કેન્દ્ર સરકારે નેશનલ હાઇવે પરના ટોલ ટેક્સમાં 50 ટકા સુધીનો ઘટાડો કર્યો હોવાની માહિતી પ્રકાશમાં આવી છે. જેમાં સરકારે સરકારે ટનલ, બ્રિજ, ફ્લાયઓવર અથવા એલિવેટેડ રોડ જેવા માળખા ધરાવતા નેશનલ હાઇવેના ભાગો માટે ટોલ દરમાં 50 ટકા સુધીનો ઘટાડો કર્યો છે. આ પગલાથી વાહનચાલકો માટે મુસાફરી ખર્ચમાં ઘટાડો થશે. નેશનલ હાઇવેપર ટોલ પ્લાઝા પર યુઝર્સ ફી નેશનલ હાઇવે 2008 નિયમો મુજબ વસૂલવામાં આવે છે. જ્યારે માર્ગ પરિવહન અને નેશનલ હાઇવે મંત્રાલયે 2008ના નિયમોમાં સુધારો કર્યો છે અને ટોલ કિંમતોની ગણતરી માટે એક નવી ફોર્મ્યુલા સૂચિત કરી છે.

ટોલ કિંમતોની ગણતરી માટે એક નવી ફોર્મ્યુલા સૂચિત
બુધવારે જાહેર કરાયેલ પરિપત્રઅનુસાર, “નેશનલ હાઇવે સ્ટ્રક્ચર અથવા સ્ટ્રક્ચર પરના સ્ટ્રેચ માટે ટોલ દરની ગણતરી નેશનલ હાઇવે સેક્સનની લંબાઈમાં સ્ટ્રક્ચર અથવા સ્ટ્રક્ચર ની લંબાઈના દસ ગણા ઉમેરીને કરવામાં આવશે. જેમાં સ્ટ્રક્ચર ની લંબાઈ સિવાય અથવા નેશનલ હાઇવેના સેક્સનની કુલ લંબાઈના પાંચ ગણા જે પણ ઓછું હોય તે ઉમેરીને કરવામાં આવશે. આમાં, ‘સ્ટ્રક્ચર’ નો અર્થ સ્વતંત્ર પુલ, ટનલ, ફ્લાયઓવર અથવા એલિવેટેડ હાઇવે થાય છે.

મુસાફરો નિયમિત ટોલ કરતાં દસ ગણો ટોલ ચૂકવે છે
જ્યારે હાલના નિયમો મુજબ નેશલન હાઇવે પર દરેક કિલોમીટરના માળખા માટે મુસાફરો નિયમિત ટોલ કરતાં દસ ગણો ટોલ ચૂકવે છે. નેશનલ હાઇવે ઓથોરિટી ઓફ ઇન્ડિયા (NHAI) ના એક વરિષ્ઠ અધિકારીએ જણાવ્યું હતું કે વર્તમાન ટોલ ગણતરી ફોર્મ્યુલાનો હેતુ આવા માળખાગત સુવિધાઓ સાથે સંકળાયેલા ઊંચા બાંધકામ ખર્ચને વળતર આપવાનો છે. અધિકારીએ જણાવ્યું હતું કે માર્ગ પરિવહન અને નેશનલ હાઇવે મંત્રાલય દ્વારા જાહેર કરાયેલ સુધારેલા જાહેરનામામાં ફ્લાયઓવર, અંડરપાસ અને ટનલ જેવા વિસ્તારો માટે ટોલ દરમાં 50 ટકા સુધીનો ઘટાડો કરવામાં આવ્યો છે.

પાકિસ્તાન વિરુદ્ધ ભારતના ઓપરેશન સિંદૂરની સફળતા કોઈથી છુપાયેલી નથી. ભારતીય સેનાના ડેપ્યુટી ચીફ ઓફ આર્મી સ્ટાફ લેફ્ટનન્ટ જનરલ રાહુલ આર. સિંહે એક કાર્યક્રમને સંબોધિત કરતા કહ્યું કે અમે ઓપરેશન સિંદૂરમાંથી ચોક્કસપણે ઘણા પાઠ શીખ્યા છીએ. લેફ્ટનન્ટ જનરલ સિંહે FICCI ના એક કાર્યક્રમને સંબોધિત કરતા કહ્યું કે યુદ્ધ એક સરહદ પર થઈ રહ્યું હતું પરંતુ વિરોધીઓ ત્રણ હતા. પાકિસ્તાન મોરચે હતું પરંતુ ચીન તેને શક્ય તેટલી મદદ કરી રહ્યું હતું. જોકે, આમાં આશ્ચર્યજનક કંઈ નથી. છેલ્લા પાંચ વર્ષમાં પાકિસ્તાન જે શસ્ત્રોનો ઉપયોગ કરી રહ્યું છે તેમાંથી 81 ટકા શસ્ત્રો ચીનના છે.

