિ: શુલ્ક શિક્ષણ તથા મુખ્ય પ્રવાહમાં લાવવા માટે પ્રશંસનીય પ્રયાસોને બિરદાવ્યા હતા.

1...465466467...1,463Page 466 of 1,463