તુર્કીએ પણ પાકિસ્તાનને ટેકો આપવામાં મહત્વપૂર્ણ ભૂમિકા ભજવી હતી
તેમણે કહ્યું કે ચીન તેના શસ્ત્રોનું પરીક્ષણ અન્ય શસ્ત્રો સાથે કરી રહ્યું છે. તે લાઈવ લેબ જેવા તેના શસ્ત્રોનું પરીક્ષણ કરી રહ્યું છે. તુર્કીએ પણ પાકિસ્તાનને ટેકો આપવામાં મહત્વપૂર્ણ ભૂમિકા ભજવી હતી. તે સતત પાકિસ્તાન સાથે હતું. તેમણે કહ્યું કે જ્યારે ભારત અને પાકિસ્તાન બંને તરફથી DGMO સ્તરની વાતચીત ચાલી રહી હતી, ત્યારે પાકિસ્તાનને ચીન તરફથી અમારા વેક્ટર્સના લાઈવ અપડેટ્સ મળી રહ્યા હતા. આપણને એક મજબૂત હવાઈ સંરક્ષણ પ્રણાલીની જરૂર છે જેથી ભવિષ્યમાં આવા પડકારોનો સામનો કરી શકાય. રાહુલ આર. સિંહે કહ્યું કે આ સમય દરમિયાન આપણા કેટલાક સ્વદેશી શસ્ત્રો સારી રીતે કામ કરી શક્યા. પરંતુ કેટલાક ન કરી શક્યા.

આપણે ભવિષ્ય માટે તૈયાર રહેવું પડશે!
તેમણે કહ્યું કે ઓપરેશન સિંદૂર દરમિયાન, પાકિસ્તાનને ચીન તરફથી લાઈવ ઇનપુટ્સ મળી રહ્યા હતા. આપણે તેના પર ઝડપથી કામ કરવું પડશે. જ્યાં સુધી ઇલેક્ટ્રોનિક યુદ્ધનો સવાલ છે. આપણે આપણી હવાઈ સંરક્ષણ પ્રણાલીને મજબૂત બનાવવી પડશે. આપણી પાસે ઇઝરાયલ જેવી આયર્ન ડોમ નથી. આપણી પાસે તે પ્રકારની લક્ઝરી નથી કારણ કે આપણો દેશ ખૂબ મોટો છે અને આ વસ્તુઓ માટે ઘણા પૈસા ખર્ચ થાય છે. આપણે ભવિષ્ય માટે તૈયારી કરવી પડશે અને ભવિષ્ય માટે તૈયાર રહેવું પડશે.

ભારતીય સેનાએ 7 મેની રાત્રે ‘ઓપરેશન સિંદૂર’ શરૂ કર્યું
તમને જણાવી દઈએ કે 22 એપ્રિલના રોજ પહેલગામ હુમલાના જવાબમાં, ભારતીય સેનાએ 7 મેની રાત્રે ‘ઓપરેશન સિંદૂર’ શરૂ કર્યું. આ અંતર્ગત, ભારતીય સેનાએ પાકિસ્તાન અને Pok માં 9 આતંકવાદી ઠેકાણાઓને ઉડાવી દીધા હતા. આનાથી હતાશ થઈને, પાકિસ્તાની સેનાએ ભારતીય લશ્કરી અને નાગરિક લક્ષ્યોને નિશાન બનાવવાનો પ્રયાસ કર્યો, જેને ભારતીય સેનાએ નિષ્ફળ બનાવ્યો હતો. ચાર દિવસના લશ્કરી મુકાબલા પછી, 10 મેના રોજ ભારત અને પાકિસ્તાન વચ્ચે યુદ્ધવિરામની ઘોષણા કરવામાં આવી હતી.

ચીન તરફથી પાકિસ્તાનને સતત લશ્કરી સહાય
સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યુટ (SIPRI) અનુસાર, 2015 થી, ચીને પાકિસ્તાનને લગભગ $8.2 બિલિયનના શસ્ત્રો વેચ્યા છે. 2020-2024 વચ્ચે, ચીનની શસ્ત્ર નિકાસનો 63% હિસ્સો ફક્ત પાકિસ્તાનને જ ગયો છે. પાકિસ્તાનના ફાઇટર એરક્રાફ્ટના કાફલાનો અડધાથી વધુ ભાગ ચીનથી આવ્યો છે, જેમાં JF-17 થંડર (ચીન-પાકિસ્તાન સહ-વિકસિત) અને J-10C મલ્ટીરોલ ફાઇટરનો સમાવેશ થાય છે. હવે પાકિસ્તાન 40 શેનયાંગ J-35 સ્ટીલ્થ ફાઇટરનો પણ સમાવેશ કરવાની યોજના બનાવી રહ્યું છે. આ શસ્ત્રો દ્વારા, પાકિસ્તાનને સ્ટીલ્થ ક્ષમતા મળશે, જે અત્યાર સુધી માત્ર થોડી વૈશ્વિક શક્તિઓ પાસે જ છે.